الخرطوم الاسوا في العالم..!

الخبر دا ( مقرش) ليو كم؟
بعدين ياخ بالحسبة دي بكون ترتيبنا خامس الطيش وليس رابع الطيش.
نخن كدا لو لقينا الطيش زااااتو بدون مسافة بينا وبين تاني الطيش نقول ما مشكلة جمبنا ناس.

يا شاب كرهتنا العيشة في مقال واحد تقول الكلام وضده الحاصل شنو بتقول ( خبر محزن وصادم) في مطلع المقال تجى تانى تقول أنو الخبر بالنسبة ليك ( ما صادم) يا شاب احسن ترتب افكارك قبل ما تكتب أي كلمة عشان تتطور لكن ما تخدع نفسك وخلاص تركب الموجه على الطلاق ما تتقدم.
نجى للخرطوم هي العاصمة الوحيدة اللى ما فيها محل تشرب فيهو شاى ولا قهموة ، وهى العاصمة الوحيدة اللى مافيها حديقة حيوان بالرغم من ثراء البلد في (fauna & flora) يعنى النبات والحيوان، الخرطوم فيها 8 ملايين نسمة زى ما بيقولوا فيها مسارح لا تتعدى أصابع اليد الواحدة، الخرطوم جنة الله في الأرض موقع لا مثيل له ونحنا نجتهد عشان ما نحول الجنة دى لبستان صغير لا حظ الفرق. الخرطوم هي العاصمة الوحيدة يلتقي فيها نهران ليصبح أحد أطول أنهار العالم ولكن لا توجد فيها ولا نافورة وإذا وجدت لا تعمل إلا أحيانا وخليك من الحدائق والمتنزهات. والخرطوم هي المدينة النهرية الوحيدة في العالم ولا توجد فيها مواصلات نهرية أو فندق فخم على شاطئ النيل. لاحظت الفوضى العمرانية في العاصمة …اديك مثال أمشى لأرقى أحياء الخرطوم زول عنده قطعة أرض 600متر مربع مهما كانت امكانياتو ما حيبنى 400 متر مربع والباقي حديقة ، يروح هابر مترين من الشارع ويعمل عليهم سياج او يؤجرهم لمستفيد بمقابل مادى ، لما يحتاج يوف سيارتو او سياراتو يوقفها خارج المساحة المسورة يعنى في الشارع والنتيجة إنو شوارع المدينة مقفولة تماما ودا ما موجود في اى بلد في الدنيا.
عموما الخبر ما سمح لكن زى ما بيقولو اى زول يشبه بضاعتو انت داير العالم يجاملنا ولا شنو ..بالله أمشى كيقالى ولا بورت لويس ولا كمبالا وحتى أديس القريبة دى خليك من مدن زى ويتدهوك او دوالا خليك من عواصم زى الدوحة وأبو ظبى. .المهم من دا كلو احسن نبدا نتشبه بيها لانو الصوفية بيقولوا التشبه بالفالحين فلاح
أكرمك الله

الخبر دا ( مقرش) ليو كم؟
بعدين ياخ بالحسبة دي بكون ترتيبنا خامس الطيش وليس رابع الطيش.
نخن كدا لو لقينا الطيش زااااتو بدون مسافة بينا وبين تاني الطيش نقول ما مشكلة جمبنا ناس.

يا شاب كرهتنا العيشة في مقال واحد تقول الكلام وضده الحاصل شنو بتقول ( خبر محزن وصادم) في مطلع المقال تجى تانى تقول أنو الخبر بالنسبة ليك ( ما صادم) يا شاب احسن ترتب افكارك قبل ما تكتب أي كلمة عشان تتطور لكن ما تخدع نفسك وخلاص تركب الموجه على الطلاق ما تتقدم.
نجى للخرطوم هي العاصمة الوحيدة اللى ما فيها محل تشرب فيهو شاى ولا قهموة ، وهى العاصمة الوحيدة اللى مافيها حديقة حيوان بالرغم من ثراء البلد في (fauna & flora) يعنى النبات والحيوان، الخرطوم فيها 8 ملايين نسمة زى ما بيقولوا فيها مسارح لا تتعدى أصابع اليد الواحدة، الخرطوم جنة الله في الأرض موقع لا مثيل له ونحنا نجتهد عشان ما نحول الجنة دى لبستان صغير لا حظ الفرق. الخرطوم هي العاصمة الوحيدة يلتقي فيها نهران ليصبح أحد أطول أنهار العالم ولكن لا توجد فيها ولا نافورة وإذا وجدت لا تعمل إلا أحيانا وخليك من الحدائق والمتنزهات. والخرطوم هي المدينة النهرية الوحيدة في العالم ولا توجد فيها مواصلات نهرية أو فندق فخم على شاطئ النيل. لاحظت الفوضى العمرانية في العاصمة …اديك مثال أمشى لأرقى أحياء الخرطوم زول عنده قطعة أرض 600متر مربع مهما كانت امكانياتو ما حيبنى 400 متر مربع والباقي حديقة ، يروح هابر مترين من الشارع ويعمل عليهم سياج او يؤجرهم لمستفيد بمقابل مادى ، لما يحتاج يوف سيارتو او سياراتو يوقفها خارج المساحة المسورة يعنى في الشارع والنتيجة إنو شوارع المدينة مقفولة تماما ودا ما موجود في اى بلد في الدنيا.
عموما الخبر ما سمح لكن زى ما بيقولو اى زول يشبه بضاعتو انت داير العالم يجاملنا ولا شنو ..بالله أمشى كيقالى ولا بورت لويس ولا كمبالا وحتى أديس القريبة دى خليك من مدن زى ويتدهوك او دوالا خليك من عواصم زى الدوحة وأبو ظبى. .المهم من دا كلو احسن نبدا نتشبه بيها لانو الصوفية بيقولوا التشبه بالفالحين فلاح
أكرمك الله