هيئة علماء السودان : غناء المرأة حرام وحلال تحت شروط..ومديح مونيكا للرسول لا يجوز شرعاً..!
أفتى مدير إدارة الفتوى بهيئة علماء السودان الدكتور عبدالرحمن أحمد حسن حامد بحرمة غناء المرأة، إلا أنه استدرك قائلاً: إنه في حال كان غنائهن بعيد عن الإثارة والأوصاف المشبوهة والحركات الخليعة فهناك قول بالإباحة، ووضع عدة شروط لذلك منها أن يكون بضوابط شرعية وأخلاقية وأن لا يكون مثير للغرائز و داعيا للفاحشة أو تصاحبه الخمور أو شئ مما حرم الله سبحانه وتعالى مثل الاختلاط أو الخلوة بالاجنبية وإلى غير ذلك من الأمور المشبوهة.
وعن مديح الفنانة مونيكا روبرت (مسيحية) للرسول صلى الله عليه وسلم ، أكد أنه لا يحق لها أن تفعل ذلك فهو يندرج تحت أن صوت المرأة عورة وبالتالي لا يجوز شرعاً..! وطالب الدكتور بمراقبة الأجهزة الإعلامية فيما تبثه من مواد.
فنون
يا عجبى لهيئة العلماء !!! والله إجتهدوا ،،،
والله ياعلماء السوء دي فتوى ولة بس ضربت ليك في راسك وقمت تهضرب
والله الغلبة بني بيتها مشت تطارد الجداد مع الكلاب الناس في شنو وعلماء الحكومة في شنو
امشي كدة بلا كلام فارق معاك ياخي نحن مافهمنا اي حاجة بس كلام الطير في الباقير
ماتمدح مالك ومالها حارقك وين
مونيكا مونيكا جننتونا انتو ماعنكم شغله غيرها
طيب قفلوا الفضائيات المسخرة و الفوضى ده الرسول صلى الله عليه و سلم برئ منهم هؤلاء السكارى و الحيارى
وراي الهيئة الموقرة دي شنو في موضوع الاسعار الزائدة كل يوم دي ؟؟
والمعيشة الصعبة والمعاناة التي يعانيها المواطن السوداني يوميا ؟؟
وعدم توفر الخدمات الاساسية مثل التعليم والصحة الا بعد دفع مبالغ طائلة ؟؟
ورايم شنو في البلد الح تتفرتك بعد اقل من سبعين يوم دي ؟؟
ورايم شنو في تصريحات المدعو كمال عبيد " ابو حقنة " ؟؟
صحيح الاختشوا ماتو …
هل صوت المرأة عورة فى مدح الرسول (ص) لانها مسيحية أم المرأة بصورة عامة لايجوز لها مدح الرسول الكريم ؟؟؟؟
صوت المرأة عوره لي مونيكا ولا لكل الفنانات
ولا عشان هي مسيحيه ما فاهمين حاجه
كمان في شروط للمرأة عشان تغني ولا كلام عجيب
أها الدكوراه بتاعتك دي بالحلال ولا بالحرام أي زول بقا عندو دكتواه المتعلم والما متعلم
يا علماء السجم والرماد أمشو شوفو ليكم شغلع تانيه تجيب ليكم قرش حلال بدل الكلام الفاضي البتعملو فيهو دا
ياخى مع احترامنا لهيئة علماء السودان اذا كان اصلاً توجد لدينا فى هذا البلد مثل هذه الهيئة الا توجد غير هذه الامور والتى يجب ان يتم فيها اصدار فتوى فى تحريم وتحليل غناء النساء اين دور ها فى ما يحدث الان فى السودان من فساد اخلاقى ودينى وسياسى واسرى وكان الله فى عوننا كما قيل
المديح اليومين ديل بقى على لسان اى فنان و فنانة حتى و لو كانت مسيحية و الظاهر الهدف جمع قروش باى وصيلة حتى و لو على حساب الدين و السنة النبوية
اما عن هيئة علماء السودان فهم مثل اهل الكهف مش عارف متى يصحوا كتاباتنا عنهم لا يجدى نفعا لذا الصمت اولى
أنت راجل حاقد ساكت. أسعه كان كانت زوجة شهيد كنت عرستها , لكن ياشيخنا الاسلام يحل الزواج من اهل الكتاب.خلوها ترفه عن العالم الجوعتوها ونهبوا حقها.
