سودانية تُهدي صديقتها نجمة في الفضاء
سودانية تُهدي صديقتها نجمة في الفضاء
الخرطوم: شوقي مهدي:
(رزان )- ليس اسما لفتاة وحسب وإنما هي نجمة في الفضاء العريض ، تحمل نفس الاسم وتتبع لمجرة ما في مكان بالكون والنجمة الان موجودة وستظهر أول العام المقبل، والفكرة كما تقول صاحبة النجمة الانسة رزان أحمد يوسف إنها هدية من احدي صديقاتها المقيمات ببريطانيا في عيد ميلادها، فالنجمة قامت بشرائها طالبة سودانية تدعي رشا عبيد من أحدي المؤسسات المتخصصة في علوم الفضاء ببريطانيا (استارز ريجستري) حيث تقوم الاخيرة بعرض خدماتها عبر تسمية النجوم بأسماء من المشترين وتسمي النجمة بالاسم الذي يختاره الشخص المشتري، وبالفعل قامت رشا بتسجيل النجمة باسم (رزان) واستلام أوراق ملكيتها وارسالها الي صديقتها كهدية في عيد ميلادها ، «الصحافة» التقت رزان التي ذهلت من المفاجأة قائلة: (إنه شعور جميل أن يكون لديك شئ باسمك في الفضاء العريض لطالما حلمت أن أعرف سر هذا الفضاء منذ الصغر،) وتضيف (بالرغم من انني هلالابية علي حد السكين وحفيدة الزعيم الهلالي الطيب عبدالله الا إنني معجبة ايما اعجاب بهذه النجمة) ،وعندما سألناها عن رؤيتها للنجمة التي تحمل اسمها اجابت لم ارَ نجمتي بعد … فالاوراق التي لدي تقول بأن النجمة سوف تظهر أول العام ٢٠١١ عندها يمكن رؤيتها بالعين المجردة (سآنتظر حتي يطل العام الجديد لاري نجمتي) (سوف احتفظ باسمها للابد فإنها هدية غالية وثمينة).وتضيف الفكرة أعطتني الالهام بأنه ربما اقوم بشراء واحدة اخرى كهدية لشخص عزيز لدي ،- قد نكون عائلة نجمية في المستقبل.
وفكرة إهداء النجوم بالرغم من برجوازيتها كما يقول البعض الا أنها تبقي نهجاً جديداً في التهادي بين الاصدقاء والاحباب.
الصحافة
عدم الشغلة بعلم المشاط!!!!
نحمدالله علي نعمة العقل …………………
المثل السوداني بقول( العندو قروش بحنن…………….)
ده حنكشــه جديده ولا شنو الحاصل ليكم شنو يا اهل السودان اووووب علينا من الجاي
الناس في شنو والحسانية في شنو
سودانيييين ما لاقين ياكلوا تقولى لى نجمة فى السماء الله يهديكم يا بنات حواء تجيبو الطاعون انتن … قالت اهدت ليها نجمة…. خلاص يا رزان انا سجلت ليك كوكب عطارد باسمك تعال استلمى الورق بكرة الصباح الساعة 12 بالليل …:mad: :mad: :mad: :mad: :mad: :mad: :mad: :mad:
باسم البنات المتمسحات بكريم كونى النجمة ندين بشدة هذا البذخ
وبعدين يعنى شنو تهديها نجمة ماهو نحن كل يوم منذ مجىء الانقاذ الاغطاس قاعدين نشوف نجوم السماء فى عز الضهر ومافى حد احسن من حد
ولابداء حسن النوايا نهديها كوكبة من النجوم مجنى لوجه الله وهى تسطع طوالى ويوماتى فوق سوق المرحوم قدرك بجنوب الخرتوم
ولاد ارب ماارصين برضو تجى تقل لى رتق النسيج الاجتماعى
شوف كيف تعليقات الناس دى كلها حقد وحسد
انت ايش دخلكم تهديها نجمة ولا تهديها القمر
ياأخوانا سؤال ( عوير ) بكم النجمة دى ؟ وأهدى لها أغنية الليل ( نشتريهو ) نجمة نجمة !
