عملية انتشار واسعة النطاق للجيش والشرطة وجهاز الأمن والدفاع الشعبي والشرطة الشعبية بالعاصمة ليلة أمس..

الخخخخخخخخخخخخخخخخخخخوف من المجهول

طالتهم الرجفة والذعر وأصبحوا يشعرون بزوالهم وما هذا الإنتشار إلا خوفا من شيء ما !!!! ومن ناحية أخري هو إرهاب وتخويف للشعب من أن يقوم بأي مظاهرات وتجمعات . هذا الإنتشار دليل علي أنهم غير مطمئنين أمنيا وهو مجرد إستعراض عضلات وقوة ليس إلا .

خليل جاكم كان الله اداكم

اكيد التامين والاستعداد ده فى كوز كبير طلع منه بملاين الجنيهات اصلو هم الكيزان طوالى بقنطرو لبعض اللقم الكبار بس ياكزان البياكل براه بخنق وانتم خنقتم قربت بس ماتنسونا من تفالة المقرشة اصلو الجوع كافر ونحن برضو سودانين بس مش كيزان

يحسبون كل صيحة عليهم هم العدو فاحذرهم قاتلهم الله.
هؤلاء الذين يضحكون ويقهقهون ويبتسمون امام الكاميرا فى مواضع اخرى يبكون.
انها حالة نفسية نادرة من اشخاص يفترض فيهم المسئولية هؤلاء مكانهم المصحات العقلية ومستشفيات الامراض النفسية.
كل ذلك نتاج الظلم الذى يمارسونه واكلهم السحت واموال اليتامى والفقراء.
الى المزبلة ايها السفلة انتم فى رعب دائم ومصيركم لااحد يعرفه.

اللص دائما خائف يا سعادة الرئيس المطلوب جنائيا ربنا يزيلكم ويزيل عنكم نعمة الطمأنينة ويخليكم دائما خايفين ومرتجفين ولا يغمض لكم جفن الا وقلوبكم تخفق خوفا وذعرا وما تقومون به عبارة عن استعراض قوة للشعب الاعزل زدا كله خوف من شبح المظاهرات والتفلتات الامنية لكن هيهات لا يتفع ذلك لن تذوقوا حلاوة النوم بعدج الان يا سارقى قوت الشعب وزاهقى الانفس فلا نامت اعين الجبناء 0 والله لن تنفعكم هذه الجيوش المجيشة ولا هذه الارتال من رجال الامن المدججين بالسلاح لو رجال حرب فعلا كان اعدتم حلايب والفشقة وباقى اوصال السودان التى تقطعت منه همكم كله بس فى الكراسى دى لكن لو بتدوم لما وصلت لكم وما تقهقر صدام حسين فعند غضبة الشعب لن تحميكم هذه الجيوش ولا هذه الدبابات يا جبناء 0 الله اكبر وقد حان غروبكم غير ماسوفين عليكم يا سفهاء 0

إستعراض للقوة لحماية الكراسي المتهالكة بأموال الشعب المنهوب لانو الميزانيه قدت كالعاده

1- سيتم الغاء الجنسية والبطاقة وطبعاً عمل جديدة برسوم لو قلنا 5 جنيه جنسيه و5جنيه

بطاقه دي من غير دمغات وملفات وحربشات ولو اكتفوا بالخمسه بس اضرب في 15 مليون

زي ما توقعوا يطلع ليك رقم ما بتقري زاتو

2- المخلفات المروريه الفلكيه أظنها فاقت مخالفات الطيران الجوي زاتو

3- تفعيل الحراميه الصغار ( المحليات ) واطلاقها في الاسواق للجبايات

بالوااااضح كده نرجع تاني من الأول مابعيد بكره يقولوا ليك ميزانية حرب أو ميزانية

نهب مفتوحه بالصريح الواضح

انتو عصابات النيقرز والخطف والحراميه بتاعين البيوت ماقادرين عليهم استعراض شنو

وجيش شنو وشرطة شنو وأمنجية شنو بالله أختشو شويه كانت مطره تقيله ساكت

بتتجهجهو خلي التاني وعلي بالطلاق قوة غيركم ماتدخل …!!!

