طالبه صاحب المناسبة بعدم الغناء …أسراب من الجراد تهاجم الفنان وفرقته والمعازيم في حفل زفاف..!!
الخرطوم : محاسن احمد عبدالله
أفسدت أسراب كبيرة من الجراد حفل زواج بإحدي المدن الواقعة بالولاية الشمالية بعد أن حطت أعداد منه علي جسد الفنان والفرقة الموسيقية وعدد من المعازيم فحرمت الجميع من الإستمتاع بالليلة بعد أن عجز الفنان عن مواصلة الغناء ولم تتمكن الفرقة من العزف .
وتعود التفاصيل حسب شهود عيان بأن إحدي الأسر التي تقطن بالولاية الشمالية قررت إحياء حفل زواج أحد أبنائها في الوقت الذي توافدت فيه أسراب الجراد الي المدينة وكانت الأسرة قد أرتبطت مع أحد الفنانين الشباب لإحياء الحفل وفي بداية الحفل وقبل إنتهاء الأغنية الاولي هاجمت أسراب الجراد المكان وحط علي رؤوس العازفين والفنان والمعازيم وكلما حاول الفنان أن يواصل الغناء تكالب عليه (الجراد) الذي ملأ المكان بصورة مزعجة جعلت الجميع في حالة من القلق ليغادروا المكان مما دفع صاحب المناسبة للإعتذار للفنان الشاب بعدم مواصلة الغناء نسبة لصعوبة الأمر.
يذكر أن أسراب الجراد توافدت بصورة كبيرة علي الولاية الشمالية في الأيام الماضية الامر الذي جعل الولاية تقوم بعمليات المكافحة لدرء الكارثة المهددة للمحاصيل الزراعية .
فنون
دعوا الجراد فى حاله فمن الجراد ما يؤكل فهناك مخلوق اسؤ حالا واكثر ضررا وانتن لحما واقذر حيا وانجس ما يكون ميتا ذاك الذى اعنى وهو الذى يجب ان يحارب اتدرون ما اقصد انه ال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا تعجلوا اقصد الخنزييييييييييييييييييير
ودمتم
الجراد والقمل ابتلاء من الله فيا اهلنا ف السودان ارجعوا الي الله ليرفع عنكم البلاء
وناس الحكومة الجراد متين تطردهم يا وهم ؟؟؟
جزا الله الجراد خير الجزاء ……اسال الله ان يديم الجراد في كل المناسبات التي يكون فيها الرقص والاختلاط والفساد
الجراد حشرات آكلة للنبات لكن المشكلة فى الجراد الملعون البيأكل كل حاجة:
كجرادٍ آت من صحراء……
جاء (الحمقى) بالأقنعة المنسوجة من دجل ورياء
من كل كهوف… جاءوا مندفعين إلى (الساحات)
نبشوا حتى جثث الأموات
جاءوا (زمرآ) كي ينقضوا فوق حقول الوطن الخضراء
ثم اختطفوا اللقمة من أفواه الفقراء
أعطوهم بدلاً منها أوهاما ووعودا دون رصيد
قذفوهم في بئر المحنة
…..
من بعد نهار شاق أنهاه الإعياء
رقد الفلاحون البسطاء
رقدوا ..
والليل غبي
منتفخ بنعيق الغربان
مختنق بحرائق تطغى في كل مكان
محترق بالفتن السوداء
مخترق بالفوضى وبرائحة الأحزان
مزدحم (بلصوص) كثرٍ يقتسمون الأرض الخضراء
والأرض الخضراء اغتصبت من غيرِ مقاومة تذكر
في عصرِ جراد ملعون جاء بأسم (الاديان)
عفيت منك يا الجراد يبدوا ان الجراد انزعج من صوت الفنان القبيح و صوت المسويقي العالية فقام بمهاجمتهم
الفنان دة كان بغني في سمسم القضارف
عشان كدة الجراد كبس فيهو….
والله الحكومه دى تطير عيشته برضوا يجى وزير الزراعه واركان حربه يحضروا الحفله عشان الجراد
ياخوانا ارحمونا
الجراد دى ماجانا مع حكومه الانقاذ والجراد دى ببيعوا ناشف وبالكوز فى غرب السودان واكلنا الجراد
وبكره حيجى الخريف وتغزوا اسراب الطيور قدوم احمر وقدوم اصفر ووردى عارف وغنى ليها هجره عصافير الخريف
وبكره بنسمع الطيور تغزوا الزراعه والحكومه تتفرج وكل الدول دى بيغزوها الجراد السعوديه ومصر ليه بس نحن البنحمل الحكومه كل شىء حتى ولو خارج عن ارادتها
خليكم نايمين فى العسل وانتظروا الحكومه
طيب ما كان العريس يتصل بالارصاد الجوى قبل الحفل عشان يعرف حاله الطقس
والفنان دى اكيد يكون لابس بدله خضراء ومعطر نفسه بريحه بت السودان عشان كده الجراد منعه من الغناء
بس اوعه الجراد يكون اكل المايك وسلك المكرفون ارحمونا
لا بد من التدبر و التفكر و التامل وربط مثل هذه الحوادث بالدين الحنيف .. هذا دليل على حرمة الاختلاط و الغناء و المعازف و الرقص .. قال النبي صلى الله عليه وسلم :( سيكون اخر الزمان اقواما يستحلون الحرى و الحرير و الخمر و المعازف ) و الاحاديث في هذا الباب كثيرة ,, نسال الله الهداية لي وللمسلمين .
اصلا الجراد دا بيكون زعل من الفنانين ديل لانو الجراد ان داير ينوم اليل عشان يقوم بدري ياكل والفانين عمل ليه ازعاج ما خلوه ينوم عشان كدة قام بالهجوم عليهم وانا قبل كدة قلت ليكم الجراد دا حياكل ناس ايام الجاية وانتو ما صدقتونى وتانى بقول ليكم للمرة التانية الجراد دا حياكل ليك مزارع المؤتمر الوطنى فى العاصمة المثلثة وممكن حياكل الشرطة والجيش عشان لابسين اخضر لانو اللون الاخضر دا او لون بشيفو الجراد من على بعد عشرة كيلو
اراد الجراد تعليمنا كيف ننهي عن المنكر ..
المثل الدارفوري بيقول : جرادايه في سروال ولا بيعضي الاقعادو ما حلو . يعني كان تغني بس وتعتبر الجراد زي الاكسسوارات او الزينة . يعني حيعضيك يعني . بالمناسبة يا فنان اوع تكون شلت قروش من الجماعة ديل .
جراد اسرائيلي اصلي …
يا ربي الجراد مفتكر الفنان وفرقتة خضره اتمني ان لا يكون بلع حبة جرادات وطيرت علية العشي