اتفاق سوداني مصري لإنجاح وإطلاق فضائية الجزيرة

منذ انتخابه والياً للجزيرة ثلاثة مرات سمعت بها بالوالي عندما استضافه التلفزيون في لقاء بعد توليه مباشرة ومرة عند ذهابه مع كبري تشييد كبري حديد في غرب الجزيرة وهذه المرة عندما عاد من القاهرة لإنشاء فضائية الجزيرة.. وهذا يؤكد أن الوالي موجود على حسب فهمه..
أولاً ياوالي الجزيرة انت كويس!!! الحمد لله وشنو الغيبة الطويلة منذ تعييينك وانت نائم في العسل لا حس ولا خبر!!! لعل المانع خيييييييير

يا والي الجزيرة الولاية اولوياتها ليست الفضائية

كدوسك يا والى اتكسرت فيه قشه … لو سافرت الصين أو الهند او باكستان لاحياء مشروع الجزيزه صاحب اسم ولايتك لكان افضل ولكنك مشغول بالترفيه وجارى وراء الفضائيات ونحن ما ناقصانا خبره الحمدلله والعندنا زائده عن الحاجه بدل ما تفكر فى التنميه الزراعيه وتوفير الغذء تقول تعاقد لفضائيه وسينما …. طيب شف عقليتك وعقلية المصريين انت بتفكر فى الاقمار الصنا عيه وهم بفكروا ف الزراعه وفى تأمينهم الغذائى …. فعلا كدوسك اتكسرت فيه قشه …. وطبعا ده مثل وحكاية المثل أن رجلا لديه كدوس وكان ينظف بقشه وانكسرت القشه داخل مجرى الكدوس وكان مشغولا باستخراج القشه وبجانبه صديقه يشكون له من سوء حاله ولكنه لم يعبأ بحديثه والرجل يشكو ففاطعه قائلا : انت فى كده ولا فى كدوسى الانكسرت فيه قشه ؟ يعنى كل زول فى همه لم تهزه مشاكل صديقه بقدرما شغلته القشه … هذا هوسعادة الوالى البلد فى ضائقه بدل ما يبحث عن تنمية مواردها واحياء مشروع الجزيره يفتش فى الفضائيات … زياره فاشله زى زيارة مساعد الرئيس لمصر كلها ترفيه ومصالح شخصيه ومتابعة مصالحهم فقط وكل شىء معروف .. للمعلوميه المشاريع الزراعيه لم تكن لمصلحتنا … والما مصدق يقرأ بنود الاتفاقيه

( وتم توقيع اتفاقية مع وزير التخطيط المصري لتنفيذ مشروعات للولاية منها مشروع لمخطط جديد لمدينة ود مدني، وتم الاتفاق مع الأمين العام للصندوق الفني والهندسي على إتاحة فرص لتدريب مجموعة من المهندسين الزراعيين والبياطرة، وأشاد الوالي بالعلاقات الأزلية بين مصر والسودان.)

و أين دور وزرارة التخطيط فى السودان؟ و هل أصبح من صلاحية حكام الأقاليم أو الولايات أن يعقدوا الإتفاقيات الدولية مباشرة دون المرور بالمركز..لا شك أن الفوضى تعصف بالبلاد فى عهد حكم الإنقاذ العجيب. و الله مصر دى تبيع ليكم كلام حلو بس لأنها ليس لها أدنى إهتمام بالسودان و قلبهم و عقلهم معلق بالخليج ألم تسمعوا خطاب سى مرسى أمام مجلس الشورى عندما قال بالصوت العالى أن أمن الخليج من أمن مصر و لا جاب سيرة السودان، لكن المصريين إذا وجدوا فى السودان مصلحة ما بيفوتوها.

تحياتى (للمجاهد) الزبير بشير طه رئيس جمهورية الجزيرة

إجازة سعيدة وإنشاء الله يكون العيال إتبسطوا في الرحلة.

هذا الدجال لن يحل مشكلة قرية ناهيك عن مشاكل ولاية الجزيرة.

لما كان والي القضارف يحارب من أجل ولايته مع وزير المالية في الخرطوم كان والي الجزيرة كارب صليبوا وبيرقص في هجليج.

أين كان والي الجزيرة عندما كان مزارعي الجزيرة يستصرخونه لحل مشاكل العطش بالمشروع.

مبروك البشير لقى ليه رقاصة تكابروا

حق القناة اشتري به حفارة ترع ودواء بالهارسيا

فضائية ؟؟؟؟؟؟عاوزين تنقلوا عفنكم للعالم ياخى مدنى طرفها انتهت شارع زى شارع امبارونة ليهو خمسين سنة ما قادرين تختوا فيهو اسفلت تقول لى فضائية بلا لمةاتفسح وضارى خجلتك وارجع

كده اول حاجة كلمنا عملت شنو في موضوع الطلبة القلتوا غرقوا في الترعة هو في موية في التلرع عشان تغرق