دار حمر تطالب بولاية عاصمتها النهود وتوفد «1000» من قياداتها للخرطوم

هي شنو حكاية التقسيم الحاصلة في البلد ولاية جديدة في دارفور وولاية جديدة في جنوب كردفان وولاية جديدة في شمال كردفان
المستفيد منو من الانقسامات دي وليه كلها في الغرب فقط

نحوالمسرسة ايضاً لن نرضى إلا بالفولة عاصة لولاية غرب كردفان كفايا ضياع .

ونحن نطالب بولاية الكلاكلة اللفة مش عندنا سوق ايرداته اليومية تفوق كل ولاية غرب كردفان المفترضة بس ابعدوا افندية محلية الكلا كلات لانو عدمونا نفاخ النار..ودقي يا مزيكة المؤتمر اللا وطني.

اعتصام في ميدان الحرية من أجل ولاية النهود

لك الله يا سوداننا الفضل!

الناس مرقدها النهود وانت مرقدك الخوي
لو كنت تدري ما بالنهود لكنت طويت الأرض طي

اول ناس كردفان هم لا يفكرون الى مخطط المركز اي الحكومة التي تريد تمزيق السودان الى دويلات.
الرجاء التفكير بعقلانية وعدم اتباع الحكومة والجري وراء المصالح الشخصية؟
تابا الرماح اذا جتمعنا تكسرا واذا فترقنا تكسرة احادى.

دا كلام فاضي …اي قبيلة تتلم وتقول عاوزة ولاية …المفروض اعادة النظر في الولايات الحالية وعادة دمج كل الولايات في اربعة ولايات فقط ….(الشمالية …الشرقية ..الغربية …الوسطى )

اولا نرجو ان لا تسيئو الينا يا ناس الراكوبة نحن الحمر ومعروفة دارحمر ونعتز باننا حمر ونطالب بولاية دارحمر حتي ننمي منطقتنا ونرفع من مستواها في كل المجالات فنرجو من القائمين علي امر الصحيفة ان لا يسمحو بالاساء للاخرين فنحن لم نسيئ اليكم حتى تسئو الينا فهذه وجة نظرنا ومذا مطلبنا يا من تدعون بانكم ديمقراطيين وانتم بعيدون عن الديمقراطية بعد المشرقين

ياخ دي فوضي نميري الله يرحمه كان من الخرطوم لو الفاتح بشارة قحه بعرفه والمشكلة بقت ان الحكومة مترهله من المحليات حتي القصر وصرف بزخي ولو سعر السيارات والأساس والبنزين والله تجعل النهود ومن أكبر مسالخ ومزابح ومضابغ العالم وركزو علي الاستفادة من الثروة الحيوانية والإنتاج الزراعي واطلبو بعودة السودان الي ستة ولايات فقط علي ان تكون راس السلطة من ناس وأبناء المنطقة يعني الإدارة الي السكان أو من من اصلهم وياريت نركز نزيح السادة القابلتوهم في الخرطوم وبعد ذالك نشوف المطالب والسادة الكيزان حيضربوكم ببعض لانكم حزب أمة

بالله شنو المشكلة لو أديتوهم ولاية… إنشالله يسموها ولاية فرجينيا 2

نحن متعاطى التمباك نطالب بولاية عاصمتها الجمرى للعمارى الممتاز

ليه ما تكون الولاية أصغر وحدة إدارية وتقوم على أساس قبلي…والولايات تتجمع في وحدات أكبر تسمى محافظات…ليه ما يجمعواالمحليات في وحدات إدارية تسمى ولايات وبعد ذلك تجمع الولايات في 5 أو 6 محافظات…كده تكون مشكلة عبدالقادر منعم منصور وكل زعماء القبائل قد حلت بمنحهم لقب “الأمير الوالي” أسوة بلقب “الأستاذ الدكتور” وما فيش حد أحسن من حد…

آمنت بالذى لا إله إلّا هو !!!!! يا جماعة ده شنو البتسوو فيه ده؟ انحنا همْنا فى السودان كلْو وطنّا البنحلم بيه يوماتى.. وتجو انتو تقولو لينا النهود؟؟ وبعدين إمارة دار حمر فى غبيش عشان ننبهكم.. و كدى ورّونا انتو بايعتو الإنقاذ على شنو؟؟

السودان لازم يكون فيدرالى عشان الحاجات المجننانا دى.. طبعاً ده اذا إستمرّ وطن موحّد.. ولو حصل إنفصال لا قدّر الله، برضو حيكون فيدرالى.. بس ما عارفين نرضي ياتو قبيلة ونخلّي ياتا؟؟

ياخى كلْ يوم الواحد بطنو تطُم من عمايل السودانيين.. نحنا نلقاها من الكيزان وللّا المعارضة وللّا القبايل شرق وغرب و وسط؟؟

