نقابة العاملين بتلفزيون النظام تحدد الثلاثاء موعداً للتوقف عن العمل
الخرطوم: ماجدة حسن:
أكد د. أحمد بلال عثمان وزير الإعلام، إلتزام الدولة بحقوق العاملين في التلفزيون، وأبان أنه سيتم جدولتها، وقال إن المسألة هي مسألة زمن، فيما أعلنت الهيئة النقابية للعاملين بالتلفزيون التوقف عن العمل الثلاثاء المقبل.
وأوضح د. بلال في لقاء مع العاملين بالتلفزيون عقب صلاة عصر أمس، أن أسباب تأخر حقوقهم طيلة الثمانية أشهر الماضية هو الظروف الاقتصادية التي تمر بها البلاد، وأشار إلى أن ظروف خفض الانفاق ألغت ما يسمى بالحوافز، وتابع: هناك تدابير بأن تكون هذه اللائحة (الحقوق المتنازع عليها) في شكل حقوق أخرى وبدلات أساسية، وقد تكون أكبر من اللائحة ويمكن أن تكون أساسية في الفصل الأول، وقال إن الخلافات الحالية يجب ان تكون في إطار الأسرة الواحدة، وزاد: عليه ما أعلن عن قيام إضراب يوم الثلاثاء المقبل أمر غير صحيح. وقطع بلال بأن التلفزيون خلال السنتين المقبلتين سيكون أجمل من (تلفزيون ماسبيرو). من جانبه، أكد مصدق حسن رئيس نقابة العاملين بالتلفزيون، أنه لن يتوانى في المطالبة بحقوق العاملين ما لم يحدث قطع جازم أو إضراب مستمر، وأوضحت الهيئة النقابية في بيان لها أمس، أنها ظلت في اتصالات دائمة مع المسؤولين في الدولة منذ انطلاق الحركة الاحتجاجية للعاملين، وأنها خاطبت وزير الثقافة والإعلام، ود. محمد مختار وزير الدولة بمجلس الوزراء، بجانب الهيئة النقابية لعمال الإعلام والثقافة والنشر، ورئيس اتحاد نقابات عمال السودان، بمذكرات حوت مطالب الهيئة وهددت باستمرار الاحتجاجات. وقالت إنها اجتمعت باللجنة المكلفة من د. الحاج آدم نائب رئيس الجمهورية برئاسة الوزير فرح مصطفى، ورفعت اللجنة رؤيتها لنائب الرئيس. واجتمعت مع الهيئة النقابية لعمال الإعلام والثقافة والنشر، كما اجتمعت مع د. بدر الدين أحمد إبراهيم مسؤول الإعلام بالمؤتمر الوطني، بجانب اجتماعها مع وزير الإعلام مرتين، وأكدت الهيئة أن وزير الإعلام تجاهل طوال هذه الفترة (13 يوما من الاحتجاجات) مشاكل العاملين، وقالت الهيئة إنها وصلت إلى طريق مسدود في علاج هذه الحقوق مع الدولة، وعليه تدعو الهيئة إلى توقف عام عن العمل يوم الثلاثاء المقبل (12 فبراير 2013م)، وأهابت الهيئة في بيانها بكل العاملين التوقف عن العمل في الموعد المذكور.