جمال والله ضحكتني واوجزت وانجزتا البد في شنو وديل في شنو
ياجماعة انتو مستغربين ليه ____ ديل ناس السد السد _____ حناكيش الانقاذ ___ انتقلوا
لمرحلة تانية ومتطورة ____ الناس كان بتهدى ورود واكسسوارات فى بداية الانقاذ __ طبعا
قبلها مافى حاجات زى دى _____ وظهرت اعياد الميلاد بصورة حديثة ومجددة فى الفنادق
والمزارع وبكبار الفنانين ______ وعشنا وشفنا احتفالات تخريج اطفال الروضة _____
وحنعيش ونشوف حاجات مابتخطر على البال ______ جيل الانقاذ والمشروع الحضارى
ليكم يوم يا ( ) ________________
النجمة دى انا اشتريتها فى امبدة الشهر الفات داير اديها لعوضية ست الشاى انا حارفع الكلام دى للمحكمة الدولية ناس فاضية تشترى نجوم الناس فى السماء وتهديها والله كلام
طالبة سودانية تدعي رشا عبيد
امك اوع تكون اخت ولابت كمال عبيد بتاع الحقنحب التعليق ده :
الود الحنكوش خالد كدى تعال لينا هناك فى خور جانقى ولا سوق المرحوم قدرك عشان نوريك اصناف وانواع من النجوم
المؤسسات دى كانت معروفة و منتشرة فى نهاية ستينات و بداية سبعينات القرن الماضى و كانت متخصصة فى الأمريكان لأنهم كانوا مرطبين و جهله فى ذلك الوقت و باعوا ليهم تذاكر لأول رحلة ركاب للقمر و قسموا ليهم المريخ بالمتر (عندنا واحدين قسموا الجنة بالمتر يظهر العبط عندنا قديم ) و باعوا جمجمة نابليون لواحد وفى أجازته البعدها عرضوها عليه تانى لما أحتج قالوا ليهو بتاعت السنة الفاتت كانت لنابليون فى شبابه لكن دى بعد ما كبر و فقد الملك .
الظاهر بعد ما الأمريكان فتحوا ووعوا و فلسوا ،الأوربيين لقوا ليهم فارات جداد لحسوا قروش بلادهم كلها و أشتروا أى حاجة فى الدنيا ما فضل ليهم ألا النجوم .
:lool: ;( :lool: ;( :lool: ;( :lool: :lool: :lool: ;( :lool: ;( :lool: ;( :lool: ;( :lool: ;( :lool: ;( :lool: ;( :lool: :lool: ;( :lool: :lool: ;( :lool: ;( :lool: ;( :lool:
ناس افراحها زايده وناس بتألموا
جنس مغصة يا بتنا لغاية اسه في ناس عيد ميلاد معناها شنو ما عارفنو وعلي الطلاق انا بحتفل بيهو بي حلة بليلة
نجمة !!!
ينجموك بالنجامة نجامة الدب الدبروكا لو جاكي الحاوي الزهراوي تديلو ايه ؟؟؟
طيب دي لو دايرين يتزوجوها حتقول دايرة مهر لبن طير ….!!
أخخخخخخخخخخخخخخخخخخخخخخخخ
كل سنة وانتي طيبة ,;وكفاية حقد يا شعب السودان وقالوا الحسود لن يسود
كمية من الجهل و التخلف و عدم الموضوع غير طبيعية من "المعلقين"
و الغلط من صحيفة الصحافة!
هذا الشعب ليس مهيأ بعد لاستقبال مثل هذه الاخبار
عالم نكد
اعوذ بالله
و كل سنة وانت طيبة يا رزان
و عقبال الف نجمة
ناس حاسدة و حاقدة لا اقل لا اكتر ……..
الحكاية يا جماعة ما حكاية حقد ولا حسد لكن ربنا بيسأل الإنسان عن كل مليم صرفه وين وفاد بيه مين،لو كان أهدت صحبتها هدية ولو بمية مليون ما كان حد إتكلم ولا علق..(تهادوا تحابوا).لكن تشتري نجمة من السماء وتسجلها بإسم صحبتها دا كلام فارغ واستفزاز للمواطن السوداتي العادي ولأي إنسان عاقل .الكلام ده حرام وربنا بيسأل البت دي وبيحاسبهاعلى قروشها اللي رمتها في الأرض بدل ماتديها لأي محتاج
لا , والنجم ده وين ؟
كل عام وانت بخير يازران
انا بدروي اهديك كل السماء لانك تستاهلي وكمان الارض
:confused: :confused: :confused: :confused: :confused: :confused: :confused: :confused: :confused: :confused: :confused:
اشترت نجمة؟؟
هههههههه…قلتو لي النجمة عندها تسجيل وشهادة بحث
هوى جاكن رزق جديد يا الكيزان من أسع قننو الشغلة وأبدو فى البيع لكن أختو لينا الشمس والقمرة اللتطلع عينكن انشاء الله قولو آمين
اخونا واحد مسكين شوف البيشتروا النجوم وسيب الحسانية في حالهم ونرجو من الاخ زكر قبيلة عشان نرسل لة وفد من الحسانية من اجل التفاوض والمطالبة بالتعويض او الحرب في حال الرفض ونهدي لك كل نجوم السماء الا رزان لان في ناس قاموا بالزام0
shit shit shit shit people are dying and i see shit
اشك يابوعابد نجمة عديل كدي والله الزمن دا …………. شفتا دي الحاجات البتخرب علينا زاته :confused: اسي خطيبتي قالت دايرة المهر كوكب(؟) الحل شنو يارزان ماتكلمي لي صاحبتك دي كان عندها نجمة طايرة ولا كوكب رخيص(5جنيه)
( اللي عنده قرش محيره ، يجيب حمام ويطيره) :D
يازوله الف مبروك وعقبال النجمة الميه
احسن ليك زاتو لقيتي ليك حته مسجلة باسمك بدل ترجي الخطة الاسكانية