حفر آبار المياه وربط المحليات بشبكة طرق مسفلتة وبسط سيادة الدولة في المحليات الطرفية تطوير مواعين التعليم والصحة من مدارس ومعاهد تدريب وكليات تقنية وتوعية المرأة وتوزيع قابلة لكل قرية هذه تكفي سكان المنطقة اما ان تكون المنطقة تابعة للفولة كما كان من قبل فهذا لا نقبله اما ان تكون ولاية اوتظل على ما هي عليه الان والخيار الثالث صعب لأن تتجه المنطقة غربا في تحالف مع الحركات الخارجة عن الدولة او المتمردة _ لانه من الواضح ان الحكومة لاتسمع الا للقوي

لكم التحية رجالات حمر ويجب ان نتوحد على ذلك والافضل ان ننتمي لشمال كردفان ولا ننتمي لغرب كردفان التي لم تقدم شيئا واحدا لمناطق حمر
ثانيا تعتبر النهود في وسط الولاية
نؤيد ان تكون العاصمة النهود او ابوزبد او الخوي اما الفولا فلا

امير الحسن ولا شنو ،كدا عرفنا ان قبيلة الحمر أنقاذيه بأمتياز أو يطلع لينا حمرى ينفى كلام

الزول السمى نفسه أو بالأحرى سموه ناس الأنقاذ أمير ،وهى طبعا رتبه فى تنظيم الكيزان ،عموما

هذا لا يحل مشكلة السودان بل يعقدها أكثر ،الحل فى زوال هذا النظام بأى طريقه ،انتفاضه شعبيه،

انتفاضه مسلحه ،لازم لازم يغور النظام

لو الحكاية دي بتحل مشكلة

اي قبيلة يعملوا ليها ولاية في منطقتها
بالمناسبة عندنا فوق ال 500 قبيلة. ويلا يا الحمر ورونا فنونكم في مصارعة المسيرية والبقارة..
ويلا اخدموا اجندة الانقاذ وحققوا ليها المراد سفك الدماء وحرق القرى واستطالة امد ازمة الشعب السوداني..
وقبل يسووا ليكم الولاية دقوا صدوركم جهزوا مرتبات الواي ونوابه ووزراءه ومستشاريه وقروش السلاح الحتصارعو بيهو المسيرية ولا قايلين الصراع دة بي اليدين ولا مجان ؟؟؟؟
وشوفوا ليكم زاد يكفي سنوات الحرب الجديدة,, انتو قايلين الوزراء الشغالين ديل قاعد يعملو تنمية في ولاياتهم .. اسالو كرم الله عباس طيب يوريكم ..

ما دام حمر كما افادوا هم اول من ايد الانقاذ فمن باب اولى انو يعملوا ليهم ولاية . اولا ولاية غرب كردفان استراتيجيا ولاية لابد منها لاسباب كثيرة منها بعد اغلب مناطق الولاية من كادقلى خاصة فى فترة الخريف . اما بانسبة لموقع النهود من الفولة فهو قريب وحتى الناس لمن تجئ مسافرة الفولة بتمشى بالنهود لانو اسفلت ومنها الفولة قريبة على كل اذا المسالة انو حمر ما عايزين المسيرية يحكموهم ما كانوا هم الحاكمين المسيرية ومعظم الولاة على غرب كردفان قبل ان تذوب كانوا من الحمر ونحن كمسيرية ماقلنا شئ لاننا وحمر نعتبر من اقرب الاثنيات لبعض ولكن اهلنا حمر اذا ما خدين الموضوع بصلف وعنصرية انو المسيرية ما يحكموهم فهذا افتكر غلط كبير وعليهم ان يطالبوا المركز لكى يعمل ليهم ولاية عاصمتها النهود ونحن بغرب كردفان وكل البترول عندنا حنمى بلدنا وربنا يوفق الجميع .

أنا حمري وأرفض اثارة النعرات القبلية و نحزر المؤتمر الوثني من التلاعب بالارث القبلي في جميع السودان وتحويل ما نفتخر به الي ما نخجل منه. فكفاية كفاية الي ما وصلنا اليه من تفتت وضياع ولو ظل هذا المؤتمر الوثني في حكمنا سينتهي بنا الحال نسأل بعضنا من اي خشم قبيلة انت وليس من اي قبيلة وكمان شوية أولاد العمومة حيتقاتلوا ضد بعضهم من شدة عنصريتهم. لا حمري ولا مسيري لا شايقي ولا جعلي لا فوراوي ولا زقاوي لا بني عمراوي ولا هدندوي ………… يسقط المؤتمر الوثني

اصلو من زمااان فالوا اسودان دا مشاكالو عجيبه حتي الخارطه مقلوبه ال………….. فوق وال…….. تحت ما مشكله