تنبيه لكل مغترب ؟؟؟

هذا نموزج صغييييييييير لعدم المسؤليه …. اكان كدي النمش اغلفم واعمل منهم عشششششششششرة نسخ

شكراً للتنبيه وهو مفيد حقاً تبقي علينا غربة وخراب ديار؟؟؟؟؟؟؟

الاخ الكريم أسامة حسين البشير (الاسم سالم) لك التحية ومشكور يابوحسين للتنوير …وفعلا ماهم ومن يعمل معهم الا جباة ضرائب ومكوس واتاوات ورشاوى .. وانا يوم امس القريب ذهبت لغرض ما فى السفارة بدولة خليجية فارغمت مكرها لابطل ان اشاهد نفس الفلم ….. اللهم عجل بهم وبآلهم صغيرا كان ام كبيرا … أمييييييييييييييييييييين

انت القايل الفلل السمحة والعمارات الفي شارع الستين وعبيد ختم دي ببنوها من وين …. ما ياهو من قروشكم دي ..؟؟؟اي زول بدفع الرسوم دي معناته عوير ودلاهة سااااااااااي

شيء مؤسف جدا ان تكون الممثليات والفنصليات والسفارات ( مكتب ضرائب ) وجبايات ، دائما يشعرونا كدة ماحسنينا يوم واحد فقط ان عملت لتحمى المواطن وتراعي مشاكله ومصالحه فى تلك البلاد وتقديم التسهيلات ، انا ذهبت بحكم شغلى مع العامل البنغالى لتجديد جوازه فى سفارة بنغلاديش رائت العجب تعامل راقي جدا ويقدمون لهم البارد والشاي والتجديد للجواز مجاني لاضرائب ولارسوم ولا يحزنزن وسرعة فى الانجاز قلت سبحان الله والله يكون فى عونك ياسودان ؟!!!!!!!!!!!! لايفتحون الشبابيك الا المحصللا بتاع الايصالات يجي ويقعد

يا اخوي انت كنت وين- ده كلام قديم جدا- نخيل انا دفعت ضرائب في دنقلا واخذت برنت منهم و رفضو الاعتراف بالبرنت المطبوع من جوازات دنقلا – قمت دفعت مرة اخرى لازم تحتفظ بالايصال المختوم من التسعينات واتاكد كل مرة من المبالغ المكررة في الايصالات

اولا الشكر لصاحب التنبيه ده…وثانيا جهاز المغتربين ده معروف عنه أنه لا يقدم أي فائدة للمغتربين وهو ذراع من أذرعة التمكين للأنقاذ..هنالك عدم اهتمام بالمغتربين فماذا يضير الحكومة لو كانت رشيدة أن توفر قطع أراضي أو منازل أو سيارات للمغتربين بأسعار مناسبة نقدا أو بنظام تقسيط يتم الاستفادة من موارد النقد الجنبي للمغتربين وضمان ارسالها للوطن وكذلك تحقيق فوائد للمغتربين عبر ضمان توفر مساكن لهم بوطنهم..

أيها المغتربون روحا وبدنا أنهضو ضد الظلم منذ شمولية سئ الذكر الغاير نميرى مرورا بفترةبعشوم السياسة النرجسى الحداث الماسواى السندكالى وأد الانتفاضات الصادق المهدى وإلى عصر الظلم والظلام والافك والكاذبان الترايى والبشير .تحدو النظام والظلم برفع القضايا بالتمييز ضدكم فى محاكمهم الفاشلة وأرفعو أصواتكم ليسمعها العالم .وأضمروا محاسبة كل من سن عليكم الضرائب الجائرة والغير مبررة ومعايير القبول بالجامعات لابتززازكم ومن تعسف فى تطبيقها من الموظفات والموظفين الحاقدين دوما عليكم داخل السودان وفى المهجر وابذلو جهدا لحل جهاز المغتربيين ومحاسبتهم لتطبيق سياسة الحلب المستدامة والمطالبة ببناء اجهزة تتبنى الإغتراب كصناعة. تؤهل القادم الجديد وتحافظ على حفوق ومكتسبات وتأمين القدماء -بائعى الاعمار خارج أسواق الوطن الضائع الممزق . والى ان ياتى التغيير المنشود بإذن الله ..أكررأنهضوا وتحدو وإتحدو ضد الظلم والظالمين شمولين متأسلمين أو طائفيين ..أظهروا خالص إحتقاركم لهم وتوعدوهم بالإعدام بصقا وإحتقارا ..وآخ أخ تف تف تفوووو

