الأبوابي: (3000) طبيب في طريقهم لمغادرة البلاد و(2000) غادروا بالفعل
أكد دكتور أحمد الأبوابي النائب الاختصاصي المعروف أنّ غياب نقابة الأطباء التي تدافع عن حقوقهم هو حجر العثرة الأساسي أمام تطوير المهن الطبية.
وقال الأبوابي إن النقابة تمّ تكوينها بالتنسيق بين الوزارة وبعض الأطباء، وهي تعمل ضد الأطباء. وأبان أنّ هناك (3) آلاف طبيب في طريقهم لمغادرة السودان بغرض تحسين أوضاعهم الوظيفية، وأكد أنّ 2000 طبيب غادروا بالفعل منهم من لم يكمل تدريبه مما يؤدي إلى تدنى سمعة الطبيب السوداني.
وشنّ الأبوابي هجوماً عنيفاً على أصحاب المؤسسات الرأسمالية التي تعمل في مجال الخدمات الصحية وهي تطالب الطبيب بزيادة الأرباح. من جهتها قالت الدكتورة درية عبد الوهاب في الملتقى الذي نظمته جمعية المستهلك حول حقوق وواجبات الطبيب التي عقدتها الجمعية السودانية لحماية المستهلك إنّ الحق العام للطبيب شخصي وعلمي وقانوني وهو يختلف من طبيب إلى آخر. فيما أعلن دكتور خاتم الياس أنّ المجلس الطبي سوف يصدر بعض القوانين من بينها قانون خاص بلجنة الرقابة على الخدمات الصحية. وطالب بعض الأطباء وزارة التعليم العالي بوضع ضوابط خاصة بالجامعات بالتركيز على كليات الطب.
التيار
مشكلة الاطباء مثل الجنوبيون تعلمو على حساب مشروع الجزيرة ودافعى الضرائب وتنكرو للبلد قالو عايزين البترول نسو زمان كانو بصرفو عليهم من مشروع الجزيرة والاطباء عايزين يحسنو اوضاعهم ونسو ان كلية الطب تكلف دافع الضرائب كثير جدا وهو فى إنتظار ان تعود علية ضريبتة بدكتور يعالج ليهو البلهارسيا والملاريا ولكن هذه شيمة السودانيين التنكر للجميل !!!!!!!!!!!!
انت يا استاذ حسبو ولا ما عارف شنو؟؟؟
ماتقول كلام فارغ وماتتكلم عن حاجة انت ماعارفة منو الزمن ده يقره بقروش الحكومه
الناس االبتتكلم عنهم ديل هسى وزراء خارجية ووزراء رئاسة الجمهوريه ووزراء صناعة
لاكن الاطباء الشباب اصل المشكله اما درسو بمالهم او بى نسبهم وده حق الدوله على المواطن
ولا المواطنه دى جواز اخضر وخدمة وطنيه وبس
وبعدين انت ما سالت روحك الطبيب بياخد كم … 500 جنيه لا غير وشغال يوميا من 8 صباحا لحدى 11 باليل في ظروف زى الزفت والزفت ارحم
ليه فرد الامن بياخد 800 راتب اساسى ليه وزير بياخد 15000000فى الشهر يعنى راتب 30 طبيب يعنى دفعة كاملة وتقول لي نسو وما نسو والكلام العبيط ده
والسلام
ياحسبو اتقي الله ياخي هو وينو مشروع الجزيرة ده ماضيعوه ناسك الكيزان ديل كلهم حراميه ناس ياخي قروا وتعلموا ايجي المثلك اطلعم ناكرين جميل شوف راتب الطبيب كم وراتب الناس الحراميه ديل كم
عفواً الأخ الفاضل , الطبيب السوداني لا يمكن مقارنته بفضية أخري فمطالبه ليست من عائدات النفط ولا من تعدين الذهب ولا يحلم بأن يكون كالأطباء في الدول المجاورة العربية والأفريقية منها فأوضاعهم هناك أحسن بكتير , ولكن هل تصدق أن راتب طبيب الإمتياز يساوي راتب فرد الأمن حديث التخرج و المستوعب بالشهادة السودانية!!!؟
