أزمة داخل مسجد في الخرطوم بسبب خطبة الترابي في زواج نجل غازي سليمان
إحتج عشرات المصلين عصر أمس الاول خلال خطبة كان يلقيها الشيخ الدكتور حسن الترابي زعيم حزب المؤتمر الشعبي داخل مسجد العصمة الواقع جنوب شرق محطة البلابل في الخرطوم ، قبيل إجراء عقد قران نجل الأستاذ غازي سليمان المحامي (الشيخ) على كريمة محمد حمد احمد عثمان (رزان ) ، وذلك عندما أخذ الدكتور يتحدث عن الزواج والرابط الأبدي ما بين الرجل والمرأة مستشهداً بعدد من الأيات القرآنية والأحاديث النبوية الشريفة ، معضداً خطابه للمصلين الذين أدوا صلاة العصر وكانوا في انتظار مراسم العقد ، بأن عقد الزواج واستمراره يقوم على التقوى ، نافياً ان يكون مثله مثل عقود البيع والإيجار وغيرها .
وكانت المفاجأة التي فجرت الموقف وسط عدد من المصلين عندما تساءل الترابي قائلا ان العقد بين طرفين رجل وامرأه ، وهو عقد زواج وحياة وليس عقد تجارة يوكل فيه شخصاً آخراً لينوب عنه ، وقال ” إذاً أين المرأة ” . وقال لماذا لا تكون المرأة حاضرة في المسجد مع الرجال ، مشيراً إلي أن المرأة الآن هي التي تحدد زوجها وما دور الكبار إلا تكملة ما يبدأ الطرفان من خطوات .
وظهرت أصوات احتجاجات هنا وهناك داخل المسجد وخرج بعض المصلين من المسجد معربين عن عدم رضاهم عن خطبة الشيخ الترابي ، لينبري أحد المصلين ويطالبه بالإختصار ، الأمر الذي أدى الى تدخل الأستاذ غازي سليمان والد العريس ، الذي امسك بالمايكروفون يقول ” انا عايز اقول للناس كلهم أنو المناسبة دي حقتنا ، والما عاجبو مع ألف سلامة ” . وهو ما أغضب الكثيرين من أهل العروسين ليخرجوا محتجين قبيل اكتمال مراسم عقد القران .
وبعد إكتمال مراسم عقد القران كان الشيخ حسن الترابي اول الخارجين من المسجد ، بينما ظل الاستاذ غازي سليمان منفعلاً وسط عدد من القانونيين والمحامين يحاولون إحتواء بعض التفلتات ، خاصة عندما اخذ احد المصلين يصرخ في وجه ” غازي ” بـ ” يا شيوعي كيف تسمح بي حاجة زي دي وكيف تقول لضيوفك كدة ؟!
وأثار الإنتباه الحضور الكثيف للمسلمين من أبناء دولة جنوب السودان ، مما اكد مكانة غازي وسط الجنوبيين والعلاقة المتينة .
صحيفة آخر لحظة
Birds of feather flock together
غازي دا شنوالهلام الرمة دا ..والله مهزلة اسي دا شخص يكترس ليو شخص في نفسو مضطرب ومتضارب..
الترابي عاوز يكحلها قام عماها
بعدين يعني الترابي صاحب غازي ….عجبي
هو في زول نصيح بناسب غازي صلاح الدين المجنون واللة بيكون بتكم زاتو ما نصيحة
والله ياجماعة الراجل ده عندو مقدرة علي فرتيق الصفوف بشكل مذهل
المريخ اليومين دي مش متماسك وآخر حلاوه وإنبساطه ..؟؟ بس خلو الزول ده يمشي يتحشر بيناتهم علي الايمان يخلي ليك المريخ ده صينية باسطة بس يقسموا ليكم لمية قطعة شي مثلثات وشي مريعات
هذا النكرة غازي صلاح الدين … والله زمن مهازل
من شذ شذ في النار
I THINK THIS MAN VERY SOON IS GONNA OKAY THE SAME SEX MARRIAGE
نسال الله العفو والعافية ابو العرس تعيس والخطيب اتعس منو!!!!!
ده العيب بتاعنا احنا كسودانين اسهل حاجة عندنا النقد ..
