بنقلها من جبرونا لأنحاء الخرطوم..توقيف معتادات يروجن الخمور بسيارة إسعاف
الخرطوم: : ضبطت شرطة أمن المجتمع عدداً من معتادات توزيع الخمور يقمن باستغلال عربة اسعاف تتبع لمستشفى خاص مشهور لتوزيع الخمور من منطقة جبرونا غربي امدرمان الى أنحاء ولاية الخرطوم المختلفة نظير مبلغ مالي للسائق.
وتم نصب كمين أمام كبري النيل الأبيض وعندها جاءت عربة الاسعاف بسرعة وهي تستعمل «السارينا وحاول الفريق المنفذ للكمين ايقاف العربة الا ان السائق رفض، وحاول تخطي السيارات أمامه، بيد أن زحمة المرور أجبرته على التوقف، وبتفتيش العربة وجد السائق في حالة سكر ومعه سيدتان من معتادات ترويج الخمور وشخص رابع، واعترفوا بأنهم يروجون الخمور بالاسعاف، وتم تدوين بلاغ في مواجهة المتهمين تحت المواد 21/25/89/97 ق/ج وبلاغ آخر ضد السائق تحت المادة 78 ق/ ج.
الصحافة
ههههههههها دى ما سبقهم عليها زول فى الدنيا كلها , عاوزين يسعفوا السكارى بالعرقى الطازج
خسارة أملي وأملك وآخسارة
يا ناس الحكومة انتوا بوظتوا المستشفيات فقلنا نستخدم عربية المستشفي لما ينفع الناس
البارات مفتوحه فى مصر الازهر .. ومفتوحه فى تونس الغنوشى . وفى المغرب وملكها من السلالة الشريفه .. ومفتوحه فى الجزائر .. وفى الاردن وملكها من السلالة الشريفه .. ومفتوحه فى البحرين ودول الخليج .وقطر . وسوريا والعراق .ومفتوحه فى قصور الامراء فى البلد البعد البحر دى .. اشمعنى يعنى بلد العبيد السودانيين ؟فعلا زى ما قال المثل .. التركى ولا المتورك ..
ديل الظاهر بوزعو خمرة تبية (طبية) زى مافى فرش تبية واحذية تبية ومراتب تبية وهكذا.
ما شاهدته فى السودان فلا يمكن ان نطلق عليه اسعاف فمهمة الاسعاف
الاساسية هى نقل المريض الذى يحتاج لرعاية سريعة الى المستشفى ويمكن اجراء اسعافات اولية كتركيب دربات واعطاء محاليل واكسجين
واذا توقف قلب المريض او جهازه التنفسى يقوم رجال الاسعاف بدلك
القلب واجراء تنفس صناعى، حتى يتم ايصاله لاقرب مستشفى به قسم
طوارئ.
الاسعاف ليس لارجاع المريض من المستشفى لمنزله كما شاهدت فى
بعض المرات.
لكن حكاية خمرة فى الاسعاف هى اخف وطأة من عمايل لا يمكن
ان تصدق، ولقد سمعت ان الاسعاف يتم استغلاله كشقة مفروشة!!!!
عرقي دليفري زول ايجيب رقم الاسعاف ياشباب
والله حيرتونا كل يوم شىء جديد إبليس ماعمله
الحمد لله مرقنا من السودان و خليناهو للكيزان الجزم …بسببهم البلد بقد ما فيها اخلاق و الجرام وصل مستويات ما كان الناس ممكن تتخيلها.
اغتصاب اطفال, سرقه اعضاء, سيارت مظلله تابعه لنافذين (او حتي لو ما نافذين) يحصل فيها زني نهارا جهارا و ما في زول يتكلم..عطاله يدخنو بنقو في الزقاقات المظلمه و ما زول بسألم, حبش فاتحين بيوت دعاره في نص الحله تحت ستار بيع الشاي و القهوه, اختلاسات في كل موسسه و شركه خاصه, انحطات في التعليم,
,رسوم مبالغ فيها لاي اجراء حكومي (مثل تسجيل الاراضي), اتفه عسكري ممكن يوقفك في الشارع و يضيع ليك يومك ساكت, اقتصاد مضروب, عمله ما بتسوي حاجه, عربات تافهه (زي الفستو و الاتوس) سعرها يفوق ال10 الف دولار,
قطع اراضي في الخلاء سعرها يفوق ال50 الف دولار مع انو المواطن العادي دخلو ممكن يكون 2 او 3 مليون بس في الشهر….
الله يكون في عون السودانيين في الداخل و يجعل لهم مخرج…لانو دي بصراحه لا بلد ولا حاجه..
يا ربي دا عرقي دربات ولا حقن — امكن بخاخ