الراي العام
تستاهلو هذا جزائكم يامطبلاتية النظام يا مجملي القبح ان دوركم كان بس تجميل وجه السلطه ونشر اكاذيبها ودعاياتها لن نتعاطف معكم ابدا اية شخص يتملق هذا جزاءه . تاخ تاخ تاخ
ديل كزابين ياكلو مال النبى لاكن ناس التلفزيون ديل كلهم كيزان اللهم اجعل كيدهم فى نحرهم
اكرة كلمة مؤامرة
اريد ان اعرف عن العاملين هل هم من قبل 30يونيو (قدامي) ام بعد هذا التاريخ (جدد) لو كنتم قدامي (عليكم العوض ) ح يقول ح الجاثم حاتم الباب يفوت جمل والبديل جاهز نفترض لم يتم الدفع يكون اعتصام ثم الشارع والخياران الاخران مستبعدان (العصي) جاهزه والخيارات الاخري البديلة متوفرة كل شئ ولا تهديد امن البلد (العذر) ومكتسبات الشعب والتوجة الحضاري
غياب التلفزه السودانية (جميعها) او وجودها لا تفرق كثيرا غير زيادة عدد القنوات في الجهاز (رقم) فقط ولسان حالنا يقول ريحتونا
اهلنا زمان كانوا لمن تحر والشكلة دايرة تبدا فى الحفلة يقولوا العوين والافندية يقيفوا لغادى
والراجى ثورة من افندية يسف التراب انتو فى وانا فى يسكتوهم بالفتات
الثورة يقوم بها الكادحون لاراتب لادرجة وظيفية
احسن يقيف تلفزيون السودان ده لانو ما فيهو فائده وبرامجوا معيوده وانشاء الله مواهيكم ما تجي مش متاخراتكم
أسباب تأخر حقوقهم طيلة الثمانية أشهر الماضية … عشان كيدا كلو البنات الوانهم اتغيرت .. ما عندهم حق الكريمات …هههه ولسه ح نشوف اكثر ..
أيّهأ المنافق الرخيص الوضيع مثلك :
لايطاع له أمر
ولا يُصدّق له قول
ولا يستحقّ إلاّ الاحتقار والإزدراء
أن أسباب تأخر حقوقهم طيلة الثمانية أشهر الماضية هو الظروف الاقتصادية التي تمر بها البلاد>
———
هكذا الوزير يقول أن تأخر حقوق العاملين سببها الظروف الاقتصادية التي تمر بها البلاد ولنسأل الوزير إذا ما كان هو ونواب البرلمان والوزراء والبشير نفسه قد تأخروا عن تسليم مرتباتهم طوال هذه الثمانية أشهر؟
من كلام وزير الاعلام نفهم أن الأزمة الاقتصادية تؤثر علي العاملين والفقراء فقط ولا يتأثر بها المسئولين الكبار.
أكرر سؤالي للتلفزيون … لماذا يذيع دائما عمر الجزلي مع المذيعة هيام الطاهر ولا يظهر إلا معها هي فقط ولا غير … ولا تظهر هيام الطاهر إلا معه او مع إمراة اخرى … لقت راقبت هذا كثيييييييييييييرا ولم يتغير شئ .. داير أفهم فقط …
نسال الله ان يجعل كيدهم فى نحرهم هذا التلفزيون بوق للنظام الحاكم وللدجل وتجميل وجه النظام القبيح امام العالم
الحالة الاقتصادية للبلد لماذا لم تؤثر علي مخصصات اصحاب المناصب الدستورية والنواب ولماذا لم يخفض عدد عرباتهم ونثرياتهم وعلاجهم بالخارج وأكيد هذه المتأخرات تم استخدامها في اوجه صرف اخري
عندى احساس حتى العاملين بالتلفزيون لا يشاهدونه اما المسئولين فى الدولة فقناة الجزيرة هى القناة الرئيسية, المهاجرين خارج السودان معظمهم يشاهدون النيل الازرق والشروق بما انو ومن وجهة نظرى الشخصية متقدمين فى برنامج التطبيل للحكومة, اذن يا العاملين بتلفزيون الانقاذ هذه هى سياسة الحكومة لا تريد استمرار هذا التلفزيون لانو خسران وبكرة حيتباع للقطاع الخاص بتراب القروش ويعملوا فندق او فلل رئاسية
