لجنة برلمانية تبرئ قيادات الدولة من شبهة الفساد
الخرطوم: رقية الزاكي:
استفسر د. بيتر تيبر سفير المملكة المتحدة في السودان، البرلمان ممثلاً في لجنة العمل والمظالم العامة، عن وضع منظمة الشفافية العالمية، السودان في ذيل البلدان التي تغيب عنها الشفافية وتفشي الفساد فيها، فيما أكدت اللجنة للسفير بالأرقام أن السودان (نظيف) في الأداء المالي بحسب تصنيف المنظمة العالمية والمعيار الدولي الذي يعتبر أن أية نسبة تقل عن (5%) في الأداء المالي يعتبر الأداء نظيفاً بموجبها. وكشفت اللجنة للسفير أن حجم الفساد بحسب المراجع العام (0.002%) أي أقل من نصف في المائة.
وقال الفاتح عز الدين رئيس اللجنة في تصريح محدود عقب اجتماع عقده السفير والملحق الاقتصادي البريطانيان بالبرلمان أمس، حول قضايا الفساد والشفافية في الأداء المالي، قال إنه أبلغ السفير ووفده بأن التقارير التي تصدر عن منظمة الشفافية العالمية تقارير سياسية تستقي معلوماتها من جهات غير محايدة ومن مصادر ذات أغراض سياسية. وأكد للوفد أن المراجع العام أثبت أن الاعتداء على المال العام أقل من نصف في المائة، وأشار إلى أن المنظمة تحدثت عن فساد كبير وآخر صغير، وأضاف أن الفساد الكبير يصدر من قمة أجهزة الدولة ويتصل بالمضاربات الكبرى في مجال النفط والسلع الإستراتيجية، وقال عز الدين: ثبت أن قيادات السودان نظيفة ولم تطلها أية شبهات بشأن التجاوزات المذكورة، وأوضح أن الفساد الصغير هو المخالفات التي تقع من موظفين صغار، وأكد أن حجمه في السودان بلغ (0.002%) أي أقل من نصف في المائة.
من جهته، أكد بيتر أن بريطانيا تسعى لدعم السودان عبر المؤسسات الحكومية ومنظمات المجتمع المدني في مجال الشفافية وحوسبة المؤسسات.
الرأي العام
هههها … هههها … هههها … (وكشفت اللجنة للسفير أن حجم الفساد بحسب المراجع العام (0.002%) أي أقل من نصف في المائة.) … هههها … ههها …. ههها …. ريحة عفنة ، عفنة شديد ….. فووووو عفننننة ….
*السودان الدولة الوحيدة في العا لم, التي تبيح الفساد بإسم الدين( رطاس)*
حقاً أن شر البلية ما يضحك …( وَمَا تَكُونُ فِي شَأْنٍ وَمَا تَتْلُو مِنْهُ مِنْ قُرْآنٍ وَلَا تَعْمَلُونَ مِنْ عَمَلٍ إِلَّا كُنَّا عَلَيْكُمْ شُهُودًا إِذْ تُفِيضُونَ فِيهِ وَمَا يَعْزُبُ عَنْ رَبِّكَ مِنْ مِثْقَالِ ذَرَّةٍ فِي الْأَرْضِ وَلَا فِي السَّمَاءِ وَلَا أَصْغَرَ مِنْ ذَلِكَ وَلَا أَكْبَرَ إِلَّا فِي كِتَابٍ مُبِينٍ) – اية61،سورة يونس- والله المستعان
مافي حرامي بيقول أنا حرامي .. أكيد تنكروها …!
مع العلم أنتم أكبر حرامية وفاسدين عرفهم التاريخ القديم والحديث …!
سبحان الله !!!! و حسبنا الله ونعم الوكيل !!! طيب يا الفاتح يا عر الدين حسبتك دي داخل فيها المال المجنب ام لا ؟؟؟؟ وهل تقرير المراجع العام الذي ذكرته هو نفس التقرير الذي قدمه النائب العام للبرلمان هذا العام ام انك تقصد تقرير النائب العام الذي قدمه للبرلمان في عهد الزعيم الازهري عليه رحمة الله وطيب الله ثراه ؟؟؟؟ يا راجل اتقي الله !!! نحن اكيد في زمن المسيخ الدجال حيث الكذب على روؤوس الاشهاد ولا حياء…. قاتلكم الله انى تؤفكون
وكشفت اللجنة للسفير أن حجم الفساد بحسب المراجع العام (0.002%) أي أقل من نصف في المائة.
