أخبار السودان
تراجع في أسعار الدولار وشح اليورو فى السوق الأسود.
تراجع في أسعار الدولار وشح اليورو فى السوق الأسود.
سجلت أسعار الدولار بالسوق الموازي إنخفاضاً طفيفاً فى مقابل الجنيه السودانى وبلغ سعر الدولار 6.90 ، بينما اختفت عملة اليورو كليا بعد تجاوز سعرها حاجز التسع جنيهات.
وقال متعاملون فى النقد الأجنبى بسوق الخرطوم الموازى ان الأنباء التى راجت حول اتفاق السودان ودولة الجنوب على ضخ النفط ادت لإنخفاض الدولار بعد تسجيله اكثر من سبع جنيهات خلال اليومين الماضيين.
وشددت سلطات الامن الاقتصادى رقابتها على تجار السوق الأسود مؤخرا واقتادت العشرات من المتعاملين الى الحبس مما رفع الاسعار بنحو لافت.
كما شكا متعاملين من ارتفاع لافت لليورو مقابل الجنيه السودانى مع نقص حاد فى السيوله وأكدوا أن سعره بلغ اكثر من (9) جنيهات.
(ST)
الدولار أللى فى الصوره دى الطبعه الجديده التى لم تلغى الطبعه القديمه بل الطبعتين يتم تداولهم فى الولايات المتحده وكل دول العالم ما عدا السودان….ليه….خليكم جاهزين للضحك !!!!!!!
زارنى صديق وقبل يومين رجع السودان وطبعا رسلت معاه دولارات…إتصل بى اليوم(الأربعاء) ليخبرنى بأنه فشل فى تحويل القروش لعمله سودانيه والسبب نقله لى بضبانته على حسب قولهم كالآتى:
الدولار ابو راس صغير ما بمشى عندنا وغير مرغوب والقصد هنا رأس الرئيس الأمريكى فى الطبعه الجديده أكبر حجما من الطبعه القديمه…ولسوء طالعى إتضح لى كل أللى ارسلته معه عينة ابو راس صغير…ولذلك قال لى صديقى حأشوف واحدمسافر عشان ارجعهم ليك لأنها عينه لاقيمه لها فى سودان العجائب كما قال.
وأنا بالتالى يادوب عرفت ليه العربيه البيضاء أغلى بكثير من أختها الغير بيضاء…..وليه الكورولا احسن من المرسيدس وليه المازدا ما مرغوبه لأنه التنده قصيره وبترمى العمه وليه معجون السيجنال أحسن من معجون سانسوداين وليه صابون اللوكس احسن من الزست وليه وليه وليه وليه…وده كلوا فى سودان العجائب والما شاف يجى يشوف.
لا حوله ولا قوة الا بالله العلى العظيم يا شعب السودان كل ما نشاهده من ازمات فى الاكل والشرب والسكن والاقتصاد من دولار وجميع انواع العمله الصعبه انما هى لعبه من الحكومه الحكومه هى التى تبيع وهى التى تشترى وهى التى تصدر وهى التى تملك كل اقتصاد البلد وصاروا يختكروا كل شئ مواد البناء والمواد التموينيه والاراضى وحتى وزارة المياءه والكهرباء اصبحت شركات خاصه لا تصوروا انها حكوميه فهى صارت شركات خاصه البنوك هى الشريك الاكبر هى التى اشترت كل ما باعته الحكومه مثالآ فقط المواشى والحبوب والصادر والوارد والاراضى وكل الوزرارات التى بيعت بنك فيصل وبنك الشمال الاسلامى وبنك التضامن الاسلامى وبنك امدرمان الوطنى هم سبب كل البلاوى التى تحدث فى البلد لمازا لانهم هم نخب المؤتمر الوطنى وهم من يحركون كل شئ فى البلد
لكن كل شئ ان شاء الله راجع وسوف يكون الحساب ورد ويكون الحساب حساب قصاص لا غير
صبرآ يا شعب السودان الطيب المؤمن بالله والكل يعلم من هم كانوا بالامس يجلسون على قاع الطريق لا يملكون شئ والان صاروا شركات عالميه واستيراد وتصدير ونسب بمؤسسات البلد خلاف العمائر واللارصده بالبنوك
لكن ان شاء الله عشمنا فى ربنا كبير والصبر طيب كما حدث الى مجموعه بن على ومجموعه القدافى ومجموعه عبد الله صالح ومجموعه حسنى مبارك
لا محال سوف تكون مجموعه البشير وصحبه عظه وعبر الى جميع شعوب العالم لانوا الظلم والفساد والمحسوبيه والواسطه وبيع ممتلكات الدوله المحليه والخارجيه غير الخطوط الجويه وغير الخطوط البحريه وغير السكه حديد حليك يا قطار الشوق متين ترحل والى عطبره تودينا هل سمعتم اجمل من هدا
سبحان الله اول مره فى العالم نسمع بدوله تبيع سيادتها الى نخب اعضائها وكمان يظنون انهم باقون لى الابد لكن خانتهم خيالاتهم وهم يظنون ان الشعب نائم وجبان ونسوا انتفاضه اكتوبر وانتفاضه ابريل اعظم واعرق انتفاضات فى التاريخ العبرى والافريقى اما الانتفاضه التى اتيه وقادمه انتفاضه الحساب العسير من اين لك شركاتك وعماراتك وارصدتك فى البنوك الداخليه والخارجيه ومهما تكون لكم جوازات اجنبيه بريطانيه امريكيه وكنديه فانتم مدانون وسيوف نجيبكم حتى لو جلستم خلف الدنيا ان شاء الله القصاص القصاص
خلاص الحمد لله الجنوبيين رقدوا خلاص والامور حتستعدل انشاء الله. عقبال الحراميه بتاعيين المؤتمر الوطني ما يغوروا
أخبار تمام من الصباح…. ودا أول الغيث….أتمنى أن يرجع الدولار لي علبو
يا جماعة الخير وياناس موجوعة ومغلوبة لقدنعبنا ومن شدة ذلك ماقادرين نقول ولانغير حاجة يكون من الجوع ولا (الانبطاح)مابتاعة الطيب مصطفي ريئس الحكومة القادمة , يجماعة كفانا ذل وهوان لكن مالنا قاعدين والعالم من حولنا يتغير ولا أقنعونا فعلا بمقولة سيبك البجي أحسن من ديل كانما حواءعقمت من بعدهم ويا عالم قولوا لينا متي ينبلج صبح السودان وتشرق شمس الحرية علي ظلام المؤتمرالوطني
الدولار يزيد ما عاجبكم ينزل ما عاجبكم حيرتونا … ربنا ينعم بالسلام علي البلد وتستقر الاوضاع الاقتصادية ..
