والي الخرطوم : الباب مفتوح للدخول في حزب البشير لكل شخص له الرغبة فى خدمة المواطنين

مبروك عليك حزبك ماعايزنو وبالانتخابات تاني ماف ليكم ماتخدرو الناس وتخموهم انت ماشايف الفقر والفاقه وضنك العيش النحنا فيه استحي !

حزب جهنم قصدك ؟

الداير يدخل جهنم من اوسع ابوابها اليدخل في الحزب الماسوني الفاسد دا

حزب المؤتمر الوطني وحزب الشعبي هي احزاب المنافقين الفاسدين اللصوص

ممكن نخش جزب الليكود الاسرائيلى دا لو فكرت اخش واتحزب لكن مانخش المؤتمر الوطني لانه افشل حزب على وجه الارض والدليل الحال الوصلت ليه البلد ؟!!!! صاح يا والى الخرطوم ولاماصاح ، حزبك للناس المنتفعين والماعندهم كرامة ولاوطنية وامسك فى الخيرة دى كويس

اقفل الباب و شدد الحراســه عليهم ما اخــرجوا وما تعشم فى زول بدخل عليكم الا كان جاعان او ضل طريقه واذا اكتشف انه فى عــش الدبابير اقوم جارى يا فكيك .

بعد شنو يا عمك ؟ وين زمان لمن كانت سمينة والكشكوش راقد هبطرش ؟ جاي تعزمنا لمن قطت وبقت ببح؟ لحستو براكم تطرشوه براكم ! وانت بالتحديد يا فاشل محل ما يودوك تفشل والله العظيم من ما اشوف وجهك في التلفزيون بتزكر الكذب ما عارف لية !!! واتذكر الحديث الحديث الشريف ا يكذب المؤمن حين يكذب وهو مؤمن ؟

انتو الناس ديل ربنا نفخ فيهم روح ول هم بس طين ساى والله بقينا ما عارفين

يعني ده حزب البشير بتاع أبوه وإنتوه شغالين كلاب حراسة معاه لعنة الله عليكم ..

من يريد الدخول الى بيت اللئام فهو حر

ليس المقصود خدمة الموطنين بل خدمة المتنفذين فى المؤتمر الوطنى بل خدمة القوة الهدامة التى نشرت الفساد واصبح ثقافه فى عهدها وفصلت الجنوب ودارفور على الدرب …كل من ينتمى لهذا النظام فهو غير وطنى ويخدم مصالح اعداء الامة السودانيه ، والوضع الاقتصادى والاجتماعى والانسانى والثافى والتربوى والاخلاقى الماثل امامنا يدل دلالة لاشك فيها بان هذا النظام اذا كان وطنيا مخلصا عليه ان يرحل من تلقاء نفسه والا فان الايام هى التى تعجل برحيله عاجلا ام اجلا وللتاريخ كلمة .

انت عينيك الحمر دى خلبت فيما شى غشان الناس تدخل من جديد بعد ما خليتها كوراد يا كوراد

بس بابكم بى وين !!

شكلهم عاوزين حراميه جدد القدام شبعوا وعاوزين يشتتوا ويفكوها فى رقبة الجداد

وبصراحه شديده ورغبه اكيده فاننى ارغب فى الالتحاق بعضوية هذا الحزب وحيث اننى مقيم خارج الوطن فاننى والحمد لله قادر ان ادعم الوطن الحبيب من خلالهم دعم مالى اوسياسى او اى شى يرونه مناسبا واتمنى التواصل معهم ومع كل محب للسودان