أسرة فاروق حمد الله تتحدث من لندن: عفونا عن نميري ونطالب البشير بمتابعة قضيتنا

الخرطوم: لندن

حركت أسرة الرائد فاروق حمد الله إجراءات قانونية دولية ومحلية في مواجهة العقيد القذافي، بإعتباره قام بتسليم طائرة والدهم، عقب إنقلاب يوليو 71، حيث تم إرجاعها من الأجواء الليبية وتسلميها لسلطة مايو، والتي قامت بالإعدامات المشهورة ومحاكم الشجرة المعروفة.

وقالت إبنة الراحل فاروق حمد الله، «أماني» في إتصال هاتفي مع «الوطن» من لندن: «نطالب الحكومة السودانية بتبني قضيتنا العادلة بالإتصال بالحكومة الليبية».

وكشفت أماني أنهم كأسرة جلسوا مع سفراء السودان بلندن المتعاقبين «حسن عابدين، وعمر صديق، وعبدالله أزرق». وأضافت أن الأخير قام بتوصيلهم إلى القنصل والذي نصحهم بتحريك الموضوع في السودان.
وكشفت أماني عن أن والدتها «نايلة الشيخ النور» إلتقت بالرئيس عمر البشير، وسلمته مكتوباً يحوي مطالب على رأسها «معرفة قبر زوجها».. حيث وعدها بـ«فتح الملف ومتابعة الملابسات».

وقالت كريمة الرائد فاروق حمد الله إن محاميهم في لندن يرتب للتوجه إلى العدالة الدولية:«لاهاي ومحكمة العدل الدولية».
من جهة أخرى يقام اليوم بإحدى قرى النيل الأبيض، صلاة الغائب على روح الرائد فاروق حمد الله.
وفي ختام تصريحها لـ«الوطن» قالت أماني:«نحن عفونا عن نميري وطاقم نظامه وكل من تورط في قتل والدنا، إلا أننا لن نترك الحكومة الليبية ورئيسها معمر القذافي».

الوطن

تعليق واحد

  1. الله يرحمك يا فاروق ويرحم أخاك الأصغر صديقى العزيز صلاح حمدالله.

    **الأخ فاروق لك الفضل فى ستر عورة الشرطه لما كنت وزير داخليه بألباسهم بناطلين بدل أرديه.

    **الأخ فاروق لا أنسى وأنت وزير داخليه يوميا تجوب العاصمه المثلثه بسيارتك الفولجا البيضاء والسهر على أمن المواطن.

    **الأخ فاروق الداخليه فى عهدك شهدت رونقها….كما شهدت الخارجيه نفس الرونق فى عهد منصور خالد على لسان المرحوم جمال محمد احمد.

    **الأخ فاروق رحمه الله عليك ونشكو لك حالنا بعد غيابك لما وصلنا اليه من ذل وهوان من وزارتك وظباط وزارتك.

  2. أمدد كفك يا “فاروق ”
    أبشر بالخير ،
    أزهر جُرحك ..
    نبت القمح الأسمر فوق جبينك ..
    شقشق فى عينيك الطير
    فاح نزيف دمائِك فى الصحراءِ دعاش خريف ..
    لمع التاريخ على فوهات بنادقنا ..
    يا قلبى الراعف ..
    شب على حد السيف !

  3. منطق غريب شنو اللي عفونا عن نميري و طاقمة و كل القتلة لكن لن نترك القذافي و اين كنتم كل هذه الفترة لم تتحركوا و لم تتكلموا و لم تشتكوا احدا

  4. لا أننا لن نترك الحكومة الليبية ورئيسها معمر القذافي».؟؟؟؟؟ انتو جادين انو الكلام دة بتاريخ
    02-27-2013

  5. كلام غريب وعجيب لنفرض انكم حركتم دعواتكم هذه ضد القذافي واتحكم عليه باقصي العقوبه وهي الاعدام ………..ماذا تستفيدون من اعدام رجل اعدم من قبل؟؟؟؟؟؟؟؟ عليكم الترحم عليه صباحا ومساء فلقد كان رجل بمعني الكلمة………….عليه رحمة الله

  6. بعد كل هذه السنوات تظهر اسرة فاروق حمدالله فى الاعلام واعلان العفو عن نميرى واتباعه !!!!!!

    والتمسك بعدم التنازل عن القذافى والحكومة الليبية !!!!!!!!

    ومطالبة ارملة المرحوم الرئيس البشير بمكان قبر زوجها !!!!!!!!!!!

    لاتعليق !!!!!!!!!!!!!!!!!!

