وزير السياحة : رفضنا دخول باخرة مصرية بسبب “الهشتك بشتك”.. استحدثنا سياحة العلاج بالاستحمام بالمياه الكبيريتية.

130 مليون سنة !!؟
الزول دة جادي ؟

من اين اتو هولاء لم يدخل التحف القومى ومتحف الخليفة فى حياتة واتو بة وزيرا للسياحة وبقوة عين يبشرنا بزيارة خمسة مليون سائح العام القادم دا وزير ولا فكى الحقوا قروشكم يا الشعب الفضل كلها رايحة مخصصات وزراء اخر زمن

إنسان سنجه الزماااااان داك لقوهو يادوب …ولا دا واحد تاني ؟؟؟؟

مامعني هشتك بشتك !!اذا كان المقصود ضبط سلوك السائح وملبسه ومشربه الخ ابشركم مافي زول بجيكم والبجي تاني ما بكررها دي الحقيقة المرة للاسف ‏…

هاهاهاهاهاهاهاهاهاهاهاهاهاها والله شر البلية ما يضحك سبحان الله سلفى ووزير سياحة قمة التناقض لكن ما مستغرب لاننا فى بلد اسمه السودان الملئ بالتناقضات ولو انا كنت فى مكانه كنت رفضت هذا المنصب ولكن للاسف الشديد اغراء المنصب والمال والبدلات اقوى من المصلحة العامة وهذا هو المؤتمر الوثنى يضع الرجل الغلط فى المكان الغلط
كسرة: اليوم تم تاخير الصلاة فى جامع السنهورى لمدة 20 دقيقة لان الرقاص البشير جاء ليعقد لابن المدعو (الشهيد)الزبيرحسن صالح (عروة) ولقد امتلأ المسجد بالحرامية واللصوص والانتهازيين

الهيكل ابو(( 130)) مليون سنة ده، دحين، مودايرلو فتوى، من جماعتك..؟؟..
الكلام ده لقيتو وين..؟؟. في سنار، ولا في بن كثير…؟؟!

*اللهم اجعله خير وزين وصلاة على النبى .. ألأبن محمد الهد وزير السياحه اليوم مبتسم و(على غير العاده) على وجهه بعض انفراج اساريرى نرحو له ان ينداح اكثر.. ونرجو الآ تكون هى ابتسامة ليث نيوبه بارزة او تبسم “اخوانى” فى وجوه البعض ليجعله الله سبحانه وتعالى صدقة جاريه( كلمة جاريه فى موقع “صفة” للصدقه)
*هل لا يزال “وما يمفكو” السياح من ابناء بمبه “وعلى راسهم المرشد والمرسى” يتعاطون “الهشّك وبشّك” ؟ ان كانوا كذلك هل من سبب لتفعيل تعاون سياحى بيننا وما هى تلكم المعوقات التى تمت ازالتها. ؟ الم يرشدوا بعد ولديهم خمسة ملايين من المرشدين ألأطهار؟ الا يزال ابناء بمبه ينتمون الى “غزية”التى ان هى غوت غووا؟ “بس يعنى هى غزية دى امتى حترشد امتى” وفيها المرشد الاكبر والملايين من المرشدين ذوى التاثير التوعوى .. ليرشدوا؟
* هلا تفضل وكيل وزارة السياحه بمزيد من التبيين عن ” سياحة التخييم” اهى كلمة التخييم هذه منبثقة من الخيام “كخيمة ملك ملوك افريقيا السابق القدافى”؟ ام هى مستقاة من البقاء المستدام فى موقع سياحى او دستورى ما؟ ام هى ذات صلة رحم او نسب او مصاهره ب”عمر” الخيام؟
* طيب اذا السيد وزبر الساحه وهو الذى اعترف بانه “لم يحل ازار ناظريه على متحف قط قبل تربعه على سدة وزارة السياحه التى تمثل زيارة المتاحف بما فيها من آثار القدماء وموروثاتهم المتنوعة المرتكزات الثقافيه قدرا من تطلعات السائحين ألأجانب بغية التعرّف على الآخرين وبناء علاقات اكثر حميميه مع اهل السودان .. ايه خلفيتو السياحيه وايه اللى خلآّه يقبل مسؤوليات موقع لم تكن لديه رغبة سابقه او هوى فى معرفة اى جانب من اساسيات ادارته او حتى القيام بزيارةاى من بنياته القاعديه او الهيكليه ليكون لديه سبب للأعتقاد انه قادر على العمل على تطويرها ..المساله لا صلة لها بعدم وجود ثقافة التعريف بمعالم السياحه .. هل طلاب المدارس يزورون المتاحف من منطلق سياحى! يقينى صلة الوزير المتبسم بهذا الموقع هو كصلة من عملت فى مجال التمريض وصارت وزيرن كامل المهنيه لوزارة الصحه واضحت “وزير دولة” فى وزارة للطاقة والكهرباء تكونش انتقلت ” بجامع الخلو من الأمراض والقوة والمنعه والحراره النوعيه) فى كل من الموقعين.

