أمدرمان : شاب يشعل النار في نفسه لزواج محبوبته من آخر!!

الحمد لله انك ما مت وربنا يعجل شفاءك لكن يا اخوي محبوبة شنو البتموت عشانا ,,,
دي باعتك وعرست ,,,انتا ما سمعت بي الباعني رخيص ببيعو,,,
الله يهديك ,,,

الخبر شكله مفبرك
قال الحادث وقع بمنطقة ام درمان وام درمان اكبر من كرش الفيل
وهل فتح بلاغ بذلك وفي اي قسم وكيف تم استقباله بالمستشفى
والله ممكن الواحد يكتب مائة خبر مثل هذا وأسوء منه كمان من رأسه
علشان يبع صحيفته
اتقوا الله ولا تشروا الفساد من غير أدلة وبراهين

Don’t ran after a bus or a woman another will come;)

ليه يا ابو الشباب تعمل في نفسك كده ؟!! االحمد لله أنك ما فارقت البسيطة ودخلت نفسك في حسابات عسيرة جداً أهونها نار جهنم ، البنات كتار على قفى من يشيل وبنات حوى فيهم المخلصات وما كلهم بينقضوا العهود والمواثيق لأول جهبوز يطل عليهم.
الآن شوهت نفسك بالحروق وحتزداد نفسيات على نفسياتك الأولى وتلت أهلك بي وراك (مستشفيات وما أدراك ما مستشفيات) ودخلتهم في كستبانة ، قوللي استفدت شنو هسي غير ما زيدت عذاباتك وعذبت أهلك معاك(هداك الله) ارجو أن تكون عبرة معتبرة للشباب امثالك. والزواج قسمة ونصيب وا للأنسان يد فيه.

والله يابتاع الركشه جيت الاول عشان بنت بنات شنو وكلام فارغ اسهل حاجه موجوده الان لوعاينت بس لي بت انت بتعمل علاقه والله ماعندهم اي كرامه ولاعزه نفس رسل لي رصيد عايزه لي كريم عايزه باسطه ماشه الكوفير ارح فسحني انت ماحتجي تخطبني يااته سطحيات لي درجه قف وفي نفس الوقت هبلات وماديات احزروهم المقابر مليانه بسبب البنات

ياخي حرام عليكم
دا ما مجال سخرية و اكيد الزول دا بمر بازمة شديدة
لا زم الناس تقيف معاهو ما تسخر لاننا ما عارفين لمن عمل كدا كيف كانت نفسياتو ، ولا نحنا بقينا للدرجة دي ما عندنا احساس بالاخرين واكيد انو الزول دا حساس شديد وما عارف الدنيا عندنا بقت ماديات ولا مكان للاحاسيس فيها ولمن عرف الحقيقة اتصدم
ياريت كل الناس عندنا تعود للزمن الجميل وتحب وتصادق باخلاص وما تتوقع خيانة ولا غدر لاننا نحن اهل السودان كنا مابنعرف الخيانة وان شاء الله مانعرفها