تعليقات على عناوين صحف الاثنين 31 يوليو 2017م

على مسؤوليتي
تعليقات على عناوين صحف الاثنين 31 يوليو 2017م
🔹 الحرية لعاصم عمر ولكل طلاب التعليم العالي
🔹 الحرية لدكتور مضوي ابراهيم وعلاء الدين الدفينة وكافة معتقلي الرأي
🔹 فلنواصل الضغط من أجل :
* اعتراف النظام بوباء الكوليرا
* إيقاف قرار تصدير اناث الماشية
* الكشف عن هوية موردي المخدرات المحمين من النافذين
📰 الجريدة
🔹 مواطنون بسنكات يغلقون الطريق القومي بسبب اختفاء سيارة أقلت طفلاً مصاباً
اختفاء سيارة عديل كدا ضربوها الإسرائيليين تاني ولا شنو 😳😳
📰 الجريدة
🔹 التحالف الديمقراطي للمحامين يطلق حملة لتنقيح السجل الانتخابي
لازم السجل يتنقح تمام والرول يتراجع عشان مايجينا عقيد شرطة من حلفا وجزار من الابيض يصوتوا للكيزان ✌🏻✌🏻
📰 الجريدة
🔹 غندور : توجد مجموعات مستفيدة من استمرار الحصار الأمريكي على السودان
مجموعات غير الكيزان الحولو عملة البلد كلها لي حساباتهم وعملو مكاتب في الخليج وأوربا لتحويل العملة بسعر فائدة 😬😬
📰 الجريدة
🔹 عائدون من السعودية يحتجون على تصريحات مسؤول جهاز المغتربين
حمد لله علي سلامتكم ياخ تصدقوا لما كنتو في السعودية في زول مانافع قال لينا الحسو كوعكم 😂😂
📰 الجريدة
🔹 إستمرار عطل (كمبيوتر) محكمة الحاج يوسف وتذمر المواطنين
والرسوم والدمغات البدفعوها المتقاضين دي قاعدة تمشي وين يا وزارة العدل 😡😡
📰 أخبار اليوم
🔹 الكشف عن أسرار اختفاء ثلاثة أشخاص وفتوى حول الشائعات
فتوي عديل كدا يعني كل البحصل دا عاوزين تكذبوا تقولوا انو ابتلاء لانكم متمسكين بالشريعة 😡😡
📰 أخبار اليوم
🔹 البشير يؤكد حرص الحكومة على تعزيز التعايش السلمي بين كافة الأديان بالبلاد
ياخ انتو اصحاب الدين الواحد بتفرقوا بيناتهم وتولعوا الحروبات 😬😬
📰 المستقلة
🔹 المالية : تمديد العقوبات ساهم في ارتفاع أسعار الدولار
تمديد العقوبات ولا فسادكم وتحويلكم لاموال الشعب لفلل في دبي واستثمارات في ماليزيا 😡😡
📰 المستقلة
🔹 غندور : الحظر سيرفع (ورأس شعبنا مرفوع)
شعب شنو الانتو بترفعوا راسو ياغندور ياخ انتو موية وشكم بعتوها ودا غير جريكم جري السواد 😝😝
📰 الوطن
🔹 علي حامد : هيئة الموانئ مجتهدة في تشغيل الميناء بصورة جيدة.. وزيادة في حركة السفن
الاتنين ماببقن ياعلي حامد تاكلوا قروش الميناء وتفرضوا اتاوات وعاوزنو يشتغل عادي 😬😬
📰 الوطن
🔹 نهر النيل.. جهاز أشعة مقطعية واحد والصحة تدعم المؤتمر الوطني
ديل عادي الجهاز دا ذاتو ممكن يبيعوهو لمناشط الوطني فمن امن العقاب اساء الادب 😡😡
📰 سودان فيشن
🔹 خطوات حكومية لنزع فتيل الشائعات
الفتيل مش ماسكين الغطاء بتاعو جماعتكم الزودتو ليهم صلاحياتهم بعد الحوار بتاعكم المزعوم 😡😡
📰 آخر لحظة
🔹 جماع : التهريب مهدد أمني يؤرق البلاد
جماع خليك واضح عاوز كم من القروش الدفعوها الغربيين لمكافحة التهريب عشان تسكت 😂😂
📰 آخر لحظة
🔹 حمدي : (المستثمرين صابرين علينا صبر أيوب)
وانت لسة بتفتش في طريقة تاكل بيها قروشنا وتقسمها معاهم عبر بنك المال المتحد 😳😳
📰 آخر لحظة
🔹 بلال : الدولة لا تدار (بوسائل التواصل)
الدولة عندك يابلال بتدار بتهديد المالية انهم لو ما مررو ليك معاملتك تكشف رسوم علاج ود الوزير 😬😬
📰 اليوم التالي
🔹 جولة لليوم التالي تكشف عن زيادة 8% في أسعار الأدوية
زيادة 8% علي الزيادة القريبة دي ولا براها 🤔🤔
📰 اليوم التالي
🔹 كبير أساقفة كانتربيري يعلن بداية جديدة للمسيحية في السودان
والناس العاملين فيها حماة الدين ديل سكتوا كدا مالهم 😳😳
📰 السوداني
🔹 وزير الخارجية : العقوبات سترفع في أكتوبر (إذا ربنا جنبنا الشواطين)
الموظف الجديد في الديوان الملكي محسوب مع الشواطين ولا معاكم 😂😂
📰 السوداني
🔹 البشير : الكنائس لم تتعرض لأي اعتداء بالبلاد
والكنيسة الهدمتوها في شرق النيل قبل شهر عاوزين تبنوها ليهم عمارة 6 طوابق ولا شنو 🤔🤔
📰 الصيحة
🔹 هيئة العلماء : نشر الشائعات والأكاذيب يخالف الدين وأعراف المجتمع
والسرقة وفساد المسؤولين والتنازل عن اراضي الوطن مابخالف اي حاجة 😡😡
📰 المجهر السياسي

🔹 رئيس القضاء يوجه بتشديد العقوبة في جرائم المعلوماتية المتعلقة بالنشر الضار
وجرائم اختلاس اموال التلفزيون وضبطية مخدرات المك نمر ومكتب الوالي بتفتح ملفهم متين 😬😬
📰 الانتباهة
🔹 اعتقال ناظري عموم الرزيقات و المعاليا
اعتقال لناظرين عديل كدا دي شورة حميدتي ولا شنو 😳😳
📰 الانتباهة
🔹 المركزي يضخ أموالاً للسيطرة على الدولار
تسيطرو عليهو كيف مع الجنية البتوقع زي زول الخرشة دا 😅😅
📰 التيار
🔹 كتلة برلمانية : نرفض تعديل الدستور لترشيح البشير في انتخابات 2020م
البشير كان سمع بالكتلة دي يقول ليكم الكتراااابة ديل مش عينتهم انا في برلماني 😝😝
📰 التيار
🔹 البنك المركزي يعلن إجراءات جديدة لخفض ارتفاع الدولار
الا تقولو الدولار دا مسكتو كوليرا ولا تقولو في ناس بخطفوا الدولار حتي الناس تقيف من تخزينو 😂😂
😝 بشير اربجي 😝
😝 Basheer Arbagi

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق