هيثم مصطفي : ادرك انني امام تحدي حقيقي وسأبذل كل ما بوسعي للدفاع عن الوان المريخ
اعرب نجم المريخ الجديد الدولي هيثم مصطفى عقب انتهاء مراسم تسجيله في كشوفات ناديه الجديد عن سعادته بحفاوة الاستقبال من قبل عشاق الاحمر الذين تدافعوا للاحتفاء بقدومه وزملاءه الجدد علاء الدين ومحمد موسى.
وقال هيثم مصطفي : سأبذل كل مافي وسعي من اجل اسعاد الانصار وتقديم كل ما يمكن تقديمه لتحقيق انجازات جديدة واضاف ادرك انني امام تحدي حقيقي واثق في نفسي وقدراتي وسنبذل كل ما في وسعنا كفريق واحد لتحقيق تطلعات الاسرة المريخية .
وفي المقابل قال علاء الدين يوسف: انا سعيد بالعودة ثانية لبيتي ولدياري وتوقعت ان نحظى بكل هذا التقدير الذي سيدفعنا لبذل كل مافي وسعنا من اجل رسم الفرح على وجوه عشاق الاحمر.
وأضاف: طبيعي ان اعود للنادي الذي صنع نجوميتي وقدمني للعالم.
كووورة
مرة سأبذل كل جهدى لفريق الهلال!!! والان وسأبذل كل ما بوسعي للدفاع عن الوان المريخ!! وبكرة مستعد يكرر نفس العبارة للمورده المهم من يدفع اكثر وطز فى الولاءات والجماهير.
احى ادارة نادى الهلال على شطب كل ما ليس له ولاء لناديه او بلده كدى دى التربيه الصحيحه .
هههه اسعاد الفريق الاحمر بالله شوف كيف تسعد الفريق الاحمر
مالفرق بين حاج علي وعلي حاج
الدنيا مصالح علا الدين قبل يومين في الشروق بيقول انا حزين لفراق الازرق والليله بيقول سعيد واصلا المريخ غير مشاطيبنا بيسجل منو تاني
يا ربي هيثم ده حيتبرع بمبلغ ال..7 مليون الي مسجيد نادي الهلال ؟
فعلا المريخ يشبه اخلاقيات هيثم – لاعب العكننه
لا حول ولا قوة الا بالله …… تغيير المواقف والمبادى فى لحظات يدل على التفاهة …. وده حصل من اللاعبان (هيثم = علاء) وايضا من نادى الدكتاتوريه -المريخ
مسح بي ايدو تاريخو
خلي يفـــيدو مريخو
….
…
بدونك برضو نحن عزاز
ولعبك للهلال انجـاز
ويبقي هلالنا فوق الكل
والما عاجبو يمشي الضل
والضل الوقف ما زاد
وما ظنيتو يوم بيزيد
ومهما يسجل المريخ
يبقي وصيفنا للتاريخ
ولو سجل هياثم الكون
وسجل من علاء مليون
برضو هلالنا يبقي جميل
وبيهو الامة تتشرف
اسمك تب نسيتو عديل
ممكن ياخي نتعرف
يا اخوان بالاول انا مريخابي
الناس البينكرو علي الكباتن يسجلو في المريخ . لعب الكرة اصبح مهنة وليس هواية كما كان زمان يعني مافي حاجة اسمها ولاء وانتماء الشغلانة وظيفة واكل عيش ياريت نفهم كده ..شفتو علاء الدين فبل كده مشا الهلال علشان ايه مش برضو علشان الفلوس..
أمثال أهلنا الكيبين عمرها ما بتقع واطة……والمثل البقول الماعندو كبير يشترى ليهو كبير.. وليس من المعقول ألا يجد اللاعب هيثم مصطفى من يقدم له النصح على ما أقدم عليه.
