ايقاف حكم مباراة الخرطوم وجزيرة الفيل..كروجر يفاجئ المريخ ويسلم موافقة تجديد عقده مكتوبة قبل السفر لالمانيا
كتب هيثم محمد علي
في مفاجأة كبيرة اكدت معلومات دقيقة تحصلت عليها قوون مساء امس بان المدير الفني للمريخ الالماني مايكل كروجر قد قام بتسليم
سعادة الفريق عبد الله حسن عيسي رئيس المريخ المكلف ورئيس لجنة الكرة موافقته المكتوبة للاستمرارية مع الفريق وتجديد تعاقده مع الفرقة الحمراء عقب انتهاء الموسم الحالي.
وقام الالماني بتسليم خطاب الموافقة للفريق عبد الله حسن عيسي الذي حرص علي وداعه في المطار قبل اقلاعه مساء امس الاول لمدينة هانفورد الالمانية.
ليقطع الالماني كل الارهاصات التي حامت حول استمراريته وتجديد تعاقده مع الفرقة الحمراء والانتقال للدوري المصري.
قوون
ايقاف حكم مباراة الخرطوم وجزيرة الفيل
* اصدرت لجنة الحكام المركزية قراراً بايقاف حكم مباراة الخرطوم وجزيرة الفيل ياسر العوض ومساعده امين الزواري لحين اجتماعها المقبل الذى لم تقم بتحديده..
الرأي العام
ما في اي مفاجاءة
كروجر ليس في قامة المريخ وبا ريت لو كان مشي وريحنا منو
بعدين منو القال ليكم انو كانو ديرنو في الدوري المصري دي حركات سماسرة ساكت المصرين اعقل من ان يدفعو مليم في وحد ساكت
عشان نكون حقانين كروجر هو المدرب الاجنبي الوحيد المرة على المريخ خلال العشرين سنة الاخيرة وبيهتم جدا بالانضباط الحضور والانصراف والمعسكرات وطعام الاعبين
اما من نحاية فنية صدقوني كيسو فاضيييييييييييييي
وكان الله في عونك يا مريخ
ياخي كروجر دا كان عاطل وقاعد ساااااااااااااااااي في المانيا لا شغله لامشغله ..
دقسو فيهو الجماعة ديل وجابو تاني وبعدين ياخي الزول دا جربنا وماعمل حاجة للفريق ومن الغباء انو تجيبو تاني وترجا منو شئ ..
والله كورة المريخ مع كروجر دا بقت عك ساى ودافوري ومافي اي ملامح للفريق..
وزي ما قال اخوي الفنجري : كان الله في عون المريخ …
طيارة عجيب تودى ما تجيب.هذا المدرب ليس فى قامة وتاريخ المريخ.اعزائى قادة نادى المريخ اتجهو للمدرسه الفرنسيه التى لثبتت نجاحها مع فريقى مازيمبى والصفاقصى.