تمديد فترة التوعية المرورية..

سعادة اللواء الظاهر انو جماعتك في ولاية الجزيرة ماسمعو بالتوعية المرورية الجماعة بس شغالين تقطيع ايصالات وهم زاتهم ماعاوزين واحد يكون منطبت همهم كثرة المخالفات وتقطيع الايصالات التي تطبع خارج السودان بمعرفتهم . لانو اقل عسكري مرور في ولاية الجزيرة تشوفو بالمساء وبعد نهاية الدوام الرسمي تقول الزول دا عقيد . ونسبة 80% من افراد مرور ولاية الجزيرة يملكون منازل فاخرة ولديهم عربات مؤجرة تسرح وتمرح وتحمل ركاب وبدون ايصالات والله المستعان على الفقراء

البحصل من ناس المرور عندنا ما شفناه فى اى مكان مشيناه فى العالم .. يااخوان سلطات المرور بره يشهوك انك تركب عربية بقمة الانضباط والسلوك الراقى فى التعامل والابتسامة التى لاتفارق محياهم .. بعاملك كانك داخل فندق … وكل المخالفات البعملوها ليك بتكون مقتنع تماما انها مخالفة وكمان بيوشورات التوجيه مالية الطريق فى طريقة حضارية قبل اى ايصال …ومافى توريد ايصال مباشر لعسكرى ..كل البيحصل انو بيسجل ليك المخالفة وتسددها فى فترة زمنية معقولة… وما فى عسكرى بيقول ليك حل روحك… ولا طيب ما تشوفنا …ولا كدى امشى ورد ليه فى الزير داك ..البحصل هنا بمعلومية كل الناس ماكلة وباب فساد تلاتة ضلف وايرادات المرور ما ماشة الخزينةالعامة لو الناس طقت راسها بالسما ,..اسفى عليك يا بلد ززز

بسم الله الرحمن الرحيم

السيد اللواء مدير المرور

أولا مطلوب توعية رجال المرور أنفسهم قبل المواطن

لأن المواطن يعلم ماهى مواد المخالفه وعليه تجنبها

أما رجال المرور أنفسهم بما فيهم الضباط عليه أحترام المواطن قبل كل شئ

والابتعاد عن اسلوب الاستفزاز والتهديد والوعيد لان هناك من هم فى الشارع العام

لايخافون الا الله سبحانه وتعالى .. بالامس وانا أقف والاشارة حمراء دون وضع

حزام الامان اذا بأحد رجال المرور وهو يوجهنى بوضع الحزام حقيقة كان اسلوبه قبيحا

وتطاير الشرر من عينيه وكأنه فى دواخله يقول (( أصبر .. غدا سأعاقبك ))

ثانيا .. حزام الأمان داخل ولاية الخرطوم لا يفيد لان السرعه لا تتعدى ال20 كلم/ساعه

وذلك للازدحام الشديد وبطء السير داخل الخرطوم..

حزام الامان للشوارع السريعه ..