احسن اقفلوه وبيعو موقعه للمصرين ذي باقي البلد أصلو حاجب منظر النيل وكمان بيجيب غناء وبنات مذيعات ورجال لابسين بناطلين وموسيقي وده غلط مفروض المومن والمسلم في المسجد أو في السوق تبع الحكومة الموقرة بقيادة بيشة وشلته رضي الله عنه
وانت يا زول الغم ماسبيو شنو يعني كت حلمك ماسبيو الترابه في خشمك
وقف خيال السيد الوزير عند تلفزيون ماسبيرو؟؟؟؟؟؟؟؟؟؟ هل تلفزيون ماسبيرو هو القمة الاعلامية فى العالم؟؟؟؟؟؟
و لماذا نقارن انفسنا بماسبيرو فقط؟؟ و لا نتتطلع لما هو افضل فى العالم
الانفاق الحكومى جا على الغلابة من العاملين بالدولة و لم يطال اى دستور
لم نراهم تشعلقون الحافلات و لا الامجاد و لا اسرهم تقف محطات المواصلات
اتحدى اى مسئول او احد من عائلته ان يبرمج رحلة من الخرطوم (جاكسون) الى الثورة مرورا بالخرطزم بجرى و العودة الى الخرطوم و منها الى عد حسين ؟
من اين يركب ليصل بحرى و اين ينزل فى بحرى و من اين يركب فى بحرى الى الثورة؟ و كيف العودة الى الخرطوم و من ثم الى عد حسين مثلا؟؟؟؟؟؟؟؟؟؟؟؟؟؟؟
اجتمع الهيئة النقابية مع دكتور بدر الدين مسئول الإعلام بالمؤتمر الوطني
عندما أصبحت الدولة هو الحزب والحزب هو الدولة كان لا بد أن يحدث ما يحدث لكم الآن
لازم يا الوزير وضرورى جدا حل المشكلة ليس من اجل العاملين واسرهم ومسؤولياتهم ليس من اجل
خوفكم من الله وتيرئة ذممكم اللستك لكن من اجل استمرارية العمل لمشر اكاذيبكم وبياناتكم الضاربة وتصريحاتكم البليدة وشتائمكم لشعبكم ورديحكم وكمان سماعنا لبيان انتهاء سلطتكم رغم انى لا اشاهد تلفزيونكم لكن اليوم داك حاشوفوا
انشأء الله ما يشتغل للابد هذأ التلفزيون القبيح احنا مالنا و مالم يا جماعة هذأ التلفزيون ما عندو اي علاقة بالسودان كل شئ فيه نخبوي او اسلاموي او عنصري و موتمرجي
المعلمين في دارفور مرتباتهم وقفت 14 شهر حسوماً . فلك الويل ايها البشير
=***انتو ياناس الجرايد …مادايرين تضربو…بالله لازم تضربو…أصلو ورق مافى وحبر طباعة مافى…وجرايدكم أكبر مهدد اجتماعى لأمن البلد..مصورين البلد كلها قتل ونهب واغتصاب وفضائح عشان تزودو التوزيع…يعنى شوف جريدة الدار ماسكة فى سيرة المرحوم محمود عبد العزيز وكل يوم بقصة جديدة من تأليفهم ..ماتعرف صاح ولا كضب..يعنى بياكلو لحم الميتة..ولا ده فقه ضرورة برضو…ويقول ليك كان محمود صديق عزيز…وبعدين الدار تكتب ليك فى المين شيت…(شرطى يزور مكاتب الدار ويفجر مفاجأة داوية عن الحوت…)…طبعا الشباب كلهم ح يشترو الجريدة لأنو حزب الحواتة لايفوقه فى العضوية الا المؤتمر الوطنى اللى أمين الفكر والثقافة قال انو عضوية المؤتمر الوطنى 12 مليون(…حصوة فى عين اللى مايصليش على النبى..!!اللهم زد وبارك!!.)…والمفاجأة الداوية تطلع انو مرة فى الأستوب ولع سيجارة لمحمود…)…طبعا بتاع الجرايد عندو البضاعة لاترد ولاتستبدل….يعنى المفروض القنابل البتتفجر فى الدار دى كلو صباح مفروض تكون لحقته مصنع اليرموك…!