معلومات خطيرة عن إحتجاز شاب سوداني بالصين «رهينة» بسبب معاملات تجارية
الخرطوم: منال عبد الله :
أحتجز شاب لم يكمل العشرين عاماً بالصين، كرهينة على خلفية أن أحد التجار السودانيين استولى على بضائع مختلفة تجاوزت قيمتها الـ(10) مليار جنيه، من شركة للمنتجات بالصين ولم يسدد ثمنها بعد شحنها إلى السودان، ولاحقت الشركة بواسطة السلطات المختصة بالصين الشاب الذي تركه التاجر بشرق آسيا، بعد أن أوهمه بأن لديه مكتباً للاستيراد والتصدير على أن يتولى مسؤولية الحسابات له بالصين براتب يعادل (5) آلاف جنيه، وكشف المصدر أن احتجاز الشاب تم هناك بعد أن يئس أصحاب الشركة- بعد مضى عدة أشهر من استلام التاجر البضائع- من سداد قيمتها، مما استدعاه لاحتجازه إلى أن تصلهم أموالهم من التاجر الذي وصل الخرطوم وقام بإخفاء نفسه- طبقاً للمصادر- وترك مصير الشاب مجهولاً، سوى بعض المساعي المحدودة حالياً من قبل أفراد أسرته لتخليصه.
اخر لحظة
معقول الصينيين يدقسو كده ؟؟؟؟
جرائم السودانيين والله بقت بالكوم هنا واحذر ان تقول انك سوداني اذا جيت الصين والا ستعامل ببرود او عدم ثقة شديييييدة من الصينيين والله يجازي الكان السبب
10 مليار بعدين يجى فى اليلد ويعمل انه من كبار التجار وانه وارث التجارة ابا عن جد, والمدام اخر فشخرة, كله فى هذه الدنيا الزايله , بلد محاصرة من كل الدنياوتحول جثة ما تقدر تحول قروشوبعد دا سرقة وخراب ذمة داحل البلد وخارج الحدود.
اللفي الكاسات دي الظاهر عليهو عرقي من عرقي الشمالية البكر عرقي من بلح الجاو. يا ريت سكرتو في رأسي دا.
والله السودانيين بقوا صعبين جداً ..
واحد يهرب بأموال الناس إلى الخرطوم ويخفي نفسه ويورط آخر في بلاداً طيرا عجم ؟؟
أنا لست محتاراًً للخبر ولكن ما تحتويه الصورة بين نائب الرئيس السوداني والمسؤول الصيتي. أنظر عزيزي القارئ لقرع الكؤوس الذي نها عنه الحبيب المصطفى صلى الله علية وسلم. الجهل مصيبة. الله نسأله السلامة.
الله يستر على الشاب دا الناس ابان عيون دقاق ديل ما يكونوا شلعوهو
كان الله مرقوا راجعوا الكلاوي و الكبد و القرنية و البتاع
الصينيين ديل حقهم دا ولا بتساهلوا فيهو
نحمد الله و نشكرة ان مشروع الجلابه الحضاري قد وصل الى اعلى مشارق الارض و مغاربها. بعدين الصينيين هؤلاء يكبروا و يتعلموا ، رئيس مثلث حمدى مطوبا جنائيا ، ما بالكم بجنوده؟ اكبروا و تعلموا يا صينيين يا اتفه مخلوقات الله.
افتكر بانه من المهم جدا على القائمين على امر الراكوبه ان يجتهدوا ويتحصلوا على اسماء هؤلاء الدغمسجيه يمكن فضح هؤلاء وهم كثر ..وبعدين انتو ماشين بعيد للصين ليه يوجد بعض من هؤلاء الان فى سوق السجانه يركبوا همر ومتزوجين قمر بعد ان ادخلوا ابرياء السجون وبعد استغلالهم كجوكيه والان الجوكيه وراء الشمس وناس عبدالله …يبنوا فى الجوامع .. وشى يحير غش على الله والبسطاء….
wine ?????
æææ
للاسف الشديد السودانيين ماعندهم اخلاق تجارية نهائى انا اتعامل مع كل الجنسيات فى السعودية ومع الاسف انو اسوأ تاجر السودانى يبيع بضاعتك ويشترى بيها بضاعة تا نى وتالت ورابع ويماطل ويحلف بالكذب ولا يصلح الا موظف
زمان كنا بنسمع إنت قايلنى هندى وده بنقولها لما تجى تدقس زول…هسع إنت قايلنى صينى..حقيقة هذا الشخص لم يراعى لأمور كثيرة منها الدينى كقول المصطفى ( ص ) : ( من غشنا ليس منا ).وكذلك صاحبه الذى تركه هنالك فى الصين فى مثل هذه الظروف…وقد أساء للمجتمع السودانى قاطبة…لا خول ولاقوة الا بالله.
هو ما دام ما كوز ماشى لحد الصينيين البقوا هم زاتم كيزان ليه واهلو احسن ليهم يفتشوا كوز كارب عشان يطلعو ولدم الغبى ده والناجر ما بعيد يكون كوز ( مبهيج )