سيف الجامعة : على أئمة المساجد إعلان الجهاد على الفنانين المتفلتين..وعليَّ الطلاق ح أخلي الفن في الحالة دي..!!
*أم درمان: تفاؤل العامري
صبَّ الفنان سيف الجامعة جام غضبه على الفنانين الذين وصفهم بالمتفلتين وطالب مجلس المهن الموسيقية والمسرحية بضرورة اتخاذ مواقف صارمة وقرارات جادة بشأن كل متفلت أو من سولت لهم أنفسهم إساءة الوسط الفني عبر أفعال غير أخلاقية، وجدد الجامعة مطالبته للمجلس بترك الحجج الواهية وأنه مازال في بداية مشواره والعمل بصورة جادة والقيام بدوره كاملاً، وقال- (عليَّ الطلاق ح أخلي الفن لو ثبت لي أن فنان الصافية وأمثاله زملاء مهنة)، ورفض تلك التصرفات التي أكد أنها تزعج أسرهم وأبناءهم.
وضمن سياق حوار ينشر بالداخل قال صاحب (وصتني وصيتها): (إن أئمة المساجد غير ملامين في هجومهم على الفنانين بعد التصرفات الأخيرة التي تصدر عن البعض منهم)، وتمنى الجامعة أن يعلن الأئمة الجهاد على تلك الفئة المتفلتة، وعاد مطالبهم بضرورة التخصيص وترك التعميم في إرسال الإساءات للفنانين
فنون
(عليَّ الطلاق ح أخلي الفن لو ثبت لي أن فنان الصافية وأمثاله زملاء مهنة)……..يعنى ده تهديد ولا شنو أساساً انت مطرب غير متميز وخامتك الصوتية عادية جداً و أكد ليك ان غيابك عن الساحة الفنية برغم فقرها الحالى سيكون مكسب وليس خسارة.
(وتمنى الجامعة أن يعلن الأئمة الجهاد على تلك الفئة المتفلتة)……
ياخى بطل التملق و ركوب الموجة على الفاضى.
أولاً الأئمة فى عهد الانقاذ عبارة مجموعة منافقين و منتفعين و ابواق للنظام الفاسد ليس إلا. يغضون البصر عن كبائر الجرائم التى ارتكبت و ما زالت ترتكب ضد هذا الشعب المقهور تحت ستار الدين الحنيف.
ثانياً من انت حتى تفتى بجواز الجهاد من عدمو فى هذه الواقعة وما ذا تفهم عن أحكام الجهاد وشروطه فى الشريعة.
..الله المستعان
والله يا سيف الجامعة إنت غناي و بتطربني لكن كلامك عن الجهاد ده بصراحة غريب
كيف يعني ائمة المساجد يقيموا الجهاد , البلد فيها قانون و في حالة الخطاء الدولة هي
المسئولة , فهل يعقل أن توافق على ترك الأمر لغير السلطات الرسمية والمختصة ! .
رجل والرجال قليل
عفيت منك
سلمت يا فنان
ياتو ائمه يا جاهل انت وجهاد شنو البعلنوه هم اصلا عندهم راى فى كل الفنانين ما المتفلتين زى ما قلت وبعدين ما تخليه الغنى هو انت اصلا فى زول بسمعك عامل طاقيت الكابويات بتاعتك دى
طيب يا سوسو لما بديت الغناء ما كان في امثال فنان الصافية؟ بالتاكيد كانوا موجودين وفنانين كبار من العيار الثقيل وانت عارفهم والسودان كله عارفهم لكن الله يرحمهم ونسال للاحياء منهم السترة والتوبة.
بعدين الائمة البتطلب منهم اعلان الجهاد ديل اغلبهم زملاء حاج نور امام مسجد الجامعة الكنت بتدرس فيها وانا متاكد انك بتعرفه زي “عودك”!
قال جهاد قال ! طيب انت ما تبقى راجل وتعلنوا انت
انت زاتك شنو ياسيف الجامعه ما طبال ومغني ذيك ذي غيرك ووصلت بيك الجراءة انك تدخل فيها ائمة المساجد عشان يجيبوا ليك عدادات حرام عليك لو سوقك نام امشي افرش بصل ولا امشي اشتري ليك ركشة بالقسط مشي امورك السابك سيبوا ما تحرق فشفاشنا ساكت
ماتخلي الفن يخلل ضروسك
لقد صدق وردى رحمه الله
سبحان الله يمكن الحصل ده يهديك من مديح الشيطان
شوفوا المدعي ده في الصورة بيعمل في شنو ويقول تفلتات وافعال غير اخلاقية!