هههههههههههههههههههههه
والله دي بالغتوا فيها عديييييييييييييييييييييييييييل كدا ..
ههههههههههههههههه
هاهاهاهاها….قرقر قر قر قر….كم؟!!!!! كم؟!!!! كم؟!!!!!ها هاااااااااي …. قر قر قر..قاااااي… و( شر البلية مايضحك )
نحنا من الهندى عزالدين لى الفاتح عزالدين..شكيتكم لى رب العالمين
ورقة امتحان الصف الخامس الإبتدائي:ـ
السؤال الأول: إلى كم قسم ينقسم الفساد؟
ينقسم الفساد إلى قسمين هما الفساد الكبير والفساد الصغير.
النتيجة: 10 من 10 شاطر.
يا عالم الفساد منظومة متكاملة وما وسرقة واختلاس وخيانة المال العام إلا جزء يسير منه..فالدولة الكيزانية فاسدة منذ عام 1989 عندما استولت على السلطة ودمرت كل مقومات الدولة وختمت هذا الدمار بفصلها إلى جرئين ومن قبلها حروب دارفور وجبال النوبة والنيل الأزرق وشهداء العيلفون وبورتسودان وكجبار والتفريض في الفشقة وحلايب وشلاتين والقوات الأممية ومساندة الارهاب وبيع أراضي الدولة باسعار لا تعادل قيمتها الحقيقية والسدود ومشروع الجزيرة وغسيل الأموال وتزييف العملة والجنس والمخدرات والقائمة تطول بعد كل ذلك الفساد بمسمياته المختلفة يمكنك أيها المسؤول الضهبان أن توضح لنا أي الفئات تقع ضمن تقسيمك الصغير والكبير للفساد…
هي… هي… هي … هي … ( نظام بكا و كده يعني)
اقتباس (ثبت أن قيادات السودان نظيفة ولم تطلها أية شبهات بشأن التجاوزات المذكورة، وأوضح أن الفساد الصغير هو المخالفات التي تقع من موظفين صغار، وأكد أن حجمه في السودان بلغ (0.002%) أي أقل من نصف في المائة).
حسبي الله ونعم الوكيل دا كلو والنسبة 0.002 هذي زمانك يا مهازل فامرحي .
أضحكن لامن تقعن لي ورا .. والله الصورة براها تكفينا عن التعليق.. الفاتح عزالدين قاليكم شنو يا حاجات .. كدي أعيدنه لي ما سمعته كويس. الله يجازي محنكم يا ناس (الإنكاس).
