مدرب الهلال يهدد بالرحيل بسبب هتافات الجماهير
هدد الفرنسي ديجو جارزيتو المدير الفني لفريق الكرة بنادي الهلال السوداني بالرحيل عن تدريب الفريق بسبب هتافات الجماهير ضده.
وكان الفرنسي جارزيتو قد تعرض لانتقادات وهتافات من بعض الجماهير على الأداء الذي ظهر به الفريق أمام الأهلي الخرطوم وتعادله بدون أهداف في الجولة السادسة للدوري السوداني الممتاز.
وقال جارزيتو لموقع في ساعة متأخرة من مساء الثلاثاء إنه سيقرر الرحيل بعد مباراة الفريق أمام سيوي سبورت الإيفواري يوم الجمعة القادم في دوري أبطال أفريقيا إذا تواصلت هتافات جماهير الهلال ضده كما حدث في مباراة الأهلي الخرطوم.
وأضاف “واثق أن الجماهير ستهتف لي بعد المباراة الأفريقية أمام الفريق الإيفواري” ، إلا أنه انتقد سلوك بعض الجماهير التي تهتف ضده في كل المباريات.
كووورة
يا جماعة غارزيتو دي بقول أنا ماشي والغريب إنو ما في زول بقوليه ما تمشي ، والأغرب إنه ما بمشي ولا عايز يمشي ، بالمناسبة ما زمبي كان يأخذ كأس أفريقيا بقوة أداء لاعبيه وتصميمهم وإرادتهم ، وكذلك الأهلي المصري. يعني غذا كان المدرب بجيب كاس كان حسام البدري جاب كاس للمريخ ، والغريب إنه لم يؤهل المريخ إلى أي مرحلة في كأس الأبطال ، والسنة البعدها مباشرة تمكن النادي الأهلي المصري من انتزاع الكأس من الترجي برغم أن مدربه هو نفسه حسام البدري ، والأهلي كان في أسوأ أعوامه . دي كيف بالله؟ تفتكروا بعد الشرح ده كله مني إنه غارزيتو قادر يجيب حاجة للهلال ؟ ولا أي مدرب آخر؟
يبقى الكاس للهلال أو المريخ أو أي فريق بجي بالجد والمثابرة ، والأداء الرجولي والعزيمة والإصرار . مش بدفع القروش للبستاهل والمابستاهل من مدربين ومساعديهم ، ولاعبين أجانب ووطنيين ضموا إلى كشوف الكرة بالواسطة والبيع والشراء.
طيب ما تخلى عندك دم وترحل انته ورئيسك ود البرير الله يخرب بيتكم مسختوا علينا الهلال
لا بالله ياعم غارزيتو اوعك من هكذا قرار احسن الهلال يتبهدل من بعدك 0 شوف بالله العجوز المخرف دا انت قائل نفسك مدرب انت فاشل فاشل ياغارزيتو انت خدمتك الظروف ولقيت ليك رئيس ماعارف الف باء الاداره انت اصلآ بعد الجمعه لن يكون لك مكان فى نادى الهلال وذلك بامر الجماهير احزم حقائبك من الان يافاشل يانفخه كذبه حريقه فيك وفى البرير
القشة ما تعرليك
ويا يوم بكرة ما تسرع الجمعة قربت
اخير ليك تلبس خوذة لان مش هتاف شكلها كدة حايكون فبها جديع
البيبسي قدامك وترحل!!
عليك الله طير ياخ
لاكين تمشي وين من الجنينة الغفيرا نايم دي
قطر عجيب .
أنت كمان قايل نفسك سيادة الرئيس ولا شنو؟
جمهور غبى .. غارزيتو مدرب مقتدر و مميز و يكفى إنو حقق كأس الأندية الأبطال مع مازيمبى فى الوقت الكان الهلال فيهو بياخد فيهو أربعة و خمسة صفر من مازيمبى .. عايزنو يصنع من الفسيخ شربات و فى يومينة كمان ؟؟ حقيقى جمهور جاهل
خبر عاجل؟؟
بعد صلاة الجمعة انشاء الله؟؟
الكاردنال رئيسا للهلال؟
عودة سادومباوهيثم مصطفى وعلاء الدين يوسف لحظيرة الهلال من جديد؟
البرير وغارزينو ومن معهم فى مزبلة التاريخ .وينتهى العزاء بانتهاء مراسم الدفن ؟
يسلم فمك يا سليم الذوق ياخي ريحتني راحه ما بعدها راحه