[اخذ احد المصلين يصرخ في وجه ” غازي ” بـ ” يا شيوعي كيف تسمح بي حاجة زي دي وكيف تقول لضيوفك كدة ؟!]
يا أخواننا ده غازي … غازي سليمان … ومعاه حسن عبدالله … حسن عبدالله الترابي …… و الله الشيوعيين تطير عيشتهم!!!!
غازي صلاح الدين ليس له علاقة بالخبر…. لماذا الهجوم عليه؟؟؟؟؟
الناس المسطحين ديل ما عارفين الفرق بين غازي صلاح الدين وغازي سليمان ؟
الخبر يتكلم عن (غازى سليمان ) وبعض المعلقين شايتين ضفارى فى غازى صلاح الدين
يا اخوانا الزول غازي سليمان وليس غازي صلاح الدين ارجوا التفريق بينهما مع الود
انا عايز اقول للناس كلهم أنو المناسبة دي حقتنا ، والما عاجبو مع ألف سلامة “بالله ده كلام محامي علي الاقل ديل ضيوفكم احترمهم
والله الزول دا انا شفتو مرة فى قناة امدرمان فى حوار الصحفى ساتى اما سكران اومسطول
لاعجب فالجميع يعلم تمام العلم ان غازى سليمان شخص (غير مؤاخذ!!حسب التعبير الدارج) ويجب أن لا نستغرب إذا قال لنا هذا المعتوه يوما ما وهو يوجه كلامه لكل من يحمل جنسيه سودانيه بالميلاد او التجنس على خلفية ما يحدث فى بلادنا(البلد بلدنا والماعاجبو يمشى!!)..وهو حقيقة من النوع القابل للتلفظ بمثل هذا القول دون حياء، والرجل متارجح الفكر وعقله مشوش ونشاء وترعرع على فكرة ان يكون شيئا مهما وصاحب مكانه ساميه فى هذا البلد (الهامل أهله!!) ولم يبلغ مراده فوجد مبتغاه فى هذا الحشد (الهامل)وأخرج ما بنفسه بهذه الطريقه الغير مسبوقه!! عمركم يا ناس سمعتوا واحد عاقل او مجنون..حتى.. تعامل مع ضيوفه بمثل هذا (العنف اللفظى!!)؟ ونصيحتى لابناءه أن يتحفظوا على والدهم فى مكان آمن مستقبلا إذا كانت لهم مناسبه تجنبا للفضائح فمثل هذا الرجل غير مأمون الجانب وربما يتعرض لضيوفه بالضرب او ربما يتخلص من ملابسه امام ضيوفه ويقف امامهم كما ولدته امه!! فالذى تجراء و(كرش) ضيوفه عبر ميكرفون المسجد وقد دعاهم بنفسه لكى (يشرفوه)يجب أن لا يطمئن اليه إلا شخص مخبول مثله!!.
انا عايز اقول للناس كلهم أنو المناسبة دي حقتنا ، والما عاجبو مع ألف سلامة !
بعيد عن الترابي والخطبه وووو ..ياخي ماممكن اكون جاي اشاركك فرحتك تقول ليا كده!
بلاهي ياجماعة دا كلام؟..والغربيه طالع من زول قانوني وفاهم كويس!
انا كان بتِ ودامبعلوا مابزوجها لود ابوالقنفد ده
غازي ده شكله وكلامه تجيب شلل الاطفال ..
غايتو كان المنافق الاسمه غازي ده بقي نسيبي بمشي حمدالنيل برجليني ..
ده شخص لايطاق ..
والدجال الترابي عرفت كيف انك بقيت مكروه وملعون من الناس …
ولسع نحن بنسأل الله انه يريدك الي ارزل العمر .. ونجي ماشي والناس تتفل علي وجهك وتسمعهم بلعنوك
خلافهم في السياسة وفي الإعلام لكنهم في بعضهم ( سمن ) علي (عسل)والشعب ضائع ما بين هذا (السمن) و(العسل).