ههههههههههههه
سبحان الله وزير سياحه سلفى
الكيزان ديل قايلين السودان دا نجد
لكن احسن برضو على الاقل هم والسواح من تحت عريانين

انسان سنجه مساله ماجديده يا جهلول باين عليك تاريخ السودان ما عارف عنه حاجه دى حاجات درسناها في السبعينات خلال مرحلة الثانوى العام اى ما يعادل الان الصف الثامن و بعدين وزير عمره ما زار متاحف بلاده التاريخية ولا بيعرف تاريخ من اساسه كيفك يكون مسئول عن السياحه وهى جزء لا يتجزأ من ثقافة الامه

عليكم الله ارحمونا شيلوا مخصصاتكم وامتيازاتكم ورواتبكم وحوافزكم بس اقعدوا في بيوتكم وخلوا الوزارات دي لناس العلم والله نحن راضين عشان البلد دي تمشي لقدام وامسكوا الزول الكذاب ده لازم يورينا من وين جاب الارقام دي 130 مليون وخمسة مليون الله الا يقيف في مطار الخرطوم يعد المغتربين اللي جايين زيارة ويرجعوا تاني وذي بتاع المغتربين ده اللي قال تحويلات المغتربين 3 مليار دولار ولسه قاعد حرام عليكم نحن خلاص قرفنا من نفره خضراء ونفره صفراء ونأكل ممانزرع

Hashtikna wa bashtikna yareis, Enta raeis walniaema kwais. Not because they are so religious ,they have turned back the ships, but because we have enough dancers locally, starting from very high levels(you got it)i.

قال : اكتشفنا هيكل لإنسان عمره (130) مليون سنة في منطقة سنجة بولاية سنار،

كلامك بالحيل صاح.. ده الوالى بتاعكم أب وشا طربيزة لحام بس قام بعاتى.

ده أخو الحاج ساطور؟

أقدم هيكل للأنسان هومو سابينز عمره 195 ألف سنة فقط الظاهر السيد الوزير قصده بالأف وليس بالمليون

Who is that . a TALABAN …..

5 ملايين سائح العام المقبل،

بدايه موفقه ياهدهد.. السنه الجايه نعمل عمك تنقو وورلد ننافس بيها ديزنى وورلد…والبعدها نعمل خازوق فى البرازيل ونسحب منهم كاس العالم…والبعدها نعمل رالى بتاع رقشات…وما تنسى يا هدهد البث التلفزيونى من قمرنا الصناعى ام شبتو ون حيخلينا نقول للجنوبيين بترولكم ده موصوهوا واشربوا مويتوا.

الكلام ده كله كوم .. وقصت الموية الكبريتية الحارة دي كوم .. دحين السياح ديل حيستحموا فيها كيف ووزير السياحة انصار سنه حيستحموا بهدومهم ولا حيعملوها حمامات ولا النظام شنو .. غايتو انا ما بعرف استحمه الا ام فكو..انا شايف الوزير ده بخت نفسه في حتات ضيقة خلاص ..

اذا كان هذا الانسان فعلا عمره 130 مليون سنه ..فهذا يعنى انهيار نظرية التطور لدارون..وتثبيت لراى الاديان السماويه اليهوديه والمسيحيه والاسلام ان الانسان خلق من طين.ولاعلاقة له بنظرية التطور .وبهذا يكون انسان سنار هذا اخطر كشف علمى عثر عليه حتى الان ؟؟
وعموما فان مسالة من اين اتى الانسان .اختلف فيها الناس كثيرا.
فالحضاره السومريه قبل سبعة الاف سنة ذكرت ان الانسان اتى الى الارض عن طريق تزاوج كائن فضائى يسمى انونوكى مع بويضه قرد {طفل انابيب} ليقوم هذا المخلوق الجديد بالعمل فى تعدين الذهب لتغطيه طبقة الاوزون التى اتى منها الانونوكى الذى يسكن كوكب اخر غير الارض .وكان التعدين يتم بجنوب افريقيا .ومن هنا انطلق الانسان الاول.
اما النظريه الثانيه وهى راى الديانات السماويه وهى احدث من السومريه وتتفق فيها الاديان السماويه اليهوديه والمسيحيه والاسلام بان اصل الانسان خلق من طين كما هو معروف .
اما احدث نظريه علميه ويومن بها الغرب عموما فهى نظريه التطور التى ترجع اصل الانسان وكل الحيوانات الاخرى الى بكتريه بدائيه تطورت بمرور الزمن ونتج عن ذلك كافة المخلوقات ؟