ندى القلعة ترفض الغناء من وراء حجاب
رفضت الفنانة ندى القلعة أن تؤدي وصلتها الغنائية بالوقوف خلف أعضاء فرقتها في ظل وجود ستارة تحجب العازفين عن الرؤية في حضور مجموعة من النساء الذين تمت دعوتهن لمناسبة زواج بأحد أحياء الخرطوم ، فكان أن طلب أصحاب المناسبة من الفنانة أن تغني في هذه الليلة للنساء المدعوات لهذه المناسبة على أن يكون أعضاء فرقتها الموسيقية خلفها و يكون هناك حجاب يمنع ظهور أعضاء الفرقة أمام المدعوات ، و لكن كان للفنانة ندى القلعة رأي آخر حيث رفضت الغناء في ظل وجود فاصل بينها و بين أعضاء الفرقة الموسيقية ، و عليه حدث خلاف وسط الحضور مما إستدعى تدخل أصحاب المناسبة الذين رفضوا فكرة أن تسير الأمور سيرها الطبيعي كما يحدث في الحفلات بأن تقف ندى و خلفها فرقتها الموسيقية فرفضت الفكرة من أصلها و أصرت على الوقوف و الغناء أمام فرقتها الموسيقية مباشرة و ليس من وراء ستار يحجبها عن أعضاء فرقتها .
صحيفة الدار
طيب ممكن (الفرقة الموسيقية) تدي ظهرها (لندى) و(المدعوات) ؟ وأي عازف (يتلفت) عشان يتاوق ، يدوهو (كرت أحمر) ؟
ياجماعه الاخبار انتهت ولاشنو خخخ
الحراميه بيجو عند الغناء والطرب وبيخافوا الله ومن ين ليكم القدره على دفع المبلغ للفنانه ندى القلعه سفله افق الانقاذ.
أها وبعدين الحصل شنو ؟
بالنسبة لندى تريد ان تعصي الله على بينه (حمانا الله منها ) وبالنسبة للمدعوات (يتمنعن وهن الراغبات) بدلا عن كشف حالهم وحال رجالهم ما كان يكون زواج بمادحات او حلقات دينيه على فيديو او غنا على كست كله كان اسهل ,ادا كن على هده الطريقة الدينية لمادا لم يحاسبن ازواجهن من اين لك هدا حتى اكون زوجتا لك . ومين العنده قروش يقيم حفل مثل هدا غير اهل البلد (الحكام ) وقبل كدا كان صبقهم عليها ابوه الدي علمهم السحر (على عثمان) في دق الريحة لزواج بنته كان الفنان يقف وهو متجه على الحائط لكب لا يرى عورات الحور العين .
يا اهل السودان ماذا جري لكم حقيقة
ما هذه السلطة:
حفل
موسيقي
غناء
حجاب
هذه اشياء لايمكن جمعها سويا في آن واحد وبفهم واحد
التحية للفنانة علي اصرارها علي موقفها المتسق مع فهمها لما تقوم به
هولازم تكون في حفلة من أساسو!!! ديل زي الزول البيحب أكل الباسم ولكن بيخاف من العيون!!! لومادايرين إختلاط خلوها مش ضروري !!!!
برضو نقول لناس الراكوبة الناس في شنو والحسانية في شنو ، ندى القلعة ما عندها أي مستوى في الغناء يعنى مهما تطاولت لن تستطيع الوصول إلى أقل من مستوى( عائشة الفلاتية ، ولا البلابل ، ولا حنان النيل ، ولا العافية حسن ولا حتى مي عمر ) يعني الفلهمة ليها شنو قالو ليها غني بأي شكل تغني غناها الهابط ده وتقبض حق الحرام ( الرزم) وتطير في ستين دهية . بلا ندى القلعة بلا سجم
خبر مبتور ، وبعدين الحصل شنوووووووووووووووووووو حلوها كيف؟؟؟؟؟
الناس ماقادرة تأكل والكيزان الحرامية يلهفوا أموال الشعب الغلبان دايجيبوا في الفنانات ويعملوا فيها خايفين الله مادايرين إختلاط !!! دي على منوا!!!!!
