الحريق (قصيدة)

النار المداقشه السوق وسارفه حرايق….
غمدو منها الكيزان وكسرو المايق….
كان مرقت مظاهره تنصر المتضايق…
كان طفوها ناس الشرطه خمسه دقايق….

ما ها جديده يا بلد الحشا المحروق…
كل ما يوم بتصبح فى بلا ومسروق…
السرفوك حجبن وطلمسوك عروق…
ما بخلوك يا وطن الغوالى تروق ….

الكيزان وصفاقة الحكومه عسوق…
دايرنك مكتف بالفقر موسوق….
شان ارموهو بدو الدفه للمابسوق…
ديل حرقو البلد ما ببالو من السوق…

من الليله ما بنخت قرش فى البنك…
ولا بندفع ضرايب لى حكومة الضنك..
بلدن كان جوبا وحلفا وضواحي الرنك…
هسع همو فى الغاز والرغيف والتنك…

محمد الحسن ابنعوف
[email][email protected][/email]