والله كلكم قاعدين تتكلمو في الفاضي ما بتحلو اي مشكلة العايز اجي واناضل داخل البلد كلها تعليقات خارم بارم شكلكم كلكم فاضين ؟؟

اكبر هم نحمله حين يكون لديك معاملة في السفارة او ذهبت لاجازة للسودان ومشيت المغتربين ده العذاب حقيقة تعقيدات وبيروقراطية فايته الحد والمؤسف هو عدم تاهيل الموظفين لكيفية التعامل مع المغتربين وجد نظام الشغل حسب مزاج الموظف يعنى ممكن بى مزاج منه تتعطل ايام وده ممكن يكون راجع لانهيار الخدمة المدنية عندنا والوظيفة ليست بالكفاءة بل بالولاء لانه الشغلة دى في كل مناحى الحياة في الدوائر الحكومية وانحنا عندنا السفارة في الرياض حدث ولاحرج شي مخجل ومؤسف للغاية انه تكون دى واجهة بلدنا اتقو الله فينا

بعد هذا الاستنزاف للمغترب .ماذا قدم لهم الجهاز أى جهاز العاملين بالخارج؟؟؟ بس يعنى الناس تدفع فى الضرائب والحكومه تحارب فى المغترب كأنه عدو ؟ هذا الجهاز تابع للمفسدين الفاسدين . وحتى اعضاء الجهاز هم هم . يجب تنحيتم ومحاسبتهم . الى متى يظل المغترب يعانى من سخف هذا الجهاز؟ خافوا الله . واعملوا ليكم خطوات ملموسه . بعنى نحنا لنا اكثر من عشرين سنه ماسمعنا بتوزيع اراضى سكنيه للمغتربين ؟ هم قاموا بتوزيع اراضى بالخرطوم الناس دى كلها عاوزه تسكن الخرطوم؟ غى ناس مربوطين بمدنهم . لماذا لايتم توزيع اراضى فى المدن الاخرى؟؟ عشان كده البلد ماحاتتقدم عشان الظلم ده؟

والله ده الحصل لي في السودان الحراميه اولاد الكلب دفعني حق سنتين طبعا انا جدعته الإيصال علي اساس انه الكلام في الكمبيوتر زي ما ليحصل في اي حته سبحان الله

تستاااااااااااااااااااااااااهلوا ياشعب ياجبان

بالمنافسة – كلو موجود جوة الكمبيوتر ومخزّن لكن الحكومة فلست ودة ابتكار جديد لابتزاز الناس الايصالاتهم ضاعت يسرقونهم من جديد بحجة عدم ربط الاجهزة وحقو الواحد بعدما يبرز ايصالاتو ويقنع الحرامى القدامو يقول ليهو يا كضابين يا حرامية .

حسبنا الله ونعم الوكيل

ناس بقت قلوبة كبيرة بقيت بالشايفو دة اشك في انو نحن طرضنا المستعمر زمان

حسبنا الله ونعم الوكيل …
كرهووووووووووووووووووووووووووووووونا جنسيتنا زاتوووو
الله ينتقم منهم ويصلح حالنا وحالهم ..

والله ياجماعه مافي حل مافي حل غلبنا غلبنا غلبنا غلبنا نعمل شنوووووووو؟انا طالب خريج صيدله في الهند لاكن ياجماعه بقول الروووووب لامن انتظر مصاريف الشهر

عاش المغتربين وعاشش اسامة عبداللة رئيس جمهورية الكهرباء والسدود اها دى كيف معاكم؟

والله والله مش الجماعه ديل لم يتركو شئ لجمع المال الا وسلكوه حراميه وشحادين ومحتالين و……..!و………!والله يكون في عونا

يا اخوي الايصالات دي اسمها “كوكة” ود مهنا قايم بها اح وقاعد بيها اح ولكن افضل طريق هي البحث عن جنسية اخرى لبلد ما فيها ضرائب “دقنية” ولا سفاراتها شغال مكاتب لجمع الضرائب……

يا ليتها ضريبة بمقابل ولكن عمرك كله تدفع وعندما تعود للوطن تجد غربتك في نفس الوطن لا وظيفة محفوظة ولا قطعة ارض مقابل الايصالات المذكورة…..