بالله ده زمن يعرسو فيهو فرح فى زمن الهلاك والدمار والموت
حتى لاتأخذنا العواطف انا لو والد العريس لن اسمح لكل صاحب رأي ضد الترابي ان يستغل المناسبة فالترابي ايضا ضيف وهو رد منطقي اذا عندك رأي قوله للترابي خارج المسجد او استأذن ووجه اعتراضك
الؤمن القوي لا يخاف الرائ الآخر …. وعندما يرفض حتي الاستماع ….فقط الاستماع ….فهذا ضعف في ما يعتقد وليس دليل علي قوة ومدي الإيمان !!
الترابي كان يعبر عن رائ أو اجتهاد… سمه ما شئت …والاعتراض الشديد هذا من المصلين هو دليل ضعف وليس ايمان كما يبدوا من السطح!
تصرفهم هذا يصدر وصدر من عامة المسلمين ولا اقول المؤمنين طيلة الألف سنة الأخيرة من عمر الإسلام الشئ الذي إدي الي توقف الاجتهاد وبالتالي جمود الفكر وانحدار الأمة الإسلامية لتصبح الدولة المشودة حلم يزداد بمرور الزمن صعوبة وتعارضاً مع الواقع….
المصلين تنافسوا في الاعتراض علي الخطبة لان العقول المختونة لا تستطيع التفكير خارج الصندوق وتخاف الاجتهاد وتعشق المشي جنب الحيط…
اكبر عائق أمام تطور الامة الاسلامية هو الجبن….. لقد اصبح المسلم (جباناً) بفعل علماء السلطان الذين افرغوا الدين من مضمونه وأهدافه وحولوه الي صندوق فكري محكم لا فكاك منه وربطوا أي محاولة للتفكير أو الاجتهاد ….بالكفر!!
لا أريد الخوض في ما قاله الترابي ولكن رد الفعل هو الذي يجب ان نتوقف عنده لأهميته…..
والله من وراء القصد….
السادة المعلقون أرحموا أعصابكم وعقولكم……
ماذا تتوقعون حين يجتمع غازي وترابي؟؟… غير الغبار والكتاحة!!!!!
ياخى من هو غازى سليمان ؟؟ ومن هو الترابى ولاّ الجن الأحمر !!! كلهم منافقين وكل واحد إنعرف تاريخه الأسود زى وشو
ياجماعه الخير اولا غازي سليمان ده محامي نكره وماعندوا مبدا ولاقيم يرتكز عليها واشك ان له اسره من الاسر العريقه والمتجانسه والتي تعرف القيم والاخلاق السودانيه الاصيله والتي توارثنها نحن السودانين ابا عن جد ومن اهمعا اكرام الضيف والتودد اليه وتدليله وكذلك خطيبه وقد من قال من اين اتى هولأء؟ وهذا السوال يتبادر الي الذهن عندما يتصرف المرء بمالم تألفه فى سلوكه ويخالف ماتواتر عليه الناس. ومثل هذا الغازى المتسلق والذى ماذال يبحث لنفسه عن موضع قدم في الخارطه السياسيه للشغب السوداني ناسيا ان مثل هذه المراكز والتي صنعها الرجال انتزعوها من براثن الانظمه الشموليه والدكتاتوريات العنيده وقدموا التضحيات الجثيمه من سجون ومعتقلات وتشريد من الوظائف وفراق للوطن والاحباب . ولم ينتهزوا الفرص ويستغفلوا الناس يامتسلق ياوصولي !!!!! الم تذكر يوما انك قلت في هذا الترابي وجماعته قولا لم يقله مالك في الخمر عندما قرر المحامين دعمك كمرشح لهم في انتخابات نغابه المحامين كنقيب لهم فى مواجهه الراحل فتحى خليل ونحمد الله انك لم تنجح رغم دعمنا لك !!!!! عارف ليه لانك كنت سوف تجعل هذا المنبر الحر للبيع ولمن يدفع اكثر. ويكزن ودك ورضاك مهمين وانت تدعمك مجموعه من المحامين !! فان السعر سيكون اغلى والبيع بالجمله وليس كبيعك اليوم كالمومس التى هي في صدر رجل واذنها على الطارق!!!!!
الله يعينك يا رزان على نسيبك المخرّف .
غازي والترابي كبار رغم انف الجميع !!!!!
