السعودية: تبرئة سودانيين من تهريب مخدرات

تاني جواب مابشيلو

نحمد الله علي سلامتهم و نرجو ان يتعظوا من هذا الدرس و يتعظ الاخرين التعامل بعفوية في هذا الزمن لا ينفع تماما

يقابلك واحد في المطار و يقول ليك شيل لي الشنطة دي او كرتونة المنقة دي او دله او طلح و في النهاية تطلع مخدرات

شعب عاطفي اكثر من اللازم.

الدروشه مابتنفع خليك محفتت ياسودانى

ما تشيل إلا قروش بس ..

خلاص بسبب الكلاب ديل المروة سوف تنقطع. حتى الدواء كان شلته يمكن يكون مخدر…حسبنا الله ونعم الوكيل.

لا حول ولا قوة إلا بالله العلي العظيم، سنتين في الهم والغم وتحسس الرقاب بكرة وأصيلا والرؤووس كمان كل صباح، واسترجاع الماضي والحاضر والهلوسة والبكا والنحيب والولولة ، كل ذلك بسبب مجاملة لإيصال رسالة ولا شنو ما عارف!! يا ناس هوي أعملوا حسابكم من أولاد الحرام!!

الف حمد لله على السلامة والله بقينا ما بنشيل اي حاجة انا جائي من السودان وما عندي وزن لاقاني واحد قال لي شيل لي معاك الشنطة دي طوالي رفضت ليهو ود كلو بسبب الوقعوا فيه اخوانا ديل ومليزن جمد لله على سلامتهم

حتي لاتضيع المروءه بين العرب

بعد المشروع الحضاري و اعادة صياغة الانسان السوداني انعدمت المروءة و الثقة بين الناس لما ال اليه حال البعض من فساد و رذيلة و استغلال نخوة بني جلدتهم و شهامتهم…. بالله تاني في زول يشيل ليهو وصية او يساعد ليهو زول؟؟؟؟

اولا الحمدلله طلعوا برائة .
حكم البراءة اصدر نتيجة لمساعدة القضاء السوداني والشرطة السودانية وهؤلاء ليس لهم اي مصداقية ، المتهمين لو كانوا من دارفور او شرق السودان كانوا راحوا فيها .

في واحد يا أخوانا في مطار الرياض أنا شايفه في كل رحلة مغادرة شايل موبايلات ويسأل في الناس مسافر بالله … الكلام ده ليه أربعة سنوات نفس الشخصية ونفس اللبس وتلقاها اربعة أو خمسة موبايلات مربوطة مع بعض واعملوا حسابكم من زي ديل وا أسفاي

اولاً حمد الله على سلامة الأخوين بالبراءة . ثانياً الأخوة في الراكوبة يذكرون أن الحكم صدر أمس بالبراءة وهذا غير صحيح . فقد ثبت برءاة الأخوين منذ أكثر من شهرين وقد صادفت الأخ الزميل المستشار محمد الصافي باسنسير المحكمة العامة حينها وهوفرحاً ومعه أشقاء وأقرباء الأخوين وكان لدينا جلسة خاصة بالمكتب الذي أعمل فيه . بالتالي غير صحيح حكم البراءة صدر أمس ممكن يكون قد اكتسب القطعية أمس لكن صدر الحكم بالبراءة منذ شهرين تقريباً ويمكنكم الرجوع للقنصلية وبالذات لسعادة المستشار محمد الصافي .

نأمل من إدارة الراكوبة إصدار مثل هذا الحدث في حينه أو الاشارة إلى أن سبق صدور حكم البراءة
مرة أخرى الف مبروك للأخوين ولأهلهم بالسعودية وبالسودان وأخص التهنية للوالدتهما الحنونات ووالديهما والجميع الأخوة السودانين . وبصراحة لو أنا في واحد قال لي شيل وصل لي الحاجة للسودان بسفه واطنشوا وامتنع بعين قوية ودون استحياء . لان ما حصل قتل المرؤة والنخوة في السودانين وهم الموصوفين بذلك منذ عهد بعيد . ولكن الجيل الجديد الله يستر عليهم