مناهج دراسية جديدة لمرحلتي الأساس والثانوي

ياخي حرام حرام عليكم دمرتو الاجيال بسنة ثامنة وتغيير المناهج المستمر كفاية دمار لاجيال خافو الله في مستقبل الاجيال سوف يسالكم الله علي هذه الافعال

رغم هذه البيئة البائسة ولكن انشاء الله يطلع منهم علماء وربنا يوفقهم ويحقق احلامهم

وهل تم الاتفاق علي اضافة السنة المفقودة ( اي مجموع 12 عام قبل الجامعة ) للثانوي كي يصير 4 اعوام أم اضافتها للابتدائي كي يصير 9 اعوام والحل الاخير يزيد المشكلة تعقيدآ بابقاء اطفال في عمر السابعة مع فتيان في عمر السابعة عشر مع صعوبة فصل المدارس الي جزئين في الوقت الراهن كما يدعي بعض المناصرين لهذا الحل .

الله يدمركم زي ما دمرتونا .. الواحد درس في الهند وجاء درس في اوروبا .. والله في البداية حاسس بإنو زي الاطرش في الزفة .. درست في مدرسة الخرطوم القديمة اللي سموها مجازاً نموذجية وتضم اوائل شرق النيل .. والله اول مرة اشوف معمل كان في سنة اولى صيدلة في الهند .. وكل الهنود اللي كانو معانا بيتعاملو مع ادوات المعمل زي ادوات المطبخ .. إلا اخوكم اللافي ساي .. روحنا طلعت عشان نقدر نندمج معاهم والحمد لله بعد فترة بقينا احسن منهم .. يعني المشكلة مافي اننا اغبياء لكن مالقينا اللي يعلمنا ..
دمرتو التعليم ولسه دايرين تدمروه وتدمرو الاجيال الجاية زي ما دمرتو جيلنا اللي حاليا في الجامعات وما عارف الحبه دي ..
لكن نقول ليكم شنو .. لتو واعجنو ساااااااي زووول سائلكم مافي .. البلد عدمت الرجال اليوقفوكم في حدكم .. نحن غايتو خليناها ليكم .. طفشت من السودان عمري 18 سنة والله اعلم ارجع متين ..
حرمتونا من احلامنا وطموحاتنا ومن لمة اهلنا واصحابنا .. الله يحرمكم من نعيم الدنيا والآخرة ..
حسبي الله ونعم الوكيل ..

والله يا اخى ( الكعوك) ضحكتنى شديد ما شاء الله عندك قوة ملاحظه الله يديك العافيه

تغيير المناهج اصبح في عهد الانقاذيين وسيلة تكسب لمطابع الصفوة من الانقاذيين الانتهازيين ولا شنو ياود خوجلي ؟؟ تنسم وزارات السودان كل غير مؤهل وليست وزارة التربية والتعليم بدعا تسنمها المسبوقةاسماؤهم بدكتور ومنبطق عليه مثلنا(( القلم ما بزيل بلم)) واصبحت جامعة امدرمان الاسلاميه كهف لمنح درجة الدكتواره ببحوث لا ترقي لمستوي بحوث التخرج لمعاهد تدريب المعلمين في عهدناواصبح كل متحزلق حفظ كليمات من ريدر 6 و7 ليبثها وسط حشو كلامه كذرات سكر وديكور ثقافه وفصاحه . ولقد قلنا في السابق لا يصلح امر التعليم إلا بما صلح به أوله اتركو تسيس التعليم وردوا الأمر إلي أهله وأعيدوا المناهج لبخت الرضاء وللمؤهلين لوضع المناهج دون تميز للونهم السياسي واتركونا من أصحاب الولاءات الفاسده والفارغه الذين ملأتم بهم الخدمه المدنيه وجئتم بكل جاهل وفاسد ليفسدوا حياة الشعب السوداني كنا خير أمة تعلمت حتي جئتمونا أنتم لا بارك الله فيكم وأفسدتم جامعاتنا ومدارسنا ومناهجنا اللهم عليك بهم وخذهم أخذ عزيز مقتدر فهؤلاء القوم أشاعوا كل مفسدة باسم الدين والدين بريْء مما يدعون .

بلا فلسفة وتجارب فاشلة ارجعوا طه القرشي كما كان
وارجعواالابتدائي 4 سنوات الوسطى 4 سنوات الثانوي 4 سنوات ثم الجامعه
لسنا في حاجة مناعج يرددها التلاميذ ببلاهة دون فهمها
لسنا في حاجة للمواد الكثيرة التي ينؤ الطالب من حمل كتبها
نريد مناهج تحفز ذهن التلميذ ويفهمها بدلا عن المناهج الحاليه التى هي للحفظ والترديد وليست للفهم
يكفي ان جيل باكمله لوتعطيه املاء من كتاب الكشكول بتاع زمان يسقط فيها بكامله
خافوا الله في التلاميذ من تجاربكم الفاشلة

التي تم إعدادها من قبل مختصين وخبراء في المناهج من قبل وزارة التربية والتعليم العام،عندما يكون الموضوع يخص التعليم يجب علينا ان نكون موضوعيين فى هذا الجانب
1/ المعلمين الذين يطلق عليهم خبراء فى بخت الرضا ليس بالخبراء هل يوجد خبير يركز ذهنه وعقله اولا واخير على الامتيازات والعلاوات عند نهاية كل شهر ولا يهمه ماذا يحصل من ضعف للمناهج
2/ وهل تغير المناهج اثبتت جدواها عند مرور جليين عليها جيل التسعينات وحتى الفين وعشرة وهل هذا المنهج يتناسب مع امكانياتنا الجغرافية والمادية والبشرية
3/ لماذا فى كل عام نلجأ الى تنقيح المناهج علما ان المنهج يوضع لأجيال من البشر
4/ثم ماهى الفلسفة والاسس التى اداة الى تغير المنهج
5/ لماذا يتم تغير النظام التعليمى فى السودان من قبل العسكريين عندما كان نظام التعليم 4 -4 – 4-4 جاء نميرى واخذ سنة من المتوسطة وسنة الثانوى واصبح النظام التعليمى 6- 3 -3 -4 واخيرا الانقاذ حذفت مرحلة البناء وتكوين شخصية الطالب الى الثانوى (المرحلة المتوسطة) نهائيا اى بمعنى حذفت سنة من المتوسطة ونزلت سنتين الى اسفل واصبح نظام التعليم كالاتى 8 -3 – 4 اشبه باتفاق نيفاشا