الخرطوم تفرض رسوماً على مواقف السيارات بواقع (جنيهين) للساعة

طبعن المبررات أنه في دولة كده وكده بيأخدو رسوم على مواقف السيارات في الشوارع الرئيسة ولكنهم نسوا حالة الشوارع في تلك الدول شوارع تشوف فيها وشك من النظافة مش الزبالة عن يمينك وعن شمالك والكتاحة تقوم من تحت رجليك والموضوع الثاني موضوع الكباري يقوموا يوقفوا البصات والحافلات والهياسات والأمجادات واللواري والبكاسي والدينات عشان يشيولو منها رسوم حتى لو كان قطع “الايصال” في عدة محلات برضو المسألة دي حتعمل اختنافات مرورية حادة عند مداخل الكباري وتزيد الطين بله لكن الجماعة محتارين يجيبوا قروش من وين عشان زيادة الرواتب وكده نحتوا المخ وتوصلوا إلى ما توصلوا إليه والمواطن هو ملجأهم الأخير يتمصر يتعصر ويتنشر ويتنشف ويتجفف و…. و…. دي ما شغلتم شغلتم القروش أولا وأخيرا والحل؟ عند الحلال

والله ياناس كل مقومات إسقاط النظام توفرت انا ماعارف الشعب دة راجي شنو, انا خايف تجي داير تدخل بيتك تلقي واحد بإيصاله راجيك في الباب..؟رسوم دخول البيت والخروج منه.

شكلنا ح نندم على زيادة الإجور .. كلما فرضت الحكومة جباية على أي تاجر قام بتحصيلها من المواطن الكريم.

بقلدوا الدول المتحضرة ففي الدول الاجنبية يتم عمل المواقف بصورة جيدة ومتناسقة ويكون دفع الرسوم بواسطة اجهزة الكترونية وتوضع اعتبارات لسكان المباني المجاورة للمواقف وتكون مجانية لهم كما تكون مجانية بعد الساعة 12 ظهرا الي الساعة الخامسة مساءا وتكون مجانية بعد الساعة 9 مساءا الي الساعة 8 صباحا ومجانية يوم الجمعة والسبت والعطل الرسمية كما اقترح علي الحكومة منح رسوم للعربات التي تسير في الطرق السودانية وليس الاخذ منها والله شيء مضحك قولهم انهم عملوا طرق وجسور و مواقف دولة متخلفة

انا مقيم في دبي الرسوم المفروضه على الجسور دي ما على عواهنها لكن في عدد من الجسور تربط نفس الجهات عددهم اربعة اثنين منهم بي رسوم اسمها سالك واثنين مجانيات للماعندو رسوم سالك لكن متأكد اذا اتطبقت عندنا في جمهورية جبكستان دي حايفرضوها على كل الجسور وحا يعطلوا حركة المرور .. وهم ما عارفين مضار الزمن المهدر سواء للدولة أو للمواطن
بعدين المواقف دي ناس المحلية يطاردوا الناس وناس تدفع وناس ما تدفع.. هنا مطبقة على الكل لانو جهاز مش موظف تطلع ليه بطاقة يسيبك والبلد كلها بطاقات

يا ممثلى الشعب الغلبان رغم انفه هل فيكم من حلل هذة الزيادة ليعرف الزيادة الحقيقة كم يامن يفترض انكم ممثلينا 200ج اصلا كن نصرفها خارج المرتب يعنى الزيادة 60ج وحتى هذة الزيادة بما فيها 200ج عندما تضاف للمرتب ثم يتم خصم المعاش +التامين الصحى +ضريبة الدخل تصبح الزيادة الحقيقة 29ج فى الشهر فاذا كان الموظف يملك عربة ويعمل 8ساعات فى اليوم عليه دفع 16ج فى اليوم يعنى فى يومين الزيادة انتهت وكمان بزيادة 4ج دا غير الزيادة المتوقعة لكل شئ يخطر ببالنا يعنى يا بروف غندور كأنك ما غزيت ما اعتبرته انتصار سيدفع ثمنه الشعب الغلبان وانت ولايهمك كل شئ متوفر بين يديك

اول شىء أطالب به هو وقف البترول من الوزراء والمساعدين والولاة وكل من له سياره مخصصه من الحكومه يكون البترول على حسابه الخاص كفايه اعطوه سياره كل الموظفين والعمال بترحلوا لاعمالهم على حسابهم رغم ضعف المرتبات ولذلك اطالب بوقف البترول من كل موظفى الدوله ولا يصرف البترول الا لسيارات القوات المسلحه وسيارات الشرطه والاسعاق والمطافىء فقط اما من رئيس الجمهوريه ولاخر مسؤول له سياره من الحكومه البترول على حسابه ويدفع رسوم المواقف خارج منزله البلد بحاجه لاعانه من كل السودانين بدءا من رئيس الجمهوريه وكل سيادى او كل من تصرف له علاوة عامل منزل توقف عنه ويستأجر على حسابه الخاص … كل شىء اصبح على المواطن وغد
ا صلاة الجمعه برسوم لو عايز تفتح بلاغ برسوم وغدا ايضا تدفع رسوم لكى تدفع رسوم الماء والكهرباء . .. حسبنا الله ونعم الوكيل .