حسبو أي جميل والاطباء يعانون اشد المعاناة من قلة وضعف الرواتب وعليهم مسؤليات تجاه الاسر وكل يريد ان يبني مستقبله ولكن إذا طالبو بحقهم يضربون ويهانون وماحدث قبل شهور ليس ببعيد نعم هي مهنه انسانيه في المقام الاول لكن لايعني ذلك التنازل عن كل الحقوق والعمل بالمجان فكما لك حقوق عليك واجبات واي صرف تصرفه الدوله عليهم إذا كان خريج الامتياز لايتجاوز مرتيه 500 جنيه انظرحولكوتأكد بنفسك
انت ناكر الجميل ياحسبو جميل شنو يا انت الناس ديل اتعلموا في عهد الانقاذ واهلهم صرفوا دم قلبهم وزيادة يعني قرو بقروشهم عديل كده ولا في فضل للسودان ولا لي حكومة الزفت دي
انت اكيد من نوعية الذين لايفقهون شيئا ولكنهم يغمسون انفهم فى كل شى—كان يجب ان تسال عن اسباب هجرة الاطباء قبل ان تقحم الجنوبيون فى هذا التشبيه البايخ–انت اكيد تحقد على الاطباء لانك كنت تحلم بان تكون طبيبا–واقسم انك لست طبيبا—ثم من قال لك بان الاطباء يدرسون مجانا—ومن قال لك بان الكليات تدرس بدون ان يدفع الاطباء—دعونا فى حالنا لان بالبلد من المشاكل ماهو اكبر–عذرا ولك العذر
حسبو كلامك غريب والله الكل بعلم انو الطبيب اثناء فترتو بالكليه دفع دم قلبو وقلب اهلو عشان يتعلم ويتخرج ويقدر يرد الجميل لي اهلو والكل يعلم انو حكومتنا الغراء متمثله في وزارة التعليم العالي بتمشي الجامعات بقروش التسجيل ورسوم البطاقه الجامعيه ورسوم السكن وغيرا ودي كلها بدفعا الطالب المغلوب علي اي شئ يعني من حقي التنكر تماما ولو مفتكر انو الحكومه بتطبق شعار التعليم المجاني فقد تكون في غيبوبه ربنا يفوقك منها
بعدين الليله الطبيب الكان ليهو شنه ورنه مرتبو 600 جنيه شيلا وقسما علي متطلباتو ولو كفت انا معاك انو الطبيب ناكر جميل (ده طبعا لو لقي وظيفه اصلا)
ارجو منك النظر بزاويه اكتر انفارجا لمشكلة الاطباء ودع النظر من خلال بوابة مستشفي فضيل والاطباء وغيرها من المستشفيات خمس نجوم التي هي اصل الكارثه علي الاطباء فكل من ضاقت به ذات اليد في دخولها اتهم الاطباء بالجشع والطمع والنكران وهو يعلم تماما ان هذه المستشفيات ما هي الا واحده من ضمن اسثمارات التماسيح لكن تعودنا ان المواطن السوداني اصبح يري الفيل ويطعن في ضل الغزال خوفا ام جهلا ام ماذا لا ادري
نحن تخرجنا من جامعات حكومية وبرضو كنا بندفع ولو داير تتأكد أمشي أسأل رسوم طالب الطب كم في السنة …ناهيك عن المصاريف الاخري..وبعدين الضرائب دي ما دافعنها نحن من حواشاتنا واسعار السكر والزيت الطالعة السماء …ياخوانا إنتو عينكم للفيل وتطعنو في ضله مالكم؟:D :D :D :D :eek: :eek: :eek: :eek:
الدكاترة زاتهم القعدهم لا هسع شنو. الله سبحانه وتعالى قال(الم تكن ارضى واسعة فتهاجرو) ود الدابى قال (حتى الطيور فى الضيق بتفضل الهجرة) قال سودان قال
انت حسبو الشتت قصبو ولا واحد تانى؟؟؟؟ حس يا حسبو !!!! قال حسبو حسبو لقاه كم؟؟؟؟ الله ينفخك ويقدك يا حسبو رفعت على الضغط لكن بقول ليك حاجة انت الدكاترة ما بتحصلهم يا حاقد.:mad: :mad: (؟)
للمعلوميه,,رسوم الدراسه للقبول العام فى المستشفيات الحكوميه,,بين 500 ومليون,,والبشير فى احد مقابلاته عندما سئل عن الخدمات الصحيه,,اجاب نحن اكتفينا ذاتيا من الاطباء وبقينا نصدر لدول الجوار(الشى بهائم!!!)
