حفلة التفاهة …
حفلة التفاهة …
الانقاذ …المعفنة دي ..عندها مؤيدين ..ناس ولدوها ..وناس ربّوها .. وناس ولدتهم هي ..وناس ربّتهم هي …
الانقاذ …التي لم يعد احد من العالمين يعرف دمويتها ..وفسادها … وجرائمها … وقبح سيرتها ومسيرتها ..الانقاذ دي …ابنة ..ناس كتار ..وأم ..لناس كتار …عشان كدا مهما عملت ..بلقوا ليها الاعذار …امهم عاد ..او قل ..ابنتهم الوحيدة …!!!
البشير قاتل ومجرم ..دي ما دايرة حليفة ولا كلام ..قتل في دارفور وقتل في العليفون وقتل في بورتسودان وقتل في المناصير …وقتل في شمبات وقتل في شارع الستين في قلب الخرطوم …الزول دا ..بحب القتل وسفك الدماء ..والطقس المُحبّب بعد كل كاس دم …الرقص … العرضة والرقص …كعادة كل فرعون ..يستدعي من العادات الاغرب وان لم يجد يخترع !
الليلة قال داير يمشي معسكر نازحين …نزحوا من بيوتهم بعد ان هدمها البشير .. وهربوا من ارضهم بعد ان احرقها البشير .. فاااااتوا غااااادي منك … سابوك مع ظلمك وسدنتك والصامتين من شعبك يظنون السلامة بالبعد … تركوا لك القصور ونيفاشا والبترول ودهب ارياب واليخت الرئاسي …تركوا لك النيل والغابة وكل الصحاري المجاورة لهما …تركوا لك دمائهم التي سفكتها وأسست عليها عرشك … تركوا لك حوارك الزائف الفاشل وعار الارتزاق في عاصفة الحزم وتذلّلك المشين للامريكان عشان يدوك تآشيرة تدخل بيها امريكا …و تركوا لك طه ..!!!
البوديك عشان ترقص قدامهم شنو …شنو الجابرك تمشي لناس ..ما شاهدوا صورة لك في يوم ..الاّ ونتح في كل زول منهم جرح ..وانقبض قلب ..وخنق المرارة الحلوق …البوديك ليهم شنو …?! من زيّن لك ..انك بذلك ستقنع امريكا برفع العقوبات ? من قال لك ان كل ( الحصار ) ..سينتهي بزيارتك لضحايا جريمتك الاكبر … ?!
ولمن يقولوا ليك ..ما تجينا ..و ما دايرنك ..تقتلهم ?! ..بس عشان قالوا ليك ما دايرين رقيص هنا ..?! حرقتك ? وجعك انو يابو يشوفوك بترقص … ?!
يعني المفروض ..يضحكوا ويبشّروا فوقك ..وانت بترقص وسكينك في رقبتهم …?! مفروض يعملوا كدا ?! دا ما حيحصل …ما بحصل كدا ..الاّ انت تبقي إله ..وتعمل ليك خلق غير الخلقهم آلهنا ..وتشكّلهم زي ما داير …لكن غير كدا …لن تجد …غير دا ..بس ..زي دا …!!!
و امّا شيعتك …الخايفين من قطعة رزق او الحارين رزق معاك ديل …
القالوا : النازحين مسلحين … طيب وين ضحايا الحكومة …ولا سلاح النازحين دا ..بس تراب ..وهتاف ?!
والقالوا : ليه النازحين يعترضوا … من حقهم يعترضوا ..لانو الضبح مع الموافقة والتسليم ..اتلغي من حادثة سيدنا ابراهيم واسماعيل !
والقالوا : دايرين تعريف للماتو ديل … هل هم نازحين ولا لاجئين … اها … انتو موش قتلتو خلاص .. التعريف لزومو شنو ..اسلخوا بس !
والقالوا : نساوي بين القاتل والضحية ..ندعوا للمساواة بين البشير الحاكم الحي ..بالنازح المقتول … فإن اردتم مساواة ..تنقذون بها ( ربيبكم ) البشير ..و ( حبيبتكم ) الانقاذ … فلن تنفع كل عهود الدنيا ..في انقاذ البشير ونظامه ..من حساب دم الناس في كل السودان ..وان أردتم مساواة ..طق حنك ..لانكم مجبورين تتكلموا و مجبورين تنضموا ..ف ..أنضموا سااااي ..الاختشوا ماتو ..ومافي زول ما عارفكم …!!!
إياكم ..ان تعتقدوا ..ان ما شاهدتموه اعلاه …هو حفلة التفاهة …ابداااا … دا طبيعي ..والشئ من معدنه ..لا يُستغرب …!!!!!
حفلة التفاهة هي …
ان نسمح نحن باستمرار هذه التفاهة …!!!!
#معسكر_كلمة
#البشيرمجرمحرب
محمد الحسن فول
فيسبوك
