الشرطة : الخرطوم أكثر عاصمة آمنة في الدنيا
الخرطوم: أكد والي الخرطوم،الدكتور عبد الرحمن الخضر، ان حكومته أصبحت أكثر اطمئناناً على الأحوال الأمنية من ذي قبل «غير ان الكمال لن يتحقق الا بعد معالجة تفلتات بعض الشباب وليس النيقرز الذين صار لا وجود لهم بعد أن حسمتهم الشرطة ،وان الشباب المتفلت أصبح معروفاً وهم يمارسون تفلتاتهم كـ«موضة» افرزتها الظواهر الاجتماعية» معلناً العمل على زيادة قدرات الشرطة وتطويرها لاجتثاث هذه الظاهرة وغيرها.
وقال الخضر، خلال مخاطبته صباح امس المؤتمر القطاعي لشرطة ولاية الخرطوم ، ان الهدف الاستراتيجي لحكومته هو تواجد دوريات الشرطة في كل المواقع ،وتوفير دورية لكل حي من أحياء الولاية البالغ عددها «1760» حياً ،مشيراً الى ان الهدف قطع شوطاً طويلاً وسيتحقق قريباً .
وأعتبر الوالي أمن الولاية ،مسؤولية تنسيقية مشتركة بين الحكومة الاتحادية والولاية ،مؤكداً ثقته في قدرة الشرطة وحدها «اذا استكملنا احتياجاتها» في تأمين العاصمة .
وكشف عن تعليمات مستديمة لوزارة المالية بالولاية بسداد «3» شيكات رئيسية شهرياً هي: «شيك التأمين الصحي وشيك الشرطة وشيك خدمات الصحة والتعليم والدور الايوائية والخدمات الاجتماعية» ، موضحاً ان شيك الشرطة يذهب لمواجهة أكبر تحدٍ واجه حكومة الولاية في الفترة الأخيرة وهو معالجة تسرب الجنود من الشرطة .
وشدد الفريق شرطة عادل العاجب على ان الجريمة في العاصمة محدودة»مهما كثر حديث الناس عنها» ،وجدد التأكيد على ان الخرطوم أكثر عاصمة آمنة في الدنيا.
وقال ان الدعم الذي توفر لشرطة ولاية الخرطوم يجب أن يوجه بأكمله لمواجهة أكبر تحديات تواجه الشرطة ممثلة في الوقاية، أي مرحلة ما قبل وقوع الجريمة، مشيراً الى ان أكبر المخاطر التي تواجه المجتمع في المستقبل القادم هي افرازات ظاهرة التشرد والعنف الطلابي والخمور البلدية وتعاطي المخدرات ،مشيراً الى ان الشرطة مهما فعلت لن تستطيع لوحدها اجتثاث هذه الظواهر .
الصحافة
بالامس القريب وانا قادم من سوق بحري بشارع الديوم قريب من قشلاق بحري شهدت بأم عيني خالتي تحرش جنسي بواسطة اطفال قصر ضد المارة من النساء خصوصابنات الجالية الاثيوبية او الارترية فالشبه بينهما واضح علي العموم قمت بتوجيه الصبية بأن هذا الفعل قلة ادب ان يقوم اطفال لايتجاوزو ال15 عام بالتحرش بالنساء من الخلف (نخسة) ..الشارع رئيسي المطلوب من شرطة الدوريات القيام بطوف يحزر الشباب والاطفال الجالسين في الطرقات من خطورة هذا الامر
لاحظوا معي للشيكات إيّاها
شيك التأمين الصحي
وشيك الشرطة
وشيك خدمات الصحة والتعليم والدور الايوائية والخدمات الاجتماعية
حتى حسبت ان الشيك الاخير هذا ( شيك سياحي )
و ما تزال بنود القبضة الامنية هي ألأهم ,,, وفق خيالاتهم المريضة
هههههههههههههههههههاعملتها ظاهرة ياود الخضر شكلها كانت قوية امبارح
أأمن عاصمة في افشل بلد لسنتين على التوالى 2012+2013وافسد بلد لخمس سنين على التوالى عزرا انا ماحاسب الصومال لظروف خاصة
ياخى الاختشو ماتو
تكذبون كماتتنفسون لعنة الله عليكم والكذب مابتفتشوا ليه قال أمن عاصمة في الدنيا !! من وين جبت الإحصائية دي ؟؟؟ من محكمة العدل الدولية؟؟؟ وله من وين يامنافق!!! بعدين إنته بقيت وزير داخلية ؟؟؟ لعنة الله عليكم يا أوقاد.
