مركز شرطة نايف بدبي يكرّم سوداني لأمانته
دبي – البيان
كرم المقدم عمر محمد بن حماد، نائب مدير مركز شرطة نايف، محمد الناصر محمد الأمين سوداني الجنسية، صاحب محل، تقديراً لأمانته، وذلك لتسليمه مبلغا ماليا وقدره 10.000 ريال سعودي و 1.000 دولار أمريكي و 1.000 درهم إماراتي إلى مركز شرطة نايف بعد أن تركه أحد الزبائن في محله.
وقدم المقدم عمر بن حماد شهادة شكر وتقدير وهدية رمزية لمحمد الناصر محمد الأمين، وذلك لأمانته وفطنته، مؤكداً أن هذا التكريم يأتي في إطار تفعيل دور الشراكة المجتمعية بين شرطة دبي والجمهور، وبث الخصال الحميدة وروح التعاون والعمل يداً بيد من أجل بسط الأمن والأمان في ربوع الوطن، مشيداً بالدور الكبير الذي يقوم به أفراد المجتمع ومساهمتهم الفاعلة بالارتقاء بسمعة الدولة عبر تعاونهم المثمر مع الأجهزة الأمنية.
عليكم الله ياناس الوكلات ماتجيبوا لينا الحرامية والنشالين عشان يشرطو عينا هنا كل من هب ودب جيابنو لينا لا تشهو صور الزول السوداني السمح في عيون بقية الاجناس فمازال الزول يضرب بة المثل في اخلاقة وامانتة ….
رفعت رأس اهلك السودانيين
برة وجوة..ربنا يرحم وآلديك
ويكفيك بحلأله عن حرامه
تحية ليك يا ود بلدى الشريف
العفيف
هذا هو المواطن السوداني الذي نعرفه
اصيلة بامغيدة ياكيزان البشير ونافغ شوفو الاصالة يالصوص
اكثر الله من امثالك يا ايها السوداني الأصيل العفيف الشريف.. هذا طبع السوداني الاصيل ود البلد الذي همه ارضاء ربه ووطنه ونفسه. فهؤلاء هم عنوان البلد الحقيقيين زادها. مش زيي العطالة المسكرة بحواري وزقاقات المدن وتطلب في حق اللجوء ومرمطة بسمعة السودان الواطة. كما ذكر المعلقين الذين من شاكلتهم امس في عنوان مقال في الحبش من جاه الملوك نلوك.
هذه هى الشهامة والعفة التى عهدناها فى هذاالبلد الجميل اتمنى ان يحافظ جميع من فى المهجر والغربة على الامانة والنزاهة ليفتح الله لهم من بركاته ويعودوا غانمين
اؤكد لكم واجزم انه ليس (مؤتمر وطني) ولا علاقة له بالكيزان لا من قريب ولا من بعيد !!!!!!!!
كان تسليم المفقودات لمراكز الشرطة سائدا فى السودان حتى نهاية الثمانينات من القرن الماضى ثم اصبح يختفى سريعا الى ان جاء نظام الانقاذ وانتج مجاهدين لم نسمع انهم يرجعون الامانات- بل انهم خموا وصروا من ثورة التمكين من مال الشعب السودانى
ماشاء الله تبارك الله
بكل امانة صدق يظل الإنسان السوداني وفياً وأميناً مع الله قبل وطنة .
ايها الناس نحن من نفرا”
عمرو الارض حيث ما وجدوا
يذكر المجد كلما ذكروا وهو يعتز حين يقترن
حكموا العدل في الوراء زمن هل تري هل يعود ذ الزمن
نزحوا لا ليظلموا احدا” لا ولا لتهاض من امنوا.
انا سوداني انا. انا سوداني انا.
الإنسان السوداني أمين في شغلوا عشان كدة مرقوب في كل دول الخليج ويتميز من باقي الشعوب الاخري ونتمنى ان نحافظ على الاخلاص والامانة وإنشاءالله سنعيد السودان لسيرتة الاولي المحبة والمودة بين الناس والاحترام والتقدير بين كل قبائل السودان قريباً النصر والحرية ونرفع راية الاستقرار في الوطن الحبيب
بارك الله فيك اخي محمد الناصر وفي ميزان حسناتك باذن الله.
اما في السودان يكفي ان تبلغ وتتعرف علي السارق لتسهل المهمه للعسكر لتقاسم الغنيمه معا الحرامي!!!وهذا في الغالب الاعم!!! ياريت الراجل ده يترشح رئيس وزراء عندنا بس نحنا متتاكدين من امانتتو…او حتي والي للخرطوم اديهو قروش وبرنامج حيطبقول بحزافيرو مش ذي بعضهم يتقاسم نص المبلغ ويقوم بعمل خربان بالباقي!!