والله ده شى جميل دى اسمها مناورات تامين من الفوضى للبلد وليس النظام

ربنا يورينا فيهم لا بارك الله فيهم مجموعة عصابة نهبوا خيرات البلد ونكسوا كرامة الناس وشردوا وقتلوا وعاثوا فى الارض فسادا لم ولن يشهده التاريخ فعلوا باسم الدين ما لم يفعله الشيطان باسم الشواطين تعاملوا مع السفلى والجن واستحلوا لانفسهم ما حرم الله قسموا الاسرة الواحدة المترابطة منذ اول يوم وباعدوا بين الناس وشككوا خلائق الله فى بعضهم البعض باعوا مشروع الجزيرة عيانا جهارا وغضوا الطرف عن حلايب عشان ما بيقدروا يتكلموا مع راجلهم حسنى كل يوم جاريين ليهو وهو ما كلف نفسه بارك الانتخابات المزورة تملكوا فى ماليزيا ودبي وغيرها الفنادق والبنوك والشركات واخوان عمر العوير حولوا كافورى من زريبة الى قصور واجبروا الاسر العريقة على بيع ممتلكاتهم بالرخيص ليستولوا عليه افسدوا الجامعات نظاما وكما وكيفا هتكوا العرض واغتصبوا كل شرف موجود فعلوا بالسودان والسودانيين ما لم يفعله اليهود باعدائهم جاءوا من الشوارع وبيوت الحرام لذلك انعدمت الانسانية وخيم على الناس الحقد والكراهية والجهل وانتشرت الفواحش اسسوا ومكنوا لمفاهيم القبلية فاصبحت المؤسسة شايقية او دناقلة او حولوا فوائد البترول لارصدتهم خارج السودان جيشهم لا يتواجد فى الثغور بل فى الخرطوم قريبا من القصر يحرس الكرسي اللهم اجعل كيدهم فى نحرهم وارنا فيهم يوما اسودا فلابد للليل ان ينجلى ولابد للقيد ان ينكسر ولابد للضوء ان ياتي ولو طال الظلام ولا يصح الا الصحيح
الكلام لم ولن يكمل

يا جماعة خلو الشماتة وتعليق الأغلاط كلها على الحكومةوخليكو عاقلين(كأنكم شمتانين في روحكم؟؟؟! )،جد ما وقتو خالص ،أقيفوا مع بعض جبهة واحدة ضد المؤامرات الخارجيةوالتهديدات الإقتصادية وبعد ما تمر العاصفة حاسبوهم زي ما إنتو عايزين لأنه بموقفكم وكلامكم العجيب ده احتمال ربنا يشيل حتى بواقي النعم اللي عندكم واتذكروا أن الله لايغير ما بقوم حتى يغيروا مابأنفسهم..وياريت كل واحد يحاسب نفسه الأول قبل ما يحاسب غيره ونظرة واحدةبعيدا عن موضوع الحكومة ده إلى طمع التجار ورشاوي الموظفين ولامبالاتهم وأكل المال الحرام اللي أصبح شيء عادي عند الناس والظلم والشهادة الزور والافتراء والفساد بين الناس العاديين إلخ….. .،.وبالمناسبةللي مش عايز ياخد باله مشكلة الجنوب دي من قبل ماتيجي الحكومة ولو في ظالم للجنوبييين(بقول لو) يبقى الشمالييين كلهم .ومشكلة الغرب امتداد لمشكلة الجنوب ليس إلا وليست ناتجة عن سياسة أو حكومة بعينها وإنماناتجة عن أطماع كل من هب ودب للسلطة والحكم.الله يهديكم بس.

(؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) 12:lool: