الإتحادى : ترشيح نجل الميرغنى في إنتخابات والي الشمالية سابق لأوانه
الخرطوم: smc
أكد الحزب الإتحادي الديمقراطي الأصل عودة السيد محمد الحسن الميرغنى إلى البلاد خلال الأيام القادمة لمواصلة أداء مهامه الحزبية معتبراً ترشيح نجل الميرغنى لإنتخابات والي الشمالية أمر سابق لأوانه.
وأوضح إبراهيم أحمد الميرغنى الناطق الرسمي بإسم الحزب في تصريح لـ(smc) تعليقاً على ما ورد عن نية الحزب ترشيح نجل الميرغنى في الإنتخابات التكميلية لمنصب والي الولاية الشمالية أن تحديد الإسم أمر سابق لأوانه مبيناً أن السيد محمد الحسن له إسهامات في العمل السياسي والوطني وعلى إتصال وعلاقة كبيرة بجماهير الحزب في كافة الولايات وخاصة في الشمالية وأضافأنه إذا إستقر رأى الأجهزة الحزبية على ترشيحه لمنصب والي الشمالية بالتأكيد سيكون هذا قرار صائب).
وقال الناطق الرسمي بإسم الإتحادي أن إلتزام الحزب بالديمقراطي يفرض عليه الرجوع للجماهير والمنافسة على كافة المناصب وهو ما أعتبره حقاً أصيلاً في إطار الإستعدادات للإنتخابات القادمة.
قرار صائب عاش ابوهاشم
هذا كلام فارغ من هو هذا هذا الشخص حتى ياتى ليحكم ابناء الحضارة النوبية الموجودين فى المنطقة منذ الاف السنين اى قبل ان يصل جده الاكبر مع الفتح الانجليزى انا لاافهم كيف يقف المثقين السودانين مع هذه الاحزاب الاتحادى الامة و الموتمر الغير وطنى
بعد فشلهم في انتخابات الديمقراطية الثالثة سوف لن يكرروا التجربة مرة ثانية , وهذه المرة لاعبهم نجل سيدهم ذاته
للحقيقة أنهم يفعلون ذلك مثل الذين يريدون أن يتعلموا الحلاقة علي رؤوس اليتامى, لكن نقول لهم أبحثوا لكم عن يتامى في أرض غير الشمالية.
هل يعرف هذا ال……………………؟! موقع الولاية الشماليه .؟؟
الطفل المعجزة ولا كلامي غلط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا اخونا حيرتونا هو الميرغنى عندوا كم ولد كل يوم يطلع لينا واحد جديد الاول ما عارف النيل الابيض من النيل الازرق اكيد ده لايعرف الشماليه من نهر النيل وبعدين الزول ده اصلا قاعد وين حيث سيرجع لارض الوطن لكن من الصوره ده يشبه ابوه اكثر من الثانى هو الاكبر منو والسيد عندو كم واحد تانى علشان نحضر ليهم مناصب على اى حال الاتحادى اعلن عددددددديل انو مع الحكومه بعد الفيلم الهندى بتاع سلم تسلم وكده لكن الامام اتمقلب واحد مساعد وواحد مساعد كده درون واحد فى جهاذ الامن مقابل واحد والى لألألألأدى كبيره شويه كده الصادق الامام بيزعل لكن ممكن يرضوه ويقولوا ليه انت عندك ثلاثه عبد الرحمن الصادق وبشرى الصادق وجعفر الصادق وداك عندو واحد بس محمدالحسن . الحكومه ليه ما تشوف منصب لعصام الترابى علشان ترضى كل الاطراف ويكون زيتنا فى بيتنا لأنو بشرى وعب الرحمن اولادخال عصام وكده تبقى الحكايه عائليه وتنحل كل مشاكل الشعب السودانى الفضل …اللهم لانسئلك رد القضاء ولكن نسئلك اللطف فيه امييييييييييييين
لسه ما إنحلت العقده من الآسياد والكيزان
صحى والله ابو دومة
نعم صائب
عاش ابوهاشــــــــــــــــــــــــــــــــــــــــــــــــــــــــــــــــــــــــــــم
ريحة شية
الى متى ننتظر حتى يتم تطوير الاحزاب لنفترض جدلا بان هذه الاحزاب ظهرت للوجود مع نيل السودان الاستقلال حتى اليوم مازلنا فى محلك سر لايخفى عليك مايدور فى حزب الامة الاولاد فى السلطة يتم تهيئتم