الطبيب ومهنة الطب عليهم رحمة الله الان نحن بقينا فى هجرة الوطن زاتو حكمدارية الانقاذ وطباليها والطفيليين هذا النبت الشيطانى الذى الذى افرزته عصابة الحكومة يتعلم اولادهم فى ماليزيا وعلى نفقة وجيب الشعب المسكين ويرجعوا يتوظفوا فى اعلى المراكز وياريت لو اصول سودانية مثلا ولد غازى العتبانى درسوا فى انجلترا وتخرج ورجع للسودان الهامل وجلس فى اكبر وظيفة فى الاتصالات لاحظ انوا ده تركى واولاد البلد يدوروا على الشغل فى بلد المحتل يهاجر من يهاجر ويموت من يموت والعصابة فى همها وغمها ملعون ابوك بلد..
الجامعات الحكوميه
عفوا شعبي الحبييب غدا ترون ما قلنا بحثنا لتصحيح والوضع الصحي بالبلاد فلم نجد من يمد يد العون لنا فضربنا علي الملا ونالنا من الاهانات ما نالنا ونحن في غني عنه …عفوا شعبي فقد غيبوك بدخان الاعلام…فوالله اولادكم الاطباء لا يريدون لكم الا الخير وكان جزاهم الاتهامات التي تملا قصصهم مراره الان…نحمد الله علي سعه ارضه مغادرون لارض احمدا وقبله المسلمين للحاق ماتبقي من عمرنا فقط لتكوين اسره تحمل اسمنا بعد مماتنا….سنكون عونا لكل سوداني مريض في ارض المهجر بعد ان احيل بيننا وبين من هم في السودان…..غدا نعود وربنا قد غير الاحوال…..ادونا الدعوات وعافين منكم واعفو مننا…..اها انا نيتي خاتر ياااااا دار ريا مااااا كان الفراق بالخاطر.وربنا يجازي اللي كان السبب ;( ;( ;( ;( ;( ;( ;( ;( ;(
حسبو ده يطلع شنو ؟؟؟عاملين قومة وقعدة00اول حاجة واكيد انو ماطبيب وعايز يعمل اثارة واهمية لنفسه والناس حققت ليه الامنية دى وهسه بيكون آخر انبساط عالم عجيبة مرض مزمن 00
وبزعلوا لما ينقال حكومه فاشله !!!!!!
هذا النزيف
كيفن يقيف ؟!؟!؟!؟:o
بوريك طبك هو وينو الطب عن تجارب شخصيه وليس تجربه واحده ال3000 طبيب المغادرين بره السودان ديل اضربهم في 3000 طبيب وأقسمهم على 3000 طبيب علشان يجيك الناتج = مساعد طبي الله يكون في عون الدول الحايمشو ليها.
أحيى أولادنا وبناتنا ألأطباء على تفوقهم وحصولهم على شهادة طبيب وأحيى اسرهم التى بذلت كل شئ حتى يتمكن الأبناء من الدراسة والتخرج. وللحقيقة فان الأطباء عوملوا معاملة غير عادلة من الحكومة ومرتباتهم كما يعلم الجميع لاتكفى حتى لتناول الفطور والمواصلات فى الشهر لذلك فانا أويدهم واشجعهم على الهجرة لاى بلد يوفر لهم ولاسرهم الحياة الكريمة وايضا أدعو كل من ضاقت به الظروف فى هذا البلد الظالم اهلها ان يهاجر عملا بالقرآن الكريم وسنة رسولنا الأمين صلى الله عليه وسلم. قال 600 جنيه قال!!!!!!!! خدم المنازل يعملون بأجر قريب من هذا الرقم . اتقوا الله .
السم النقع اراك تستهر وتقلل من حجم الاطباء,,انت منو وبتعرف شنو,,واهمية فى الحياة شنو,, بتعرف شنو فى الطب عشان تقيم الاطباء,,وبعدين اذا كان الاطباء غير مؤهلين فهو نتاج طبيعى للتدهور الحاصل فى البلد فى كل المجالات,,الذى السبب فيه حكومة الانخاس التى تؤيدها,,وذلك يدل على جهلك,,هل تعلم ان هنالك مئات الاطباء يعملون فى ايرلند وانجلتلرا وامريكا,,وهم كفاءات والا لم توظفو فى هذه البلدان..