خبيرة التجميل هديل عبد الحليم: لا توجد خبيرة تجميل في السودان غيري تحمل شهادة خبرة عالمية ..!!
*الخرطوم: تفاؤل العامري
شنت خبيرة التجميل هديل عبد الحليم مقدمة برنامج (مع هديل أحلى) على قناة (قوون) الفضائية هجوماً عنيفاً على بعض اللائي وصفن أنفسهن بخبيرات التجميل، وقالت هديل : ( إن إطلاق مصطلح خبيرة لا ينطبق على صاحبات مراكز التجميل لأسباب عديدة)، لافتة إلى أن معظمهن أخذن كورسات فقط في هذا المجال وأصبحن يمارسن المهنة من خلال مراكز التجميل التي انتشرت في الفترة الأخيرة بصورة مدهشة، إضافة إلى عملهن في برامج تبث عبر المحطات الفضائية، وهذا لا يؤهلهن إلى تقديم ما يفيد المرأة من الناحية الجمالية، وتابعت مقدمة برنامج (مع هديل أحلى ) قائلة: (العمل في هذا المجال هو موهبة في الأصل تصقل بالدراسة)، مؤكدة أن السودان لا توجد به خبيرة تجميل حاصلة على شهادة خبرة عالمية أو شركة تجميل سواها.
وطالبت هديل بضرورة اهتمام من تطلق على نفسها خبيرة تجميل بشكلها حتى (لا يصبح باب النجار مخلع) ـ حد تعبيرها ـ كي تلفت انتباه زبائنها بالمركز، فلا يعقل أن تكون (الخبيرة) بعيدة عن الجمال والأناقة و (الميك آب) المثالي وتحاول أن تمنحه لغيرها، مؤكدة أن الجمال ليس بهرجة وإكسسوارات. وختمت هديل حديثها بقولها : ( أسعى لتأسيس أرضية متينة لعالم الجمال في السودان والقصد من رسالتي العمل على توعية المرأة بمفهوم الجمال لا المكاسب المادية، وأحرص على استضافة أطباء عبر برنامجي حتى يعملوا على تقديم مشورة علمية صحيحة لكل السيدات)
فنون
هههههههههههههه دي شديدة دي تقول عندها شهادة في الفيزياء النووية فرحانة كدي ..
كلكم علي بعضكم افسدتوا الذوق العام وخليتوا البنات اشبه بالمهرجات .مستوي المكياج والقرف الحاصل في السودان احسن منو دق الشلوفة والشلوخ
يا ناس ارحمووووووووونا والله كرهتنونا السودان واسم السودان زاتو. الناس بتبحث عن اكل وشراب وماوي ودي الهبلة دي بتتكلم علي انها هي الوحيدة العندها شهادة تجمييل عالمية عليك الله بالله قومي لفي كدي نحن ما ناقصين شهادتك. قال شهادة خبرة عالمية والله احلي من الجمال الطبيعي ماف امشي اعملي ليك شهادة عشان الناس تستفيد منها.
اللهم جنبنا الكوارث والمحن ما ظهر منها وما بطن.
قومى لفى كدة
غاشة نفسك .شفت اللبنانية فى MBC
مع جويل احلى شفتى الشغل واقف فى محل الكوافير
وناس قون ما عارفين يقدموا برامج او ماعندهم من الاصل
والاغرب ان يكون على قناة قون الرياضية تاس خلوا الكورة وقبلوا على التمير وغسيل العدة
احلى حاجة شفت حلقة واحدة جاية بالركشة ومن امبدة عايزة تبقى احلى وفعلا اشتغلوا عليها
لكن حاتمشى الى بيتهم بشنو شئ كدارى شئ ركشة شئ بصات الوالى
لا المكان ولا المكانة
هيييييييييييي وتاني هييي جنيتي انتي قومي بس فاكاها في نفسك قال خبره عالميه ! ههههههه نسيتي نفسك نسيتي لمن كنتي بتقدمي برنامج لمسه في قناة النيل الازرق وانتي بنفسك كنتي عباره عن مقدمه فقط وبتستضيفي خبيرات في التجميل وكنتي بتحاولي تاخدي منهم المعلومات بأسئلتك الكتيرة ومسيخه وكأنك عايزة المعلومات لنفسك انتي وبس وشويه شويه عملتي ليك قمبور وشويه اجهزة ودعم من قناة قوون كمجامله منهم ليك في النهايه عايزة تعملي لينا فيها جويل وكمان سارقه طريقه الاسم(مع جويل احلى)(مع هريدي اشنى) ههههههههههه ظزززز ! انتي نفسك عايزة صيانه الرجول تحت جوبا وباقي الجسم بياض بالقوة والكريمات ياككو انتي
هي بتتكلم في حدود مجالها المهني
وفعلا كتيرات بيسموا نفسهم خبيرات تجميل وبطلعو لينا
او بطعلوا اشكال لعرايس او موديلات والله هم ابعد ما يكونوا عن التجميل
وكمان قال بقدموا برامج عن التجميل
والمشكلة انه النساء بعتقدو انه فعلا خبيرات وبيقتدوا بيهم
وهم من افسدوا شكل واسم المكياج في مفهوم المراة او البنت السودانية
انا ما شفت برنامجك يا هديل على التلفزيون
لكن مستوى الميك اب بتاعك ممتاز جدا في الصورة دي وقبل كده شفتك
في برنامج في النيل الازرق اعتقد مكياجك هاديء وبسيط وجميل
لانه فعلا المراة السودانية محتاجة لتوعية في الناحية دي
وانه المكياج ما الوان ولكن المكياج لابراز مناطق الجمال واخفاء العيوب
ويلا ايدنا معاك لتغيير مفاهيم التهريج في مجال الميك اب
الطالعين فيها ناس قريعتي راحت
سبحان الله السودانيات اصبحن ما عندهن شغلة سوى الميك اب دى ثقافات دخيلة علينا ويا ليت بعرفن ليهو واللة فاضحننا فى الغربة فى فضائياتنا كانهن مارضيانان بخلقة الخالق عز وجل استحن على وشكن
غايتو كان هديل هى صاحبه الصوره الفوق دى ,,, عسسسسسسسسسل بس والله أحلى من العسل وتستحقى دكتوره فى التجميل زى بتاعة فيصل بتاع التمثيل داك البقول دقيقتين بتلاثه قروش بس ؟؟؟؟؟
صراحه اشهد انها خبيره ومعلمه وشاهدت بعض حلقاتها ربنا يوفقك وفعلا نحنا محتاجين لمن يصنع الجمال ليس الكسب المادى فقط
مافي زول بهدلني غيرك
شلتي قروش عالفاضي
ماعافية ليك،،،،،،،
،،،،،،،،،،،،،،،،،،،،،