قذارة جهاز امن البشير .. واساليبهم السيئة ‘ 1 ‘
للامانه و التاريخ .. اكتب
للناس البقولو مافي تعذيب في معتقلات النظام عايز قول ليهم الاتي عشان الامور توضح ..
ناس الامن زول معروف او اتعددت اعتقالاتو ما بدقوهو اساسا .. لانو بقنعو منو و بعتبرو انو الدق تاني ما مفيد .. لكن في فترة الاعتقالات الاولي خاصة لو انت كنت طالب بدقوك دق العيش.. دق بي ادب.. وتعذيب يشيب ..
انا اخر مره اتدقيت في اعتقال 29 يناير 2011 …
منها مافي دق بس تعذيب بي طرق تانيه ..
لكن في 2011 دي العملو فينا ما بتحكي زاتو شي فظيع اتقبضنا انا ورفيقي علي حمدان ابو ماضى حمدان في امبده وهناك اخدنا يوم ونص اتدقينا واتعذبنا فيهم تعذيب في تاريخ حياتي ما شفتا زيو .. وجابونا بعدها موقف شندي اخدتا فيها 47 يوم كنا في حالة تعذيب مستمر مافي اسوء منو .. دق وتعليق وقليع هدوم ومويه حاره وتشتشه بالنار وكهربا في مناطق حساسا وفي الراس وتش بي موية سكر مسخنه ومنع من النوم اول ايام ومنع من البول اول يومين ووقوف في السطوح وانت عريان لحدي الصباح مع الرش بموية تلج وده في شهر واحد عز البرد.. وتحرش لفظي جنسي ويقلعوك وانت مكتف ويقولو ليك بنسوي بيك كده.. واكتر من كده كمان ..
..
اما مثلا في 2012 اعتقلتا في زنازين السجن الجديد البقولو ليهو الفندق شهرين حبس انفرادي .. ما اظن في تعذيب اكتر من كده ..
وبعدها مثلا اسي في الاعتقال الاخير ده ظروف الاعتقال كانت كعبه جدا الاكل كعب جدا جدا المكان كعب جدا جدا العلاج مافي وحولوني اخر شهر لاقذر زنزانه في سجن كوبر ارضياتا فايره وكلها كرضمات وقدر ما بلغتا اني عندي غضروف ابو يغيروها لي .. اطلاقا ما كنت بنوم ..
اها اسي اخير جنس ده وله الدق ..
اما بالنسبه للناس الاستغربو من كلامي في البوست الفات الاتكلمتا فيهو عن واحده من المواضيع في التحقيق وكان استغرابم في الطريقه بتاعة التحقيق واني بتناقش معاهم و انو بقول ليهم راي بكل صراحه فده عادي يعني لانهم اساسا عارفنو يعني وبعدين هم مهما عملو فهم بشر زي وشهم شبر وما ارجل مني .. اقسم بالله بقول ليهم الكلام الجواي وراي زي البقولو وانا بره ده في عينم حتي لو حيقتلوني زاتو ..
اقسم بالله اول يوم اعتقال لي المره الاخيره دي يوم 11 فبراير واحده صباحا قدام اللوا مدير امن الولايه وفي مكتبو هو ونايبو قلتا ليهم ما لم يقله مالك في الخمر .. وهم عملو فيها دمقراطين وما بتضايقو .. قالو انت داير تعملو شنو قلتا ليهم ما انا الداير براي كل الشعب السوداني دايركم تمشو لانو بكرهكم وبحتقركم لانكم مسخ وما صادقين ودمرتو البلد .. طوالي قال لي طيب صدام حسين زاتو ما ضيع العراق .. المهم ده موضوع طويل استمرا لي تلاته ونص صباحا وبعدها رحلوني السجن ..
عموما دي كلها حاجات حيجي وقتها وحقولا بالتفاصيل انشالله
محمد حسن بوشي
[email][email protected][/email]
تم اعتقالى مرة واحدة لمدة 7 ساعات تعرضت للضرب والتعذيب خلال السبعة ساعات …ضرب جماعى لمدة ساعة تقريبا ثم توقفو لاداء صلاة العشاء…وهم بصلو انا واقف قدام الجامع مقبل على الحيطة ورافع يدى فوق…وبعد خروجهم من الجامع بداءات عملية الضرب من جديد هذه المرة كانت فردية كلو واحد كان بختبر رجالتو فى استعمال الصوط ( خرطوش مياه اسود )…سمعت كلام والفاظ لم اتخيل انو فى بنى ادم من اسرة ممكن اقولا…كتبت تعهد بعدم التظاهر مرة اخرى….عاوزكم تفهمو حاجة انا حقى ما بسيبو طال الذمن قصر
معليش وأرجو ألا تفهمنى غلط …عندما أسأل /هو إنت قبضوك عشان شنو ؟؟؟؟ أقول ذلك لأنك ومن كلامك ..ولغتك الدارجة لا زعيم سياسي ولا مفكر يسارى ولا يمينى متطرف …
فالذين يكتبون عن التعذيب يجب أن تكون إفادتهم كاملة وليس التركيز فقط على ما بعد الإعتقال لان السؤال سيظل قائما وهو لماذا هذا الاعتقال ؟؟ … مرة وثانية وثالثة كما حدث لصديقنا الكاتب حسب إفادته ..
تم اعتقالى مرة واحدة لمدة 7 ساعات تعرضت للضرب والتعذيب خلال السبعة ساعات …ضرب جماعى لمدة ساعة تقريبا ثم توقفو لاداء صلاة العشاء…وهم بصلو انا واقف قدام الجامع مقبل على الحيطة ورافع يدى فوق…وبعد خروجهم من الجامع بداءات عملية الضرب من جديد هذه المرة كانت فردية كلو واحد كان بختبر رجالتو فى استعمال الصوط ( خرطوش مياه اسود )…سمعت كلام والفاظ لم اتخيل انو فى بنى ادم من اسرة ممكن اقولا…كتبت تعهد بعدم التظاهر مرة اخرى….عاوزكم تفهمو حاجة انا حقى ما بسيبو طال الذمن قصر
معليش وأرجو ألا تفهمنى غلط …عندما أسأل /هو إنت قبضوك عشان شنو ؟؟؟؟ أقول ذلك لأنك ومن كلامك ..ولغتك الدارجة لا زعيم سياسي ولا مفكر يسارى ولا يمينى متطرف …
فالذين يكتبون عن التعذيب يجب أن تكون إفادتهم كاملة وليس التركيز فقط على ما بعد الإعتقال لان السؤال سيظل قائما وهو لماذا هذا الاعتقال ؟؟ … مرة وثانية وثالثة كما حدث لصديقنا الكاتب حسب إفادته ..