توضيح من السيد نصرالدين الهادي حول توقيع الكودة

ها قد فتح لكم الوطنيون بالحلاويين اضاءة فلما لا تساندوها حتي يلوح الفجر الجديد

لا أثق إطلاقا في اي إسلامي بدقن أو بدون دقن، الترابي والكودة وعلى عثمان كلهم طينة واحدة، وهذا التمزق والانقسام في داخل صفوفهم ما هو الا تمويه حتى يضمنوا مقاعدهم في كل زمان ومكان…. يطير المؤتمر الوطني ويحل محله الشعبي وهو نسخة طبق الاصل منه ، ولماذا هذا الاهتمام بالكودة زي ما قالت احد المعلقات هو “مانديلا” (مع الاعتذار لمانديلا) ما واحد كوز يوم مصلحتو مع الكيزان وانصار سنة يوم مصلحتو مع انصار السنة… قرفتونا وطلعتوا روحتنا…

ياجماعةس سؤال:
هو المعارضة بفجرها وغروبها هل بتقبل زول شارك في حكومة الترابي أو عمر البشير؟
أكان الإجابة نعم!طيب ما الحكومة والمعارضة شئ واحد!
ما كل الناس اللي شاركو في الحكومة بكرة مصالحهم تكون مع الفجر الجديد والمواطن المسكين يقبل في إطار الزول ده كان مخموم ساكت ؛وتبقى هي هي هي.
ياناس الفجر الجديد هوي نحن ما عايزين أي شخص شارك في حكومة الترابي ولا الصادق ولا نميري(رحمة الله عليه). أفسحوا المجال للجيل الجديد وليس الفجر اللابس (جناح أمجكو).
يعني يا أخوانا إذا كان الفجر تاني فيهو مبارك الصادق بيبقى ده غروب وليس فجر !!!!!!!!!

إذاً , هل طلع الدكتور الكودة كضاب بعد إصراره المتكرر على عدم التوقيع على ميثاق الفجر الجديد ؟؟

لقد أوضح عدة أشخاص من قادة الجبهة الثورية كانو حاضرين لحظة إجتماعهم مع د الكودة فى مراسم التوقيع .. لقد ذكر بالأمس السيد جبريل إبراهيم قائد العدل والمساواة بأن د الكودة فعلاً قد وقّع على وثيقة الفجر الجديد , واليوم يقول نفس الشئ السيد نصرالدين الهادي المهدي نائب رئيس الجبهة الثورية .. و المثل السودانى يقول ;(إتنين لو قالو ليك راسك مافى , أهبشو) .

يا خسارة على إنسان وثقنا فيه من بين باقى الإسلاميين و إفتكرناهو مختلف عنهم فى فكرو وفى آرآئه وفى وقوفه مع الحق لكن طلع زيهم فى أى شئ حتى فى الكضب وفى النفاق وفى الخداع وفى الإستخفاف بالعقول !!

لك الله يا شعب السودان و يا بلد ال ماعندك وجيع .. وحسبنا الله ونعم الوكيل .

ومنو ده القال انو الكوده ما وقّع او تراجع ؟؟؟؟
صحف المؤتمرجيه ام الهندي عزالدين ؟؟؟
الكوده وقّع والصورة خير دليل والرجل ذهب لكمبالا والاحزاب بالداخل كافه موقعه وموافقه بس زي (فقه) الكيزان . الضرورة جعلت من بعضهم
المناورة لضمان العمل الداخلي وعدم الاعتقال و ايقاف النشاط .
والوثيقه وجدت ترحيب كبير جداً والتفاف من الشعب السوداني . كلام غير كدا يبقى كلام نافع المذعور .

التساب قادم . جهّروا جحوركم مبكراً .