السلطات السودانية تضبط أجانب يحملون صخوراً تحوى معادن نفيسة
الخرطوم (أ.ش.أ)
كشفت وزارة المعادن السودانية عن ضبطها عددا من الأجانب فى أحد نقاط العبور، ومعهم بعض الصخور التى تحمل معادن نفيسة بغرض تهريبها، حيث قامت الوزارة باتخاذ الإجراءات القانونية ضدهم.
ولوح وزير المعادن كمال عبد اللطيف، خلال اجتماع مجلس تنسيق المعتمدين الثانى الذى يعقد كل 4 شهور، بعدم سماحهم بتهريب أية حجارة أو صخور من الأراضى السودانية إلى الخارج.
وأوضح أن التعامل مع الصخور والثروات الأرضية سيكون فقط من خلال وزارة المعادن، وهى التى تعطى الإذن بالتعامل مع الثروات السودانية.
وأشار الوزير فى الوقت ذاته إلى عدم إعطاء الشركات أى امتياز للتنقيب عن الحديد، ما لم تلتزم الشركة بإنشاء مصانع حديد خاصة، منوها أن السودان به مليارات الأطنان من الحديد.
الله أكبر طيب لو حديد وين وزارة التعدين ـ
ما دام أجانب بشروهم بالخروج قبل يليل عليهم الليل ومعاهم غلتهم كمان .. ليتني أجنبي في السودان ماكلينها والعة. والسودانيين لو يعتبوا شبر من حدودهم طلقة في الرأس. ربنا يجازي الكان السبب.
السلطات السودانية تضبط أجانب يحملون صخوراً تحوى (معادن نفيسة)
———————————————————–
اعملوا حسابكم في اجانب برضو بيحاولوا يهربوا صخورا تحوي (معادن فاطنة)، وبرضو (معادن علوية)!!!!!
المعادن النفيسة ثروة يجب على الحكومة الحفاظ عليها للاجيال القادمة لكن كيف يتم ذلك اذا كان الحكومة ما حافظت على المواطن نفسه – نحن في بلد تدخل بدون جواز سفر وتتجول بحرية ويمكن ان تعمل القصر الرئاسي قلنا يا جماعة اضبطوا الوجود الاجنبي في البلاد كمان حتى عمال النظافة من الخارج يعني بنقلد ناس الخليج وهذه العمالة بتعمل بمقابل وفي نهاية العام عاوزة تحول فلوسها لدولار فهل يستقيم عقلا في بلد يحتاج لدولار واحد حتى يوفر الدواء والقمح وكمان السكر وبلاش جهجهة جربتو فينا اشياء لم تجرب من قبل خافوا الله فينا وحقنا عند الله ما بضيع
ياجماعه يا حكومه يا جبانه خلوا مشاعركم الحسياسه دى والخجل والتواضع وما تدخلونا فىى الظنون اكشفوا لناجنسياتهم … على اية حال انا بقول ديل مصريين واستغلوا الشارع الظزلط الجديد … ارتريا ما عندها امكانيات لتنعدين هذه المسروقات وانتوا تتحملوا المسؤوليه اذا ما كانت مصر وعشان ما نتهم دوله ارجو ان تعرفونا ها هى مصر تكسف عننا أى شىء تقول سودانى او سودانيين هل نلومها على ذلك كلا بل نلوم اولادنا فقط . خلونا من احساسكم الخلى وزراة الزراعه المصريه تفرض نفوزها فى السودان .
فى المواصلات …..غداً
عمك :- والله ما فهمت أى حاجه من كلامك يا شاب … قلت الجماعه معــادين نفيسه؟…ليه سوّت
شنـــو ؟؟؟.
الكمسارى:- الله لا جاب عداوه يا عمك…انت فهمت غلط…معــادن نفيسه يعنى المعادن بتاعت نفيسه…؟.
عمك :- بالله…..معادن نفيسه!!!!!….و هى نفيسه قالت المعادن دى بتاعتَ…؟.
الكمسارى:- الظاهر إنوا نفيسه نكرت المعادن عشان خايفه من ناس …….” لك هذا…؟”.
عمك :- “لك هذا”…”لك هذا” يــا بليد…اسمها “من أين لك هذا…؟”.
الكمسارى:- يعنى بعد ما فهمناك قمت تتفلفس…؟
ديل ناس الحكومه زاتهم شغالين تجاره جد تهريب واختلاس .. أقل وليكم حاجه هم بهربوا للعائد السريع ومامشكله الشرطه تمسك وهم يفكوا ويعاودوا التهريب سواء من الداخل الى خارجه او من خارج السودان الى داخله ويكفيكم الحبوب المهربه والمنتهية الصلاحيه من اسرائيل … ده شغل ناس اى كلام والحبوب دخلت مستشفى الخرطوم …؟ يعنى مستشفى الخروم ولا وزارة الصحه بتشرى الادويه من فراشة السوق الافرنجى وفراشة المسجد الكبير بالخرطوم ؟هل سمعتم بمحاكمة مهربين … ياجماعه ارتفاع السلع التمونيه ناتج عن تهريب السلع الى جنوب السودان وارترياواثيوبيا حتى البترول .