حظر النشر في قضية المعلم المتهم بالتحرش بـ(26) طالباً ببحري
الخرطوم: مسرة :
قررت محكمة الطفل ببحري برئاسة القاضي يوسف إسحق أمس حظر النشر في قضية المعلم والمتهم بالتحرش بـ(26) طالباً بمدرسة أساس بحري وأرجأت في الوقت نفسه بدء محاكمة المتهم لجلسة 29 يناير الجاري.
وتفاجأ الصحفيون بقرار منع النشر من أفراد شرطة المحكمة الذين قالوا إنهم تلقوا تعليمات بعدم السماح للصحفيين بالدخول لقاعة المحكمة.
وتعود تفاصيل القضية إلى ورود عدد من البلاغات إلى النيابة من أولياء أمور التلاميذ تفيد بأن المعلم قد تحرش بأطفالهم وحررت النيابة (26) بلاغاً، وعرض الأطفال للكشف الطبي للتأكد من الواقعة وبعد اكتمال التحريات أحالت الملف إلى المحكمة، وقد وجدت القضية استنكاراً واسعاً من الرأي العام.
اخر لحظة
و لماذا يريد القاضى أن يتكتم على المحاكمة؟ هل أتته تعليمات عليا من كوز متنفذ أم ماذا؟
اكيك اكيد كوز او قريبو كوز …والا لماذا يتكتمون على مثل هذا الفعل ويضربون البنات بالسياط ويسيئون لسمعتهن …
اكيد كوز
اظنوا من الجماعة وح يدينوهو بواسطة قانون فقه السترة
يا اخوانا اهل الراكوبة ,, ممكن تشرحوا لينا الفرق بين التحرش والاغتصاب ؟؟ وشكرا
وعشان شنو يحظروا النشر الزول دا مفرزوض يتشهر بيهو ويحاكم في العلن عشان يكون عيرة لغيره ممن راودته نفسه في فعل هذا الشي الشنيع …يبدو إن واسطتو قوية الله يخلف على اهالي الطلبة ….
طيب اذا كان ده تحرش . الاغتصاب كيف ؟؟ ما تقعدو تجملو وتزينو الكلمات ساي . في فرق كبير بين تحرش و اغتصاب يا عالم
القصة كدة وضحت تماما .. انو الزول دة اما كوز معفن ولا زم يستروه
او عندو واسطة ومتنفذين في حزب الاغتصاب الوطنى
او داف رشوة تقييييييييييييييلة
مافي حاجة اسمها حظر نشر لمصلحة الطلبة واسرهم.. لانو اصلا مافي ذكر لي اسمو اذا هم فعلا مستورين بعدم ذكر اسم الغاصب..
الحكاية دي واضحة انو الزول دة عندو سند يمنع تمشية العدالة عليه .. ياخ فتاتة قدو قدو تشهيرها حتى والى الولاية ورئيس الجمهورية
ليه يعني؟؟؟ ايش معنى المعلم المغتصب او المتحرش؟؟
وبعدين هو منتظرين شنو؟؟؟ الجريمة واضحة والمجرم في اليد؟؟؟ قضاة مافي يعني ؟؟ ولا اولياء لضحايا يعفو ؟؟ طيب لو دايرين يعفو ما زمان عفو او ماشكوا.. وكونهم اشتكو ذاتو يوضح انو ستر الغاصب عشان سمعتهم دي مافي حساباتهم .. العدالة اولا بعد داك السمعة وياتو سمعة بدون عدالة
فى أمريكا مثل هذا الشخص يكون منبوذ فى المجتمع والدوله تحذر منه ,ولايسمح له بعد أن يسجنئه عام أن يعود للتدريس مرة أخرى