بنك السودان : قرار وشيك بتعديل السعر الرسمي للدولار

إذا وداد بابكر براها خلت قروشها كلها فى بنك السودان الدولار سعره يصبح ٤ جنيه.

غايتو الكذب عندكم زى شراب الماء ياراجل خاف ربك ياتو مغترب قاعد يحول عن طريق البنوك وبعدين من وين ليكم ايرادات تجيب دولار ولا انتو بتكذبو وتصدقو كذبتكم اذا لم تغيرو من سياستكم لن يهبط الدولار وبنك السودان لا يملك السيطرة على سعر الدولار بلاش كذب وافتراء اها اعلنو الدولار بي 2 جنيه الكلام سهل بس كيف ينزل للواقع ان شاء الله تفهمو يا الجيتو غلط عالم ماتفهم

مافي اي واحد من المغتربين بحول ليكم عبر القنوات الرسمية يامجرمين ما تغشو نفسكم ساي والله انا اضمن ليكم مافي اي واحد معانا هنا في الولايات المتحدة حصل رسل عبر البنوك نحن بنرسل عبر دبي ومنها الي السودان والبركة في تجار دبي السودانيين علي الاقل فرق السوق الاسود دا لو كان جنية يستفيدوا منو اهلنا مش اصحاب الكروش النتنهالحرامية

اليوم الذي يقوم فيه المغترب بالتحويل الى السودان عبر القنوات الرسمية يعني ذلك أن الوضع الإقتصادي قد تعافى تماما ( أتمنى ذلك )