أنا حرررررررررررم ما فاهم أي حاجه الخواجة ده بقى عبييييط وللا أنا العبييييييييط وللا ألحاصل شنو ؟؟؟؟؟
خلاص يا الفاتح عزالدين نحنا ديل الفاسدين كدا ارتحتا
والله الزول ما عارف يضحك ولا يبكي انعلللللللللللللل…………
شعب ابن كلب كيف تكون حكومة إسلامية بها حرامية عيب عليكم انتم مش عارفين الغني العندهم ده من أرزاق الله عليهم أم انتم شعب شيوعي جاحد بلد أي مسؤول فيها بعمل بتراب القروش ليساعدكم تقولون حرامية عيب يا مواطن نحن ناس هي لله هي لله
فعلا شر البلية مايضحك
اول شى الرجل ده ماعايش في السودان ولا في الكورة الارضية يكون في المريخ او زحل نقدر نقول معزور مايعرف بس يكون رئيس لجنة مختصة بالفساد ويقول ماقال ده منافق وكاذب وعديم اخلاق كيف يكون الفساد بالنسبة التى ذكرت وكل مشروع اتعمل في عهد الانقاذ فيهو فساد واى مؤسسة او قطاع حكومى اتباع فيهو فساد هو شنو المافيهو فساد يعنى ناس الانقاذ ديل سكنو المعمورة والطائف والرياض ومن هم على شاكلة تلك الاحياء وركبو السيارات الفارهة والنعمة ظهرت في كروشهم وجسمهم وعلادهم في ارقى المستشفيات في العالم ووووو ده كله من وين ياترى والله الزول زى ماقلت ليكم يا ماعايش في الدنيا يا كمان يكون نائم من سنة 89 ولا حاجة ده شنو الاستعباط ده هم قايلين انحنا لسة حائيمين بريالتنا ولاشنو بلا يخمكم
عشان كدة مكنكشين في الحيكومة تخموا وتاكلوا وتقشوا خشمكم وتنكروا
كدي خليها تنقلب نشوف فسادكم حدو وين بنعرف نطلعوا وكل المستندات موجودة
يا حرامية يا نصابين
نحن ذاتنا عندنا شبهة في هذه اللجنة لأنها لاتريد أن ترى مانراه من فساد. هي لجنة في ايدها القلم كيف تكتب روحها شقية؟؟؟؟؟؟؟ قال لجنة شفافية قال.
no comment!!!!
دا كلوووووووووووووووو وحالتو 0.002% بس ؟؟؟!!!
امال لو كان 1% كان عملتو فينا شنو ؟؟
صبرا يا كيزان بني قريظة سينجلى الليل وينكشف المستور ويا ويلكم من عذاب وانتقام الشعب …وانا هنا لا اتحدث عن عذاب وانتقام الرب فهذا شأن اخر
دا شبكة منظمة من الراس للساس ولا نائب عام ولاخاص … لودايرينا تعرفو بلاويهم ارجعوا للشعب المظلوم
يالفاتح عزالدين ما كفاية براءة البرلمان اقترح اقامة قضية رد اعتبار على الشعب الوهم دا كمان بتهمة إشانة سمعة الحكومة والحكم تأبيدة اوو دقيقة لحظة تذكرت نحن ما يانا قاعدين في السجن معليش ناسف لازعاجكم بالله واصلو الحاجات الكويسة البتعملو فيها دي الله يوفقكم وبعدين يحرقكم
اهلنا العرب بقولوا الفى الفدر بجيبو المقراف……..ومهما الليل اطول حتما يعقبه صباح….
الى الفاتح عز الدين والهندي عزالدين – اهدي اليك والى كافة المدافعين عن سلوك الانقاذ قول ربنا
( ها أنتم هؤلاء جادلتم عنهم في الحياة الدنيا فمن يجادل الله عنهم يوم القيامة )
والى اللقاء في يوم اللقاء
يالفاتح عزالدين ياعربي كمل نومك ضواحي المناقل من الزمن الاغبر بقيت محافظ امدرمان سبحان الله !! وصدق المرحوم كمال سينا لما عرف انك من كمل نومك قال ده جايبنو ومن كمل نومك عشان يحكم ناس امدرمان مشى احسن يواصل نومو – بعدين قبل كدة كنت محافظ غبيش بشمال كردفان وسكوك وجريت ودخلت مركز شرطة الحفيان أشرح لنا هذا الانسحاب غير التكتيكي بعدين سرقت قروش امدرمان
والليلة جاي تقول مافي فساد وانتو الفساد يمشي على قدميه
وتفتكروا السفير صدّق كلام المعتوه دا وهل هو بالغباء لهذه الدرجة
يا أخي انتو بتكذبوا على منو ؟؟؟
ما قالوا أنكم (كسرتوا خزنة) و سرقتوا اللي فيها لكن أستغليتوا وجودكم في السلطة و أخذتوا القروض و العمولات و مكنتوا أهلكم من الفساد زي ( مرة الريس) و هكذا !!!!
