مصادر تشير الى ضلوع (البشير ) ومسئولين بالقصر الرئاسي في اخفائهم وتهريبهم..واشنطون تعرض 10 مليون دولار لقتلة غرانفيل
لندن : عمار عوض
عرضت الولايات المتحدة امس الثلاثاء 10 مليون دولار لمن يدلي بمعلومات تسهل القبض على اثنين من المدانين بقتل الدبلوماسي الامريكي جون غرانفيل وسائقه السوداني عباس عبدالرحمن .ووضعت وزارة الخارجية الامريكية مبلغ 5 مليون دولار لمن يدلى بمعلومات عن كل من عبد الباسط حاج الحسن حاج حمد ومحمد مكاوي ابراهيم محمد. وادين مكاوي بقيادة الهجوم على غرانيفيل وسائقه بينما ادين عبد الباسط بإطلاق النار بعده.
وكانت المحاكم السودانية ادانت 4 من المتهمين بقتل غرانقيل الا انهم فروا من السجن وقتلوا ضابط شرطة سوداني اثناء هروبهم والقت السلطات السودانية القبض علىعبدالرؤوف أبوزيد محمد حمزة يوم 22 يونيو 2010 نجل زعيم جماعه انصار السنه المحمدية وتزامن ذلك وقتها مع اعتراض السلطات القبرصية سفينة تحمل معدات عسكرية يعتقد أنها متجهة إلى السودان بموجب حظر سلاح تفرضه الأمم المتحدة والاتحاد الأوروبي.
. بينما قتل مهند عثمان يوسف محمد في الصومال بحسب صحيفة (الاحداث) وقتها والتى نشرت مشاركة وزير الدفاع الحالى عبدالرحيم محمد حسين في مراسم العزاء بالخرطوم وجنرالات كبار في الجيش السوداني بمسجد وخلوة (الرضوان) بضاحية الواحة في شرق النيل يوم 8 مايو2011 ورفض والد مهند الذى كان وزيرا سابقا فى حكومة الانقاذ الحالية الكشف عن الكيفية التى تلقى بها نبأ مصرع نجله وافاد مصدر لصحيفة (الرأي العام) يومها، أن شخصا اتصل باسرته ولم يذكر أيِّ تفاصيل عن ملابسات وفاة (مهند)، وقال إنه كان هناك إتصال واحد من خارج الحدود خلال الفترة السابقة بعد عملية فرار (مهند) ورفاقه، طمأن الأسرة عن صحته، وبعد ذلك إنقطعت أخباره
وكان عبد الباسط حاج الحسن ومحمد مكاوى ظهرا في شريط فيديو نشر مؤخرا على الانترنت يكشف تفاصيل هروبهم من سجن كوبر بالخرطوم في الوقت الذي تشير فيه اصابع الاتهام الى مسؤولين رفيعى المستوى في القصر الرئاسي بالخرطوم من وزراء ومساعدين للرئيس السوداني عرفوا بانهم من الذين يدعمون الجماعات الارهابية وتنظيم القاعدة في بلاد السودان ويقومون بارسال الاسلحة الى حركة حماس في غزة وانهم من قاموا بتسهيل واخفاء المتهمين عبدالباسط ومكاوى الذان تشير التقارير الصحفية الى انهم غادروا الى الصومال .
يشار الى ان الجماعات السلفية والتكفيرية المرتبطة بتنظيم القاعدة تزايدوجودها وخطرها في الفترة الاخيرة بالخرطوم حيث دارت معارك اخر العام الماضي في غابة الدندر جنوب الخرطوم بين جماعة تتبع لتنظيم القاعدة والشرطة السودانية كما القت السلطات السودانية القبض على معسكر يحوي فتيات سودانيات كان يجرى تدريبهم لارسالهم الى دولة مالي التى سيطرت على جذء كبير منها تنظيم القاعدة في بلاد المغرب العربي وتشير مصادر موثوق بها وواسعة الاطلاع الى ارتباط شخصيات رفيعة المستوى في حزب المؤتمر الوطني والقصر الجمهوري بنشاط تنظيم القاعدة وان هذا النشاط مدعوم بشكل مباشر من الرئيس السوداني عمر البشير وان هاتين الشخصيتين الرفيعتين في القصر الرئاسي يريدان استخدام تنظيم القاعدة كفزاعة لاخافة العالم الخارجي من اى احتمالات للتغير في السودان .