عارفين لية
لانو عايش خارج السودان
ومحتفظ بالقيم التى لم
تتلوث بالانقاذ
أصيل يامحمد الناصر عفارم عليك.
عواره منو بس
سوداني اصيل رفعت راسنا فوق يا ودالبلد
واللة هنا في الخليج مضرب مثل في العفة والشهامة والامانة والزول لا زال بخير الا ربنا اكفينا بعض الظواهر التي طلت مؤخرا
http://sphotos-d.ak.fbcdn.net/hphotos-ak-ash3/75840_455309174518534_1443504707_n.jpg
سوداني امين ,, ربنا يزيدك امانة , ادوهو خطاب شكر وعشرة في المئة من المبلغ
نفس الروايه باختلاف المكان ولكن السوداني الجد مابتغير
أن متاكد أنه ما كوز ,,,,,,,,,,,,,,, الله يكتر من أمثاله والله رفعت رأسنا ,,,,,,,,,
وأرجوك ما ترجع السودان حتى تذهب هذه الحثالة الجعانة الأفقرت من الشعب السوداني % 99,
((عن خولة الأنصارية أنها سمعت رسول الله – صلي الله عليه وسلم – يقول :(( إن رجالآ يتخوضون في مال الله بغير حق ، فلهم النار يوم القيامة ))
جعل الله عملك في ميزان حسناتك و يبدو من تصرفك (كتاجر) بأنك أمين و بحول الله ستكون من السبعة الذين يظلهم الله بظله يوم لا ظل إلا ظله …
و يعزز الله موقفك بأن يشيد بك كل الناس (فيحبوك) لأن الله أحبك ..
و الحمد لله أن جاء هذا الخبر ليعلم الناس بأنه ليس كل السودانيين ممن يجري وراء ( قمار اليانصيب) …
هذه أخلاقنا التي نعرفها و هذه (قيمنا) التي نشأنا عليها و التي بدأت في التلاشي منذ مجيء نظام الكيزان فأصبح أكل المال بالباطل هو (السائد) و يوصف مرتكبه ( بالشاطر) و من يتبع الحق هو ( العبيط و العوير) ..
أحسن الله أليك كماأحسنت(لنفسك)و كماأحسنت لسمعه(المسلم)ولسمعة(السودانيين)فمثل تصرفك هذا بمثابة(عمل) تهجز أن تقوم به( بعثة دبلوماسية كاملة) فلله درك من رجل.
رفعت راسنا فوق يا زول انا سوداني انا .. على جنب .. انتو ناس الانقاذ ديل ما سودانيين (من اتى هؤلاء) ؟؟؟؟؟؟؟؟؟؟؟؟؟؟؟؟
ربى يحفظك ويجعل ما قمته به فى ميزان حسناتك … والله لقد رفعته راسنا فى عنان السماء واعدتنا الى سيرة السودانيين الاولى فى المهاجر … بعد ان شانت السمعه موءخرا … نرجو ان يحذو الجميع حذوك وفى كافة المناحى … شكرا
بوركت كتير يا الاخو
اكيد نوبي يا دنقلاوي يا محسي وهم بصراحة من رسخو مفهوم السوداني الامين لاهل الخليج
الزول ده أنا أحلف يمين إنو ماكوز وعائلتو كلها ما فيها كوز حتى من الزير بشربوا بالكباية والجك ما بشربوا بالكوز
صوره مشرفة للوطن وسفير فوق العادة لكن المشكلة انو نا المغتربين حيكونو ختوهو في بالهم عشان يقطعو من حق المكافأة اول ما ينزل للبلد
قال رسول الله صلي الله عليه وسلم ( لا تقوم الساعة حتى يقال في بنى فلان رجل امين) وقال ايضا ( اذا ضيعت الامانة فانتظر الساعة) او كما قال صلي الله عليه وسلم مع العلم ان الاغلبية في سجون دول الخليج من السودانيين بسبب التحلل والانحطاط الاخلاقي وفي كل مجالات الحياة الذي مارسه الكيزان علي الشعب حتى باعت الحرة شرفها – شرفت السودان عامة وليس كما يعلق بعض الاغبياء بحصر ذلك علي قبيلة معينة فان الجهل ارفع درجة من ان يوصفوا به
يا اخوان هو سوداني وايا” كان لونه السياسي او قبيلته او او هو سوداني وسوداني اصييييييييييييل لانه دي صفاتناوعادتنا التي مع الاسف بدات تنعدم الان في ظل الانحلال الاخلاقي الموجود في الداخل واللي تم وروده بصورة عجيبه الي دول المهجر
ادعوا معي ان تستعيد ما فقدنا من شيم وخصال كانت تجعل الفارق لصالحنا عند المقارنه مع الشعوب الاخري واللي من اهما الامانه والاخلاص والاتقان في العمل
مع تحياتي