الليله الخرطوم حكموها بالذنديه
نايمه مجدعه عشان مليانه بالدوريه
والى آخر الزمن الساكن المهديه
مالينا كضب ويلغف صباح وعشيه
ياوالى السجم أرجى يوم الحساب
ولو صحى راجل نط خشم الباب
أفهم كويس عشان ماتقول كلام دراب
لو ما خليناك تبطل صلاة فى خلوة الكتياب
نكون نحن بجد كلاب اولاد كلاب
يا الوالى الخضر إنت زول حقير
عامل فيها دكتور يا بتاع الحمير
تاريخك بنعرفوا من ما كنت صغير
واحسن خليك مؤدب عشان مانتكلم كتير
الله يلعنك ويلعن وشك الخمير
صاح لانو الحرامية الكبار كلهم في الحكومة بمارسو سرقاتم في وضح النهار وبحماية الشرطة والامن احيانا
تعال دار السلام امبدة والثورة غرب الحارات والحاج يوسف والكلاكلة وسوق ليبيا والله انت ذاتك يقلعوك حتي لباسك ما تبقو دجالين انتو ما عارفين معاناة الناس لانكم ما عايشين معاهم حتي شرطتك البايظة دي لما يضربو ليها بقولو كويس جائيين( وعيك ) واللا قالوا تعالوا افتحو بلاغ عليكم الله سيبو الدجل
يا راجل
هاهاهاهاها انتو اليوم ده مالو كده من الصباح اى خبر قريتو للجماعه ديل كلو كضب وبعدين بعيد كل البعد عن الحقيقه .. قال الخرطوم اكثر بلد امنه فى الدنيا .. ياخى انا لمن انزل السودان اجازه بعد الساعه 12 ما بلف براى ولو ما طلعته من البيت بيكون افضل واريح .. نهايتهم قربت
هههههههههههههه ابوظبى والدوحة ومسقط والكويت و………..كوالالامبورواوسلوواتاوةوكامبيرا ووو….الخ ديل كلهن ماعواصم؟؟؟؟؟؟
انتو الراجل دا متخلف ولا شنو؟؟؟؟؟
(الخرطوم أكثر عاصمة آمنة في الدنيا) للحرامية والنصابين ومنتهكين الحقوق لان القانون يحميهم.
(وجدد التأكيد على ان الخرطوم أكثر عاصمة آمنة في الدنيا.) ——– عليك الله؟
النبي
What about Dubai
كلام بس قبل يومين وفي الفتيحاب بالتحديد زوجتي وهي عائدة من المستشفى حيث انها تعمل طبيبة وفي وضح النهار الساعة الثانية ظهراً بالضبط مر بها اثنان يركبون موتر وخطفوا الشنطة من يدها بما فيها ووقعت على الأرض من قوة السحب حيث تركت لهم الشنطة وعندما تم ابلاغ الشرطة قالوا لها إنه البلاغ الرابع من نفس الحي ، فلماذا هذه الفوضى ؟ إذن الجريمة لا زالت موجودة .
على هامان يا فرعون
نضحك بس ..