*** ويعتقد ان الرجلين يختبآن في الصومال بعد ان فرا من السجن في 2010 بعد صدور الحكم عليهما بالإعدام في هذه الجريمة. ***
مبلغ مغري يسيل لعاب اخوانهم ولعابنا ولعاب منقبي الذهب بصحراء بلادي وصايدي الجوائز العالميين يغير مجري التاريخ والحياة لكل فرد منا
ويا لخيبة الامل والعشم كيف الوصول لوكر الضبع (الصومال) برا كم تستقرق المسيره وبحرا كيف العبور من القراصنة والفوز بالغنيمة بالآياب الوصول لوكر الضبع صعب عضتة مكلفة للصحة و الحياة او الآسر ولا نملك اموال تفدينا الطلب عبر السفر غالي والثمن رخيص
ارجو البحث عنهم عبر اقماركم الاصطناعية او عبر عملاؤكم الارضين وافيدونا اما في ولايات بلدي لا مشكلة ونسات ساكت تصطادهم فردا فردا و السر لدينا غير مكتوم المضيف يبوح بضيافتهم لجارة والجار يبوح لجارة حتي يعم وينتشر الخبر
حلاة لكلك العمر غااااااااااااااااااااااااااااااااااالي
لم نسمع ان مسجوناً قد هرب من سجون السودان إلا بفعل فاعل مساعد خاصة اذا كان الهروب جماعي وفي حالة القتلة الفارين فالفاعل المساعد معروف للإدارة الامريكية وما عليها إلا ان تسمى الأشياء بأسمائها وتبدأ في التعامل معه بالطريقة الامريكية المعروفة ولا داعي لترك الفيك والطعن في ظله اللهم إلا اذا ارادت الادارة الأمريكية تركيب قمبور لنفسها وتعمل عويرة……..
I would do my best to help the Americans with all the power that i have to fight the terrorism ………………………………….sudaness till the day I die………..not about the money
اول ناس حا يسيل لعابهم هم الكيزان وحا يبيعوا الجماعة ويسلموهم عشان يفوزوا بالعشرة ملايين دولار !!!!
غايتو لو كنت انا في السودان كان بعتكم احلي بيعه للامريكان وما لاني خائن وبياع لكني وبصراحه بكره الجهل والجهلاء .هسي بالله لو سالوكم بقتلكم ليهو ده استفدتوا انتوا والاسلام شنو حايكون ردكم كيف .والله ربنا لا تواخذنا بما فعل الجهلاء منا
من المؤمل أن سرعان ما اشتعلت!
[img]http://s01.flagcounter.com/mini/fcPpr/bg_ffffff/txt_fffff1/border_fffff2/flags_0.jpg[/img]
يقول حبيبي صلى الله عليه و سلم (لكل امةٍ فتنه و فتنة امتي المال)…انتو خلاس الفيكم انتهت يعني؟ رايتم المال و بعتم ما ليس لكم به دخل ولا علم,ليه ياخي ديل ناس زينا واحد بس رؤوسهم مليئه كلام تحكم على افعلهم و اقوالهم..
أمريكا غلطانة وما بتفهم وما عايزة تفهم الحاصل في السودان ديل اغلبهم أولاد صغار المفروض الجائزة تكون للقبض على زعماء الهوس الديني في السودان // الريسان الكبار عشان نرتاح وما في شيخ تاني يعمل فيها زعيم جماعة ويغسل أمخاخ شفع زي ديل // فليكن الحل جذريا ايها الامريكان //
سير سير يا البشير نحن جنودك للتكفير
Oops. Ten million Dolars
مره واحده ،،، يا سلام
يالله تجمعنا بيهم ، حرررم خمسة مليون اوزعها صدقة ساكت ، و الخمسة التانية كفيلة بتغيير ملامح حياتنا التعيسةدي
الله يكفينا شر الحشرات الذي ديل
أكيد تم تهريبهم بواسطة متنفذين فى الدولة.. و بضغوط من جماعات الهوس الدينى، ولا ننسى ان من بينهم نجل رئيس جماعة انصار السنة.. الاسلاميين الذين سطوا على السلطة عام 89 سخروا كل موارد الدولة لتنفيذ خططهم لاقامة دولة اسلامية سودانية تكون قاعدة للانطلاق لاسلمة المنطقة ومن ثم غزو الغرب الكافر.. وهذا يتطابق مع تطلعات الجماعات المتشددة التى تؤمن بالعنف، بل قتل شخص غربى يعتبر جهاداً ونصرةً لدين الله، ينالون عليه الثواب فى الجنة..