الغريبة جرايد البلد دى تلقى ستة أخوان صحفيين فى نفس الجريدة…أو صحفى وأبوهو بكتبو فى نفس الجريدةمافاهم…يعنى القيد الصحفى ده زى كروت الأفراح بيكون مكتوب فيهو آل فلان صدقنا ليكم قيد صحفى وللا كيف…وبعدين ياسر يومتها قال لما كان فى اتحاد الصحفيين انو فلان داك أبو 3 عيون ساقط فى مادتين فى الصحافة ومع كدة أدوهو قيد صحفى لأنو اتوسط ليهو ود محمد عبدالله..وعمك داك رئيس مجلس ادارة ويتحكحك فى كل الحكومات الجات من سنة 70 لحدى الليلة…شمولية معاها…ماركسية معاها …يسارية معاها…قومية معاها …اشتراكية معاها …عسكرية انتقالية معاها..متأسلمة برضو معاها..وكان بكرة هيكلة سودانية برضو معاها…ياخى ماكرهتنا…فارقنا ..انت من زمن الرونيو..كل الوزراء الكان معاهم انقرضو وهو مصاقرنا…أما الانتباهة فيها 3 أخوان بكتبو وكلهم جبارين كسور…يعنى مامعقول…و3 أخوان وأخت برضو حلوين بكتبو فى الانتباهة…وواحد تانى خجلان هو فى جريدة ومشغل بتو فى جريدة تانية…مش الخارجية بس العايزة امتحان فى الانجليزية والعربية للسفراء والملحقين…ديل الصحفيين حقو يمتحنو الشهر الجاى يبدو ليهم مع ناس امتحانات مرحلة الأساس…واحد فيهم عمل مشكلة لشيخ الترابى جوة البيت..الأيام الطلعت فيها اشاعة انو الترابى توفى…أطال الله عمره…وفى الصفحة الأولى عايز ينفى الخبر كاتب فوق عقيلة الترابى تنفى شائعة وفاته…وطبعا السيدة وصال المهدى قرت الخبر وشافت العنوان..وهى لاصرحت للصحفى ولا اتكلمت معاهو..قرت العنوان …فى الجريدة وفى الصفحة الأولى يعنى خبر أكيد…دخل الشيخ الى البيت …وكادت أن تخبره بانضمامها لحزب الأمة…وأعطته الجريدة …قرأ الشيخ ماهو مكتوب..والصحفى يكتب فى متن الخبر (..ونفت عقيلة الترابى أسماء الخبر وقالت أنها وأمها السيدة وصال على دراية تامة بكل تلك الأقاويل..وأن الشيخ بشر كباقى البشر يحيا ويموت…ولكل أجل كتاب..)..الصحفى النطاس لايعرف الفرق بين معنى (عقيلة)…و(كريمة)…رحم الله والديكم أضربو من بكرة…وأخينا كاتب بالخط العريض المين شيت …يعنى الانجليزى مأطع بعضو…(…طه:- ٍShot to Kill)..
عجبنى ليكم العذاب بنيران صديقة لانكم اكثرتم التطبيل لهم بلا بخمكم
واللة العاملين في التلفزيون انتوا لو اشتغلتوا ولا ما اشتغلتوا زول شغال بيكم مافي كلكم كزابين و منافقين.
والله لو الحكومة دى بتعرف الوفاء لانصفت العاملين بالتلفزيون جابوا كل انحاء السودان تغطية لزيارات الرئس وكبار المسئولين بالدولة واولهم على عثمان الذى كان مهتم بنقل كل زيارة له او لقاء وكان يتشدد ويتوعد عندما لا ينقل له حدث ويتسال عن الاسباب ثم هم الذين قاموا بتغطية الحملة الانتخابية للرئس من اى بقعة ارض فى السودان ولكن ما الجزاء الذى تلقونة اتوا لهم بمدير غير مؤهل تماما اخلاقيا وعلميا وسعى فيهم فسادا فهل هو الوفاء يا اهل المؤتمر الوطنى والله لو اقلتوا هذا المجرم مائة مرة لما جزيتم اهل التلفزيون حقهم ولكن اقيلوه مره واحده ودعوهم يبدعوا
اخر مره فتحت تلفوزيون السودان سنه2012 يوم 6 شهر 3
انتوا مفروض تدفعوا تعويض للشعب السوداني لعنة الله على ابو تلفزيونكم