ايتها المفتى ما بالك بقناة ساهور كل من هب ودب من النساء يمدح فى الرسوال وارجوا ان تقفل قناة ساهور وهى عبث ولعب واستفذاذ بمشاعر المسلمين ومحبى الرسول الكريم صلى الله عليه وسلم وان يمسك من قام واداعى بانه حسان ابن ثابت فى مدح الرسول ونساء واصوات مصيره للجنس اوقفو العبث يا هيئه علماء السودان ان الله لا يستحى عن الحق عينكم للفيل بما حمل بقت على مينكا اتقوا الله واوقفو ه هذا العبث وبالذات القايميين على الامر فى هذا القناة
استدرك قائلاً: إنه في حال كان غنائهن بعيد عن الإثارة والأوصاف المشبوهة والحركات الخليعة فهناك قول بالإباحة، ووضع عدة شروط لذلك
يندرج تحت أن صوت المرأة عورة وبالتالي لا يجوز شرعاً..! وطالب الدكتور بمراقبة الأجهزة الإعلامية فيما تبثه من مواد.
ده تناقض
حرام تمدح الكتابيه الرسول
ولا حرام عليكم الشعب الجوعتوهو دا ( شوفو ليكم حاجه تانيه يا هيئة كبار العلماء ما وقفت على مونيكا )
سوف تسال يا سيادة الرئيس
كلكم رااااااااااااااااع وكلكم مسئول عن رعيته
قسما يا سيادة الرئيس سوف تسال
وللامام يا مونيكا
تحياتييييييييييييي
يا اخى ما يسمى بهيئة علماء السودان بدل ما يقعدوا يفتوا فى الفارغة و المليانة ما يفتوا لينا فى توفير الادوية المنقذة للحياة من قبل الحكومة والزامها بذلك من خلال الفتوة ولا دا شعرا ما عندهم ليه رقبة بس فقط فى الفنانات والكلام الفارغ دا
والله مافي عورة اكثر من علماء السوء هولاء يغتال السلطان المسلمين في دارفور وكجبار وبورسودان وينهب بيت مال المسلمين في وضح النهار وعلماءنا ومعظمهم من حملة درجة الدكتوراة كل همهم ختان المرأة وصوت المرأة ولبس المرأة !!! يا للبؤس
اظني الجماعة ديل متخصصين في فقه المرأة بس وما عارفين الحاصل للشعب الفضل ده انا بقترح عمل هيئة علماء تانية بس يكونوا اولاد ناس شوية و يشوفو لينا موضوع تاني غير النسوان ديل
قال علماء قال هوى يا ارزقيه ياتجار الدين مونيكا احسن منك لان ما بتغش الناس بتمشى نجيريا دغري عديل وبتغنى للشريف وبتاخذ اجرها وتمدح الرسول ص عشان امورها تمشى ولا انتم خافين تزاحمكم فى التطبيل فى امور الاديان السماويه ولا يمكن الريس يعينها مشتشاره لشؤن المسيحيين فى القصر وخاصة هى تملك مؤهلات جاذبة و انها مطلقة ما تحتاج مجاذفه كتير زى اخونا المرحوم ابراهيم شمش الدين:lool: :mad: ( ) ;) ;) ;) ;) :o :o
و الله يا أخونا حسين حقيقة المديح في السودان بقى مسخرة
جيب أي كلام و ركب أي كلام و رتـّق بدون إلتزام بنحو أو صرف . . والله مهزلة وحاجة تجيب
الطمام . . أنا بتفرج على القناة ديك بس على شان أضحك من الكلام الما عرفناه شعر والا نثر . .
و عاملين فيها المادح السوداني و الشاعر المش عارف شنو و يجو بنات و صعاليك و سكارى
يتموا الباقي . . الله يخيبكم أكتر مما إنتو خيبانين .
