الفرصة الآن تاريخية لانهاء الاحتلال وتحرير القدس وفلسطين.
الخرطوم: صبري جبور :
شن الشيخ علي جاويش المراقب العام للإخوان المسلمين بالسودان هجوماً على الحكومة واصفاً إياها بالضعيفة، لافتاً النظر إلى أنها فشلت في كثير من المجالات، فضلاً عن ضعف المعارضة وأبان أنها أكثر تشرذماً من الحكومة، مشيراً إلى أن المعارضة تفتقد إلى الرؤية والبرنامج وأن مطالبتها بقيام حكومة انتقالية خلال المرحلة القادمة غير مفيدة ولا معنى لها. ورسم جاويش صورة قاتمة للأوضاع في السودان، وقال الأمور الآن سيئة سياسياً واقتصادياً بالإضافة إلى عدم وضوح الرؤية للمستقبل، في وقت كشف فيه عن تقديمهم خطة للحكومة والرأي العام خلال الأسابيع المقبلة بغية معالجة الأوضاع والنهوض بالسودان دينياً وإسلامياً، وأبان جاويش أن النظام في حالة ضعف شديد ونقاط قوته توقفت بسبب ممارساته السالبة وسياساته الخاطئة التي قال إنها ساهمت في انتشار الفساد وتدهور الأخلاق، مشدداً على ضرورة إتاحة الحريات العامة والتحول الديمقراطي خلال المرحلة القادمة، وانتقد جاويش الاحتفالات بأعياد رأس السنة، وعاب على الإعلام وقال إنه اهتم بأعياد الميلاد واطفأ ذكرى الاستقلال المجيد وضيع معالمه وعزته، وأضاف لذلك أصبحت الصورة كأننا في «بلد ما عندو دين». وفي سياق آخر أشار جاويش إلى أنه ترأس وفداً خلال الشهر الماضي إلى مدينة غزة، والتقى بالقيادات السياسية التنفيذية والتشريعية بجانب قيادات بحركة حماس، لافتاً النظر إلى أن المقاومة كسرت معادلة أن الكيان الصهيوني أسطورة لا تهزم، وقال إن الفرصة الآن تاريخية لانهاء الاحتلال وتحرير القدس وفلسطين.
اخر لحظة
Ya monafigh ya kalib Inta ma gibta al hakooma wa mosharik feeha
والنهوض بالسودان دينياً وإسلامياً، ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بالله ده زول ده؟؟؟ الناس فى شنو و الاخوان فى شنو ناس جيعانة و الجوع كافر يا كافر الاخوان المسلميين هم اكفار
يا شيخ الدنيا صباح عليك الله اختانا و سوق معاك اخوانك امشو حرروا فلسطين براكم سوقو معاكم الترابي برضو
كاهن
الأخوان المسلمين لو ما عاجبهم الإحتفال بالمولد مايمشوه
وبعد تحرير القدس ح يحصل شنو ؟؟؟؟؟
وقال إن الفرصة الآن تاريخية لانهاء الاحتلال وتحرير القدس وفلسطين.
هوي يالمقهي ومندهش ,,فاتح خشمك عشان تقول لينا حان الوقت لتحرير فلسطين ,,,خلاص حليتو كل مشاكل السودان وقبلتوا علي اسرائيل
انا مبسوط انكم اشهرتم عدائكم السافر لاسرائيل ومساندتكم العلنيه لحماس والكل يعلم ان اسرائيل لم ولن تهادن في المساس بامنها
استمروا في غيكم هذا وعما قريب سنسمع باصوات طائرات الدرون في الخرطوم التي ستصتادكم فردا فردا وكما يقول اهلنا في السودان رب ضارة نافعه
صباح الخير يا كلبووووظ حلاتو حلاتو حلاااااتو
واحد بالله يجيب كباية لبن داااافيه لجاويش
الناس في شنو وتجار الدين بكل تقسيماتهم في شنو. احنا حقو نعمل لينا ذي الفاتيكان ونكب فيه كل المهوسين عشان باقي السودان يعيش بدون هوس ويلحق بركب الأمم المتقدمة
يعني اكتشفتوا الذرة !!!
من زمان قلنا ليكم انتو فاسدين يعني يا دوب عرفتوا انفسكم !!!!!!
مخكم ما بجي الا بعد الساعة اتناشر !!!!!!!لعنة الله عليكم
قال اخوان مسلمين قال !!!!!!!!