دقسونا…دقسونا…
نحنا ما عقول الطير زى ماقال والى الخرطوم
ونحنا ما سفهاء زى ماقال الخضر الوالى
ونحنا مافارغين زى ماقال الوالى عبدالرحمن شرارة!!
= ***يامولانا نائب محافظ بنك السودان يابدر الدين محمود عباس…نهدى ليك أغنية المرحوم خوجلى عثمان:-
*** يابدر السرور الهلا….ده الخرب البلاد والحلة!!
=***( وقال: إن زيادة التدفقات النقدية للعملات الأجنبية بالبنوك نتجت عن زيادة تحويلات المغتربين والمصارف والصرافات والصادرات والتحويلات الأخرى وزيادة ايرادات الذهب حيث تمكن البنك المركزي في الفترة الأخيرة من شراء (4) أطنان ذهب خلال اسبوع واحد بقيمة (50) مليون دولارا للطن.)انتهى كلام نايب المحافظ!!
=***يامغتربين انتو حولتو؟؟؟
=***خلونا فى صادرات الذهب…حسب كلام بدور القلعة وجوهرة…4طن ذهب فى الأسبوع بقيمة50 مليون دولار للطن!!!!!!طيب ماشى…يبقى فى الشهر بتشترى 16 طن وفى السنة 208 طن من المعدنين الأهليين …يعنى فى السنة دى يابدرى عائداتنا من الذهب وحده10 مليار و400 مليون دولار…(الكترابة)!!!وهو حاصل بيع 208 طن ذهب صادر لعام 2013مع انو السنة الفاتتوحسب تصريح رئيسك محافظ بنك السودان سعادة محمد خير الزبير وكما هو منشور بجريدة الصحافة السودانية بتاريخالخميس 20 ديسمبر 2012…قال المحافظ (أن الايرادات من صادرات الذهب وحتى اليوم 20 ديسمبر2012 بلغت 2.5مليار دولار ناتجة عن بيع 41 طن ذهب)…
فكيف السنة دى حيتضاعف انتاج الذهب من 41 طن الى 208 طن يعنى خمسة أضعاف…وأمبارح ياسعادتك حقول الذهب فى جبل عامر بشمال دارفور أغلقتها الحكومة لسوء الأحوال الأمنية فى دارفور…وتانيا…بنك السودان بيشترى من ناس التعدين الأهلى بواسطة 5 وكلاء كلهم موجودين فى عمارة الدهب جنوب جامع الخرطوم العتيق…وفى شهر فبراير كان البنك بيشترى فى المتوسط 300 كيلو يوميا بسعر 320ألف جنيه للكيلو…ولأنو الدولار الجمركى 4.7 جنيه فكان البنك بيشترى من التاجر بسعر الدولار 7 جنيه ويبيعو عالميا بسعر 4.4 جنيه…يعنى بالخسارة…قام البنك خفض سعر الشراء من المعدنين من 320 ألف جنيه للكيلو خفضو الى 270 ألف جنيه للكيلو…طبعا التاجر ماحيقبل الخسارة …فالتجار وقفو البيع للبنك فانخفض كمية الذهب المشتراة بواسطة البنك من 300 كيلو فى اليوم الى حوالى 50 كيلو فى اليوم واتكتب الكلام ده فى جرايد حزب الحكومة…والتجار بيقو يهربو الذهب الى تشاد واثيوبيا واريتريا ومصر بدل مايبيعو لناس بنك السودان…بعد ده كلو ياشاطر تجى تقول متوقعين تصدير 208 طن السنة دى بعائد10 مليار و400 مليون دولار!!!!والله عيب عليك صحى نحنا بلدا وعقلنا عقل طير وماناقشين أى حاجة وفارغين ومفلفلين شعرنا …لكن كمان ماللدرجة دى…وبعدين ياخى انت والمحافظ مكاتبكم ماقريبة من بعض!!!!ولا كمان متخاصمين زى قطبى وعلى عثمان ومابتسلمو على بعض!!!
=*** اما البترول طبعا لسة مامر فى الأنابيب …وزى ماقال على عثمان لينا فى الرميلة يوم جاء يفتتح المدرسة الضربوها جير هو والوالى…والوالى قال (دقو الطار)…واحد من المواطنين سألو عن تصدير بترول الجنوب فالنائب الأول لرئيس الجمهورية وبعضمة لسانو طمنا وقال لينا…والكلام ده قبل مايسافر ألمانيا(مستشفيا!!!!)…قال لينا(بترول الجنوب انسوهو لأنو من اليوم وحتى نهاية يونيو ما ح يكون فى غير (الصفافير فى الصنابير)…والله قال الكلام ده واتكتب فى الجرايد…يعنى برضو زيادة دولارات من مرور النفط بتاع الجنوب مافى قبل يوليو…وياسيد بدر الدين السودان استهلاكه من النفط يوميا وبعد الانفصال 110 ألف برميل يوميا…صاح…طيب بما انك راجل قارى ومتعلم ومتخصص أقول ليك كلام صندوق النقد الدولى ووكالة الطاقة الدولية عن بترولنا…وانت عارف الحاصل…بس عشان نوريك نحنا ماناقشين والمؤمن صديق فبنصدقكم..مش على محمود قال مافى معاناة ولاغلاء فى المعيشة ابقى نحنا أكيد هوالين…لكن نحن ياعلى كسرة بنشترى من بقالة قدر ظروفك..وبناكل (أصبر)!!..وانت بتشترى بالتروللى من سوبرماركت الأنفال !!!فاسمع ياأيها البدرى:-
The oil sector as a percentage of GDP has declined precipitously following Southern secession. Oil now provides only 20 ? 25 percent of revenues going to the regime; and beyond this massive loss in revenues, the oil sector now accounts for only 3 ? 5 percent of gross domestic product (GDP), down from about 15 percent, according to the IMF.

Oil production is also being consistently overstated by Khartoum in order to suggest that more foreign exchange will be received than is the case. The “Medium-Term Oil Market Report 2012” by the International Energy Agency (IEA) puts current production in Sudan at 70,000 barrels per day, rising to 90,000 bpd in 2014 and dropping back to 60,000 in 2017. And yet long-time Sudanese oil minister and NIF/NCP stalwart Awad al-Jaz claims that Sudan is currently producing 120,000 bpd, which may rise to 150,000 bpd by the end of 2012. Gross misrepresentation of data is nothing new for the regime, but such transparently motivated manipulation of key figures is a sign of just how desperate the economic crisis is, and how urgently Khartoum feels the need to be perceived as having or receiving more hard currency than is credible.