  7. يا جماعة الخير نسال الله الخير ,
    الله يرحم فارق رحمه واسع
    بعدين دا كلام شنوا , انت تعفوا عن القاتل وتطالب زول تاني وهو الزول زاتوا متوفي.
    ربنا يهدي الي سراط مستقيم

    دا كلام شنوا, الحكومة الليبية لديه الحق ان تمنع اي طائرة تري ان فيه ما يمس امنها , او الضيف الموجود داخل الطائرة غير مرحب به.
    ثانيا يمكن للطائرة ان تسلك الاجواء الي دولة ثانيا
    ثالثا:
    عندما يفكر الانسان في شي في (انقلاب) لازم توجد خطةاذا فشل الانقلاب نمشي وين ؟ واذا لم نتمكن نمشي ويخطط خط ا,ب.ج . وحالتوا كان وزير داخلية!!!
    رابعا :
    السلطات الليبية لم تعدمه ولكنه ارجعت الطائرة,اعدمه نميري طيب حيثيات القضية حتكون كيف؟؟؟.
    خامسا:
    بواقي مايو لسع قاعدين ( كبار سن)اطلب من زوجة المرحوم ان تطالب حكومة السودان ان يبحثوا عن قبر المرحوم فارق دا يكون حل اولي .
    مدام انتم عفيتم عن نميري و اعوانه و الادهي ان تستروا الموضوع . في خير للجميع

  8. انتو القذافى دحين ما مات ؟……………..عمر البشير يورى ناس 28 رمضان قبور اولادهم يخلينا من الشى الما عارفو

  9. وكشفت أماني عن أن والدتها «نايلة الشيخ النور» إلتقت بالرئيس عمر البشير، وسلمته مكتوباً يحوي مطالب على رأسها «معرفة قبر زوجها».. حيث وعدها بـ«فتح الملف ومتابعة الملابسات».

    كان راجين وعد عمر البشير واطاتكم اصبحت البشير بيوعد فينا كل يوم لكن الظاهر تم تاجيل الوعود الى جنات الفردوس.

    انتو لسع ما عرفتو انو الرئيس كذااااااااااااااااااب

  10. فاقد الشيى لا يعطيه البشير الان مطالب للعدالة الدولية والمحلية واسة 28 ضابط قتلو ا فى رمضان اسرهم تنتظر معرقة قبورهم وكما نظام النميرى مطالب امام الله والشعب بذلك نظام البشير مطالب باكثر من ذلك حيث ان نظام البشير قام بالعديد من التصفيات والقتل المشهود الشير وزمرته المكونه من عدد من الضباط وعلى راسهم العقيد الهادى عبد الله والى نهر النيل الحالى وعبد الرحيم ابوريالة وزير الدفاع الحالى وبكرى حسن صالح وزير رئاسة الجمهورية والعقيد الخنجر والعقيد سيد كنه والعقيد عباس نصر التوم والعقيد صديق عامر والعقيد احمد عبد الغيوم الاطرش (طرشان ) والرائد ابراهيم شمس الدين والرائد صديق الفضل والعميد مصطفى الدابى وسلة من كبار مجرمى الارهاب الدولى على راسهم المجرم عوض الجاز وقطبى المهدى وقوش ونافع والقائمة تطول من عملاء الجبهة الاسلاموية لعنة الله عليهم اين ماحلو

  11. يا بتي ما تخليك في لندن بتاعتك دي ، مالك والقذافي وغيرو دا كلام ليهو سنين عدة والكيزان ديل عايزين يلهفو ليهم حاجة من وراااك انسي الموضوع ،وادعي لوالدك بالرحمة والمغفرة.

  12. نفس كلام الأسرة نحن اسر ال28ضابط الاعدمهم البشير عايزين نعرف قبورهم فقط ياالبشير وتذكر لعنة أسرة حمدنا الله للقذافي لانه تسبب في موت والدهم ياتري هل تقبل نفسك ان تلعن وتسب وانت داخل قبرك مثل القذافي نفس هذا الشريط حيعرض لمن ياتي بعدك في القريب العاجل واعمل حسنة واحدة وريح هذه الأسر حتي تعرف قبور أولادها

  13. رحم الله فاروق وصحبه..القتلة لا يزال منهم من يبرطع في السودان مع كل حكومة حتى الآن ومنهم من قضى نحبه بما فيهم القذافي ..الظاهر الورثة عينهم على تعويضات مالية من الحكومة الليبية وإلا ماذا يعنى عفو القتلة في السودان ومحاكمة دكتاتور شبع موتاً.

