يا ثورة البركان (قصيدة)

بسم الله الرحمن الرحيم
يا ثورة البركان (قصيدة)
يا ثورة البركان
ما تسيبي متهاون
خلي الشرر يحرق
ما تخلي متعاون
*********
زمن التساب مرحب
بفتح ضراعه الشعب
شيل الخبوب والطين
املا البوداي غضب
فج الطريق واكسح
كل البقِلو أدب
الهان عليهم يوم
شرف البلد والشعب
*************
يا حناجر الثوار
يا سيفَنا البتار
اقطع لسان فجار
أملينا عز وفخار
أوقدي الشوارع نار
من كل ظالم جار
حارق بطونّا التار
ما دللا يا بنية
أي والله يا أفتار
***********
شيل الهتاف أمرق
ما تهم بمتردد
باكر بتتشابك
كل الأيادي تمد
تتقسم الكيمان
أشراف وأنجاس ضد
ماشين في سكتنا
وسكاتنا شين بالجد
تتفتح الأزهار
بي وعد متجدد
وجه الوطن يرجع
ناصع نضاره يجِد
وجه الوطن يرجع
ناصع نضاره يجد

معمر حسن محمد نور
9/1/2018
[email][email protected][/email]