وما المشكله اصلا؟؟
سواءا في حديث الترابي أو غازي سليمان؟؟
كلام دكتور الترابي واضح..المراه من حقها
أن تستشار وتسال قبل اكمال عقد زواجها..
مما يحتم حضورها في المسجد..هناك مساجد
كثيره بالسودان تحضر فيها النساء كل
الصلوات..فما المانع من حضورها عقد قرانها
ووجودها في المصلى الخاص بالنساء؟؟
اما حديث والد العريس..فهو ايضا واضح وضوح الشمس
بان المناسبه مناسبة زواج سمح فيها للدكتور الترابي
بالحديث فيها وليس لأحد الحق في منعه الا امام المسجد..
ياخ مامشكلة قولو
غازي سليمان
غازي صلاح الدين
شيخ الدجل حسن عبد الله الترابي
عمر البشير
علي عثمان طه
داهية تاخدكم كلكم ياخ
يا جماعة كلهم غزاة ما الفرق بين البيبسي كولا والكوكاكولا
معزور تكون الجرعة كبيرة شوية نسي إنه إذا كان المناسبة خاصته فالمسجد ليس خاصته ومن حق اي إنسان أن دخله لأداء الصلاة أن ينتقد كل مايجري داخل المسجد من قول أو فعل أوسلوك يخرج عن النظام وعن تعاليم وآداب الإسلام وكان يتعين على هذا المعتوه أن يدعوا لمناسبته في بيته أو في واحد من الفنادق خمسة نجوم ويتملق الخنازير بتصريح معرصة جديد على شاكلة تصريحه بشأن ميثاق الفجر الجديد عشان يدفعوا له الفاتورة ويبدو أنه اختار المسجد لكي يستفيد من حضور الكثير من المصلين الذين يأتون لأداء الصلاة وتكون صورة الحشد كبيرة فهو يدرك أنه منبوذ ومكروه لدى كافة قطاعات الشعب السوداني بل من أقرب الأقربين إليه وزملائه المحامين وبالتالي لن يكون هناك حضور لغالبية المدعوين وما يهمه هوالمظهر لا الجوهر فأهم حاجة بالنسبة له الحشد فهو قد نهل من طبائع خنازير المؤتمر الوثني الذين إرتمى في أحضانهم ونهل من طباعهم
ببساطة الجماعة ديل مااحترموا ضيف الراجل … ليه هو يحترمهم ..
TURAAAAAAAAAAAAAAAABI IS NOT CRAZY …!!!
I THINK HE IS LEADING YOU THE RIGHT WAY ….
HE IS QUITE RIGHT CAUSE MARRIGE IS AN AGREEMENT BETWEEN MAN AND WOMAN, THEREFORE WHY NOT TO BE INVOLVED DIRECTLY IN THIS VERY IMPORTANT STEP OF THIER LIFE ?! WHY DO THEY NEED TO ASSIGNED OTHERS TO REPRESENT THEM ?!!!
التربي رغم الخلاف معه كلامه صاح جدا وغازى كلامه اكتر من صاح والانسان ال ضيف مفروض عليه يحترم اهل الدار ويجلهم حتي ادب الضيافه والحوار السودانين نسوه! ضيوف قليلين ادب
الترابي قال جيبو العروس داخل المسجد !!!!!!!!!!!! ما في حاجة اسمها وكيل للعروس لان الزواج عقد حياة ما عقد تجاري!!!!!!!!!!