هيثم مصطفى ليس لديه أصدقاء بل معظمهم معارف حتى زملائه فى الفريق لمة ميدان وتمرين وماتش ومع السلامة.فى المناسبات الأجتماعية من منكم رأى هيثم مصطفى يتحدث وبصوت مسموع ولديه خضور فى المجالس بمختلف أنواع مناسباتها …. أعتقد لا أحد منتهى الهدوء والأنطوائية وكل اللعيبه ضحك وونسة ورقه شله……والسؤال هو لماذا لم يقدم أحد على معالجة حالة هيثم مصطفى……أين طبيب الهلال وأين السايكاترست الذى كان من واجبه إخراج هذا اللاعب من عزلته وانطوائيته.
أتمنى أن يستفيد المريخ من هذا التعليق لكى يخرج اللاعب هيثم مصطفى من عزلته ونفسياته وتوحده مع امنياتى له بالتوفيق أين ما حل
ياجماعة أنا مشجع محترف ولو مشي البرنس المريخ أنا برضو
بشجع المريخ وسيبو التخلف والتعصب
طيب يعني الزول الطلع فوق عامود الانارة كان بيموت فطيس ساي ياربي اسي بيقول شنو في هذه اللحظه من هسع احذر وانبهه مافي زول يتلب فوق اي عامود لانو في النهايه هو الخسران
والله نحن ما سعيدين بعودتك يا علاء ولا بتسجيل هيثم .. وعلى ادارة المريخ الكسيحة ان تتحمل المسئولية كاملة..
سؤال لماذا يستحي كل من هيثم مصطفى وعلاء الدين يوسف من شعار المريخ بإرتدائهم قمصان فوق شعار النادي ،،،،،،،، وهل بإستحيائهم هذا سوف يقدمو شئ للمريخ !!!!!!!!!!!!!!! ولماذا لم تأمرهم الإدارة بعدم إرتداء قميص فوق شعار النادي ………….. أسئلة بريئة ياريت القى ليها إجابة .
المريخ خليناهو ليك يا علاءالدين ( عصام الحاج ادارى فاشل ) واتمنى ان لايعود للمريخ مجددا.
وأضاف: طبيعي ان اعود للنادي الذي صنع نجوميتي وقدمني للعالم.
ههههههههههههه شر البلية ما يضحك .. ياتو عالم القدمك ليهو دا !! الا عالم الشماسة والصعاليق
وقال هيثم مصطفي :
سأبذل كل مافي وسعي من اجل اسعاد الانصار وتقديم كل ما يمكن تقديمه لتحقيق انجازات جديدة واضاف ادرك انني امام تحدي حقيقي واثق في نفسي وقدراتي وسنبذل كل ما في وسعنا كفريق واحد لتحقيق تطلعات الاسرة المريخية.
وفي المقابل قال علاء الدين يوسف:
انا سعيد بالعودة ثانية لبيتي ولدياري وتوقعت ان نحظى بكل هذا التقدير الذي سيدفعنا لبذل كل مافي وسعنا من اجل رسم الفرح على وجوه عشاق الاحمر.
وأضاف: طبيعي ان اعود للنادي الذي صنع نجوميتي وقدمني للعالم.
بالله على منو يا ،،،،،،،،،،،،،،،،،
لك التحية والتقدير المعلم نصرالدين عباس جكسا الذي رفض كل اغراءات الخواجات وفضل الهلال واصبح رمز من رموز الهلال .. ارجو من المسؤولين في الدولة تسمية شارع من شوارع الخرطوم بإسم (شارع جكسا) وكذلك على قاقرين السفير العظيم والدحيش وفوزي الأسد وشوقي وعبد الله موسي وزغبير ووووووووووووووووووووووووووووووووووو والله كتار الذين غذا ذكرت اسمائهم يتلألأ الهلال بهم .. شكراً لكم ياع عظماء ،،،
والهلال هلال بهؤلاء العظماء … والهلال بعيد من المتخازلين الذين يبيعون تاريخم بجرة قلم.
عجبي لهذا الزمن المادي
الثنائي الآن في حالة تانيب للضمير ،، وهذه الأزمة معروفة مدتها كم تقريباً سنتين …………………………. عجبي