اوباما : السودان أحد " أعلى أولوياتنا "..مليوني شخص قتلوا ..وملايين اخرين قد يموتون ..من المهم لنا ان نمنع هذه الحروب -ليس فقط انطلاقا من اسباب انسانية بل ايضا انطلاقا من المصلحة الذاتية-
واشنطن (رويترز) – قال الرئيس الامريكي باراك اوباما ان ادارته تستعمل نطاقا من الوسائل الدبلوماسية لضمان اجراء استفتاءين سلميين في السودان في يناير كانون الثاني.
وقال اوباما اثناء لقاء يوم الخميس مع ناخبين امريكين شبان أشاروا في رسائل بالكمبيوتر الى ان الوضع في السودان هو احد المسائل التي تثير أكبر قلق لديهم "هذه واحدة من أعلى أولوياتنا."
واشار اوباما الى ان مليوني شخص قتلوا في الحرب الاهلية التي دارت بين شمال وجنوب السودان وان ملايين اخرين قد يموتون اذا تفجر العنف في البلاد فيما يتصل بالاستفتاء الذي سيجرى في التاسع من يناير لتقرير هل يصبح جنوب السودان مستقلا عن الشمال.
وقال اوباما "هذه قضية ضخمة نوليها الكثير من الاهتمام" وحث مستمعيه الشبان على ممارسة ضغط على اعضاء الكونجرس للاهتمام بالسودان.
وينص اتفاق السلام لعام 2005 الذي أنهى حربا اهلية استمرت عقودا بين شمال وجنوب السودان على اجراء استفتاء على استقلال الجنوب واستفتاء منفصل لتقرير هل تصبح منطقة أبيي الغنية بالنفط والمتنازع عليها جزءا من الشمال او الجنوب.
ومن المقرر اجراء الاستفتاءين في التاسع من يناير لكن الاستعدادات متأخرة بشكل كبير عن الجدول الزمني. ومن المتوقع ان يصوت سكان الجنوب الذين يغلب عليهم المسيحيون والوثنيون لصالح الانفصال. وتريد الخرطوم ابقاء السودان موحدا.
وقال اوباما ان المخاطر مرتفعة.
واضاف قائلا "من المهم لنا ان نمنع هذه الحروب -ليس فقط انطلاقا من اسباب انسانية بل ايضا انطلاقا من المصلحة الذاتية- لانه اذا تفجرت الحرب هناك فانها قد يكون لها اثار مزعزعة للاستقرار توجد مجالا أوسع لنشاط ارهابي قد يجري توجيهه في نهاية المطاف الى بلدنا."
اوباما انت رجل عاقل ولكن من يسمع من اهل السودان
ياوباما ناسنا مايهمهم غير مصلحتهم اما الوطن فله الله
لعلمكم والحاضر يكلم الغائيب ( الناخبين الأمريكيين الشبان ) هؤلاء هم الجيل الثانى من ( السودانيين ) اللذين ولدوا فى أمريكا وبعضهم كان طفلاً صغيرا عندما ( طفش ) أهلهم من السودان تاركين البلد ل( تنظيم الأخوان المسلمين الرهيب ) الحاكم ! ولعلمكم هناك الآن فى أمريكا ( لوبى) سودانى ضاغط على الحكومة الأمريكية لفعل شيئ لأنقاذ السودان من شبح الحرب الأهليه التى تلوح فى الأفق والتى لن تذر من ( الكيزان ) أحداً .. الأخوان الشرفاء لاتستغربوا إن جاء ( المارينز ) لتخليصنا فغالبيتهم ( أمريكان ) من أصول سودانية ويعرفون طريقهم جيداً الى قصور وفلل الكيزان فأهلاً بهم وسهلا لأننا وببساطة ليس لدينا المقدرة بأزاحتهم فالشعب كله مذهول فى كيفية تدبير لقمة العيش والجيش ( سبب المأساة ) تم تحجيمة وكل الرتب الموجودة فيه ( كيزان ) أما ( الطراطير ) رؤساء الأحزاب فهم فى غفوة عميقة لانعرف متى يستيقظون منها . . على العموم يبدوا أن آخر العلاج هو ( الكى ) .:lool:
بالعاميه اقول فقدتو المنطق