Notably, in its April 2012 semi-annual World Economic Outlook, the IMF changed the classification of Sudan: from an oil exporter to an oil importer, making nonsense of al-Jaz?s claim.

=يعنى بتطلعو 70 ألف برميل والشركات نسبتها من 50 الى 66%…فحقل برصاية أو الحقل رقم 17 والتى تشرف عليهو شركة النجمة اليمنية انتاجه يوميا 6 ألف برميل لكن نسبة الشركة من الانتاج66%..ومكتوب فى الجريدة..وانت عارف..وهجليج عارف موضوعها…وحقل حديدة أو الحقل6 انتاجه 10 الف برميل…لكن الخلاف بين شمال كردفان وشرق دارفور خلا الجاز يقفل الحقل……وفى جريدة الصحافة بتاريخ20 ديسمبر2012 فال السيد محمد خير الزبير محافظ بنك السودان( استوردنا بترول لسنة2012بمبلغ واحدمليار و400 مليون دولار…يعنى بترول برضو مافى…والدولارات الوحيدة الجات السنة دى من بدايتها لليوم مصدرها الخبر التالى والمنشور فى جريدة الصحافة يوم الثلاثاء الموافق5 فبراير:-
(قال وزير ومصادر تجارية أن السودانباع شحنة نفط متنازع علي ملكيتها من حقول جنوب السودانبعد انهيار محادثات الجانبين بشأن رسوم نقل النفط…وكشفت مصادر نفطيةأن السودان وقع الأسبوع الماضىبعد جولة ثانية من المحادثات الفاشلةعقدا مع شركة من الاماراتلها صلات مع الخرطوم لتصدير النفط من مستودعات تخزينفى السودان…وقال وزير الخارجية السودانى على كرتى أثناء زيارته الى ألمانياالأسبوع الماضى أنه تم ابرامالعقد وأن الصفقة تتضمن تصديرمليون برميل من خام مزيج بترودارالجنوبى المنشأعلى اساس تسليم ظهر السفينة وقال برنابا بنجامين وزير الاعلام فى جنوب السودانأن تلك الأموال تخص جنوب السودان وأنهذا النفط مخزن منذ الأزمة…)انتهى…يعنى قلع عديل وكلها كم 100 مليون دولار تم تسليمها للسيسى…!!!وطبعا زى ما انت عارف أول البترول الجنوبى مايمر فى الأنابيب لازم تسددوا ديون بنك الصادرات الصينى الممول لكل شركات النفط الصينية العاملة بالبلاد…والبالغ قدرها 100 ألف برميل نفط يوميا توقف السودان عن دفعها لبنك الصادرات الصينى منذ 6 نوفمبر2011…صاح ولا لأ!!!
=***أما السمسم فحكايته حكاية…واسمع معانا يابدر الهلال الهلا…جاء بصحيفة الصحافة الصادرةبتاريخ28 فبراير2013 مايلى:-…(كشف منتدى سياسات الأمن الغذائىفى السودان أمس عن أن انتاج السمسم المتوقع لهذا العام نحو 563 ألفطن بزيادة201%من العام الماضى…)!!ماشاء الله عينى باردة!!…لكن …ويافرحة ماتمت…اقرأ ياسيدى نائب محافظ بنك السودان معنا نحن الداقسين والدايشين ماجاء فى جريدة الأهرام اليوم بتاريخ 7 فبراير2013…:-ز..(…أعلنت مدير نقطة السودان التجارية آمنةعبدالله عن تزايد الطلبيات العالميةعلى السمسم السودانى التى ترد عبر الانترنت ولاتجد استجابةمن قبل المصدرين..