انظروا ماذا فعل هؤلاء غريبى الاطوار مشوَهى الاخلاق ملوَثى الافكار فى السودان؟؟.. دمروا الاقتصاد لانه مبنى على نظريات غربية وهم ارادوه اسلامياً.. شردوا موظفى الخدمة المدنية لانهم غير موالين.. اضعفوا القوات المسلحة القومية واسندوا مهمتها لمليشيات مؤدلجة دينياً.. خربوا العلاقات الخارجية وحاكوا المؤامرات ضد دول الجوار، حتى صنف السودان دولة ارهابية.. شنوا حروب جهادية ضد ابناء الوطن وفتتوا وقسموا البلد وصنفوا السكان بتصنيفات عنصرية.. ولا ادرى اذا استمروا فى الحكم ماهو الاسواء الذى ينتظرنا؟؟
هعهعهعهعهه والله خائف اللمبي يعمله ويستلم ال ١٠ مليون . جنو قروش ؟؟ بعدين ماتستبعدوا شئ من الكيزان ديل باعوا الوطن عادي ممكن يبيعوا الجماعة ويسلموهم لي امريكا خاصة وإن المبلغ مغري والولار زائد ومافي في السوق اتوقع ان يفشي سرهم لي امريكا اللمبي او اسامة سدود او المتعافي ؟؟
الجماعة ديل الآن في امريكا طلعتم المخابرات الامريكيه من سجن كوبر وقالوا للحكومة قولي هربوا شغل مخابرات
الى السلطة القضائيه التابعه الذليله .. الى هيئة علماء السودان .. الى كل الاحزاب الدينيه التى تشارك المشير البشير السلطه .. الى المجلس الوطنى مشرع القوانين . الى سلطات السجون وكل اجهزة ( العداله ) .. عبدالرؤوف محمد حمزه موجود فى سجن كوبر بعد اعادة القبض عليه . وهو محكوم عليه بالاعدام قصاصا وفقا لاحكام الشريعه الاسلاميه .. وهى شريعة . لو سرقت فاطمه بنت محمد لقطع محمد يدها .. وهو الصادق الذى لا ينطق على الهوى . صلى الله عليه وسلم .. اتحدى كل المذكورين ان يقيموا القصاص العادل على ابن ( الاكرمين ) .. ولن يستطيعوا ابدا . اذن ما دام حكم الشريعه صعب وتطبقونه على هواكم فى الضعاف قتلة الصحفى محمد طه فلماذا تتبجحون بانكم المدافعون عن الاسلام وشرع الاسلام ؟ هذا هو حكم الله .. ونحن كلنا مسلمون والحمد لله .. طبقوه فى ابن الاكرمين وان لم تفعلوا ولن تفعلوا فاننى ابصق ملء فمى فى عدالتكم العرجاء الانتقائيه ..ولا نامت اعين المنافقين المتاجرين بشريعة رب العزة ..
10 مليون دولار ليست كافية. من المؤمل أن سرعان ما اشتعلت!
[img]http://s01.flagcounter.com/mini/fcPpr/bg_ffffff/txt_fffff1/border_fffff2/flags_0.jpg[/img]
هههههه ناس الانقاذ ماسمعوا ب 10 مليون دولار ولا شنو مع الفلسه دي ؟
قصة الهروب و من سجن كوبر كلام ما بدخل الرأس والما بغرف سجن كوبر و لا كان مى زيارة لاحد اقربائه فى السجن حمانا و حماكم يعرف الاجراءات و الدخول و الخروج لشتخص عادى والاسوار المسورة و حوش داخل حوش يعنى عمليه يصعب وصفها والحراسات المشدده و التفتيش فى الدخول و يمنع حمل اى شى الا بعد التأكد منه وخصوصا الاكل يفتش برضوا والملابس .
لكن لقصه فيها ناس كبار وعملوا نائمين .
غايتوا الامريكان ديل كان ضاعفو الفله دى نحاول ابو الغفين و نعمل شركة استثمارية لصيد المكفاءات ومناصفه قول بالربع و انا خسران حاجه .
ولا الواحد اعمل ليه فرس حار و مسدس لعب انشاءالله واجوب الخلا وافتش الجماعه لكن الصومال ولا اليمن انسى الموضوع صعب الا طيارة بدون طيار و تجيب اجلهم وتلحقم امات طه .
ديل أولاد ……بعد ما هربوا …بعد ما عملوا عملتهم دي ….مشوا يفتشوا علي بطولات زائفة …وانتاج فليم وتنزيله علي اليتيوب …مالهم ومال المشاكل …بعد ما شردوا…كانوا يمشوا يستغفروا علي الاقل من دم السوداني المسلم ده …الذي لا ذنب له سوي انه يأكل عيش من مهنته كسائق …لكن ..نقول شنو ؟؟..كل زول عاوز يعمل فيها ..بطل ملهم ؟