يعني هسي انتو السودان من اولوياتكم لكن ماعشان مصلحه السودان والسودانيين ياريت لو الناس تفهم لايلدغ المؤمن من الجحر مرتين ويكفي الشايفنو بحصل في العراق لو اصلكم بتاعين عداله كان المفروض في الاول تحاسبو نفسكم شغالين تقتلو يمين وشمال بس انتو ليكم الله هو البقدر عليكم حسبنا الله ونعم الوكيل فيكم السودان بلدنا ونفديه بي دمنا وروحنا ومادايرين مساعده منكم :lool: :lool: ;) ;)
شكرا يا الجلبي أو معليش يا الطافش الجلبي عرفناه بزرته تتر أو مغول يعني بزرته غازي فلذا بيحن الدم أنت من أياهم والله نحسب ذلك
يعني نتوقع في القريب العاجل وصول الامريكان في السودان:lool: :lool: :lool: :lool: :lool: (* ) لكن هم احسن من القاعدين في السلطه ;( ;( ;( ;( ;( ;( ;( ;( مع تحيات/اببببببببببببببببببببببببببببببببببو ملهم :cool:
ناس الحكومة ديل اليهود احسن منهم لان اليهود يهتمو بالانسان المواطن وديل بنفسهم فقط .. والامريكان ديل اللة سبحانة وتعالى سلطهم لحماية المستضعفين المقهورين فى الارض من بطش المتاجرين بالدين الحرامية الذين نهبو ثروات السودان وحولوها لحساباتهم فى الخارج
اكرر اليهود احسن منكم ياناس الانقاذ
الامريكان متوريطين فى عدة جبهات ونفسهم انقطع اصبحوا يخوفوا الشعوب التى لها غيره على اوطانها بالتهديدات والتصريحات (ان الشيطان يخوف اولياه فخافونى ان كنتم مومينين) هولا لن ينسوا العراق ولن ينسوا افغانستان بس السودان مزاق اخر لكم ان كنتم تعلمون جربونا مره ولن تنسونا كما ظلت الصومال وفيتنام عالقه فى اذهانكم
بصراحة الوضع خطير ويبدو ان اخواننا القابضين على السلطة لايدركون الخطورة حتى ياتيهم الامر بغتتة وبعدين يقولوا فاجأنا الخريف وهم دايما بيكلفتوا الامور فى الوقت الضايع زى الوحدة الجاذبة الفالقننا بيها اليومين دى . اما ما اراه هو ان الحرب ستنفجر فى ابييى او غيرها . وزمان الامريكان ما بقدروا يتدخلوا بقواتهم . لكن الامربيختلف المرة
دى وسيدخلون بطلب حماية من دولة الجنوب الجديدة وسيجد الكيزان نفسهم وجها لوجه
مع الامريكان . ويومها ستضيع ابيى والنيل الازرق وجبال النوبة ودارفور بالطبع . وستكون هناك قواعد اميركية دائمة فى الحدود بين الجنوب والشمال . ويومها لن ينفعهم
دفاع شعبى ولا دبابين
اللهم جنب وطننا شر هولاء العصبة الجاهلة
اوباما قالها عديل لاسباب مصلحة ذاتية اما الانسانية دى فتحلية يا اهل الباطل ما لكم تتكالبون على وطنى ايسركم العراق ام تسركم افغانستان ام مايجرى فى الصومال و…. و… والقائمة تطول الانقاذ نفذت تقرير المصير بعد ان كان ورقة تهديد يلوح بها لام اكول الحمام الصقرى والجماعة خمس سنين يحكمون الجنوب لوحدهم ويشاركوننا حكم الشمال بمنتهى قلة الادب العرمانية الباقنية واوباما جاءته الفرصة ليرفع من اسهمه فى الانتخابات الامريكية على جثث ابناء الشمال والجنوب فلا يهم " مصلحة ذاتية " ونحن واحزابنا المستسلمة للامر الواقع تجعجع وتندد وتخان " بضم التاء " وتحمل الوطنى تبعات ذلك ماذا ينفعنا بعد خراب مالطة اتظنون ان امريكا ستعيد الامور الى نصابها الواهمون بذلك عليهم زيارة العراق سادتى لا تنفع الشتائم والبكاء قادتنا تدخلوا وانقذوا الوطن ان كنتم وطنيين والا على الدنيا السلام .