وأشارت الى أن سعر طنالسمسم بلغ أمس حوالى 1550 دولار…وعزت عزوف المصدرين عن تلبيةالسواق العالمية للتكلفة العالية للانتاجللسمسم محليا!!أما رئيس غرفةمصدرى الحبوب الزيتية وجدى ميرغنىومدير شركة محجوب اخوان احدىالشركات المصدرة للسمسمتوقع تصدير 300 ألف طن بعائد يتجاوز 300 مليون دولار اذا وافق المصدرون على السعر المقترح…) انتهى كلام الاهرام…لاحظ أنمنتدى سياسات الأمنالغذائى فى السودانقدر الانتاج ب 563ألف طن…والمصدر يقول 300 ألف طن اذا وافق المصدرون على سعر 1550دولار للطن!!!!أها رايك شنو!!!!
=***أما زهرة عباس الشمس فقد انخفض الانتاج الى 86 ألف طن بما يقل عن7%عن انتاج موسم 2012!!!!
+**** وفى صحيفة أخار اليوم بتاريخ8 يناير 2013 تحدث رئيسك محافظ بنك السودانعن السكر فقال…(فى جانب السكر المصانع القائمةأنتجت 240 ألف طن منها 140 ألف طن من سكر النيل الأبيض…نحن نستورد 500 ألف طن سكر فى السابق فاذا خصمنا 240 ألف طن انتاجنا لهذا الموسم فنحن سنستورد فقط حوالى 250 ألف طن سكر…)..كلام جميل……لكن فى صحيفة الصحافة وبتاريخ20 ديسمبر2012 قال محافظ بنك السودانأننا نستورد هذا العام 400 ألف طن سكر لسد الفجوة!!!!شفت اللعب كيف…انحنا مانايمين ونشخر وانتو أكتبو زى مادايرين…بعد الاستيراد للوقود والسكر والقمح نحتاج 3 ملايين طن استهلاكنا بقيمة 800 مليون دولار حسب كلام وزير المالية…وفى جريدة الانتباهةبتاريخ 16 يناير2013 وفى لقاء مع وزير الدولة بالنفط فيصل حماد قال وبالحرف الواحد:-…(الجازولين نستهلك 5 الى 6 ألف طن يوميا أى مايعادل 150 الى 180 ألفطن شهريا…بينما انتاج المصافى حوالى 90 الى 100 ألف طن شهريا..فيتم استيرادحوالى 60 الى 80 ألف طن شهريا لسد الفجوة..) انتهى كلام فيصل الفيصل…..!!!
=*** اها ياجماعة الخير بعد ده كلو تقولو رفعنا العائد من العملات الصعبة ب 30% خلال الثلاثة أشهر نسبة لتحويلات المغتربين والعايد من الصادرات وتناقص الاستيراد…ولذلك نتوقع انخفاض الدولار مقابل الجنيه!!! شكيناكم على الله نحنا عقول الطير…بغاث الطير…السفهاء..الشحادين..شذاذ الأفاق…ناس الراستا المفلفلين وماجايبين خبر!!!انتو الماجايبين خبر…وقررررررررررربت!!
=***

الله يبارك اخوانا في السوق الاسود ويرزقهم بالحلال هم اكثر امنا وامان وثقة من بنوك الاسلاميين ونقول شكرا يا بنك السودان علي خدماتك شوف ناسك وين ما تشيل هم لينا نحنا كمغتربيين لأنكم شردتونا وهجرتونا من بلدنا وابتعدنا من الاهل من سنين ولكن الحمد لله
يا المغتربيين اياكم ان تحولوا اموالكم بالبنوك او الصرافات لأن النظام يقوم بشراء الاسلحة لقتل اهلكم
تأكد اذا حولت دولار واحد عن طريق البنوك او الصرافات ساهمت في قتل مواطن برئ والعياذه بالله