كل التعليقات استهجان واستخفاف واحتقار يعنى الدكتور جاء الصباح المكتب شاف صورة مونيكا فى الجريدة قراء الموضوع هذا اذا كان هناك موضوع اصلا وبعدين قال نعمل شغل ونطلع فتوى فى هذه المونيكا شيخنا ده ما سمع بالمونيكا بتاعت كلينتون ؟ ما علينا نحن يا شيخنا غلابة ومسحوقين ومع ذلك نحن مهمومين بالبعملوا فينا سلفا والبشير والله الشيوخ ديل كتر خيرهم بقوا احسن من محطة التلفزيون الاهلية وفرقة الاصدقاء واهو شوية كده الواحد يضحك فى هذه الايام العصيبة سؤال اخير ما راى شيخنا هذا فىنغمات شيرين عبد الوهاب محمولة فى موبيلات الشيوخ؟ طبعا ده الانكشف وما خفى اعظم . قال شيوخ قال !!!!
القنوات التى تبث المديح ااصبحت مثل قنوات الشيعه انظرو الى قناه طيبه لامديح ولاغناء برامج جد ناجحه والناس حتستفيد كثير
صوت هيئة علماء السودان هو العورة لانهم لايفتون إلا عندما تغنى مونكا وهم لايفتون فى اكل مال الدولة والفساد الاخلاقى ولاكنهم يعزفون ويرقصون بالكلمات على موسيقى المؤتمر الوطنى لتهدئة مشاعر المحتاجين من شعبنا الصابر 0
تمدح تمشى ام فكو تمشى نيجيريا تمشى دبى هى دى مش المشكلة ياعلمائنا الاجلاء فى هذا العدد طفل عشرة سنوات بموت لعدم وجود دواء بمبلغ بسيط والمبلغ ده انتم بتعبون به تنك السيارة بنزين لمشوار ليس له علاقة بالعمل الحكومى يعنى خاص اصلحون حال الناس المسيرين البلد وبسرقون وافتو لهم وفى مشاكل اكبر من الغناء وهو لو بقت على الغناء والله مشكلة بسيطة وانتم اصبحتم مثل ود نفاش تنكتون فى الفتاوى افتى فى المهم والاهم اتكلم عن الدكاترة والعيادات والغلاء وحرمة الاستغلال الوظيفى والعمارات البسحت ابقو عاقلين انتم اصغر راجل فيكم عمره حوالى خمسين سنة وحفظة قراءن فلا تجعلون نفسكم مضحكة ومثار استهتار لكل شخص وابعدون عن الحكام والحكومة تنالون رضاء الله لان الحاكم المنافق انتم اكبر منه وانزلون شارع الله ورسوله وتجدون مايشيب الشعر من مفارقات وماسىء لاتصدق
يا ود قرف احييك وتعليقك في الصميم الله يخليك
وعن مديح الفنانة مونيكا روبرت (مسيحية) للرسول صلى الله عليه وسلم ، أكد أنه لا يحق لها أن تفعل ذلك (فهو يندرج تحت أن صوت المرأة عورة) وبالتالي لا يجوز شرعاً..! وطالب الدكتور بمراقبة الأجهزة الإعلامية فيما تبثه من مواد.
الفتوى واضحة يا جماعة وغير مخصصة لمونيكا
والحاجة التانية ما أظن الدكتور أفتى كده من عندو أكيد في استفتاهو
والعايز يعرف حكم أي مسألة يتصل عليهم أو يخابهم بطريقة رسمي وإذا الإجابة ما على نهج الكتاب والسنة بعدها ممكن يتكلم
ويا جماعة أستغفروا ربكم ديل ورثة الأنبياء لا يجوز سبهم وشتمهم
( ليس من أمتي من لم يجل كبيرنا ويرحم صغيرنا ويعرف لعالمنا حقه )
فتواك هذه ما محتاجين ليها واى طالب ثانوى ممكن يفتى فيها 000 يارجل اتق الله عينك فى الفيل وتطعن فى ضلو ابقى رجل شجاع وافتى لينا فى هذه الاتواة وهذه الضرائب التى ما انزل الله بها من سلطان 0 افتى لينا فى الفساد والظلم المتنشر من هؤلاء المسؤلين افتى لينا فى دمار الوطن وهلاك ابناء دارفور على يد الحاكم الجائر افتى لينا فى اعدام مجدى وجرجس 0 جاتكم بلوة ياعلماء السلطة والسلطان انتو عذابكم مضاعف يا عبيد الدرهم الدينار 0
(وعن مديح الفنانة مونيكا روبرت (مسيحية) للرسول صلى الله عليه وسلم ، أكد أنه لا يحق لها أن تفعل ذلك فهو يندرج تحت أن صوت المرأة عورة وبالتالي لا يجوز شرعاً.)