يا السوداني الطافش: أحسن ليك تستمر في طفشانك دة و تستمتع بخيرات كندا الإنت قاعد فيها دي و تنسى شي إسمو السودان.
و شغل مخك شوية، مفروض زول وصل بلاد العقول النيرة الإنت قاعد فيها دي يكون بدأ يفكر بعقلانية شوية: معقول ناس طفشوا قبل عشرين سنة من حكومة الكيزان، و الكيزان كانوا لسة بيبي في السلطة و التمكين يجوا أولادهم يحرروا السودان بعد تمكن الكيزان؟؟؟
ياخي ما تبقي زول خيالك واسع للدرجة دي، لكن برضو من الممكن تستثمر خيالك دة في الإنتاج السينمائي مع ناس هوليوود.
فلتعلم أنت و كل المطبلاتية من خارج الحدود و الحاضر يكلم الغايب: لو البلد دي دور فيها كوماج ما يحكون في شي إسمو كيزان أو أنتي كيزان، البلد دي كلها حتقيف صف واحد ضد أي عدوان خارجي حتى و لو كان من المارينز السودانين بتاعنك ديل.
كدا كدا ما فارقة معانا يا شمال هو كلة استعمار اخير اميركا منكم كرهتونا فى السودان , لو كان اسمه ابيضان كان عملتوا شنو ؟ حكيتوها لمن لقيتوها و عجبنى ليك يا المرقوت .
ايها السودانى القانص اولا انا انثى و ليس ذكر لو كنت ملم بالثقافات و القبائل كان من الاسم ادركت , و تتحرق من كلمة الانفصال دون ان تدرى مع من ستتوحد , و ثانيا انا فى منطقة ابيي الحارقة قلوبكم و مجهجهاكم اسال الذى وضع لى علم بريطانيا و ليس كندا يا مثقف و انا لن و لم اغادر ابدا فابيي محتاجة لصوتى فى التاسع من يناير القادم اول عيد سيحتفل به الشعب الجنوبي لوحدة يوم الاستقلال المجيد و معنا الشرفاء من الشعب السوداني و بعدين تادب عندما تتلفظ .
انا سودانى انا والسودان باقى والحكومة والبشير باقين والماعجبو يشرب من بحر المالح ياعطالة وعديمى النخوة والوطنية
ديك المسلمية يكشنو فى بصلتو وقاعد يعوعى.هذه حال المشير الراقص.
الحمدلله طلعنا بأعتراف صريح من واحد كوز إنو أنا قاعد فى ( بلاد العقول النيرة ) ! ومافى داعى أقول إنته قاعد وين ؟ كفاية أعترافك ( الضمنى ) وغايتو ربنا يجيب ( العواقب ) سليمة وبالمناسبة أنا سودانى بن سودانى بن سودانى لكن بصراحة الحال العليهو ( السودان ) حالياً مابيعجب ( عدو ) ولا ( صليح ) والحاكمين السودان غسلوا أدمغتكم ( النيرة) وجعلوا ( البعض ) يسيرون كالنائمين الى التهلكة وعاش السودان يأخى ! ;(
فى الحى الذى اسكن فيه قمنا بانشاء حزب مهمشهى الخرطوم وبما ان الأقاليم ستنفصل فنحن أيضا سنطالب بافصلام حيينا وتكوين دويلة صغيرة , لن يكون لدينا جيش او قوات أمن لان لدينا اشياء اهم من ذلك فنحن شوارعنا غير مسفلته وبيئتنا عبارة عن مشهد حى للقرون الوسطى وقد اتنظرنا تتغير اواضعنا دون جدوى من جميع الحكومات التى حكمت السودان لذلك قررنا الافصال مع انفصال الجنوب . نرحب بجميم مهمشى ألأحباء الاخرى وليس لدينا مانع من التعاون معهم لانشاء دولهم الخاصة شريطة الالتزام بقوانيين حيينا واللاتفاقيات التى سنوقعها معهم ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)