للمساجد حرمتها وادابها وهذه البداية ماذا بعد ذلك نسال العفو والعافية
ماوريتنا يابو الغواذى فى ياتو صالا كا نجى نجاملك وناكل لينا فرخه فرختين ونضرب الباسطه ونبشر كمان ياحليلى اناالمواطن الحر الشريف المالاقى مره ترضى بي عدمان ومقطع
يا غازي فعلا المناسبة مناسبتكم تطرد البتطردوا بس من بيتكم لكن من المسجد لالالالالا
عيب عليك إنت والشيخ بتاعك دة حتى بيوت الله دايرين تطردونا منها معقولة دي يا ناس
الترابى قال الزواج يخص إثنين لا ثالث لهما إذن لماذا لا يكونا وكيلين عن أنفسهما؟؟
ما المانع أن يعقدا قرانهما كبقية الأمم المتحضرة بتوقيعهما شخصيا بدل الوكلاء؟؟
ألا يعطى هذا العقد قوة أكثر ويؤكد إلتزامهما به؟؟
لماذا لا نتغير مع متغيرات العصر وتطوره؟؟
فى شنو ياجماعه
يا جماعة الخير ملاحظين حاجة اي خطاب ليناس الحكومة ولا البشتغل معاهم ولا الموالي ليهم تلقاهو ركيك في اسلوبو وتعاملو وبعدين لئيم اضافة لي جلدو التخين الناس دي مبرمجة علي سلوك واحد
ياخونا باركوها طلعو غازى برة القوس واقعو فى الباقى ضرب. ان شاءالله مايفضل فيها نفاخ النار.
البراميل الفارغة يعمل ضجيجاً–مثل انجليزي
غازي برميل+الترابي برميل= جوطة وضجة
يا جماعة غازي دا ما تلوموه دا من الجماعة الدخل فيهم النميري الخلعة وخلاه فاري من بلد لي بلد ، دا شرد من النميري مرق في اليمن كداري لمن سألوه قالوا ليه والبحر قطعته كيف قال ما لاقني بحر، أماسؤالي للشيخ الذي تختلف فتواه من عام لآخر ، (إنت عقدت آلاف القران في السنين السابقة لماذا لم تأمر بحضور العروس؟؟؟؟؟)
اي شخص يهاجم خصومه بالشتائم والأساءة ,, فهو اسلوب العاجز في المواجهة ,, وغير عقلاني ومنطقي , فعليكم مواجهة الشيخ وغازي بالفكر والحوار والمنطق ,, حتي يقتنع الجميع ايهما علي الحق ؟؟؟ ولا ايش رأيكم …
فتوى الترابي دي ما جديدة وهو طبقها في زواج كريمته الصغرى قبل سنوات
ومن طالب الترابي بالإختصار فقد تجاوز حدوده لأنها ليست خطبة جمعة ولا ندوة عامة بل هي مناسبة خاصة مهما كان عدد الحضور كبيرا.
أما غازي سليمان فتصرفه طبيعي جدا لأنه كان يدافع عن كرامة ومشاعر ضيفه لا عن الفتوى
I think all of you have no issue to talk a bout.
الكلام دة واقعى والترابى دة زول كويس ومجدد رغم غرابة الموقف الا ان العادة هى التى حكمتنا والزواج فعلا عقد بشروط معينة طالما توفرت فى الزوجين المتعاقدين يتم بذاك الشكل
والله فضيحه غازى بتاع مقالب ساب ناس الحركه ومسك فى الحكومه المصالح المصالح الناس دى ماعارفه تمشي وين زاتو بس ياالترابي تجيب المره ومايكون فى وكيل دى ما الزواج العرفي زاااااااااااااتو بنات الجامعات لقيتوا ليكم شيخ فى صفكم سووو العايزنوا والإنقاذ تنقذكم ههههههههههههههههه
السيد غازي …
مبروك …
المدخل الاول …. اذا كانت المناسبة حقت ولدك يا سيد غازي .. فالمسجد ما حق ابوك .. ومن حق اي من الحاضرين ان يعقب على ما يرى ويسمع …
المدخل الثاني …
من حق الترابي ان يقول ما يريد …
المدخل الثالث …
اهم شي لا تستمع للاثنين … الترابي وغازي … اولهما خبير في تدبير الخوازيق والدليل خازوق الانقاذ .. وثانيهما خبير فنجطة من موقف لاخر مناقض له …
وهل ممكن تعطينا دليل من الكتاب والسنه علي ان كلام الترابي غلط وخارج عن الشرع؟
للشيخ بعض الفتاوى المثيرة ومن يجلبه لمناسبته يكبر عكازه
من جهز غازيآ فقد غزا (صدق رسولنا الكريم (ص):)
الترابى (فرتق) السودان
غالبو يفرتق عرس (رزان)!!!!!