1- صوت المرأة عورة للمسلمة فهل تتطبق هذه الفتوى ايضآ على المسيحية؟
2- لماذا لم يقل انه لا يجوز مدح الرسول من مسيحى او يهودى او كافر؟
3- ما هى الحكمة من مدح مونيكا للرسول هل للكسب الجماهيرى ام بقصد البلبلة فى امور الفتاوى؟
4- نجد كثير من الاصوات النسائية فى قناة ساهور وفيهم مغنيات مصريات وبالموسيقى كمان فاذا تركنا موضوع حكم الموسيقى مع المديح جانبآ فهل اصواتهم غير عورة؟
5- نرجو من هذه الهيئة الضالة ان تسكت عن موضوع الفتاوى هذه وان لا يزودونا بفتاويهم التى تتماشى مع اهوائهم فلا يوجد احد طلب منهم الافتاء يعنى بالعربى كده ان يتحفونا بسكاتهم
على الهيئة ان تفتى اولا فى الدولة وراسها فى رعاية وتشجيع النساء على الغناء ويبدو ان الهيئة سوف تصنف قريبا من الحكومة بانها ارهابية وسوف تقوم بتسليم اعضاءها للامريكان
قال رسول الله(ص) (وليكوننا قوما من امتي يستحللون الحري والحرير والخمر والمعازف)
صدق رسول المعصوم لاينطق عن الهوي ان هو الا وحي يوحي كل الاغاني اصبحت بها الالا ت موسيقيية فانها محرمة سواء كان الفنان رجل او امراءة
وياهيئة علماء السودان انتم مسؤولون امام الله في فتاويكم ارجعوا وتعلموا من محضارات العلامة
محمد سيد حاج رحمة اللة (بعنوان حكم الاغاني) عسي ان يتوب الله عليكم الفتوي بتاعتكم حسب
هواكم والعياذة بالله
قال الله تعالى في محكم تنزيله
( انك لعلى خلق عظيم )
الا يكفى هذا؟
لا اعرف من اين اتى هؤلاء الناس بهذا الهرج ؟؟؟؟؟؟؟؟؟؟؟؟؟
لا نقف مع هذه المراة المسيحية , المتبرجة ولكن .
اذا مدحت الرسول صلى الله عليه وسلم فلاشي في ذلك كما فعل ابو طالب وهو كافر
حين قال مادحا ابن اخيه :
وابيض يستسقى الغمام بوجهه ثمال اليتامى عصمة للارامل
يلوذ به الهلاك من ال هاشــــم فهم عنده في نعمة وفواضل
ولم ينكر عليه رسول الله صلى الله عليه وسلم , وهذا مدح من رجل غير مسلم
ونحن نعلم ان الكتابي خير من المشرك
وعن مديح الفنانة مونيكا روبرت (مسيحية) للرسول صلى الله عليه وسلم ، أكد أنه لا يحق لها أن تفعل ذلك فهو يندرج تحت أن صوت المرأة عورة وبالتالي لا يجوز شرعاً..!
عورة
عورة
عورة ؟؟؟؟؟؟
فتــــــــــــــــــــــــــــــــــــــــوى مستـــــــــــــــــعــــــجـــــــله
ما قالتوا لينا فتاويكم فى رئيسنا الرقاص رقيصوا دا حلال و لا حرام عورتوا البقى العالم كلوا شايفها دى افتونا نفعنا الله بعلمكم ايها العلماء الاجلاء. و لا انتو عيونكم دى ما شايفه حاجها ا لا مونيكا
هو لكن انت ذاتكم قلوبكم ميتة بقتو راكبيين العربات الفارهة دى اسع ناس زين و mtn لو كان حرقوكم كل واحد بعربية و كيلو دهب ما كان حرمتوا لينا المسابقات حقتهم دى كان على الاقل الواحد يلقى ليهو عربية و لا كيلو دهب و انتو تستفيدوا و نحن الشعب التعبان دا يلقى ليهو حاجه بعرق شريحتو.