دي دايره ليها درس عصر ؟؟؟
قال تقارير سياسية …
لعنة الله على آكلي المال الحرام (المصرين على الذنب ) و المصر على الذنب ( كالمستهزيء بربه)
انتو يا جماعة صحى صلاح قوش ده عنده ملفات خاتيها بره السودان؟؟؟؟الزول ده مع اختلافنا معه وعمايله العملها ايام كان رئيس جهاز الاستخبارات هذا الجهاز القام اصلا لمراقبة السودانيين والجرايد والمعارضة وما شغال باعداء السودان شغلة وبقى يشتغل بالتجارة والسمسرة وهلم جرا الزول ده بيكون مؤمن نفسه مما شاف انه فى ناس ما دايرنه وقاعدين يحفروا ليه!!!
الله يكضب الشينة يا الفاتح عزالدين وقوش ما يكشف ملفاته للاعلام وعلى وعلى اعدائى!!!!!
وانا اعتقد الاعلام الخارجى ممكن يدفع ملايين الدولارات فى سبيل هذه الملفات الا غايتوا تفكوه وتتفقوا معاه على عدم الملاحقة وفى هذه الحالة هو اظنه بيقعد ساكت لكن برضه بيكون مؤمن نفسه برضه!!!
وزى ما بيقولوا المصريين سيب وانا اسيب!!!!
ولا كيف يا الاطهار البدريين؟؟؟؟؟؟
وقال الفاتح عز الدين رئيس اللجنة في تصريح محدود
يعني الواحد ياكد لسعادة السفير فساد بيتة انت مشكوك في امرك شخصيا وغيرك انتم تنكرون الاغتصاب وتوصفونة تحرش تعترفون بابناء السفاح وتنكرون تسمم الطالبات وتوصفونة بالشطة تنكرون الفشل والدمار توصفونة بالتنمية والنجاح الفساد قائم علي الاسمنت والكفرات اخر موديل والزواج الرباعي ودخل الفرد معلوم في هذه البلد الفساد شاهر قرنية وانتم واقفين علي ارجل من طين لا تشعرون بالهمهمة والململة الي ان تضع رؤوسكم علي المقصلة الله يمد في حكمكم
يالفاتح عزالدين نحنا نؤكد ليك ليس فساد الحكومة فقط الموثق لينا يالمستندات بل نقول ونذيدك علم حتي فسادك انت موثق لدينا حتي الدولارات الكنت بترسلهم لزوجتك رقم اربعة المقيمة بلندن عارفنها كم
اولا هذه شهاده مجروحه لأن الشاهد جزء من العصابه ومافي حرامي بيعترف علي نفسه , ثانيا مظاهر الفساد في السودان لا تحتاج لأي شهاده لأن المتهمين بالفساد لا حياء لهم ولا يردعهم رادع قانوني لانهم فوق القانون ولا ديني لأنهم لا يخافون الله ومطية الدين التي يركبونها لا تتماشى مع أفعالهم فهم يحرمون للناس ما يحللونه علي انفسهم وجلباب فصل علي مقاس البسطاء الذين يظنون ان الدين يقف في عتبة اقامة الاركان وارتياد المساجد فقط. والفساد لايقتصر فقط علي المال ولكن علي امحسوبيه في توزيع الوظائف وتقديم المصالح الضيقه علي مصلحة الوطن وحرمان المواطنيين من تقديم الخدمات الضروريه لتأمين استمرارية النظام وأوجه الفساد لا تعد ولا تحصي , فمثلا واحدا عن الفساد المالي متمثلا في املاك نافع علي نافع الشهير بأبو العفين مقارنه بمرتبه منذ ان بدأ حياته العمليه وحتي الان لا تتيح له امتلاك عقارات تساوي ملايين الدولارات فالفيلا للتي بناها لأبنته والتي كلفت ما يعادل ال6 ملايين من الدولارات, اذا سُئل من اين اتي بمالها فهذا وحده دليل ادانه له هذا غير الاملاك الاخري المعروفه للكثير من المواطنين الذين يرونها في قدوهم ورواحهم اليومي . وهناك انواع من الفساد يتباهي بها اصحابها مثلا وزير الزراعه الحالي المتعافي ووزير الخارجيه كرتي فهؤلاء يطلقون علي انفسهم وصف الشطاره وهي بريئه منهم بل هو (استحمار) لهذا الشعب لأن القوانين في اي دوله محترمه تمنع اي دستوري من ممارسة اي نشاط تجاري او ما شابه خوفا من استغلال المنصب لخدمة مصالحه الشخصيه ولحماية المصلحه العامه من الفساد , فما رأي مجلس لورداتنا في هذا الامثله القليله جدا في الفساد الذي اذا حاولنا حصره فسيحتاج للامر لمجلدات , والحمد لله ان الكثير من الشرفاء يوثقون لذلك بالادله والبراهين والاسماء وسيأتي اليوم الذي سيعرف الذين ظلموا اي منقلب ينقلبون .