  14. الغريب فى الامر انو نميرى راح فى 1985م يعنى قبل 28 سنه والكلام ده كان فى 19 يوليو 1971 ايه الصحه اسرة الاستاذ من الغيبوبة ده 42سنه اكيد وراهم نصيبة زمان

  15. ولا تزر وازرة وزر اخرى …؟!..وفاقد الشيء لا يعطيه ..؟!..البشير ونميري والقذافي كلهم في الهوا سوا….؟!
    كدي اسألي البشير من ضحاياه، الناس اللسع جنازتم (خدره)،جدَّعوهم وين …؟! محمود طه، داؤود بولاد، ضباط رمضان و…………….الخ. ثم بعدها يمكن ان يتبنى لك ما قام به غيره من حرائم بذات النهج والطريقة .
    اما ما يقوم به الازرق وغيره من الارزقية، فلا يعدو ان يكون عشم في مليارات القذافي،السائبة، التي يتقاسمها سماسرة حملة الاطلسي الاخيرة على ليبيا القذافي، وداير يدخل عودو مع الجماعة ..؟! وهذا بمثابة عشم ابليس في الجنة ..؟!
    البشير شال وش القباحة في الصراع الليبي، وخسرهم جميعا، واخيرا رفضو حتى استقباله ،وهذه هي عاقبة التهور .

  16. صلاة الغائب على روح الرائد فاروق حمد الله.
    نحن عفونا عن نميري وطاقم نظامه وكل من تورط في قتل والدنا
    إلا أننا لن نترك الحكومة الليبية ورئيسها معمر القذافي».

  17. بنفس ( الفهم ) نحنا كما بنطالب بمحاكمة فاروق حمدالله وفرقته ونميرى وفرقته بترويع الشعب السودانى وإغتصاب السلطة وخيانة ( قسم ) الجيش وتعريض البلاد للخطر وأيضا المدعو ( البشير ) وفرقته ..!

  18. فاروق حمد الله وبابكر النور شاركا في انقلاب مايو 1969 … فلو كان أحدهما حل محل
    جعفر نميري في الحكم فهل كانا سيعيدان الديمقراطية؟ .. نسأل الله الرحمة للجميع
    وأن تعود الديمقراطية من جديد بعد أن أخذنا ثلاث دروس من حكم العسكر .

  19. يعني الكلام ده معناه شنو ؟؟ الكل تحت التراب وفي القبر ,, نميري قذافي فاروق ,,

    وبعدين لماذا الان تحريك الدعوي ,, بعد هذه السنين الطوال ؟؟؟ ماذا تريدون من الاموات ,,

    فاليكن ما جري عظة وعبرة لاهل السودان ,, وربنا يرحم الجميع ,, واذكروا محاسن موتاكم ,,

  20. حقيقة انت ما عندك موضوع !! واحسن شوفى ليك شغله تانيه غير الموضوع ده . القذافى مين ؟ و ونميرى مين ؟ فاروق مين ؟ ربنا يرحمهم جميعا.. احسن ليك تقومى ….

  21. اللهم أرحم فاروق. ووالدته التي كانت تمﻷ ذلك الزير بالماء لشرب العطشي الذين يمرون امام منزلها قرب حديقة القرشي

  22. فاروق مات و ما عارفين قبره ! النميري مات و معروف قبره ّ!! القذافي مات و ما عارفين قبرو !! و عايزين (( البشير )) يساعدنا !!!! !!!
    انا غايتو ما فاهم اييييييييي حاجة . اظني بهدرب ولا حاجة . ( الله يرحم الجميع ))

  23. يا بنت الحلال نحن موتنا في السودان ما اي زول جايب لينا خبر

    انت في عاصمة الضباب و تسألي عن ابوك اليوم

    كيف يسأل سفاح عن سفاح

    قولي دايرا ليك قريشات و بس

  24. الله يرحم الناضل فاروق ويسكنه فسيح جناته مع الصديقين و الشهداء
    كنت تسالي البشير مكان دفن ال28 الذي اعدهم قبل 23 سنة وعبدالرحيم وبكري حسن صالح الذان اشرفا علي الاعدامات احياء وكل واحد عند قصر

  25. يا اخوانا ده كلام شنو الناس ديل كانو في غيبوبه ولا شنو؟؟؟؟؟

    مره علي الموضوع سنين وجيل كامل

    نميري مات
    القذافي مات
    وابوكم مات

    الله يرحمهم جميعا انشاء الله

    يا بت ادعو لي ابوكم واصدقو عنو

    لا ينفع الميت الا ثلاث
    صدقة جارية أو علم ينتفع به أو ولدٍ صالح يدعو له

    البشير ده هو براهو لي رقبتو ما عارف يتخارج من ناس الجنايات الدولية دايراهو يحل ليكي الموضوع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..