يا شيخ علي جاويش هل ترأست وفدا لزيارة أهلنا في الشرق و تفقدت أحوالهم هل سرك حالهم؟؟؟
هل ترأست وفدا لزيارة أهلنا في النيل الأورق و جنوب كردفان هل أعجبك حالهم و أريد أن أقول لك عن أحوال اهلنا في دارفور العظمي طبعا هذه ليس في حسبانكم مع أن ه تعتبر دارفور معقل الأخوان المسلمين أم أنكم تحتاجون إليهم وقت الإنتخابات فقط؟؟؟ و اللع عيب عليك يا شيخ علي جاويش البعيد في قارة آسيا أصبح أقرب إليكم من بني جلدتكم و بين و طنكم ؟؟ صحيح إن تنظيم الإخوان المسلمين العالمي ألغي حاجة إسمها وطن بل أصبح تنظيما ماسونيا يهتم بما هو إسلامي فقط بصرف النظر عن الدولة أو القطر أو الإتسانية؟؟ الم تدخل إمرأة النار بسبب هرة حبستها فلم تطعمها و لم تتركها تأكل من خشاش الأرض؟؟ أولم يدخل رجل الجنة بسبب كلب عطش فنزل إلي الئر فملآ خفه و سقي الكلب حتي إرتوي ؟؟؟ أين أنتم من هذا الحديث يا شيوخ الإسلام السياسي؟؟ ألم تعلم أن الذي يعلم عقابه أضعاف من لا يعلم؟؟؟ كيف تلاقوا ربكم يوم الحساب؟؟؟ إن الله غفور رحيم فيما يخصه هو سبحانه و لكنه شديد العقاب فيما يخظلم العباد لبعضهم البعض حتي يعفو من ظلم عن من ظلمه؟؟؟؟
لقد أجحفتم في حق إخوانكم السودانيين و لن يصبروا عليكم أكثر من ذلك و لا يغير الله ما بقوم حتي يغيروا ما بأنفسهم..
تجرير فلسطين والقدس لها رجالها خليك فى السودان وأبعدوا الدين عن السياسة…. كلكم شكل واحد تستغلون الدين لأغراضكم الشخصية الدنيئة ولن يصدقكم الشعب بعد ممارسات حكومة المؤتمر الوطنىوالفساد الذى أستشرى فى البلد
يا شيخنا حرروا بلدكم من حزب البشير الماسوني أولاً ثم بعد ذلك فكروا في تحرير فلسطين والقدس فلا معنى لأن تذهبوا لتحرير القدس ثم ترجعوا لتجدوا البشير وزبانيته قد سلموا السودان بكامله للصهاينة! تأملوا في المفاسد التي نجح نظام البشير في ترسيخها طيلة 23 عاماً في مجتمعنا ولا يزالوان مجتهدين في ترسيخها! تأملوا في خديعتكم على مدى أكثر من عقدين من الزمان بتطبيق الشريعة وهذا التخدير الذي يمارسه عليكم حزب المؤتمر الماسوني!
متعمدا لم اشأ ان اكتب السلام عليكم ياعلي جاويش .. لأنكم اولي بعدم السلام وعدم الأمان لما وجدناه فيكم من لؤم ومكر وخبث ولما طال سوداننا العزيز منكم ومن اتساخ معتقدكم وبعدكم عن الدين الجنيف منهجا ..
ذهبت الي غزة ( هل دفعت المصاريف من جيبك أم انها ضمن مفاسدكم وفسادكم الذي ابعتدتم به السودانيين عن الدين وفسادكم الذي بسببه صارت المفردة الاسلامية في السودان مهيضة ومهزوزة .. ولا تدعي عدم علاقتكم بالحكومة انتم من ضمن كوادرها الهرمة والمغيته لا اقصد انت فس شخصك فأنت لا تعهمني ولا تعني لي شئ لكن اقصدالاخوان المتأسلمين …
غزة ؟؟ لا حول ولا قوة الا بالله .. والله ان الحال بطوكر اكثر معاناة مما هو بغزة .. والحال بالبجبال النوبة يخجل من به زرة اسلام دعك من ايمان ..
روحو ضيعتو الدين ربنا يضيعكم ياخي ..
الجماعة بتحضر للخطة B انتبهوا يعني هم عرفوا ان الحكومة عمرها قصير فقرروا ان يتلونوا مثل الحرباء حتى ان انقلب عليهم الشعب تبقى منهم بقية تشارك في الحكومة القادمة.
انتبهواااااااااااااا للارزال
فلسطين شنو البتحرروها إنتم ,, كدى فى الاول خلينا نحلحل مشاكلنا?? قال يحرر فلسطين , والله لو بقيت صول مش شاويش
فلسطين في عينك يااخي السودان ضاع باهتماماتكم الفارغة واضغاث الاحلام الفارغة الوهمية الخيالية اللي بتتكلم عنها دي انت ماعايش مع الناس فلسطيم شنو ياموهوم السودان رايح للهاوية وانت بتتكلم عن فلسطين يااعمي البصيرة ايها الابله الغبي…ياها ديك فلسطين امشي ليها كرهتنا زاتواانحنا لينا بالسودان يااب دقينة كرهتونا فلسطين زاتوا انتو فاكرين الموضوع دغدغة مشاعر فارغة وكاذبة ومضيعة زمن باموركم الفارغة الكرور دي اتكلمنا لينا في السودان بتاعنا ده…بلا يخمك ويخم الكيزان ويخم الاخوان الكضابين الذيك قال الاخوان المسلمين قال…الناس في وادي والحمقي امثال البليد ده في وادي ثاني تماما ومنفصلين عن الواقع وعايشين في دنيا تانية تماما…هو الفلسطينين الرمم الكرور ديل كلمتم مع بعض ماواحدة وتقول لي فلسطين؟؟؟؟؟
النهوض بالسودان دينيا واسلاميا؟ .. ياشيخنا بطل الدجل . السودان عايز نهضه اقتصاديه وعلميه ومعرفيه .بعدين السودان المشير ما صلحو . يقدر يصلحوا شاويش ؟ .