قبل فترة نشر الاستاذ احمد مصطفي ابراهيم مقال كارث عن حجم مخصصات المسؤلين الدستوريين الضخمة والتي تستمر بعد سنتين بعد النزول من الخدمة , والمعروف ان كل جهة حكومية لها استثمارات خاصة وهي جهات خدمية ليس لها الحق في انشاء استثمارات خاصة مثل الامن والشرطة والجيش تخيلو الجيش عامل صالة مناسبات هذا هو الجيش في عهد اللمبي علي العموم اظن ان مشكلتنا حلهافي تقوية الانظمة الادارية في كافة قطاعات الدولة ومنع قيام اي جسم حكومي من انشاء اي استثمار خاص به عشان الميزانية تنجح مرة وتصمد حتي نهاية السنة المالية
قالو للحرامي احلف , قال جاني الفرج .
#*** أول ملاحظة :- قرينا فى (العربية نت) قبل فترة انو البرلمان فى دولة السودان رفع جلساته حتى أبريل القادم…فكيف يكون الاجتماع ده حصل…واحد من (الجماعة) مدسى هنا اليومين ديل وهو يعنى من البقول ليك فى الفضائية السودانية: القيادى بالحركة الاسلامية…فتحت..تحت قال لينا صاح البرلمان فى اجازة لكن رؤساء اللجان دايما بيكونو موجودين…طيب..
#*** الحاجة التانية الكلام ده معناهو انو الاجتماع ده كان بين السفير البريطانى والملحق الاقتصادى بسفارة بريطانيا بالخرطوم والزول الاسمو الفاتح عزالدين…وتانى مافى زول معاهم..لأنو باقى أعضاء اللجنة الرئيسهم عزالدين ده فى اجازة..وقال ليك من زمان ( مااجتمع بريطانيان الا وكان الشيطان…ايه…ثالثهما…براوة عليك)…فلما ينتهى الاجتماع حيجى عزالدين يصرح للصحفيين..وبما انو مافى زول تانى كان حاضر ممكن يقول للصحفيين كلام غير القالو فى الاجتماع..يعنى أكيد يكون قال للخواجات كلام زى ..أعفو لينا ..وتوبة لحبوبة..ودى آخر مرة… وكدة ..لكن يجى طالع للصحفيين يقول المكتوب ده…
#*** عايزكم تلاحظو انو الاجتماع كان يوم الاتنين..والخواجات بيأجزو يوم الأحد..وأكيد السفير والملحق يوم الأحد بالليل كانو (ضاربين)…لأنو قال ليك اليومين ديل فى الخرطوم فى(العرقى الفلبينى) كاسح السوق كسح…يعنى كاس واحد توف الدنيا تدور..وقال ليك نص الكرستالة(بكرى) مايكمله..فأكيد السفير طبعا حوالينو أصدقاء السوء السودانيين الله لاكسبهم..قالو للخواجة نجيب ليك حاجة تقول للSCOTTISHانت شنو..السفير وصاحبو ضربو يوم الأحد ويوم الأتنين مشو الاجتماع ولسة مافكت منهم..فأكيد يكون السفير ورقة الشفاقية دى والفساد كان ماسكة بالمقلوب..حسب الفى راسو…لأنو عزالدين وكلنا عارفين انو السودان أنظف دولة فى العالم…يعنى نحن الأول فى النظافة مش الطيش زى ماقراها الخواجة السكران ده لأنو الموضوع كلو انو قالب الورقة!!ماتكبرو الحكاية!
