خبراء يحددون منطقة ترسيم الحدود بين الشمالية ودارفور
حدد خبراء في ورشة ترسيم الحدود التي تنظمها اللجنة الفنية لترسيم الحدود الشمالية لدارفور، ان المنطقة المراد ترسيمها بين الولاية الشمالية وشمال دارفور تقع بين خطوط العرض 30 و16 و20 شمالا.
وتطرق المستشار العام بوزارة العدل والخبير القانوني بلجنة ترسيم الحدود معاذ أحمد محمد تنقو خلال الورشة امس الى اهمية الحدود الداخلية والدولية للدول ودورها في السيادة، مشيرا إلى أن اللجنة الفنية لترسيم الحدود لدارفور بذلت جهودا مقدرة وانجزت مهامها بكفاءة ومصداقية وبحثت في تاريخ حدود دارفور والولاية الشمالية مع الجهات المعنية بالولايتين.
من جانبه، قدم عضو اللجنة الفنية لترسيم الحدود الشمالية لدارفور ممثل ولاية شمال دارفور الحافظ علي المهدي سبيل ورقة تناولت الحدود الشمالية لدارفور مبينا انها تقع في حزام الإقليم الصحراوي خط عرض 15 إلى 30 شمالا حيث تمتد المنطقة المعنية بين خطي عرض 30- 16 ش وخط عرض 20 ش وهي امتداد طبيعي لمنطقة الصحراء الغربية التي تمتد على طول المنطقة التي تقع غرب نهر عطبرة، بحيث تبدأ معالمها الصحراوية ابتداء من مسافة تبعد ما بين 5 -10 كلم غربا وتمتد بحيث تصبح جزءا من الصحراء الكبري.
واشاد رئيس مجلس إدارة الهيئة العامة للمساحة بروفيسور عبدالعظيم عباس الحاج بالجهود التي قامت بها اللجنة الفنية لترسيم الحدود الشمالية لدارفور، مستعرضا الجهد الذي بذلته في الحصول علي الوثائق من داخل وخارج السودان موضحا أنها انجزت عملها بكفاءة واقتدار.
واشار للمساحات الممتدة التي يتم فيها الترسيم وقال إنها غالبا ما تتسم بالعفوية وتحتاج لوسائل متطورة مثل الطائرات العمودية الأمر الذي يسهل المهمة.
الصحافة
شكلو السودان حيبقي قارة الجنوب ينفصل و دارفور تنفصل والشمالية تنفصل و الشرق ينفصل وتبقي قارة السودان
اتمني ان لا يحدث هذا
التسخينة بدت …….. يرسمو الحدود تمهيدا للغد …… وبكدى دارفوريين لو قالو كدى ولا كدى يقولو لهم حدودكم ياهو جاهز شيلو وامشو ……… اللة عليك يا وطن
أنا عندي أطلس جمهورية السودان القديم ومحتفظ به في مكتبتي منذ عام 1963م مع كمية من الكتب والمناهج الدراسية القديمة أي قبل السلم التعليمي ، وحدود دارفور الإدارية مبينة فيها بالتفصيل الواضح ولا يمكن التشاطر أو الفهلوة علي أحد في الحدود والأرض لأنها واضحة . والإدارات الأهلية في شمال دارفور يعرفون حدود إداراتهم بالمعالم الطبيعية والجغرافية لذلك كفاية شطارة !
اه دايرين تفصلوها متين اكان الله هون شيتا جابتليها خبراء ما ساهلة
الله يحرقكم زمان ضد الشيوعية وبعد سقوطها انتهى دوركم والان تنفذوا فى كل شئ ضد الوطن والمواطن والله مافى مكان بيبقى ليكم وطن موهومين مش لو طلعتو مال الدنيا كله وبيتو عمارات وعمارات لا أحد يعطيكم وطنه لمالكم وتشوفوا —ده غير الملاحقات القضائية ومحل ما تروحوا بالنت ومحامى وقضيه
خلوا البلد ده فى حالوا وزيكم وزى القبلكم سجمانين والقبلكم احسن كان عندوا شخصيه والان لا شخصيه عسكريه ولا مدنية
كبف يتم ترسبم حدود دار فور مع الشمالية واهل دا رفور مشردين خارج ارضهم ومع مين يتم اتفاق ترسيم الحدود دى سرقة اراضى الغير بغير وجه حق . هذا غير معقول ولا يعقل نعرف أسرائيل يحتل الاراضى بالأمر الواقع لكن يحصل فى السودان بنفس الطريقة فيه نظر. ولماذا لايتم ترسيم حدود بين الشمالية والوسط أو بين الشمالية والشرق مثلا ولا عازين تفصلو دارفور كما فصلتم الجنوب بمزاجكم من هسع قبل أن يعلنو الانفصال قد تكونو هبرتم الجزء الاكبر لصالح الشمالية . خافو الله ياعالم ليوم لاينفع فيه مال ولا بنون الركض خلف الحياة الزائئة الله الله ينتقم منك يالبشير ويحفظ وحدة السودان
يا ريت يا امبدة ترسل لينا الخريطة القديمة عشان نظهرها فى النت وننشره فى كل الجرائد والفيس عشان الناس توعى وما تتخم.
ايوا خليكم كيدا ارسموها من حسى عشان ما يكون فى حدود اعوج لو نحن دايرين نعلن الاستقلال بعد انفصال الجنوب طوالى بعدين اعملو حسابكم راس دارفور دا خلوها زي الاو فالمربع الفوق الخاشى جوا دا اصلا طابع لدارفور وبلاش عونطا الشمالية ما عندها ايى حدود مع لبييا الغنية بالنفط