تعليقات على عناوين صحف السبت 05 أغسطس 2017م

على مسؤوليتي
تعليقات على عناوين صحف السبت 05 أغسطس 2017م
🔹 الحرية لعاصم عمر ولكل طلاب التعليم العالي
🔹 الحرية لدكتور مضوي ابراهيم وعلاء الدين الدفينة وكافة معتقلي الرأي
🔹 فلنواصل الضغط من أجل :
* اعتراف النظام بوباء الكوليرا
* الغاء قرار تصدير اناث الماشية
* الكشف عن هوية موردي المخدرات المحمين من النافذين
📰 الجريدة
🔹 كمال عمر يطالب ببيع عربات النواب والدستوريين وترحيلهم بحافلات
الدستوريين ديل عربات نسوانهم مابرضو تتهبش دا اذا افترضنا فيك حسن النية 😅😅
📰 الجريدة
🔹 عمال الشحن والتفريغ : وافقنا علي المؤسسات بعد تراجع الوالي عن الشركات
ماتطمئنوا الوالي دا بعمل ليكم مؤسسات زيها وزي الشركات الخاصة 😡😡
📰 الجريدة
🔹 تسجيل 6 حالات وفاة بسبب امطار الخميس
في كل الدنيا المطر بفيد الناس الا في السودان ممكن يقتل ويدمر الممتلكات 😬😬
📰 الصحافة
🔹 السلطات المصرية تعتقل 222 سودانيا بحلايب
الغريب شنو السلطات المصرية بتستخدم سلطاتها علي أراضي تحت سيطرتها 😬😬
📰 أخبار اليوم
🔹 مصرع “7” أشخاص وانهيار منازل وانقطاع 21 خطا كهربائيا جراء أمطار الخرطوم
انقطعوا 21 خط فضل كم خط يعني شغالات 😡😡

📰 الوطن
🔹 الكاردينال .. فضيحة بـ (جلاجل) في انتخابات الهلال
ياخ الخج في انتخابات الرئاسة 2015م كان قدر الضربة هلال شنو كمان 😡😡
📰 الوطن
🔹 السجن (5) سنوات لمروجي الإشاعات عبر (واتساب)
الاشاعات دي بتطلع عن مدير مكتب الرئيس وبتعين في الديوان الملكي السعودي وانتو ساكتين 😬😬
📰 الوطن
🔹 أمطار الخرطوم .. غياب كامل لحكومة الولاية وإشادة بالشرطة
التحية لرجال شرطة المرور الذين وقفوا طوال الليل لفك الاختناقات المرورية 👍🏻👍🏻
📰 الوطن
🔹 وزير بالحكومة : خلافة البشير ستحدد لاحقاً
لاحقا دي بعد الله يشيل امانتو ولا شنو يا سعادتك 😳😳
📰 سودان فيشن
🔹 حكومة جنوب كردفان ترحب بقرارات الحلو وتؤكد رغبة الطرفين لإنهاء الحرب
وبتقتسموا الثروة والسلطة زي زمان ولا كيف 😡😡
📰 سودان فيشن
🔹 عبود جابر : قرار المحكمة الامريكية يستهدف السودان ويتنافي مع العدالة
ومشاركتك اللصوص في الحكم بيحقق عدالة ياعبود 😬😬
📰 اليوم التالي
🔹 الرئاسة تطالب الرياضيين بالتوافق على ميثاق الشرف
الرياضيين لما يشوفوا الشرف عند القيادات بتواثقوا عليهو بدون يطلبوهو منهم 😂😂
📰 الصيحة
🔹 مجمع الفقه يستنكر إتهام عبد الحي بدعم (داعش)
اصلا لو الموضوع تطرف مفترض الناس تتهم(داعش) باتباع عبد الحي 😡😡
📰 الصيحة
🔹 الشعبي يطالب باطلاق سراح د مضوي وابراهيم الشيخ
يا كمال عمر ما تتاجروا بالمعتقلين زي متاجرتكم بتعديل قانون الامن 😬😬
📰 السوداني
🔹 إعتقال وزير المالية الأثيوبي لاتهامه بالفساد
نحن هنا الواحد لو مابقي فاسد وباع زيت فاسد وزارة المالية دي ولا بجي بي عندها 😝😝
📰 السوداني
🔹 البشير يصل طنجة ولقاء مرتقب مع العاهل السعودي
انتو الدعوة بتاعة المغرب دي بتجي من وين ياطه البشير دا كل مايمشي المغرب بلقي سلمان هناك 😳😳
📰 آخر لحظة
🔹 ابو الحسن فرح : مجموعة (كومبارس) تسيطر علي الحزب الاتحادي
دي المجموعة البقودها الحسن (سينا) يا دكتور ابو الحسن 😅😅
📰 آخر لحظة
🔹 اجتماع طاريء لمعالجة مشكلات نواب الحوار
اجتماعات شنو بطلوا ثقالة وجرجرة الناس ديل قالو ليكم عاوزين قروش عديل كدا 😡😡
📰 الانتباهة
🔹 ضبط أجانب تحصوا على وثائق سفر من السفارة السودانية بالرياض
السفارة دي عينو فيها جماعة مكتب الخضر بعد فضيحة هنا ولا شنو 😳😳
📰 الانتباهة
🔹 الرئيس يدخل في إجازة بضعة أيام بالمغرب
البيأخد إجازة دا بكون انجز حاجة او نجح في مشروع هسي الاجازة عشان شنو 😂😂
📰 المجهر السياسي
🔹 مصدرون : انهيار وشيك لأسواق الهدى السودانية بجدة والصادر لا يتجاوز 15% هذا العام
انتو ساكتين علي تصدير اناث الابل والضان فاكرين تاني في دولة بتشتري منكم 😡😡
📰 المجهر السياسي
🔹 كاشا : لن نجامل أو نسكت في أمن وسلامة المواطن

جعجعتك دي شفناها في الكوليرا لما نكرتها وفي ايجار بصات الطلاب لما كبيت الزوغة 😬😬
📰 الرأي العام
🔹 شلل في الخرطوم بسبب أمطار غير مسبوقة ووفاة 6 مواطنين
الشلل فوق في الدماغ بتاع الفشل في كل يوم يشهد الفشل ولا شنو يا عبدو 😂😂
📰 التيار
🔹 فصل الشرطي الذي تقدم بشكوي ضد الوالي وسجنه 20 يوما
لو اتقدم بشكوي ضد الرئيس كان اديتوهو طلقة في مكانو ولا شنو يا فاسدين 😡😡
😝 بشير اربجي 😝
😝 Basheer Arbagi 😝

تعليق واحد

  1. انتو الدعوة بتاعة المغرب دي بتجي من وين ياطه البشير دا كل مايمشي المغرب بلقي سلمان هناك))))انت صحفى و ما عارف انو البشير بجى عشان يعصر لى الملك كرعينو

  2. انتو الدعوة بتاعة المغرب دي بتجي من وين ياطه البشير دا كل مايمشي المغرب بلقي سلمان هناك))))انت صحفى و ما عارف انو البشير بجى عشان يعصر لى الملك كرعينو

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..