اليوم ليحكمونا غدا و والبنت فى المعارضة لعبة ظريفة للضحك على الذقون هذا ينطبق على الاتحادى كيف يتم تطوير الاحزاب اذا المثقفين مازالوا يرددون
ابن الحسيب النسيب سلالة الانبياء هذا هو ادمان الفشل (كل هذا من اجل منصب و ليس مبدا) لو انتظرنا ا ن يتطور الاحزاب سوف نتظر طويلا ربما فى الاجيال القادمة اما الكيزان اكلى السحت فحسابهم فى الدنيا قريب اما فى الاخرة فهذا متروك لرب العالمين
هذا هو السودان لاشى غريب فية كل صباح تجد العجايب الشعوب تتقدم ونحن نرقص مع الرئيس صبح مساء
بدل التوجة الى الانتاج انظر حال الاعلام المرئى كل البرامج غنى ورقيص و الحديث عن الكريمات
و اخر الزمن يتم استضافة رجال فاصلو يملكون المال فقط مثال ود الجبل فى قناة النيل الازرق فعلا مهازل ولك ودى الكثير هل شم ريحة الشية اصبحت من الامنيات فى سودان اليوم؟
كان نزل سيدى محمد عثمان ذاتو ما حيفوز … كفايه كفايه يا سيدى عليك الله ناقصك شنو .. حصل يوم بت جعان ؟ حصل مشيت حفيان ؟ حصل لبست سروال دموريه مقدود ؟ يا زول العندك كفاك الله يديك عمر تاكلو
ما ولع الخليفة واولاده بالظهورة مرة والاختفاء سنينا عددا مفتكر لدية بن واحد الخليقة اخرج لنا جوكر اخر يا تري هذه العائلة ترمي لهدف بعيد والاغرب طيلة حياتهم وراء مصالحهم الشخصية لا يعرفون اين يقع السوق المركزي ببحري ودوار سلاح المظلات يتكلمون برطانة لا نفهمها هل حكم علينا ببرادعي آخر
اى قرار قبح الله وجوهم هم سبب تخلف البلد ومعهم مدعى النبوة ال المهدى لا بارك الله فيهم
يا ههل الشمالية انتو لسع مع سيدكم علي واولادو المصريين, مافيكم ناس واعيين للمنصب دا والا لسع مع العبودية والتبعية لهولاء الدجاليين الغرباء الافاكيين باسم الدين.
طبعاً جاي ناير من مصر حيث قصورهم ومصانعهم وعقاراتهم ومستشفاهم الخاص بالإسكندرية ؟؟؟ جاي يشوف حال عبيده البركعوا ويبوسوا أيده ويخدموه بالمجان ويجمعوا ليه قروش الندور وثلث محاصيلهم عشان يديهم فاتحة كاربة تدخلهم الجنة ؟؟؟ وبعد ما يجمع الفيه النصيب من الندور و يبيع المحاصيل والدخل من ايجارات العقارات يرجع مصر ليعيش حياته مع المصريات الحلوات ؟؟؟ والله السودان ضيعة وحديقة غناء لأسرة القادم من منطقةالقسيم بالسعودية والذي دخل السودان ممسكاً بلجام حصان كتشنر ليدعي أن نسبه لأهل البيت ويضحك علي أهلنا الطيبين الذين يركعوا ويبوسوا أيديه ؟؟؟ قاتل الله كل الكهنة الدجالين تجار الدين والكيزان تجار الدين الجدد حلفائهم اللصوص القتلة مغتصبي الرجال والإناث والأطفال ؟؟؟ والثورة في الطريق لكنس كل هذا العفن إن شاء الله ؟؟؟
والله شكلو ……..لكن…. معقوله دا يكون ولدســـــــــــيدنا؟؟اسيادنا اتبهدلو والله..لكن ليهم حــق..الزمن دا ماصعب بى الحيل ال ما اتبهدل منو بس عليكم الله….
هؤلاء لا يشبعون ابدااااا كفاية المليارات التي نهبتوها من دم الشعب والتي استلمها ابوكم محمد عثمان الميرغني ,, فماذا تريدون من هذا الشعب الذي دمرتموه منذ دخولكم مع المستعمر وحتي هذه اللحظات ,,, مؤامرة تلوها مؤامرة ,, وكذي قي كذب ,,
المشكلة ليست مشكلتكم (ال الميرغني) وانما هي مشكلة الذين يدعون العلم والثقافة في اتباعكم , صم بكم عمي ,,