أغضب ولا تحزن (شعر)

بسم الله الرحمن الرحيم
أغضب ولا تحزن ( شعر)
(1)
( ملعون في كل كتاب ..
يا أيها من زول..
زاد الحزُن حبة..
خلاهو ياكل زول )*
( 2)
يا زول أقيف شامخ
جبلاً بوجه الريح
نخلاً طويل باسق
في نفسه كم واثق
ما بنكسر لي ظروف
يتحدى كل تبريح
ضاغط على جرحه
ما بكثرث لنزيف
عارف قضيته تمام
ما يوم رضخ لنظام
لا عمره طبعه يضام
( 3 )
من صف لصف مغبون
شايف الفساد ممحون

عايش الغلا ومطحون
صابر أكيد ممكون
كل الحساب ممحوق
طول الشهر مديون
طول يومه متشلهت
وعساه بيته يصون
حاشاه ما سراق
طعم الحرام ما ضاق
عايش على السترة
لو بي حرف كسرة
لي بيته ياما يصون
تعظيم سلام ليكا
يا شعبنا الميمون
( 4 )
أغضب ولا تحزن
أزبد ولا تحرن
للغبن ما تركن
للظلم لا تُرهن
أحفظ كرامتك صنُ
لي عِزة ليكا وطن
ما بعز عليه ثمن
أحدر في عين الجن
لو يوم عليك يمتن
كل البروحو بجن
أوعاكا ما تحزن
أغضب ولا تحزن
أغضب ولا تحزن
أغضب ولا تحزن

معمر حسن محمد نور
[email][email protected][/email] 7/5/2018
? سيد أحمد الحردلو