تذمر وسط المواطنين بالخرطوم لزيادة رسوم الجواز الالكتروني إلى 490 جنيه
الخرطوم: محمد همة
أبدي مواطنو بولاية الخرطوم، تزمرهم من الزيادة الكبير، التي فرضتها السلطات المختصة، على رسوم إستخراج الجواز الالكتروني الجديد، و الخدمات.
وقال عدد من المواطنو بمجمع جوازات الخرطوم، ?إنهم تفاجئؤا مطلع الأسبوع الماضي، بزيادة أسعار رسوم إستخراج وثيقة السفر الجواز الالكتروني الجديد، من 380 الى 490 جنيه، وأضافوا أن العشرات من المواطنين لم يتمكنوا إستخراج الجواز بعد زيادة أسعار الرسوم، و أكدوا أن وزارة الداخلية أوقفت إستخراج الجواز الاخضر القديم، قبل عدة أشهر، و أشاروا إلى أن هناك زيادة كبيرة طرأت على رسوم الخدمات بالولاية، مع مطلع الشهر الجاري، حيث إرتفعت رسوم شهادات الميلاد و التسنين إلى 34 جنيه بدلا عن 21 جنيه، كما تمت زيادة رسوم ترخيص العربات من 470 الى 800 جنيه،ضافة الى فرض رسوم جديدة، على عبور الشاحنات للكباري الثلاثة بالعاصمة، بواقع جنيه لكل شاحنة في اليوم، علاوة على فرض رسوم لوقوف العربات بوسط الخرطوم، بمبلغ 2 جنيه لساعة، و أعتبروا أن إستمرار السلطات في فرض رسوم إضافية على المواطنين، في ظل إستمرار إرتفاع أسعار السلع، سيزيد من معاناة المواطن.
الميدان
الله المستعان
فى ناس ما عندهم جواز سفر ولا شهادة ميلاد ولاتسنين ولا عربية ماشين كدارى ساااااى اعملو حسابكم منهم
هذه ولاية الخرطوم فقط
والله نحنا مع الطيور الما بتعرف ليها خرطة ولا في ايدا جواز سفر
يا الله لوتري يمرقني من خلقة بشبش دا .. اللهم امين
يا الراكوباب القاعدين في امريكا تروا لي غادي
الناس ديل قالو الرووب لكن بالجد احنا شعب كسلان كما يطلق علينا ياريت نثور في وجه هؤلاء الاوغاد الكلاب وازالتهم نهائيا من خارطة السياسه بل اعدامهم واحد تلو الاخر لما ارتكبوهو في حق هذا الشعب المسكين
النهب عديل
إنشاء الله يعملوا فيكم أكثر من كده شعب جبان وذليل لايعرف غير الشكية
نحيا كتير نشوف عجائب الحكومة
الكل يوم بقرار وجباية جديدة
وتسلط سياطها على ضهر المواطن الغلبان
الله المستعان
الجواز ده اسمو الحكومة دقست شوفو خريطة السودان قبل الانفصال والله نحنا مع الطيور الما بتعرف ليها خرطة.
اول حاجه يجب عدم الاعتراف بهذا الجواز كونه يحمل خريطة دوله اخرى ثانيا هذه الحكومه تريد ان تأخذ كل اموال الشعب وتلك الجبايات لم تدخل خزينة الدوله وخاصه مواقف السيارات ومخالفات المرور وعبور الكبارى والجسور … دى كلها للحساب الخاص حتى لوكانت الايصالات أورنيك 15 ولا 16 مزوره منقب الحكومه نفسها ومن الملاحظ الزياده 100% واكثر ياجماعه البرلمان وبن والمجلس الوطنى وين ومجلس الوزراء وين اليس من حقهم الدفاع عن المواطن وحمايته من سلب الحكومه ولا هم الحكومه نفسها قاتلهم الله جميعا فى الحقيقه هم هاميهم شنوا لا بدفعوا حق مواقف ولا عبور ولا بترول ولا جوازات سفر كله مجانا حتن كل واحد تلقاه يشاهد فى مسلسل ولا فى النت داخل مكتبه … انا عشان كده كرهت هذه الحكومه لانها تقول ولا تفعل لصالح المواطن والفجر الجديد لانه تأخر يعنى منتظر شنوا لما الجماعه يهربوا ولا يدعوهم للعشاء ويسلموهم السلطه ؟ ياخى ماتجوا وتريحونا ولا طيروا وخلونا … كلكم لاعبين باعصابناوانتم معاهم .
في لعبة غبية قبيل الانتخابات الأخيرة أصدر وزير داخليتنا الأريتري قرارا بتخفيض رسوم نفس الجواز من 400 إلى 200 جنيه والآن عادت حليمة لعادتها القديمةوالله المستعان. هؤلاء البشر يفترضون أنهم أذكياء ويلعبون البيضة والحجر. يمكن يا أخوانا هم أذكى مننا بمراحل
متوسط عدد المهاجرين الجدد شهريا7500 مغلوب على أمره
7500×490=3.675.000 جنيه بالجديد( 3.675مليار شهريا)+رسوم المغتربين القدامى وتجديد جواز وهلم جرا.. ومعاها قلة أدب
شفتوا النقاطة الما زى نقاطة الفاتح جبرا
المثل بقول الضائعة ليهو حاجة بفتش خشم البقرة – عدم المؤاخذه – وزراء المالية عندما لم يجدوا حاجة تغطي الميزانية مدوا أيديهم على الجبايات الغير منظورة في الميزانية (الملكلكة) فأتموها تمومة جرتك
فاذا حصلت حرب الرماد كال حماد فسوف ينتهوا هؤلاء الحكام كما انتهي السفاح النميري من قبل ومين كان يصدق أبعاج يفكها بهذه السهولة ذلك من فضل ربنا وكل شىء مكتوب وله أوانه وأصبروا وصابروا إن الله مع الصابرين .
إنشاء الله مليار جنيه طايرين وين ذوقها الي الآخر نموت برانا وتشتكو ما تكسروا الجوازات تعرفوا تبكوا بس
حسبنا الله ونعم الوكيل ولا حول ولا قوة الا بالله !!!!!!!! بالله منتظرين شنو بعد دا حمل السلاح واجب وطنى الانضمام لتحالف كاودا اصبح واجبا وطنى تقتضيه الوطنية والشهامة ماذا تنتظرون الجراد الجراد الكيزانى ياكل ولا يشبع .
نستاهل والله
الشعب السودانى يستحق اكتر من كدة وكدة تمام ووزير خلى يزيد المبلغ دا ذاتو فى الايام الجاي لانو الشعب جبان ما داير يطلع الشارع حيعملو ليكم شنو
والله قرارات مجلس الوزراء فى وادى والصحافة فى وادى و البرلمان النائم فى وادى اخر ونشرات التلفزيون فى وادى ثالث وغندور يشاكل فى التمثيليةمع وزير المالية لزيادة المرتبات عشان يبرر ارتفاع الاسواق دى علينا الزيادة كانت 60 فقط والسوق زاد بنسبة 100% وكله تمثيل فى تمثيل على الشعب الغلبان سمعنا بان الريئس الغى كل الجبايات فى الطرق الكبارى دى فى السودان وماليزيا .
تذمر وسط المواطنين ,,,شنو يعني ؟؟؟
ﺣﻴﻘﺪﻣﻮ ﻟﻴﻬﻮ ﺯﻱ ﺍﻟﺨﻄﻪ ﻻﺳﻜﺎﻧﻴﻪ ﺷﻮﻳﻪ ﺍﻟﺠﻮﺍﺯ