جهاز المغتربين ده عباره عن جهاز اكل وسرقه المغتربين المساكين
لاكن الناس دي ما عارفة تعمل شنو يا ما يدفعو وتبقي ديون عليك وما تسافر السودان وتشوف اهلك يا تستسلم للامر الواقع وتدفع للكيزان الحرامية
اي زول بس يدعي عليهم ان القروش دي ما تنفعهم ويحاسبو يوم القيامة في قروش المغتربين البشيلوها بالقوة ولا لاقين عليها اي خدمات

في ناس كتيرة في بلد الغربة كل ما يفكر يمشي اجازة السودان يشوف اهلو ينزكر المبالغ المتلتله العليهو من جهاز المغتربين يخلي المشية
حسبي الله ونعم الوكيل

حـــــــــــــــتكومة حرامية
ولا وجي الرئيس يقول المرض ده يمكن كفارة اشان امكن نكون نظلمنا زول ياخي انتا ظلمت الشعب خلو الله ينتقم منك انت واعوانك

حتي ابناء المغتربين لمن يكونو ماشين يقرو في بلدهم السودان لا يجدو اي خدمة من جهاز المغتربين بل يكونو طعم للجامعات لدفع المبالغ الطائلة ظــــــــــــــــلم

المشكله السخيفه انهم عاملين جهاز كمبيوتر وموظف علي حساب الغلابة ومضيعة التعابه بعد تدفع يقولوليك نزل بياناتك بالكمبيوتر!! واول ماترجع لو ابوك مات او لضرورة مطلوب منك الايصالات او تدخل للمدير ليتفلسف عليك ويحلفك القسم !!ليس لاعفائك ولكن لتدفع اي مبلغ يحدده لتعود لعملك والا ضاع وقتك وشغلك لحين تحويلك للامين العام ومادراك والامين العام!! وكانوا العائد من الاجازة سيهرب اذا تم له التاجيل او روعيت ظروفه!!!وياريت كان في مكان يهربوا ليهو كان خليناها ليكم!! حتي اليانكي الكانت بلادهم مفتوح للهرب اخذونا بجريرتكم واصبحنا عنوة ممنوعين من الهروب!! الله ينتفم من كل ظالم!!علي اموال ندفعها لاناخذ مقابلها اي خدمة ولاحتي احترام تحت المكيفات الاسبلت التي يستمتع بها جماعة ديوان المغتربين من حراموالنا!!!يعني لابترحكوا لابتخلوا رحمة ربنا تنزل!!!

عايزه لي زول يشرح موضوع البت والبقره

كيف يستطيع الفاسدون المفسدون من نهب المغتربين المساكين ان كان هنالك جهاز كمبيوتر ومعلومات مسجلة ومخزنة !؟؟
فمن مصلحتهم ان لا يكون هنالك معلومات

>
في كل بلاد العالم يعتبر المغترب مشروع استثمار وطني في الخارج ولا يكلف دولته اي جهد سوى ان تقدم له التسهيلات في غدوه ورواحه واستخراج وثايقه برسوم رمزية وتقدم له ارفع الخدمات بإعتباره يمثل دخلاً قومياًميسراً ، فهو في الخارج يرسل لمن بالداخل ، وفي دخوله البلاد يدخل نقود تخفف من وطأة ندرة العملات الصعبه وبالتالي يساعد على استقرار الاقتصاد القومي .
من المؤسف له ان السودان يتعامل مع المغترب بعقلية الابتزاز والضغط عليه لكي يدفع وهو صاغر وان كان قد دفع من قبل وقد يكون في حالة سفر طارئ .
افقر دول العالم تستخرج لمواطنيها وثيقة السفر (الجواز ) بما لا يتجاوز خمسين ريال لمدة عشرة سنوات في حين ان السودان يستخرج الجواز بما يفوق خمسة اضعاف مثل هذا المبلغ ولمدة سنتين فقط تمتد لمدة مماثلة بذات التكلفة وهكذا نجد الجواز السوداني خلال العشر سنوات يكلف ما يفوق خمسة وعشرين ضعفاً لتكلفة الجواز في افقر دول العالم (بنغلاديش على سبيل المثال ……).
السوداني يبذل الغالي والنفيس حتى يؤهل نفسه بالعلم والخبرة ويبيع القدامة والوراهو من اجل ان يحقق بعض من طموحاته التي فقد الأمل في ان يحقق ولو اليسير منها في وطنه ، ثم يسافر مودعاً ظلام الهم وايام العطالة ونير الغلاء ونار الاستعلاء والاستبداد فيسافر مجاهداً وفي نهاية المطاب يجد انه دخل في متاهات لم تكن في الحسبان حتى يصبح في ورطة ………………..