انتو فى شنو والحسانية فى شنو
يا جماعه ده كلام … يا تحرمو المديح لكل ىالبنات سوا كانو مسلمين او مسيحيين ولا تحللو ليهم كلهم … يعني المسلمات البمدحن صوتم ما عوره … ده كلام الطير في ……….. فتوي عجيبه
نحن ندعوا هيئة جهلاء السودان وعلماء السلطان ان يفتوا فى مدى شرعيةالثروة والعز والجاه الكبير الزى يعيشه اشقاء البشير هل هبطت تلكم الثروة من السماء نرجوا منكم ان تفتوا فى زلك وفكونا من غنا احسن هى بتثبت فى غناها يعنى ما بتقول امريكا زوسيا قد دنا عزابها وتتراجع تانى وتوسط الدول لتحسين العلاقات مهما كان الثمن فكونا يا جهلاء السودان
يا هيئة علماء نساء السودان مآتفتو لينا في الدكاتر البقو يتاجرو بي صحتنا دي و عملوها بسنس بدل دي لابسه كيف و دي عاملة كيف و دي ماله و دي تطلع و دي ماتطلع و الله العظيم المراه حيطة قصيرة اي واحد جاي ناطيها انتو مسمعتوا الشيخ طارق السويدان بقول في شنو
المرا دي كان جيت السودان بخطفا واجلدا جلد نظيف لمن تآمن
علماء ايه يا ود الناس
ديل عملا السى اى اى
فتوة ما محددة وما منا معنا شنو مرة صوت المراة عورة ومرة يجوز بشروط
الحنك ده قاصدين بيو بجوز لامن حنان بلوبلو و ندى القلعة اغنو لي نصرة البشير ولا شنو؟
قال رسول الله صلي الله عليه وسم خذوا نصف دينكم من هذه الحميراء بمعني ان النبي ص يوصي الصحابة ان يسالوا السيدة عائشة ويتفقهوا في امور الدين ولكن لما تجي المادحة تقعد امام خالد الصحافة وهي بكامل مكياجها وحنتها ليس بحرام ولما ندي القلعة تهز صدرها في استاد الهلال ما حرام ولما الفنانات يسافروا للشريف ما حرام ولما المذيعات يتبرجوا ويتغازلوا اثناء النشرة ما حرام ولما الرئيس يرقص ما حرام ولما العلماء ما يعرفوا متين رمضان ولا متين العيد ما حرام ولما النسوان يتاجروا علي حساب الناس من اموال الدولة ما حرام ولما المسئولين يسافروا الحج علي حساب الشعب ما حرام بس الحلال شنو العلماء هؤلاء من الذي عينهم واختارهم علماء مين بس وروني واكون شاكرة ويا مونيكا نحن معاك ونحن جميعنا اهل كتاب وهل علما ء السودان ديل بيؤمنوا بالسيد المسيح ولا ما عارفين بان هناك رسول من الله اسمه المسيح عيسي بن مريم
اها يا ناس العلماء ديل لما ندي القلعة هزت صدرها في الاستاد ما قالوا حلال ولا حرام ليه والجريدة المنشور فيها علاجات للجنس والشات للجنس ما قالوا حرام ليه ولما الرئيس رقص ما قالوا حرام ليه ولما صمنا غلط وهم ما عارفين رمضان متين ولا العيد متين ما قالوا حرام ليه ولما نسوان الجماعة تاجروا باموال الشعب ما قالوا حرام ليه ولما ال مسئولين حجوا باموال الشعب ما حرموا ذلك ليه ولما يلاقيك واحد ما عندوا قروش ومحتاج وعاوز مساعدة والناس راكبة عربات اخر موديل وين العدل الرسول ص يوصي صحابته خذوا دينكم من هذه الحميراء اي اسالوا السيدة عائشة بعني انها ستشرح لهم كل شئ ولا حياء في الدين الم يشارك الرئيس والاخوة العلماء الاحتفالات باعيا د السيد المسيح والم يفطروا في رمضان مع القسيس وهل هذا يجوز في رايهم ام لالا الله اعلم سؤا لي من عين هؤلاء العلماء ومن الذي بلانتا بهم وما هي اسماءهم بس وروني اسماءهم وهل هم زهاد في هذه الفانية ياريت
لماذا لا ياتينا مجلس علماء السودان الموقر بفتوة ان المعيشة في السودان حرام طالما اصبح السودان ارض خصبة للفساد وكل يوم نكتشف المثير يا سودان