مناوي يلتقي بالمندوب البريطاني في الامم المتحدة وأعضاء من الكنغرس الامريكي
تقرير: محمد هارون عمر . واشنطون ? نيويورك
التقى القائد/ مني اركو مناوي رئيس حركة تحريرالسودان ونائب رئيس الجبهة الثورية السودانية ببعثة بريطانيا في الامم المتحدة ومندوبها ، وذلك في اطار لقاءاته المتواصلة مع مندوبي الدول العطمي في مجلس الامن . وقد تناول اللقاء مجمل القضايا الملحة في السودان ودور المجتمع الدولي الغائب نسبياً في الشان السوداني ، حيث قدم سيادته تنويراً للوضع الراهن في السودان ودارفور علي وجه الخصوص كما تطرق التنوير الي دور البعثة المشتركة (الوناميد) وعملها بصورة لصيقة مع النظام علي حساب دورها وتفويضها المفترض القيام به ، كما ثمّن مناوي دور بريطانية الثابت من المحكمة الجنائية ، مطالباً بمذيد من التحرك في اتجاه تحقيق العدالة الغائبة في الدولة السودانية .
ومن جانب آخر التقي القائد/ مناوي في واشنطون بعضو الكنغرس البارز بيين جونير وهو ابن السياسي السابق عضو الكنغرس بيين ، حيث هنأه وبارك له ولايته لمقعد ولاية نيوجيرسي خلفاً لوالده ، شارحاً كذلك اسباب زيارته الي امريكا مع تنوير للوضع السياسي والامني في السودان ورؤية الجبهة الثورية السودانية القاضي بضرورة الحل الشامل والعادل للقضية السودانية ، من جانبه اكّد عضو الكتغرس (بيين) موقفه الثابت من القضية السودانية العادلة واعداً ببذل مذيد من الجهد في هذا الاطار .
ويواصل مناوي اجتماعاته بممثلي المجلسين الكنغرس والنواب الامريكي ومجموعات الضغظ والمنظمات المهتمة بالشأن السوداني .
أعلام مكتب حركة تحريرالسودان ? امريكا
20/12/2012
[url]www.slm-sudan[/url]
والله حرامي كبييييييييييييييييييييييير زمان كان فى النهب المسلح وماشبع جى سرق مع الإنقاذ وهرب والشغل بينو وبين المؤتمر الوطنى كلهم حراميه ومجرمين قاعدين يتاجروا بي أهل دارفور ودموروا البلد الله يزيلكم كلكم ياإنقاذ ويامناوي
يا عزيزنا مناوي ؟ إنت ما كنت قاعد جنب البشير بتفطروا سوي وبتتعشوا سوي ..ليه ماغيرت النظام ؟
دلوقت جاري شرق وغرب بتفتش للعدالة الغائبة في دولة السودان ؟ العالم عارف الحال في السودان..
من قتل وتعذيب وبيوت أشباح وعنصرية الخ..العالم سوي شنو لليبيا وله اليمن وله تونس وله مصر وله سوريا.. خلوهم يتماوتوا في بعضهم ..ديل بتفرجوا وبس وبيعملوا (المديدة حرقتني ) إذا بتعرف المثل ده؟؟ الشعوب هي البتغير والبتحرر بلدانها يا سيد مناوي.. وله مفكر تجي تبقي رئيس دولة السودان الملطشة ؟؟ ده تاني مابيحصل ..وله تكونوا كمان عاوزين الإنفصال وفي دي الغرب وإسرائيل بساعدوكم مساعدة جادة بكل مايملكون من مال وقوة .. إنتوه لابتعرفوا السودان ولا تاريخ السودان وكلكم بقيتوه مناضلين البشير مناضل وإنته مناضل وعبد الواحد مناضل وأخوه خليل رحمة الله عليه مناضل وعرمان مناضل حتي ربيع عبد العاطي بقه مناضل ؟؟والنضال بقه خشم بيوت.. رحم الله المناضلين الحقيقين من أمثال علي عبد اللطيف وعبد الفضيل الماظ والشفيع أحمد الشيخ وعبد الخالق محجوب وهاشم العطاوغيرهم وغيرهم من الشرفاء..وإنتوه الناس ديل ذاتوه ماسمعتوه بيهم ولا حتي بتعرفوا تاريخهم ..أحسن تشوفوا ليكم شغله تانيه وأتركوا النضال للكادحين المهممشين المظلومين الماعندهم حاجة عشان يأكلوا عيالهم ويعالجوا كبارهم..إنتوه ماعندكم مشاكل مرتاحين ومبسوطين والنعمة باينة في وجوهكم الكالحة.. وكل يوم من طيارة لطيارة ومن بلد لبلد..والشرفاء في السودان بتركب الرقشة والمشي الكداري والناس بتموت من قلة العناية الصحية بسبب غلاء الطبيب والأدوية ( مامون حميدة ) ويقول ليك مسكين يومه تمه .. إتعشي بوش ونام..لعنة ألله عليكم جميعاً؟؟؟
السلام عليكم .. سبحانه الله انشاالله يكون قدر فهم اللغة الانجليزية
للأسف شديد مني مناوي رجع الي مربع الاول في المعارضة ( لقاء مندوب بريطاني وأعضاء كنغرس ويونميد ماشغال كويس وامريكا ما مهتم بدارفور و….و…الخ، دي كلها اتعملت في عام 2004و2005) منى مناوي فشل وضياع الزمن للاهل دارفور بسياساته وطموحاته الغير موزونه ومدروسة.. ونقول لهذا الرجل يبعد عن موضوع دارفور نهائياً ويشوف له شغلة تاني ويترك الموضوع للناس جادين وعارفين القضية، لانو هو وصل الى نقطة نهاية (كبير مساعدي رئيس الجمهورية) ورجع ..
شوف الهملة دى ؟؟؟؟؟؟؟؟؟؟؟؟
شوف الهملة دى .. ما تشوف لك كول ؟
مناوي لو كان عايز يسرق و بنهب مال الغلابة كان فعل عندما وقع اتفاقية ايوجا و دخل القصر الجمهوري في منصب دستوري رفيع و لو كان عايز يستقل المنصب ووجوده بين اكبر لصوص في العالم لكان فعل و انشأ الشركات التجارية و بني العمارات السوامق من مال الشعب كما يفعل الاسلاميين –الا انه رجل يحمل هم كل السودان في جوفه و اثبتت الايام ان مناوي سوداني اصيل لا يهمه الجاه و المال الحرام الذي يتمرق فيه اسلاميي الانقاذ الحرامية و الكضابيين و سوف تنتصر الجبهة الثورية و سترد الحقوق لكل السودانيين بصمود رجال مثل مناوي و عبد الواحد وجبريل ابراهيم وعقار و عبد العزيز الحلو و ياسر عرمان و اخرين كثر نحن نعلمهم و لا يسع المجال لذكرهم .