الترابى (فرتق) السودان)
غالبو يفرتق عرس رزان
نرجـو من أدارة الصحيفة أن تنزل لنا المواضيع والمقالات التى ترد فى صحيفة ” الأنتباهة ” ليتم التعليق عـليها من قـبل القـراء لأن أدارة صحيفة ” الأنتباهة ” لا تسمح بنـشر التعليقات عـلى مواضعيها . كما نرجو ان تنزلوا لنا آخـر موضوع كتبه الطيب مصطفى عن والى الخرطوم والذى كال له فيه المديح والثناء لنرد عـليه .
ــــــــــــ
لك التحية
نرجو ان تمدنا بالمقالات التي تود نشرها مع الرابط
والله العظيم أنا كل ما أشوف غازى ده بتذكر الكمونيه والجلافيط ,, ماعارف ليه ؟؟؟؟ سبحان الله
يا جماعة انا لو فى محل اعداء الاسلام والله ادعم الحركات الاسلاموية من اخوان مسلمين وجهاديين وسلفيين وهلم جرا لانهم احسن الناس لتمزيق اوطان المسلمين وتمزيق النسيج الاجتماعى ويث الكراهية والتنافر والشقاق والنفاق وكل شىء نهى عنه الاسلام وشرعه ورسوله الكريم!!!
الشعوب فى العالم الاسلامى مسلمة ومتمسكة بدينها بطبيعتها وتنتهج الوسطية والرافة والرحمة مع الكل حتى غير المسلمين مما يحببهم فى الاسلام وهذا لا يعنى عدم ارتكاب المعاصى لكن المسلمين العاديين لا يستغلوا الدين لاغراض سياسية او ينتهجوا الكذب مثل الحركات الاسلاموية وكما قال الرسول الكريم المسلم ممكن يرتكب اى معصية الا الكذب والحركات الاسلاموية هى الكذب يمشى على قدمين!!!!
اعداء الاسلام فرحين بالحركات الاسلاموية لانها تهدم الدين من الداخل وباسم الدين نفسه!!!
اعداء الاسلام لا يريدوا الاستقرار والنهضة العلمية والتكنولوجية واقامة مجتمعات حرة وديمقراطية فى اوطان المسلمين وهم عارفين ان المسلمين حتى ولو ارتكبوا معاصى لا يرضوا اى اساءة لدينهم لهذا افضل من يهدم ويحارب الدين هم الحركات الاسلاموية من الداخل!!!!
اتحدى كائن من كان ان يقول بان هذه الحركات القذرة اضرت باعداء الاسلام بل كل ضررها انصب فى المسلمين ومواطنى دولها فقط!!!!
وما عندهم الرجالة او الشجاعة او النخوة لمحاربة اعداء الاسلام بتاتا لانهم اقوى منهم ويخافونهم موت!!!!
من المؤسف حقاًأن يتفق المرء مع الترابي في شيء . اليوم أجد نفسي مُضطراً للاتفاق معه حول وجوب وجود الزوجة لتعلن موافقتها على الزيجة بدل أن يقوم بذلك وكيل عنها وهي حية تُرزق ( والغنى سمح في خشم سيده) . ثم أنني أرى ضرورة تغيير الصيغة السمجة التي يتم بها عقد القران ، وهي صيغة تُركز فقط على ما بين الفخذين ( أنكحكم ، أنكحتك ، تنكحونا ، ننكحكم ، مأذون الأنكحة ) ، وكأنما الغاية الوحيدة من الزواج هي الجنس . طبعاً سيعترض شخص بالقول أن النكاح يُقصد به الزواج ، بيد أن اللفظة إرتبطت في الأذهان بمعنى محدد يرمز لشيء واحد . تمعن في صيغة زواج الكثير من الشعوب التي تركز على الوفاء والإخلاص وأن تظل الزوجة بجانب زوجها ويظل هو بجانبها في السراء والضراء إلى أن يفرقهما الموت ، إذ أن الزواج مودة وعُشرة وصفاء نفسي ، قبل أن يكون مصدراً لإشباع الرغبات الجسدية . وبما أن الهدف الرئيس من عقد الزواج هو الإشهار ، فلا أرى من داع مطلقاً لتدخل من يُسمى بمأذون الأنكحة ، إذ مالذي يأذن به هذا الشخص المتبطل ؟ إنها مهنة عطالة ويمكن للفيس بوك القيام بها خير قيام ، إذ باستطاعة العروسين القيام باستشهاد من يرغبان في شهادتهم من الأهل وإخطار الأصدقاء والمعارف بنبأ اقترانهما على كتاب الله وسنة رسوله عليه الصلاة والسلام عن طريق وسائل الاتصالات الحديثة .