هذه الفنانة هي أساساً غير معترفة بالحجاب نفسه ناهيك أن تقف خلفه… الله يهديها
رفضت الفنانة ندى القلعة أن تؤدي وصلتها الغنائية بالوقوف خلف أعضاء فرقتها
فكان أن طلب أصحاب المناسبة من الفنانة أن تغني في هذه الليلة للنساء المدعوات لهذه المناسبة على أن يكون أعضاء فرقتها الموسيقية خلفها
غايتو أنا جنس ركاكة صياغة أخبار الشمارات دى أصلى ماشفت الخبر
يا ناس الدار منو من الأمام منو من الخلف ؟؟
وبعدين حكاية (الخلفيات التاريخية)
ماعندها معنى مع ندوية
أصلها ( متعودة دايما)
من الاساس الغناء وقلة الحياء ليها داعى القلوس دى اولى بها مرضى السرطان من الاطفال ومثلهم كثر ولكننا شعب مفلس منتهى الرجوله اصبح المطربون والمطربات سادة المجتمع فاذا اخذهم الله اخذ قدير نرى النحيب والبكاء ومن مات من الاتقياء والعلماء كأن لم يكن. لذلك سلط الله عليهم من لايخافه ولا يرحمهم
عمرنا ما شفنا فنان عملوا ليهوا ستارة بينوا وبين الفرقة …ليه قاعدين في السعودية نحنا؟؟؟ أحييكي يا ندي أيتها البلبل الغريد..على موقفك الطلب ..ستارة قلوا… والحفلة دى ما كان فيها معازيم لرجال… ولا كانوا من الحناكيش الزي ديك الما في فرق بينهم وبين……..سبحان الله مغير الأحوال…تش تش
هذي صورة مقلوبة بكل ما تجسده الكلمة من معنى حجاب قال هذا نفاق اجتماعي ناس المناسبة خائفين من نظرات الفرقة الموسيقية ولا شنو بالله عليكم اغتشو من نفسكم وصحيح الأغتشو ماتو واحئ ندى على موقفها
اهل العرس ما دايرين ندى تختلط بالعازفين ولا ما دايرين العازفين يختلطوا بالنسوان المعزومات!!! شوف التخلف مادام الحكاية كدة جيبوا ليكم فنانه بدلوكة وريحوا نفسكم!! غايتو جنس تقليعات
ندى القلعة دي واحدة من الفنانات البغنن وجاهة سااااااكت زي افراح الشعب
و بابوووووور ماااااااشي
طيب مادام أهل العرس خايفين من الإختلاط بحكم إنه حرام طيب ما هوالغناء حرام يا سبحان الله
منتهــــــــــــــى التناقـــــــــــــــــد فنانة وحجاب فهـــــــــمونا والله ما فاهين حاجة؟؟؟؟؟؟؟؟؟؟؟؟؟؟؟؟؟؟؟؟
أهة وفي النهاية غنت يا كاتب الخبر ولا ما غنت ،،،
مالها حق طالما قابضة فلوس علي كيف اهل المناسبة تتواصل مع العازفين بالتلفون
مثلا كالتالي اعزفوا الاغنية الاولي
الشريف
2- راجل المراءة
3- اتفقنا
وبهذه الطريقة تكون أرضت الجميع طالما انها خاصة بالنساء
ياناس دي ماكانت حفله عاديه دي كانت ترقيص عروس …. ياناس الدار والله احسن ليكم تخلوا الغتاته دي … وفي النهاية فصلوا العازفين والفنانه وقفت بي جنب وغنت يعني شايفة العازفين والعروس .. ؟؟؟ وبالمناسبة دي حصلت مليون مره قبل كده وياهو ده السودان ..
يا اخوانا و باقي الشمار شنو
الحفلة واصلت عااادي و لا ادوها قريشاتها و غادرت
أحييييييي من الشمار الما كملتوهو لينا يا ناس الدار …
وللاّ المحرر بتاعكم كان راجل و فكقكوهو برضو مع اعضاء الفرقة ,,,,
يا أمة ضحكت من جهلها الأمم
طيب جايبنها ليه ما كان التسجيل احسن …………….
تجارة الدين هكذا…………..
فنانه زي ندى القلعه أجرها كم ؟ وعرس في صاله مغلقه أيجارها كم ؟ ناس بالمستوي دهأكيد قروشهم قروش حرام وله ماكان صرفوها في الحرام (غناء الساقطات مع المعازف ) فأذا كان مأكلهم حرام ومشربهم حرام مافي داعي للتناقض وتعملوا فيها بتتقوا الله وتموا باقي الحرام العايشين فيه(تخريمه: الحمدلله البقينا مغتربين قرشنا حلال ميه الميه من كدنا وشقانا الله اعلم كان عشنا في السودان كان لازم نبقى حراميه عشان نقدر نعيش كويس
الناس في شنو الحسانية في شنو
دى منو ندى القلعه دى ورونا يا جماعه
انت اصلو مدام جبت ليك فنانه والغناء اصلا حرام خلي العازفين كمان هم اتمتعو بالنظر الكلام دا لاهل المناسبه
ياجماعة الخير الناس ده لو مدينين لدرجة ده جايبين فنانة انت جبتا فنانة خلاص تاني ما بنفع من وراء حجاب ولا قدام حجاب اتقو الله في نفسكم ياعالم مين ندى القلعة ده شيخة ولا عالمة
طيب كان توافق وتغنى ليهم غنية:
“ظلمونى الناس وفهمونى غلط…”
وتختم بغنية:” انا بغطف زهورك بس بعاين بعيونى”
عندكم حلين يا تجيبوا مداحين ااو تعملوا ستاره للمعازيم بدل الفنانين.
آآآخ يا فشفاشى من الرياء إن شا الله بعد ده تدخلوا الجنه.
والله وعلى الرغم من اننى لا احب غناء الاستاذة ندى القلعةوطريقتها فى أداء أغنياتها ولكنى معجب جداً بشخصيتهاوإهتمامها بفنها ومواقفها المشرفة فى الدفاع عن الفن عموما فى وجه تجار الدين والدنيا هؤلاء شنو يعنى وجود فاصل بينها و بين أعضاء الفرقة الموسيقية غير الرياء والتدليس والنفاق ؟؟
يعني ناس الفرقة خلاص مهنقين حيتلفتو يكشفو للحلوين!!!هو معاهم ندويه البخليهم يشغلوا المراوح شنو للككويه!!عالم وهم من اثريا الجدد العدم!!!عايزين دين ودنيا هشك بشك واوعه تمشك!!!!ماتثبتوا علي حاجة عذبتونا ياخلف الله!!!!
ما فهمنا الموضوع أو الخلاف إنتهى على شنو? غنت ولا ما غنت?