كما يقول المثل المصري .. (هّوه الكلام بفلوس) ؟؟
لانو ما في زول قبضكم يا حرامية( آمنة لمجرمي الإنقاذ)
+*** ياشيخ عادل العاجب على…انت عاجب ياتو فى العليين؟؟؟…على عثمان طه ولا على الحاج؟؟؟!!!عشان نعرف نتفاهم معاك…
+***بالله ياخوانا شوفو الزول لمن يجى يكضب بيكون ظاهر كيف من كلامو…كدى أسمعو اللولوة دى القاله شيخ عادل العاجب على أبوجلابية!…قال:-
(… مشيراً الى ان أكبر المخاطر التي تواجه المجتمع في المستقبل القادم هي افرازات ظاهرة التشرد والعنف الطلابي والخمور البلدية وتعاطي المخدرات ،مشيراً الى ان الشرطة مهما فعلت لن تستطيع لوحدها اجتثاث هذه الظواهر ….)..انتهى كلام شيخنا عادل العاجب على محمود حسنين…طيب…تشرد+عنف طلابى+خمور بلدية+تعاطى مخدرات+عطالة+فساد مسئولين…والشرطة كماتقول انت مهما فعلت…يعنى لو الشرطى اشتغل 72 ساعة فى اليوم…فان الشرطة وحدها لن تستطيع اجتثاث هذه الظواهر…وبما انو الشرطة لن تستطيع اجتثاث هذه الظواهر لو كسرت راسه..فالناتج المنطقى لكلامك انو انتشار الجريمة واستفحالها بما يفوق امكانات الشرطة…بعد ده كلو تقول ياشيخنا (…الخرطوم أكثر عاصمة آمنة فى الدنيا…)…انت اول شى دنياك دى ذاته حدها وين؟؟؟شارع الستين؟…ولا كافورى…؟؟…ولا انت نحنا فهمناك غلط زى ما حتقول بكرة فى الجريدة انو أنا لمن قلت التصريح… الصحفى نقلو محرف..أنا قلت الخرطوم أكتر عاصمة فيها اسم (آمنة) فى الدنيا!!!
توقعت ان ينط ليه ضابط او شرطى راجل ودراجل من المجتمعين ويقول ليه كضاااااااب كضاب والله
العظيم كضاب يبدو ان الوالى الهمام ترك الحرس والسلاح وعربات الامن المبارياه وبقى يتجول
بعد صلاة المغرب فى الخرطوم براااااااه ويركن عربيته بعييييييييييد ويمشى كدارى متفقدا رعيته
كدى يا يمه جيت لينا بتفقدنا راعينا الكمل النقرز راعينا كدى يا يمة جيت لينا
احكى ليكم ماقالته لى طفلة صغيرة عمرها خمس سنوات فى التلفون مساء امس الخميس رحوبة سمعتنى
فى الاجازة احكى لحبوبتها عن مميزات بلدنا السودان واقارن بينه وبين البلد حيث انا من بين
ماذكرته ان الحياة تتوقف بعد السا دسة مساء لانعدام الامن وانى حدث سنتين لم اشاهد نجوم
السماءولا القمر وافرح كالطفل بالاستمتاع بالليالى القمرية والنوم فى الحيشان وبعد المغرب
والانس مع الحبان عندما اصل السودان كانت الصغيرة تستمع مساء امس فى محادثة مع جدتها لفحت
التلفون قالت لى نحن بقينا زيكم قلت ليها كيف قالت زى بلدكم ثم سالت انت بتعرفى النقروز
رددتها بطريقة طفولية محببة قلت ليها نحن ذااتنا نقروز ما يعجبك لونك وشعرك قالت لى فى ناس كعبين اسمهم النقروز حامننا المرقة
وبخطفوا شنط النسوان البجوا من الشغل بعد العصر وبكتلوا الناس بالساطور وفاس ضبح
الخروف وناس عمر اخوى الجنهم بوش بقوا مابمشوا دكان البرقاوى وحكت لى قصص كثيرة وانا اسمع
حديث الصغيرة الصادق وهى تحكى ونفسها قابم وطلبت منهم عدم انهاء المحدثة وزفرة حاااارة
ودمعة احر منها جرت على خدى حزنا على السودان وكرفسة طفولته خوفا من النقروز
هذه هدية منى للوالى عبد الرحمن الخضر ومن يتبعونه ويصفقون له
فى جداده مسمى نفسه المهندس حينط لى هسع فى حلقومى ارجو من ادارة الراكوبة السماح بوصول هذه الهدية للجداد لكى يوصلوها للوالى
فى برنامج حالة استفهام الحلقه الماضيه تحدثوا عن ظاهرة النيقرز وقالوا انها متفشيه بصوره كبيره واتوا بامثله لضحايا ومن ضمنهم ظفل عمره ثمانيه سنوات راجع من المدرسه ضربوه واخذوا جواله واخذوا مائة جنيه كانت معه اذن الظاهره موجوده ولا داعى لانكارها . لو سمحتم يااخوتى ممكن واحد يشرح لى من هم هؤلاء النيقرز ومن اين اتوا لان هذه الظواهر دخيله على مجتمعنا . ربنا يحفظ بلدنا واهلنا