يا اخوانا..شوفوا السودان الفضل
غازى طاير والترابى فى كرعينو
ذى غازى ده مجرد نكرة لا يودى
لا يجيب ..
اما الترابى لو فى شعب يحب سودانو
ما كان قدر يمشى بكرعينو..
غايتو كان الفتنة حصلت بيناتم من هسا في العرس انشا الله على السماية كدا الثورة تكون قامت ندي الفاتحة يخوانا… امين !!
برغم من خلافي سياسياً مع الترابي الا أني اتفق معه في ما قال …. لابد ان عمل العقل في الدين وعدم الاكتفاء بتفسير واحد وحكم فقهي تجاوزه الزمن والعقل النساني …
المرأة هي أمي وأختي وزوجتي …وهن نصف المجتمع وأحياناً أكثر وتقلدت أعلي المناصب. وقد ان الأوان لإخراجها من الوصاية والعادات القبلية والأعراف التي حطت كثيراً من قيمتها الإنسانية!
ما المانع من ان تحضر عقد قرانها وتوقع نيابة عن نفسها ؟!
لم تحضر في المسجد للتوقيع ….. فقط تساءل عن لماذا لا توقع عقد زواجها الذي سيلزمها ما تبقي لها من عمرها إنشاء الله …. انظر ردة الفعل !!
الاسلام لا بتعارض مع العقل وآياته عامة والله سبحانه وتعالي ترك كثير من التفاصيل لاجتهاد عبيده حتي يواكبون مستجدات عصرهم
نعم من حق المرأة التوقيع عن نفسها….
هوى الراكوبة دي حقتنا والماعجبوا الباب ىفوتالترابي وغازي
لاول مؤة نسمع شئ صاح من شيخ الترابى
معروف شرعيا حضور العروسة امام المأذون وليس الوكيل عشان ما تحصل دغمسة والوكيل هو فقظ اجراء تكملي والمهم فى عقد النكاح هو ولى امر العروسة سواء كان والدها , شقيقها , عمها , خالها , جدها او اى فرد من اسرتها
في شهر العسل العرسان ديل حايتناولو موضوع عقدهم دا وفتوة الترابي
أركان الزواج أربعة :1/ الصداق 2/ الولي 3/ المحل (المراءة) 4/ الشهود
؟؟؟؟؟؟؟؟؟؟؟؟؟؟؟؟؟؟
انا بقول خطبة الترابي مامكن يختصر فى الزواج فقط دى امور فكرية ممكن يتناول الجميع النقاش من حولها
صاحبي عندو جزمة عجيبة كدا .. لو لقيتك يا الترابي الا افكها فيك ..
ياريت لو كانو المحتجين ديل جلدوهم الاتنين الترابي يضربوهو لامن يآمن
زي جلدتو في كندا …والمفعوص المتقلب الغير مهذب في شكله كان يكسروه
عشان يكون درس لامثالهم من العاملين فيها صفوة ..الا لعنة الله عليكم الي يوم الدين
سبحان الله مغير الاحوال من تصليح بوابير الجاز والمناقد فى مقابر حلة حمد الى اللهط والتسمين وكلو ان شاء الله الى النار
ما سالت نفسك كم شاب سودانى وصل اربعينات العمر ولا يجد عملا حتى ليحلم ان يتزوج فى يوم من الايام !! اليس من حق اهلهم ان يفرحوا بهم كما تفرحون بابنائكم ؟؟
كل جسم نبت من حرام فالنار اولى به اللهم ارنا عجائب قدرتك فى هذه الكلاب انت العلى القدير
عندما تموت الاسود جوعا تشبع الكلاب
العقد ده كان ناقصو زول واااااااااااحد ( أبو العفين ) كان إدعوه مع الترابي …… عايره وأدوها سوط