للاسف الفنانين بتاعين الزمن ده كلهم سحاسيح من شاكلة حماده بت
الاخلاق التى تتكلم عنها عن المتفلتين ليس اسوأ من الصوره اعلاه(اختلاط ورقص الارداف وانت ماسك مايك تقوقى ليهم )وايهما افضل لك ان تكون احد ائمة المساجد ام احد ائمة الفنانين .اتقى الله
(عليَّ الطلاق ح أخلي الفن لو ثبت لي أن فنان الصافية وأمثاله زملاء مهنة)،
طلق ولا تجعل حادثة الصافية سبب دخل الفن السوداني بيت الحبس منذ رحيل الاساطير والاساطين من ملوك الطرب والكلمة والنغم والمستمع
إن أئمة المساجد غير ملامين في هجومهم على الفنانين بعد التصرفات الأخيرة التي تصدر عن البعض منهم)،
الائمة لا يخلون من بعد التصرفات من فيهم سيدنا يوسف
، وتمنى الجامعة أن يعلن الأئمة الجهاد على تلك الفئة المتفلتة، وعاد مطالبهم بضرورة التخصيص وترك التعميم في إرسال الإساءات للفنانين
علي السلطات ان توجة لك تهمة التحريض بالقتل واثارة الحرب ولماذا الائمة بالذات ماذا يعمل عبدالقادر سالم نقوا وسطكم وعلي اتحادكم نشر الشواذ والسكرجية وبتاعين النسوان والاولاد وبتاعين المخدرات علي صفحات الدار والجرائد الاخري او اصدار جريدة باسم الاتحاد ماشاء سوف تكتسح سوق الصحف ودخلها يوزع علي الفنانين والشعراء والملحنون علي شرط يهبط سعر العداد طرفكم
(عليَّ الطلاق ح أخلي الفن لو ثبت لي أن فنان الصافية وأمثاله زملاء مهنة)
طيب انت وقعت فى شر اقوالك
هو زميل زميل مافيها كلام
لكن انت ابقى راجل
يا خليت الفن ..يا طلقت المسكينة وسرت مع السايرين
و عامل فيها شاطر يا سيف الجامعة؟؟ يأخذ طش فيك و فنك و في أئمة الجهاد ألبستجيبوا لمثل نداءاتك الخائبة هذه. إنتو الأتنين سجم على رماد
لا عليك الله ياسيف القاعه ما تخلي الفن تخلينا لي منو البطربنا غيرك منو تاني هسي عليك الله انت قايل نفسك فنان (قادينا بي وصيتني وصيته ) من سنه انسى
كلام سيف الجامعة د صحيح
انته سموك تيس الجامعه ليه?
انتوا فسادكم بالالوان ,يا ??????????.
خليهووووو
اولا يا انت الاسمك ( سيف الجامعة ) حلفك بالطلاق لا يجوز الحلف بالطلاق ولو جدلا ان فنان الصافية طلع فنان ما ذنب زوجتك اصلا انت لو متزوج واصلا كلكم فى الهوا سوا… قال فنان …قال .
قوم لف كده ولا كده .. يا عتالى . بالله شكلك شكل فنانين زهل انت فنان يا….. شوف شكلك فى المراية كويس .
ما ودرت الفنان محمد الامين حرام عليك يا شكلك شكل ( ال……)
قال مذبوح بي منجل اريتك كان انضبحت وريحتنا
الفن في البلد دي لامي كميات من الزباله الزيك
طبعا ليو زمن بقي موتمر وطني وركب الموجه وبقي يتكلم عن الجهاد
طلب لمن لديه معلومات كتابه قائمه باسماء الفنانين الركبو موجة المؤتمر الوطني
واقترح مع كل مناسبه كتابة قائمه مشابهه يعني الليله فنانين المره الجايه صحفيين وهكذا
نعم فنان لاكين أصيل وصاحب قيم إن شاء الله بي نواياك الطيبة دي ربنا يهديك من الغني والشغلة الفارغة دي ويبدلك مصدر رزق حلال طيب والله أصيل وكلامك كلام رجال آي بالرغم من إنك فنان لاكين دا ما خلاك تتخلي عن الثوابت الاخلاقية والقيم الكريمة رغم إنو يا سيف الجامعة الجهاد بعلنوا الحاكم وليس أئمة المساجد ، ربنا يوفقك لكل خير ولو كره المعلقين الرواكيب السجمانين
شايفك بتتكلم وتدعو ائمه الجوامع اعلان الجهاد علي من تصفهم بالمتفلتيين , طيب ما هو حكم الاسلام فنك وحفلاتك المختلطه?
من الذين يعلنون الجهاد علي الفنانين ,,, تقصد علماء السلطان ,, ولا فئة اخري من العلماء ,,