#***والسودان زى ماقال عزالدين الدحيش للسفير انو السودان (نظيف) فى الأداء المالى…بس السفير لأنو انجليزيتو أخير منها انجليزى كرتى مافهم معنى كلمة (نظيف)..عزالدين قاصد للسفير السكران ده انو بنك السودان (نظيف) من العملة الصعبة ..يعنى ميطى ولا دولاراية مافى,,مش قبضو قالو تجار العملة الكبار فى الخرطوم هناك..يوم الجمعة طبعا الاتصال رخيص ..اتصلت بأخوى وهو ضابط كبير ..قال لى تجار العملة ديل ..ناس الحكومة تشيل وتحنس فيهم عشان يمرقو يفوتو..قال ليك التجار حلفو مايطلعو..نحنا نطلع من الحبس ده بمزاجنا..والدولار اليوم فى دبى 9 جنيه!!..قال ليك تجار العملة فى الخرطوم منزلنهم فى الفلل الرئاسية ولا كافورى ما عارف والأكل كل يوم بجى من دبى..شى مندى..شى مدبى..شى دومينوز بيتزا والقهوة من ستاربكس والدجاج من هارديس وبيرقر كنج والعمم من ماركس اند سبنسر…والويست شغال ..والريموت كنترول من محطة لى محطة..لا ..ومافى حاجة اسمهاTHIS SITE IS BLOCKEDوعيك…والجماعة واقعين تحنيس وهم رافَضين يمشو بيوتهم…كويسة معانا خليهو يصل12
#***بعدين فى ملاحظة تانية..الجرايد السودانية البتجينا هنا( يازول اليومين دى السودانيين فى دبى بقو أكتر من الهنود)..الحاصل شنو بغادى…الجرايد البتجى مع السودانيين دايما بتكتب الأرقام غلط يعنى تلقى مكتوب(6791) والمقصود 1967…أو مثلا 2056 والمقصود6502..وهكذا فيكون التقرير اللى سلمو عزالدين مكتوب انو نسبة الفساد 0.002% زى مامكتوب ..والمقصود200%..فهمتو اللعبة! لأنو الكمبيوترات فى السودان كلها صينية..والصينيين بكتبو من اليمين للشمال…وقال ليك فى حتة فى الخرطوم اسمها(صارمين) أو (صاقرين)..حاجة زى دى الجماعة شغالين فى الكمبيوترات الصينية تلصيق ماركات…acer..DELLوالجزمadidas..clerks
#***وبعدين قال ليك:-وقال عز الدين: ثبت أن قيادات السودان نظيفة…ثبت وين ياشيخنا …ثبت شرعا يعنى ولا كيف…
#*** ياخوانا نصيحة لأخوانا الجايين دبى…أوعة يجى واحد مربى دقن كبيرة..اليومين ديل ضاحى خلفان شغال فى الجماعة المصريين قرف..كلهم حلقو دقونهم..والواحد يقول (يابن النيل أنا قاى آكل عيش وابنيلى شأة فى مصر)..والأفغان الدقونهم كبار وصابغنها بنى..يازول الحلاق لازم تحجز قبل تلاتة يوم ..واللبس بتاع الباكستانيين القطعتين داك زى بتاع طالبان غيروهو ولبسو بناطلين ساى والبنطلون مرفوع فوق الكرش..وصلاة الصبح الا الامام والمأذون..والنادى السودانى رجعنا ليك الوست وندى القلعة طقطق..طقطق طول الليل…ياخى فى جماعة كدة كانو مانعننا المديح والنادى بس الفضائية السودانية وساحور…هسع اختفو ..محل مشو ماعرفناهم..وح نعمل لجنة نادى جديدة ونجيب شريف نيجيريا…
أنا ما غايظانى الا الدناوة بتاعت المسعورين
عليكم الله لاحظوا ليهم فى الاجتماعات
شغالين قرش فى الفول والبلح
ناس جيعانة ما بتختشى
اخخىىىىىىى
والله لا عرفتا اضحك لا عرفتا ابكي شكيتكم علي الله