حزب البشير : نرفض الضغوط الأمريكية ولو هددتنا بـ(الصواريـخ)..و احمد هارون ليس في رئاسة وفد التفاوض مع الحركة الشعبية
الخرطوم: بكرى خضر :
نفي حزب المؤتمر الوطني ما توراد عن تعيين والي جنوب كردفان مولانا احمد هارون في رئاسة وفد التفاوض مع الحركة الشعبية قطاع الشمال، وأكد رفضه القاطع لضغوط الولايات المتحدة بضرورة التفاوض مع قطاع الشمال، وأكد أن قبول الحكومة بمبدأ الحوار ليس إستجابة للتهديدات الأمريكية. اتهم الأمين السياسي للحزب د. حسبو عبد الرحمن الإدارة الامريكية بـ(الكذب) وعدم الالتزام بالوعود وقال للصحفيين عقب إجتماع القطاع السياسي (ظلت وعود واشنطن كاذبة منذ إتفاقيات نيفاشا وسلام دارفور والشرق ) وأضاف المجتمع الدولي ليس صادق أكد وقوف الغرب وراء النزاعات التي تشهدها البلاد وقال هي من تحريك الدول العظمي لأنها تمد التمرد بالسلاح شروط وتابع أي شئ من غير قناعتنا لن نفعله ولو كانت هنالك تهديدات مادية أو عسكرية كالصواريخ ، وأكد حسبو رفض حزبه القطاع لأي ضغوط دولية للحوار مع قطاع الشمال وأضاف نحن ندخل في حوار مع الحركة الشعبية لكن اجندة التفاوض نحددها نحن ونطرح رؤيتنا في التفاوض وقطع برفض الشروط امريكية وقال مافي حاجة الزامية دون ارادتنا وقناعتنا لانعمل حاجة من غير قناعتنا وليس من العدل ان تتدخل دولة في شؤون دولة أخري وتفرض عليها وزاد مافي كائن بقدر يفرض علينا حاجة نعملها نحن دولة عندنا سيادة وكرامة.
اخر لحظة
هاك الكرامه دى ياحسبو!طيب من الاساس لو حزبكم دا عند كرامه ماكان ابدا يوافق على التفاوض مع الحشره-اقصد-الحركه الشعبيه قطاع الشمال-انا متأكد وكل الشعب السودانى والعالم ايضا متأكد انكم ستجلسون مع الحركه الشعبيه وانتم صاغرون وحسب الشروط الاميركيه حتى بدون توجيه ولا حتى صاروخ كروز واحد نحوكم لماذا اهدار الوقت والجهد وازهاق الانفس طيله فتره المماطله هذه؟!!!!
مافي كائن بقدر يفرض علينا حاجة نعملها نحن دولة عندنا سيادة وكرامة.
————-
هههههههههههههههههه
بجيب الخدرة من السوق لكن والله والله والله ما بورقا.
زمان سمعتة بى حسبو الشتت قصبو , والآن عرفته ( ليه ووين وكيف ) شتت قصبو .
أسكت سكت حسّك.
أكاد أجزم أن ألسنة قيادات المؤتمر الوطني أصابها البواش (من مبوِّش)، حيث لا ناطق رسمي واحد والكل يأتي ويصرح حسب هواه، وما أن يمضي يوم أو بعضه نتفاجأ أن الصحيح أو الواقع هو عكس مانفاه أي واحد منهم.
عالم ماتختشيش ..!
حتى الأمس يرددوا لن نتفاوض مع الحركة الشعبية قطاع الشمال ..
ولن نتفاوض مع وفد يرأسه عرمان ..
عند زيادة الضغوطات بدأ التراجع .. سنذهب للتفاوض حسب أجندتنا ..
ياعالم متى تتعلموا وتصرحوا المعقول فالأمر بيد مجلس الأمن وأمبيكي أمامه فترة محددة سينقله بعدها للمجلس ليصعد الأمر …
نحن دولة عندنا سيادة و كرامة قال! طيب قبلتوالحوار يوم الاحد ليه وغيرتو محمد هرون من رئاسة وفد الحكومة المفاوض كمان بعد ان طالبتكم الادارةالامريكية؟هل هي دي السيادة والكرامة؟ احسن تعترفوا بضعفكم يا كلاب المؤتمر الوطني.
ياكوز بعد ده جنتكم انتهت وحقت الله ما بدخلوها حراميه باناشيد امريكا روسيا قد دنا عزابها الروس البضربوا الفودكا للجليد يمكن يغفروا ليهم والامريكان البجيبو عيش ريغان وينجدونا يمكن ربنا يحسن اليهم وفرعون عندو راحه لانو كان كريم وانتو اكلتو حق الغبش ورديتو البعض عن دينهم وكتلتو واغتصبتو ووووو واخيرا اكلتو قروش الجوامع يعني معقول الله مايجيب ليكم امريكا القرش الحوت عشان تجيهكم وتريحنا بعده ده فكروا في الجنه الا يكون فيها محسوبيه وتزكيه وحلوه التزكيه دي قال نحن لانولي الامانة لمن يطلبها ونختار القوي الامين ويينو سيدنا عمر بن عبد العزيز ده مش لو عثرت غنمايه في ابو عشرين بشلعوها الخوالده دا لو صحا من بيت المدام الثانيه ووجد جبال النوبه انقرضت بيقول العطاءبتاع ردم الجثث ده لازم ياخدو وزير الدفاع ومعاه معاويه البرير ودا بالنيه طبعا
حن دولة عندنا سيادة و كرامة قال! طيب قبلتوالحوار يوم الاحد ليه وغيرتو محمد هرون من رئاسة وفد الحكومة المفاوض كمان بعد ان طالبتكم الادارةالامريكية؟هل هي دي السيادة والكرامة؟ احسن تعترفوا بضعفكم يا كلاب المؤتمر الوطني
قدرة رب العلمين على كل متجبر فى الفارغة والمقدودة (مافى مفاوضات مع المتمردين تانى ولا شبر من سفاهة للجنوب حنرجع للمشورة الشعبية ) تخيل يابعشوم انت كنت مكان هذا المسخ حتصرح بجنس التصريح دا) جاوب يابعشوم
بسيطه هددوكم بالصواريخ إنتوا هددوهم بالجراد ومافى حد أحس من حد.
http://www.youtube.com/watch?v=6M0qc4uVp4M