ياهذا المسخ المشوه
موضوع الفساد ليس شئ بالجديد في الارض بل يعم فيها الصلاح والطلاح لا يغلب الله سبحانة وتعالي ان يجعلنا كلنا مفسدون او مصلحون والشعب السوداني ليس مثتثني من فيكم سيدنا يوسف
اترك فلسطين لحالها و خليك في مشاكلك لو بتقدر تحلها وحللها باين في القران المطالبين انتم بتنزيلة وتطبيقة علي ارض الواقع اذا بغت فئة فقط بقية الآية متروكة لك يا ابو الحفيظ وبما ان المؤتمر او الاخوان وهما سيان يرفضان الشورة والنصيحة وبغوا وتنمروا وتجبروا طبق عليهم تلك الآية الكريمة
علي جاويش كدي حرر لينا حلايب من الاخوان المسلميين بتاعيين مصر -بعد داك بنمشي معاك نحرر فلسطين — بالله شوف الراجل الموهوم دا جا من وين — الناس في شنو و الاسلاميين السودانيين في شنو ؟ ما جايبين خبر الدنيا — داهية تغطس حجركم يا حرامية يا كضابيين .
بايه يا فرج بالدوم ولا اللالوب ولا النبق ؟؟
للاسف الشديد
يبدو ان معظم قراء الراكوبة من الجهلاء والدليل الخلط وعدم معرفة الاشياء والناس وعدم الفصل بين الاشياء
ياناس يا وهم جاويش هذا ليس له علاقة بالحكومة
والاخوان المسلمين هم ليسوا الحكومة
وحقوا الما فاهم حاجة يسأل
ولاشنو
(( الما فيه خير في اهلو ما فيه خير في الناس ))
امش افهم الكلام ده بعدين تعال نشوف حنحرر فلسطين كيف
ياجماعة كدي استهدوا بالله شكلكم خالطين الامور
هذا الشيح وجماعة الاخوان المسلمينن وقائدهم الحبر نور الدائم برئين من الانقاذ براء الذئب من دم بن يعقوب . فاحينما اتجه الترابي للحراك السياسي وادخل فكرة تسيس حزب الاخوان تركه الشيخ الحبر وانسلخ منه وقال له الدين لا يخلط مع الدولة لاننا اذا شاركنا في الحكم سنبعد من الدين ونتمسك بالدنيا وهذا رائ سليم للشيخ الفاضل الحبر نور الدائم وهذا ما حدث .
فتوجد حركة الاخوان المسلمين ( النظاف ) وشغلهم الشاغل حلقات دينية بالمساجد وندوات ودعوة ومحاضرات ضد ظلم الكيزان وانى اشهد بذلك لان صحبي كان منهم ودعاني بمسجد بالصحافة جوار مدرسة القدس واعجبت بهم تماما وكنت افكر ان التحق بهم ولكننى سافرت للخارج.
انهم اناس يحملون صفاة الرجل المسلم الحقيقي الذي يندر ما تجده الان . فشغلهم الشاغل عمل الخير وجل عملهم توزيع الاموال للمساكين من اثرياء الخليج لانهم مؤتمنين واكبر دليل على اخلاصهم للدين الدكتور بكري الذي كان يسكن جارنا ويفتح عيادة من منزله الصغير المسأجر وكان يعالج الفقراء مجانا ويشترى لهم الدواء وكان بعد كل صلاة بالمسجد يمسك المايك وينزل شتم في الكيزان ويجي رجال الامن ويعتقلوه . انهم الاخوان المسلمين الحقيقيين عطوفين بالعباد اقويا على الجلادين لايهابو في الحق لومة لائم وانهم لم يشاركوا مع الكيزان تجار الدين بالحكم لابعد 89 ولاقبلها.
فلا تظلوموهم وتسبوهم ولا تخلطو الماء بالزيت والدليل على كلامي وصف هذا الشيخ البشير بانهم افسدو في البلاد وهل يوجد كوز يقول هذا الكلام .
صدقوني فانامنكم اكره الكيزان حتى الموت والبشير اكبر طاغية مر على حكم السودان وفلول الجبهة من ترابي وقوش لن نرضى بهم حتى لو اقتلعوا البشير من الحكم 0
واخيرا اوصى كل من يريد اتجاه اسلاميا نزيها بعيد عن السياسة ان يتبع الاخوان المسلمين الحقيقيين جماعة الحبر فانهم خير رفقا درب وصادقين مع انفسهم وللشباب غير التزوجين بقول ليهم الجماعة ديل بعرسوا للشاب حتى اذا كان ما عندو التكتحو ( ناس الفاتحة وسووق مرتك ) .
والله ياجماعة ماكسير تلج لكن ديل انسب ناس يمثلوا الدين وانا لومشيت نهاى بنخرت معاهم وادخل مرتى كمان …..
اخوكم المخلص لقضية كنس الجيزان
رماة الحدق