لا معارضة نافعة لا حكومة نافعة الاتنين زي بعض اخر حاجة مفكرين فيها الشعب .. بلا يخم الحكومة والمعارضة ويريحنا منهم الاتنين
المتتبع لسعر الصرف يدرك ان قيمة الجنيه السودانى كانت فى انخفاض مستمر مقابل الدولار عندما كان السودان يحصل على 50% من نفط الجنوب بمعنى ان حصيلة النفط ليس هى المحدد الرئيسى الوحيد لسعر الصرف- والنتيجة؟ان سعر صرف الجنيه مقابل الدولار سوف يستمر فى التدهور ولكن بوتيرة اقل مما كان قبل اتفاقية نقل النفط-فاذا كانت حصيلة ال50% من نفط الجنوب تعادل 75 دولارا للبرميل فكم تكون حصيلة النقل بواقع 9 دولار للبرميل بعد خصم تكاليف النقل والصيانة واقساط الصينيين؟-لا اعتقد ان اتفاقية نقل النفط سوف يكون لها تاثير يذكر على سعر الصرف
سبب نزول الدولار دي حاجة نفسية لانه الي الان البترول ماضخ وفي نزول في السعر وبعد اسبوعين ولما يبدا الضخ ممكن ينزل اكتر لكن الناس بعد كده بتلقي انه الدولار الدخل ما بيكفي حاجة لانه البلد ماشاء الله ما فيها ولا زراعة ولا صناعة وبتستورد اي حاجة حتي الطماطم وغير سداد ديون السودان والصرف البذخي علي سفر المسؤولين وامتيازاتهم والانفاق العسكري الباهظ والفساد ومن الان خزن الجاز وكرتي والمتعافي ونافع وعبدالله البشير ووداد بابكر اتفتحت ولو شفتوا دولار واحد يا اهل السودان تعالوا قابلوني.
صحيح جدا التعليقات. [img]http://s09.flagcounter.com/mini/bL0/bg_FFFFFF/txt_FFFFFc/border_FFFFFF/flags_0/.jpg[/img]
[img]http://s03.flagcounter.com/mini/F8d6/bg_FFFFFF/txt_FFFFFc/border_FFFFFF/flags_0/.jpg[/img]
الدولار طلع! الدولار نزل! .
نحن منتظرين يا حكومة إنعكاسات هبوط سعر الدولار على السوق والأسعار وعلى ذلك سوف نقيس أدائكم (حسناً أو سوءً) فإذا لازم هبوط الدولار هبوط في الأسعار عندها سوف نعرف أنكم شغالين كويس،أما إذا حصل العكس وظلت الأسعار كماهي فأنتم لستم سوى قرج ومهرجين ساكت.
يعني الدولار اصبح رهن تصريحات باقان اموم اذا قال حا نبدا الضخ بعد اسبوعين الدولار ينزل واذا بكرة قال ما في ضخ يرتفع طوالي ..؟؟
منتظرين شنو من آكلي اموال الأوفاق الدينية دايرنمهم يدوكم من دولار نفط الجنوب حاجة احملوا تشموهو قرض سلملي هاك ابو الجاز ده
والله البلد دى اغرب بلد فى الدنيا !!!ممكن لو صبت مطرة تغير فى سعر الدولار .. متين ياعلم نفهم انو الشى الحاصل ده ماعندو اى علاقة بسعر الدولار؟؟؟؟؟لان السعر فقط وكما هو معروف فى عالم الاقتصاد يحدده سياسة العرض والطلب فقط لاغير وليس مزاج باقان ولا عمر البشير !!!لمن ميزان صدراتنا يفوق ميزان وارداتنا فقط هنا ممكن نتحدث عن قوة الجنيه مقابل الدولار .. وابشركم بان ده ما ممكن يحصل اطلاقا فى ظللا وجود هؤلاء السفلة اللصوص الذين اضاعوا الوطن واضاعوا كل شيء .. لانو ما ممكن نرجى من حكومة تعمل لينا حاجة لمن كان عندنا اى حاجة وصدرنا نفط من 99 وحتى 2009 بما يعادل 60 مليار دولار حسب احصائياتهم الرسمية جدا وحتى الآن لم يجيبوا على تساؤلنا اين ذهبت هذه المليارات وكنا من هبلنا وسذاجتنا نعتقد انها ذهبت فى التنمية والمشروعات والكبارى كما اوهمونا ولكن كانت المفاجاة الداوية والمرة ان هذه المشروعات والكبارى لم تكن سوى بقروض طويلة الاجل يتحمل سدادها الاجيال القادمة …حسبنا الله ونعم الوكيل!!!
بكرة بنطلع بترولنا ونعيش زينا وزي العالم ما عايشة اللهم اصلح حال السودان